മലപ്പുറം ഗവ. ഗേള്‍സ് ഹയര്‍ സെക്കന്‍ഡറി സ്‌കൂളില്‍ മലയാളം, പൊളിറ്റിക്കല്‍ സയന്‍സ്, ഇംഗ്ലീഷ് (ജൂനയര്‍), ഫിസിക്‌സ് (ജൂനിയര്‍), സുവോളജി എന്നീ തസ്തികയിലേക്ക് ദിവസ വേതനാടിസ്ഥാനത്തില്‍ അധ്യാപക നിയമനത്തിന് അപേക്ഷ ക്ഷണിച്ചു.  താത്പര്യമുള്ളവര്‍ മെയ് 24ന് രാവിലെ 10ന് അസ്സല്‍ രേഖകള്‍ സഹിതം സ്‌കൂളില്‍ എത്തണം.

മഞ്ചേരി ഗവ. ടെക്‌നിക്കല്‍ ഹൈസ്‌കൂളില്‍ ഒഴിവുള്ള പാര്‍ട്ട് ടൈം മലയാളം അധ്യാപക തസ്തികയിലേക്ക് അതിഥി അധ്യാപക നിയനത്തിന് അപേക്ഷ ക്ഷണിച്ചു.  താത്പര്യമുള്ളവര്‍ അസ്സല്‍ രേഖകള്‍ സഹിതം മെയ് 29ന് രാവിലെ 10.30ന് കൂടിക്കാഴ്ചക്കായി സ്ഥാപനത്തില്‍ എത്തണം.  ഫോണ്‍ 0483 2766185.

ഹരിത കേരളം പദ്ധതിയുടെ ഭാഗമായി ജില്ലയില്‍ വിവിധ ഇനങ്ങളിലുള്ള 5,75,000 വിവിധയിനത്തില്‍പ്പെട്ട തൈകള്‍ വിതരണത്തിന് തയ്യാറായി. ജൂണ്‍ അഞ്ച് ലോക പരിസ്ഥിതി ദിനത്തോടനുബന്ധിച്ചാണ് വൃക്ഷതൈകള്‍ വിതരണം ചെയ്യുക.   വനംവകുപ്പ് സാമൂഹ്യ വനവല്‍ക്കരണ വിഭാഗത്തിന്റെ തിരുവാലി, ഉദിരകുളം എന്നീ നഴ്‌സറികളിലായാണ് തൈകള്‍  തയ്യാറാക്കിയത്. വിദ്യാഭ്യാസ  സ്ഥാപനങ്ങള്‍, തദ്ദേശസ്വയം ഭരണ സ്ഥാപനങ്ങള്‍, സര്‍ക്കാര്‍ സ്ഥാപനങ്ങള്‍, യുവജന സംഘടനകള്‍, മത സ്ഥാപനങ്ങള്‍, എന്‍.ജി.ഒ.കള്‍, മാധ്യമ സ്ഥാപനങ്ങള്‍ മുതലായവക്ക് വിതരണം ചെയ്യും.

വോട്ടെണ്ണലിന് വയനാട് മണ്ഡലത്തില്‍ നിയോഗിക്കപ്പെട്ട നിരീക്ഷകര്‍ ജില്ലയിലെത്തി. എസ്.കെ.എം.ജെ യിലെ വോട്ടെണ്ണല്‍ കേന്ദ്രത്തില്‍ കല്‍പ്പറ്റ നിയോജക മണ്ഡലത്തില്‍ ഹരിഷ് ഗഡ്ജു, മാനന്തവാടിയില്‍ ടാഷി സന്തൂപ്,    സുല്‍ത്താന്‍ ബത്തേരിയില്‍ രാഗേഷ് കുമാര്‍ കൊര്‍ള എന്നിവരാണ് നിരീക്ഷകര്‍. എസ് കെഎംജെ ഹൈസ്‌കൂളില്‍ ഒബ്‌സര്‍വര്‍മാര്‍ സന്ദര്‍ശനം നടത്തി. 

മീനങ്ങാടി ഗവ.പോളിടെക്‌നിക് കോളജില്‍ മെക്കാനിക്കല്‍ എഞ്ചിനീയറിംഗ് വകുപ്പില്‍ ഗസ്റ്റ് അധ്യാപകരെ നിയമിക്കുന്നു.  ബന്ധപ്പെട്ട വിഷയത്തില്‍ ഒന്നാം ക്ലാസ് ബി.ടെക്/ബി.ഇ. യോഗ്യതയുള്ള ഉദേ്യാഗാര്‍ത്ഥികള്‍ യോഗ്യത സര്‍ട്ടിഫിക്കറ്റുകളുമായി മെയ് 24ന് രാവിലെ 10ന്  ഓഫീസില്‍ ഹാജരാകണം.  എഴുത്തു പരീക്ഷയുടെയും അഭിമുഖത്തിന്റെയും അടിസ്ഥാനത്തിലായിരിക്കും നിയമനം.