കടന്നുപോയ സാമ്പത്തിക പ്രതിസന്ധിയിലും തളരാതെ വികസന പ്രതീക്ഷയുമായി സര്‍ക്കാര്‍ എന്നും ജനങ്ങള്‍ക്കൊപ്പമെന്ന്‌ പൊതു വിദ്യാഭ്യാസ വകുപ്പ്‌ മന്ത്രി പ്രൊഫ സി രവീന്ദ്ര നാഥ്‌.ചരിത്രത്തില്‍ ഏറ്റവും കൂടുതല്‍ ദുരന്തങ്ങള്‍ നേരിടേണ്ടിവന്ന ഈ സര്‍ക്കാരിന്‌ സാമ്പത്തികമായി നാടിന്റെ വികസന സ്വപ്‌നത്തിലേക്ക്‌ നടന്നടുക്കുവാന്‍ നേരിടേണ്ടിവന്ന കടമ്പകള്‍ വളരെ വലുതാണ്‌ എന്നും അദ്ദേഹം കൂട്ടിച്ചേര്‍ത്തു. ഇരിങ്ങാലക്കുട റൂറല്‍ ജില്ലാ ട്രഷറിയുടെയും മുകുന്ദപുരം സബ്‌ ട്രഷറിയുടെയും പുതിയ മന്ദിരങ്ങളുടെ പ്രവര്‍ത്തനോദ്‌ഘാടനം നിര്‍വഹച്ചു സംസാരിക്കുകയായിരുന്നു അദ്ദേഹം.

ടൂറിസം മേഖലയിൽ തദ്ദേശീയരുടെ വികസന സാധ്യതകൾ അവലോകനം ചെയ്ത് ഉത്തരവാദിത്ത ടൂറിസം ശില്പശാല .ഉത്തരവാദിത്ത ടുറിസം മിഷൻ, ടൂറിസം വകുപ്പ് എന്നിവയുടെ സംയുക്താഭിമുഖ്യത്തിൽ ധർമ്മടം മണ്ഡലത്തിൽ നടപ്പിലാക്കുന്ന ഉത്തരവാദിത്ത ടൂറിസം പദ്ധതിയുടെ ഉദ്ഘാടനവും ഏകദിന അവബോധ ശിൽപശാലയും ജില്ലാ പഞ്ചായത്ത് പ്രസിഡണ്ട് കെ വി സുമേഷ് ഉദ്ഘാടനം ചെയ്തു. കഴിഞ്ഞ കാലങ്ങളിൽ നടന്നത് ചർച്ചകളാണെങ്കിൽ ഈ സർക്കാർ അധികാരത്തിലെത്തിയ ശേഷം വിനോദസഞ്ചാരവുമായി ബന്ധപ്പെട്ട വിവിധ പദ്ധതികളാണ് നടപ്പിലാക്കിയതെന്ന് കെ വി സുമേഷ് പറഞ്ഞു. 

കൊടുങ്ങല്ലൂര്‍ നഗരസഭയില്‍ ഭിന്നശേഷിക്കാര്‍ക്കായി ഇലക്ട്രോണിക്ക്‌ വീല്‍ചെയര്‍ വിതരണം ചെയ്‌തു. 90,000 രൂപ വിലയുളള ഇലക്ട്രോണിക്‌ വീല്‍ ചെയറുകളാണ്‌ വിതരണം ചെയ്‌തത്‌. നഗരസഭ ഓഫീസ്‌ പരിസരത്ത്‌ ചേര്‍ന്ന യോഗത്തില്‍ നഗരസഭ ചെയര്‍മാന്‍ കെ. ആര്‍. ജൈത്രന്‍ വിതരാണോദ്‌ഘാടനം നിര്‍വ്വഹിച്ചു. സ്റ്റാന്റിങ്‌ കമ്മിറ്റി ചെയര്‍പേഴ്‌സണ്‍ ശോഭ ജോഷി അദ്ധ്യക്ഷത വഹിച്ചു. വൈസ്‌ ചെയര്‍പേഴ്‌സണ്‍ ഹണി പീതാംബരന്‍, കൗണ്‌സിലര്‍മാരായ കെ. എസ്‌. കൈസാബ്‌, സി.കെ.രാമനാഥന്‍, പി. എന്‍.

സംസ്ഥാന സർക്കാരിന്റെ ആയിരം ദിനാഘോഷങ്ങളുടെ ഭാഗമായി ഫിബ്രവരി 27ന് മാരത്തോൺ സംഘടിപ്പിക്കുന്നു. കണ്ണൂർ നഗരത്തിൽ രാവിലെ ആറ് മണിക്കാണ് മാരത്തോൺ നടക്കുക. സ്ത്രീകൾ, പുരുഷൻമാർ, എന്നീ രണ്ട് വിഭാഗങ്ങളിലായിട്ടാണ് മാരത്തോൺ മത്സരം. എല്ലാ വിഭാഗമാളുകളും അണിനിരക്കുന്ന ഫൺ റൺ മാരത്തോണും നടക്കും. മത്സര വിഭാഗത്തിൽ ഒന്നും രണ്ടും മൂന്നും സ്ഥാനം നേടുന്നവർക്ക് യഥാക്രമം 10,000, 5000, 3000 രൂപ വീതം കാഷ് പ്രൈസ് നൽകും. പങ്കെടുക്കുന്നവർക്ക് 25 വരെ ജില്ലാ ഇൻഫർമേഷൻ ഓഫീസിലും ജില്ലാ സ്പോട്സ് കൗൺസിലിലും രജിസ്റ്റർ ചെയ്യാം. വീ ആർ കണ്ണൂർ പേജ് വഴി ഓൺലൈനായും രജിസ്റ്റർ ചെയ്യാം.

നിരക്ഷരെ സാക്ഷരരാക്കുന്നതിനുളള പദ്ധതികളുടെ സംസ്ഥാന തല ഉദ്‌ഘാടനം ഫെബ്രുവരി 26 വൈകീട്ട്‌ 3 ന്‌ കൊടകര ബ്ലോക്ക്‌ ഹാളില്‍ വിദ്യാഭ്യാസ വകുപ്പ്‌ മന്ത്രി പ്രൊഫ. സി രവീന്ദ്രനാഥ്‌ നിര്‍വഹിക്കും. ജില്ലാ പഞ്ചായത്ത്‌ പ്രസിഡണ്ട്‌ മേരി തോമസ്‌ അദ്ധ്യക്ഷത വഹിക്കും. സംസ്ഥാന സാക്ഷരതാമിഷന്‍ ഡയറക്‌ടര്‍ ഡോ.പി.എസ്‌ ശ്രീകല, കൊടകര ബ്ലോക്ക്‌പഞ്ചായത്ത്‌ അമ്പിളി സോമന്‍, ജില്ലാ പഞ്ചായത്ത്‌ വൈസ്‌ പ്രസിഡണ്ട്‌ എന്‍.കെ ഉദയപ്രകാശ്‌, വിദ്യാഭ്യാസ സ്റ്റാന്‍ഡിങ്ങ്‌ കമ്മിറ്റി ചെയര്‍പേഴ്‌സണ്‍ മഞ്‌ജുളാരുണന്‍ തുടങ്ങിയവര്‍ പങ്കെടുക്കും. 

എക്‌സ്‌പ്രസ്സ്‌ റിക്രൂട്ട്‌മെന്റ്‌ ഫെബ്രുവരി 28 ന്‌ രാവിലെ 11.30 ന്‌ നോര്‍ക്ക റൂട്ട്‌സിന്റെ ആസ്ഥാനമായ തിരുവനന്തപുരത്ത്‌ നടക്കും. റിക്രൂട്ട്‌മെന്റില്‍ പങ്കെടുക്കാന്‍ താല്‍പര്യമുള്ള ഉദ്യോഗാര്‍ത്ഥികള്‍ rmt4.norka@kerala.gov.in എന്ന ഇ-മെയില്‍ വിലാസത്തില്‍ ബയോഡാറ്റ അയ്‌ക്കണം. കൂടുതല്‍ വിവരങ്ങള്‍ക്ക്‌ ഫോണ്‍ : 0471-2770500.

മന്ത്രിസഭയുടെ ആയിരം ദിനാഘോഷങ്ങളുടെ ഭാഗമായി ജില്ലാ ഇൻഫർമേഷൻ വകുപ്പ് ലൈബ്രറി കൗൺസിലിന്റെയും ചലച്ചിത്ര അക്കാദമിയുടെയും സഹകരണത്തോടെ  സംഘടിപ്പിച്ച അതിജീവനം ഡോക്യുമെന്ററി ഫെസ്റ്റിവലിന്റെ ഭാഗമായുള്ള സിനിമാ ക്യാമ്പ് സമാപിച്ചു. 

കുവൈറ്റിലേക്ക്‌ ഗാര്‍ഹികതൊഴിലാളി, കെയര്‍ടേക്കര്‍, ടെയിലര്‍, എന്നി തസ്‌തികളില്‍ മുപ്പതിനും നാല്‌പ്പതിനും മധ്യേ പ്രായമുള്ള വനിതകളെ നോര്‍ക്ക റൂട്ട്‌സ്‌ തെരഞ്ഞെടുക്കുന്നു. ഏകദേശം ശമ്പളം 28000-40000 രൂപ. തെരഞ്ഞടുക്കപ്പെടുന്നവര്‍ക്ക്‌ വിസ, വിമാന ടിക്കറ്റ്‌, താമസം, ഭക്ഷണം എന്നിവ ഉള്‍പ്പെടെ റിക്രൂട്ട്‌മെന്റും തികച്ചും സൗജന്യമാണ്‌. താല്‍പര്യമുള്ളവര്‍ ബയോഡാറ്റയും ഫുള്‍ സൈസ്‌ ഫോട്ടോയും ഫെബ്രുവരി 28 നകം norkadsw@gmail.com എന്ന ഇ-മെയില്‍ വിലാസത്തില്‍ അയ്‌ക്കണം. കൂടുതല്‍ വിവരങ്ങള്‍ക്ക്‌ ഫോണ്‍ : 1800-425-3939.

നാട്ടിക ഗ്രാമപഞ്ചായത്തിന്റെ 2019-20 സാമ്പത്തിക വര്‍ഷത്തെ ബജറ്റ്‌ അവതരിപ്പിച്ചു. ദരിദ്രനിര്‍മ്മാര്‍ജ്ജനം, കാര്‍ഷികവികസനം ഭവന നിര്‍മ്മാണം, ആരോഗ്യമേഖല എന്നിവക്ക്‌ ഉന്നല്‍നല്‍കുന്ന ബഡ്‌ജറ്റ്‌ പഞ്ചായത്‌ പ്രസിഡന്റ്‌ പി വിനുവിന്റെ അധ്യക്ഷതയില്‍ വൈസ്‌ പ്രേസിഡന്റ്‌ കെ എ ഷൗക്കത്തലി അവതരിപ്പിച്ചു. 13.22 കോടി വരവും 12.87 കോടി ചിലവും 34.24 ലക്ഷം നീക്കിയിരിപ്പുമുള്ള ബജറ്റില്‍ ദാരിദ്രനിര്‍മാര്‍ജനത്തിന്‌ 1.80 കോടി, അടിസ്ഥാന സൗകര്യ വികസനത്തിന്‌ 1.24 കോടി, കാര്‍ഷികമേഖലക്കു 68.74 ലക്ഷം, ഭവന നിര്‍മ്മാണത്തിന്‌ 50.7 ലക്ഷം രൂപയും ആരോഗ്യമേഖലക്കു 25 ലക്ഷം രൂപയുമാണ്‌ മാറ്റിവെച്ചിരിക്കുന്നതു.

കേരള സംസ്ഥാന വെയര്‍ ഹൗസിങ്‌ കോര്‍പ്പറേഷന്‍ നവീകരിച്ച തൃശൂര്‍ ജനറല്‍ ആശുപത്രിയിലെ അമ്മമാരുടെയും നവജാത ശിശുക്കളുടെയും വാര്‍ഡിന്റെ ഉദ്‌ഘാടനം ചൊവ്വാഴ്‌ച (ഫെബ്രുവരി 26) നടക്കും. രാവിലെ 11 ന്‌ കൃഷിവകുപ്പ്‌ മന്ത്രി അഡ്വ. വി.എസ്‌ സുനില്‍കുമാര്‍ ഉദ്‌ഘാടനം ചെയ്യും. മേയര്‍ അജിത വിജയന്‍ അധ്യക്ഷത വഹിക്കും. സി.എന്‍ ജയദേവന്‍ എം പി മുഖ്യാതിഥിയാകും.