കൊച്ചി: ഭാരതീയ നാവികസേനിയില്‍ നിന്ന് വിരമിച്ച വിമുക്തഭടന്മാരുടെയും വിധവകളുടെയും സര്‍വീസ് സംബന്ധമായ പ്രശ്‌നപരിഹാരത്തിനും ക്ഷേമ പ്രവര്‍ത്തനങ്ങളുടെ ബോധവത്കരണത്തിനുമായി ഐ.എന്‍.എസ് വെണ്ടുരുത്തിയില്‍ നിന്നുളള ഉദ്യോഗസ്ഥര്‍ മെയ് 31-ന് രാവിലെ 11 മുതല്‍ കാക്കനാടുളള ജില്ലാ സൈനിക ക്ഷേമ ഓഫീസില്‍ ക്യാമ്പ് നടത്തുന്നു.

കൊച്ചി: എറണാകുളം  ജില്ലാ എംപ്ലോയ്‌മെന്റ് എക്‌സ്‌ചേഞ്ചില്‍ പ്രവര്‍ത്തിക്കുന്ന എംപ്ലോയബിലിറ്റി സെന്ററില്‍ വിവിധ സ്വകാര്യ സ്ഥാപനങ്ങളിലെ  ഇനിപറയുന്ന ഒഴിവുകളിലേക്ക് മെയ് 31-ന് അഭിമുഖം നടത്തുന്നു.

കൊച്ചി: കോളേജ് ഓഫ് ടീച്ചര്‍ എഡ്യൂക്കേഷന്, തൃപ്പൂണിത്തുറ (ബി.എഡ്. സെന്റര്‍, തൃപ്പൂണിത്തുറ) യിലേക്ക് 2019-21 വര്‍ഷത്തേയ്ക്കുള്ള ദ്വിവത്സര ബി.എഡ്. കോഴ്‌സിനുള്ള അപേക്ഷ ക്ഷണിക്കുന്നു. മലയാളം, സംസ്‌കൃതം, മാത്തമാറ്റിക്‌സ്, ഫിസിക്കല്‍ സയന്‍സ്, സോഷ്യല്‍ സയന്‍സ് എന്നീ വിഷയങ്ങളില്‍ ഒഴിവുകള്‍ ഉണ്ട്. ഓണ്‍ലൈനായി അപേക്ഷ സമര്‍പ്പിക്കുന്നതിനുള്ള അവസാന തീയതി മെയ് 31.  അപേക്ഷയുടെ പ്രിന്റ് ഔട്ട് കോളേജില്‍ ഏല്‍പ്പിക്കുന്നതിനുള്ള അവസാന തീയതി ജൂണ്‍ ആറ്.  കൂടുതല്‍ വിവരങ്ങള്‍ക്ക് 0484 2784656 അല്ലെങ്കില്‍ 9446288278 നമ്പരുകളിലേയ്ക്ക് വിളിക്കുകയോ,www.cpas.ac.in എന്ന വെബ്‌സൈറ്റ് പരിശോധിക്കുകയോ ചെയ്യുക.

തിരൂര്‍ താലൂക്ക് സപ്ലൈ ഓഫീസില്‍ ഉപയോഗിച്ചിരുന്ന കെ.എല്‍ 01 ഇ 7556 നമ്പര്‍ മഹീന്ദ്ര ജീപ്പ് ജൂണ്‍ 11ന് രാവിലെ 11ന് സപ്ലൈ ഓഫീസില്‍ ലേലം ചെയ്യും.

പ്രകൃതിക്ഷോഭം മൂലം ഉണ്ടാകാന്‍ സാധ്യതയുള്ള ദുരന്തങ്ങള്‍ ഫലപ്രദമായി നേരിടുന്നതിനും ദുരന്തനിവാരണ പ്രവൃത്തികള്‍ നടത്തുന്നതിനുമായി ജെ.സി.ബി, ക്രെയിന്‍ തുടങ്ങിയവയുടെ ഉടമസ്ഥരില്‍ നിന്നും ക്വട്ടേഷന്‍ ക്ഷണിച്ചു. ക്വട്ടേഷന്‍ മെയ് 29ന് വൈകുന്നേരം മൂന്നിനകം ഏറനാട് താലൂക്ക് തഹസില്‍ദാര്‍ക്ക് ലഭിക്കണം.

അന്താരാഷ്ട്ര പുകയില വിരുദ്ധ വാരാചരണവും വിമുക്തി ലഹരിമോചന ചികിത്സ - ആശയ സമന്വയവും ഇന്ന് (മേയ് 29) രാവിലെ 10. 30 ന് മലപ്പുറം മുനിസിപ്പല്‍ ടൗണ്‍ ഹാളില്‍ എക്‌സൈസ് കമ്മീഷണര്‍ ഋഷിരാജ് സിംഗ് ഉദ്ഘാടനം ചെയ്യും. മലപ്പുറം നഗരസഭ ചെയര്‍പേഴ്‌സണ്‍ സി.എച്ച് ജമീല അധ്യക്ഷത  വഹിക്കും. എക്‌സൈസ്, ആരോഗ്യം, വിദ്യാഭ്യാസം, സാമൂഹ്യനീതി വകുപ്പുകളുടെ നേതൃത്വത്തിലാണ് പരിപാടി.

കുഴിമണ്ണ ഗവ. ഹയര്‍ സെക്കന്‍ഡറി സ്‌കൂളില്‍ മാത്‌സ്, ബോട്ടണി, ഇംഗ്ലീഷ്, പൊളിറ്റിക്കല്‍ സയന്‍സ്, ജ്യോഗ്രഫി, ഹിസ്റ്ററി എന്നീ വിഷയങ്ങളില്‍ ദിവസ വേതന അടിസ്ഥാനത്തില്‍ അധ്യാപകരെ നിയമിക്കുന്നു. താത്പര്യമുള്ളവര്‍ സര്‍ട്ടിഫിക്കറ്റുകളോടു കൂടി മെയ് 30ന് നടക്കുന്ന ഇന്റര്‍വ്യൂവിനു ഹാജരാകണം.