മാറഞ്ചേരി ഗവ. ഹയര്‍ സെക്കന്‍ഡറി സ്‌കൂളില്‍ ആധുനിക സൗകര്യങ്ങളോടെ  നിര്‍മ്മിച്ച മൂന്ന് നില കെട്ടിടം സ്പീക്കര്‍ പി. ശ്രീരാമകൃഷ്ണന്‍ ഇന്ന് ( മെയ് 30) ഉദ്ഘാടനം ചെയ്യും. മൂന്നര കോടി ചെലവഴിച്ച് നിര്‍മ്മിച്ച കെട്ടിടത്തില്‍ ഹൈടെക് സൗകര്യങ്ങളോടു കൂടിയ 11 ക്ലാസ് മുറികളും ആധുനിക രീതിയിലുള്ള അടുക്കളയുമുണ്ട്.  2018 സെപ്റ്റംബറില്‍ തുടങ്ങിയ നിര്‍മ്മാണം  ഏഴ് മാസം കൊണ്ടാണ് പൂര്‍ത്തിയാക്കിയത്. മൂന്ന് വര്‍ഷം മുമ്പാണ് എം എല്‍ എ യുടെ ആസ്തി  വികസന ഫണ്ടില്‍ നിന്ന് ഒരു കോടി ചെലവഴിച്ച് ഇരുനില കെട്ടിടം സ്‌കൂളില്‍ നിര്‍മ്മിച്ചത്.

കടലില്‍ അകപ്പെട്ടവരെ രക്ഷപ്പെടുത്തുന്നതിനായി കടല്‍ രക്ഷാ പ്രവര്‍ത്തകരെ നിയമിക്കുന്നതിന് അപേക്ഷ ക്ഷണിച്ചു.  താല്‍പര്യമുള്ളവര്‍ അസ്സല്‍ രേഖകളുമായി ജൂണ്‍ മൂന്നിന് രാവിലെ 10.30ന് കൂടിക്കാഴ്ചക്കായി പൊന്നാനി ഫിഷറീസ് ഡെപ്യൂട്ടി ഡയറക്ടറുടെ കാര്യാലയത്തില്‍ എത്തണം.   പ്രായ പരിധി 45 വയസ്സ്. ഫോണ്‍ 0494 2666428.

 സംസ്ഥാനത്തെ സർക്കാർ/എയ്ഡഡ്/സ്വാശ്രയ മേഖലകളിലെ അധ്യാപക പരിശീലന കേന്ദ്രങ്ങളിൽ ഡിപ്ലോമ ഇൻ എലമെന്ററി എഡ്യൂക്കേഷൻ (ഡി.എൽ.എഡ്) കോഴ്‌സ് പ്രവേശനത്തിന് അപേക്ഷകൾ ക്ഷണിച്ചു. നിർദിഷ്ട ഫോറത്തിൽ പൂരിപ്പിച്ച അപേക്ഷകൾ ജൂൺ 12ന് വൈകിട്ട് അഞ്ചിന് മുൻപ് ബന്ധപ്പെട്ട വിദ്യാഭ്യാസ ഉപ ഡയറക്ടർമാർക്ക് സമർപ്പിക്കണം. വിജ്ഞാപനത്തിന്റേയും അപേക്ഷാഫോമിന്റെയും പൂർണവിവരങ്ങൾ www.education.kerala.gov.in എന്ന വെബ്‌സൈറ്റിലും എല്ലാ വിദ്യാഭ്യാസ ഉപഡയറക്ടർ ഓഫീസുകളിലും ലഭ്യമാണ്.
പി.എൻ.എക്സ്. 1538/19

കെ.ജി.റ്റി കൊമേഴ്‌സ് പരീക്ഷയ്ക്ക് ഓൺലൈനായി അപേക്ഷിക്കുന്നതിനുള്ള തിയതി മേയ് 31വരെയും അപേക്ഷയുടെ ഹാർഡ്‌കോപ്പി പരീക്ഷാഭവനിൽ ലഭ്യമാക്കുന്നതിന് ജൂൺ ആറ് വരെയും സമയം നീട്ടിയതായി പരീക്ഷാഭവൻ സെക്രട്ടറി അറിയിച്ചു.
പി.എൻ.എക്സ്. 1537/19

ജില്ലയില്‍ മണ്‍സൂണ്‍കാല ട്രോളിങ് നിരോധനം ജൂണ്‍ ഒമ്പതിന് അര്‍ധരാത്രി മുതല്‍ നിലവില്‍ വരും. ജൂലൈ 31 അര്‍ധരാത്രി വരെയാണ് നിരോധനം.  ട്രോളിങ് നിരോധനം സംബന്ധിച്ചും കടലോര രക്ഷാ പ്രവര്‍ത്തനം സംബന്ധിച്ചും ജില്ലാ കലക്ടര്‍ അമിത് മീണയുടെ അധ്യക്ഷതയില്‍ മത്സ്യബന്ധന തൊഴിലാളി പ്രതിനിധികളുടെയും വകുപ്പുതല മേധാവികളുടെയും യോഗം ചേര്‍ന്നു.

ഐ.എച്ച്.ആർ.ഡിയുടെ കീഴിൽ പ്രവർത്തിക്കുന്ന എട്ട് മോഡൽ പോളിടെക്‌നിക് കോളേജുകളിൽ ഡിപ്ലോമ പ്രവേശനത്തിന് അപേക്ഷിക്കാം. ജൂൺ എട്ട് വൈകിട്ട് അഞ്ച് വരെ www.ihrdmptc.org വഴി അപേക്ഷകൾ സമർപ്പിക്കാം. ഓൺലൈനായി സമർപ്പിച്ച അപേക്ഷയുടെ പകർപ്പ് മറ്റ് അനുബന്ധങ്ങൾ സഹിതം ജൂൺ 10ന് വൈകിട്ട് അഞ്ചിന് മുൻപ് പ്രവേശനം ആഗ്രഹിക്കുന്ന കോളേജ് പ്രിൻസിപ്പലിന് നൽകണം. വിശദവിവരങ്ങൾ അഡ്മിഷൻ പോർട്ടലിൽ ലഭ്യമാണ്.
പി.എൻ.എക്സ്. 1536/19

തിരുവനന്തപുരം സർക്കാർ വനിത കോളേജിൽ സ്റ്റാറ്റിസ്റ്റിക്‌സ് വിഭാഗത്തിൽ ഗസ്റ്റ് അധ്യാപക നിയമനത്തിനുളള ഇന്റർവ്യൂ ജൂൺ മൂന്നിനും കമ്പ്യൂട്ടർ സയൻസ് വിഭാഗത്തിൽ മേയ് 31നും രാവിലെ 11ന് നടക്കും. കോളേജ് വിദ്യാഭ്യാസ വകുപ്പ് ഡപ്യൂട്ടി ഡയറക്ടർമാരുടെ മേഖലാ ഓഫീസുകളിൽ ഗസ്റ്റ് ലക്ചർമാരുടെ പാനലിൽ പേര് രജിസ്റ്റർ ചെയ്തിട്ടുളള ഉദ്യോഗാർത്ഥികൾ യോഗ്യത, ജനനത്തിയതി, മുൻപരിചയം ഇവ തെളിയിക്കുന്നതിനുളള അസ്സൽ സർട്ടിഫിക്കറ്റുകൾ, മേഖലാ ഓഫീസിൽ രജിസ്റ്റർ ചെയ്തത് തെളിയിക്കുന്നതിനുളള രേഖകൾ സഹിതം അഭിമുഖത്തിന് എത്തണം.
പി.എൻ.എക്സ്. 1535/19