പാട്ടിന്റെ താളത്തിനൊത്ത് ബ്രഷുകള്‍ ചലിച്ചപ്പോള്‍അത് പാട്ടിനൊത്ത ദൃശ്യാവിഷ്‌കാര മാവുകയായിരുന്നു. മികവിന്റെആയിരം ദിനാഘോഷം നടക്കുന്ന തിരൂര്‍ സാംസ്‌കാരിക സമുച്ചയത്തില്‍ മലപ്പുറംകൈറ്റിന്റെ നേതൃത്വത്തില്‍ നടന്ന സര്‍ഗ്ഗസമന്വയം പരിപാടി പഠന പ്രക്രിയയില്‍കലകള്‍ക്കുള്ള പ്രാധാന്യം വിളിച്ചോതു ന്നതായിരുന്നു.

സാമൂഹ്യ സുരക്ഷാ മിഷന്‍ ബുദ്ധിപരമായ വെല്ലുവിളികള്‍ നേരിടുന്നവരുടെ രക്ഷിതാക്കള്‍ക്കായി വിവിധ തെറാപ്പികളിലും ദൈനംദിന കാര്യങ്ങള്‍ നിര്‍വ്വഹിക്കുന്നതിനും കുട്ടികളെ പരിശീലിപ്പിക്കുന്നതിന് പരിശീലകരെ നിയമിക്കുന്നു.    ഫിസിയോതെറാപ്പി, സൈക്കോതെറാപ്പി, ഒക്യൂപ്പേഷണല്‍ തെറാപ്പി, സ്പീച്ച് തെറാപ്പി, സ്‌പെഷ്യല്‍ എഡ്യുക്കേഷന്‍ എന്നിവയില്‍ യോഗ്യതയുള്ളവര്‍ക്ക് അപേക്ഷിക്കാം.  താല്‍പര്യമുള്ളവര്‍ ഫെബ്രുവരി 28ന്  കുന്നുമ്മല്‍ പ്രശാന്ത് ഓഡിറ്റോറിയത്തില്‍ എത്തണം.  ഫോണ്‍ 9446411153, 7034029297.

മഞ്ചേരി നിരത്ത് ഉപവിഭാഗം അസിസ്റ്റന്റ് എക്‌സിക്യൂട്ടീവ് എഞ്ചിനീയറുടെ അധികാര പരിധിയിലുള്ള അരീക്കോട് - മഞ്ചേരി റോഡിലെ കാവനൂര്‍ ടൗണ്‍ ഭാഗത്തുള്ള റോഡ് വികസനത്തിന് തടസ്സമായ 25 പലജാതി മരങ്ങള്‍ ഫെബ്രുവരി 28ന് മഞ്ചേരി സെക്ഷന്‍ ഓഫീസില്‍ ലേലം ചെയ്യും.  ഫോണ്‍ 0483 2767040.

കലക്‌ട്രേറ്റിലെ എ.ഡി.എമിന്റെ ഔദ്യോഗിക വാഹനമായ കെ.എല്‍. 10എ.യു 6591 മഹീന്ദ്ര സ്‌കോര്‍പ്പിയോ വാഹനത്തിന്റെ പഴയ രണ്ട് ടയറുകള്‍ മാറ്റി പുതിയത് സ്ഥാപിക്കുന്നതിന് അംഗീകൃത എജന്‍സികളില്‍ നിന്നും ക്വട്ടേഷന്‍ ക്ഷണിച്ചു.  ക്വട്ടേഷന്‍ ഫെബ്രുവരി 26ന് വൈകുന്നേരം മൂന്നിനകം ഡെപ്യൂട്ടി കലക്ടര്‍ (ജനറല്‍), കലക്‌ട്രേറ്റ്, മലപ്പുറം വിലാസത്തില്‍ ലഭിക്കണം.

സംസ്ഥാന ഭാഗ്യക്കുറി ക്ഷേമനിധി ബോര്‍ഡ് ക്ഷേമനിധി അംഗങ്ങളായ വഴിയോര കച്ചവടക്കാര്‍ക്ക് ബീച്ച് അംബ്രല്ല വിതരണത്തിന്റെ ജില്ലാതല ഉദ്ഘാടം മാര്‍ച്ച് രണ്ടിന് വൈകുന്നേരം മൂന്നിന് തിരൂര്‍ മിനി സിവില്‍ സ്റ്റേഷന്‍ പരിസരത്ത് നടക്കും.  പരിപാടി തിരൂര്‍ നഗരസഭാ ചെയര്‍മാന്‍ കെ. ബാവ ഉദ്ഘാടനം ചെയ്യും.  ഭാഗ്യക്കുറി ക്ഷേമനിധി ബോര്‍ഡ് അംഗം പി.എം. ജമാല്‍ അധ്യക്ഷത വഹിക്കും.  

രാവിലെ 9.30 - ക്ഷേത്രപ്രവേശന വിളംബരം; സമര വിജയവീഥികള്‍ (മലയാളം,വിനോദ് മങ്കര)
12.15 ദേവനായകന്‍ (മലയാളം,വിആര്‍ ഗോപിനാഥ്)
2.00 മാന്റോ (ഹി്ദി,നന്ദിതാ ദാസ് )
4.00 അഴീക്കോട് മാഷ് (മലയാളം, എംജി ശശി)
6.30 പ്രളയശേഷം, ഹൃദയപക്ഷം (മലയാളം, എം വേണുകുമാര്‍)
7.15 പി പദ്മരാജന്‍: മലയാളത്തിന്റെ ഗന്ധര്‍വന്‍
(മലയാളം, ടി രാജീവ് നാഥ്)

സംസ്ഥാന മന്ത്രിസഭയുടെ ആയിരം ദിനാഘോഷത്തിന്റെ ഭാഗമായി ഇന്‍ഫര്‍മേഷന്‍ പബ്ലിക്ക് റിലേഷന്‍ വകുപ്പിന്റെ ആഭിമുഖ്യത്തില്‍ രശ്മി ഫിലിം സൊസൈറ്റിയുടെ സഹകരണത്തോടെ അതിജീവനം പ്രമേയമാക്കി  നടത്തുന്ന ചലച്ചിത്ര മേളക്ക തുടക്കമായി. മലപ്പുറം നഗരസഭാ ടൗണ്‍ഹാളിലാണ് മേള നടക്കുന്നത്. ജബ്ബാര്‍ പട്ടേല്‍ സംവിധാനം ചെയ്ത് മമ്മൂട്ടി അഭിനയിച്ച ബാബാ സാഹെബ് അംബേദ്കറായിരുന്നു ഉദ്ഘാടന ചിത്രം. മേളയുടെ ഔദ്യോഗിക ഉദ്ഘാടനം ഇന്ന് (ഫെബ്രുവരി 26) വൈകീട്ട് അഞ്ചിന് ചലച്ചിത്ര താരം അനുമോള്‍ നിര്‍വഹിക്കും. സമാപന ദിവസമായ നാളെ വൈകീട്ട് നടക്കുന്ന ഓപണ്‍ ഫോറത്തില്‍ പ്രശസ്ത ചലച്ചിത്ര സംവിധായകര്‍ പങ്കെടുക്കും. പ്രവേശനം സൗജന്യമാണ്.

മലപ്പുറം ജില്ലയില്‍ ഇന്‍ഷൂറന്‍സ് മെഡിക്കല്‍ സര്‍വ്വീസസ് വകുപ്പില്‍ ഓക്‌സിലിയറി നഴ്‌സസ് മീഡ് വൈഫറി (കാറ്റഗറി 339/16) തസ്തികയിലേക്ക് പ്രസിദ്ധീകരിച്ച ചുരുക്ക പട്ടികയില്‍ ഉള്‍പ്പെട്ടവര്‍ക്ക് ഫെബ്രുവരി 27, 28 തിയ്യതികളില്‍ പി.എസ്.സി ജില്ലാ ഓഫീസില്‍ കൂടിക്കാഴ്ച നടത്തും.