മാളിക്കടവ് ഗവ.ഐ.ടി.ഐ യില്‍ എംപ്ലോയബിലിറ്റി സ്‌കില്‍ എന്ന വിഷയത്തില്‍  ഇന്‍സ്ട്രക്ടര്‍ ഒഴിവിലേക്ക് താത്കാലികാടിസ്ഥാനത്തില്‍ ഗസ്റ്റ് ഇന്‍സ്ട്രക്ടറെ നിയമിക്കും. എം.ബി.എ/ബി.ബി.എ ഡിഗ്രിയും, രണ്ട്  വര്‍ഷത്തെ പ്രവൃത്തി പരിചയം, അല്ലെങ്കില്‍ സോഷ്യോളജി/സോഷ്യല്‍ വെല്‍ഫെയര്‍/എക്കണോമിക്സ് ഡിഗ്രിയും രണ്ട് വര്‍ഷത്തെ പ്രവൃത്തി പരിചയവും ഉളള ഉദ്യോഗാര്‍ത്ഥികള്‍ ഫെബ്രുവരി 28 ന് രാവിലെ 11 മണിക്ക്  യോഗ്യത, ജനന തീയതി, പ്രവൃത്തി പരിചയം എന്നിവ തെളിയിക്കുന്ന അസല്‍ സര്‍ട്ടിഫിക്കറ്റുകള്‍ സഹിതം കോഴിക്കോട് ഐ.ടി.ഐ പ്രിന്‍സിപ്പാള്‍ മുമ്പാകെ എത്തണം. ഫോണ്‍ : 0495-2377016. 

കേരള ഭാഷാ ഇന്‍സ്റ്റിറ്റ്യൂട്ട് കോഴിക്കോട് പ്രാദേശിക കേന്ദ്രത്തിന്റെ ആഭിമുഖ്യത്തില്‍ ദേശീയശാസ്ത്രദിനമായ ഫെബ്രുവരി 28-ന് ശാസ്ത്രപ്രഭാഷണങ്ങളും ശാസ്ത്രപുസ്തകത്തിന്റെ പ്രകാശനവും സംഘടിപ്പിക്കും. സ്‌കില്‍ ഡവലപ്പ്മെന്റ് ഡയറക്ടറും ശാസ്ത്രസാഹിത്യപരിഷത്ത് മുന്‍ സംസ്ഥാന പ്രസിഡന്റും ശാസ്ത്രാധ്യാപകനുമായ പ്രൊഫ.കെ.ശ്രീധരന്‍ പരിപാടി ഉദ്ഘാടനം ചെയ്യും.  ശാസ്ത്രാധ്യപകനായ സാബുജോസ് രചിച്ച ഇന്‍സ്റ്റിറ്റ്യൂട്ട് പ്രസിദ്ധീകരിക്കുന്ന സമയസഞ്ചാരം: പ്രപഞ്ചവിസ്മയങ്ങളുടെ ശാസ്ത്രരഹസ്യം എന്ന പുസ്തകം ഐ.എസ്.ആര്‍.ഒ ശാസ്ത്രജ്ഞനായിരുന്ന പി.എം.സിദ്ധാര്‍ഥന്‍ പ്രകാശനം ചെയ്യും. ശാസ്ത്രപ്രഭാഷകനായ കെ.പി.ഏലിയാസ് പുസ്തകം സ്വീകരിക്കും.