ആലപ്പുഴ: പുന്നപ്ര ഡോ. അംബേദ്കർ മെമ്മോറിയൽ ഗവ. മോഡൽ റസിഡൻഷ്യൽ സ്‌കൂളിൽ കാഷ്വൽ സ്വീപ്പർ  തസ്തികയിലേക്ക്  ദിവസവേതനാടിസ്ഥാനത്തിൽ  നിയമിക്കുന്നു. വാക്ക്-ഇൻ-ഇന്റർവ്യൂവിലുടെയാണ് നിയമനം. താത്പര്യമുള്ളവർ ജൂൺ  ആറിന്് ഉച്ചയ്ക്ക് രണ്ടിന് ഡോ.അംബേദ്കർ മെമ്മോറിയൽ ഗവ. മോഡൽ റസിഡൻഷ്യൽ സ്‌കൂളിൽ  എത്തണം. വിശദവിവരത്തിന് ഫോൺ: 0477 2268442.
 

തൃശൂർ ലാൻഡ് ട്രൈബ്യൂണൽ ആൻഡ് ഡെപ്യൂട്ടി കളക്ടർ (എൽ ആർ) ജൂൺ ഒന്നിന് തൃശൂർ കളക്ടറേറ്റിൽ നടത്താൻ നിശ്ചയിച്ച എല്ലാ എസ് എം കേസുകളുടെ വിചാരണ 2020 ജനുവരി 14 ലേക്ക് മാറ്റി.

ആലപ്പുഴ: റീജണൽ ട്രാൻസ്‌പോർട്ട് അതോറിറ്റി യോഗം ജൂൺ 27ന് രാവിലെ 11.30ന് കളക്ടറേറ്റ് കോൺഫറൻസ് ഹാളിൽ കൂടുമെന്ന് ആർ.ടി.ഒ. അറിയിച്ചു. യോഗത്തിന്റെ അജണ്ടയ്ക്ക്   ജൂൺ 11ന് വൈകിട്ട് അഞ്ചിന്  അവസാന രൂപം നൽകുമെന്ന് ആർ.ടി.എ അറിയിച്ചു.

തൃശൂർ ജില്ലയിൽ പഞ്ചായത്ത് വകുപ്പുമായി ബന്ധപ്പെട്ട പരാതികൾ പരിഹരിക്കാനായി ജൂൺ ഒന്ന് മുതൽ 'പരാതി പരിമിതം തൃശൂർ ജില്ല' പദ്ധതി നടപ്പിലാക്കുന്നു. ഗ്രാമപഞ്ചായത്തുകൾ നൽകുന്ന സേവനങ്ങൾ ഓൺലൈനായി ജില്ലാതലത്തിൽ നിരീക്ഷിച്ച് തീർപ്പ് സമയപരിധിക്കുളളിൽ പരിഹരിക്കപ്പെടാത്തവ ജില്ലാതലത്തിൽ തീർപ്പാക്കുന്നതാണ് പദ്ധതി. കുറഞ്ഞത് 15 ദിവസത്തിനുള്ളിൽ പരിഹരിക്കാത്ത പരാതികൾ എല്ലാ മാസവും മൂന്നാമത്തെ ശനിയാഴ്ച പഞ്ചായത്ത് ഡെപ്യൂട്ടി ഡയറക്ടറുടെ ഓഫീസ് തലത്തിൽ പരിഗണിക്കും. ബന്ധപ്പെട്ട പഞ്ചായത്ത് സെക്രട്ടറിയെ ഇതിനായി വിളിച്ചുവരുത്തും. പരാതിക്കാരന് ഹാജരാവാം.

ആലപ്പുഴ: ഐആം ഫോർ ആലപ്പിയുടെ 'ഡോണേറ്റ് എ ബോട്ട്, ഡൊണേറ്റ് എ ലൈവ്‌ലീഹുഡ്' പദ്ധതി പ്രകാരം ഉൾനാടൻ മത്സ്യ തൊഴിലാളികൾക്ക് അഞ്ച് വള്ളങ്ങൾ കൂടി വിതരണം ചെയ്തു. മത്സ്യ ബന്ധന വള്ളങ്ങളുടെ വിതരണോത്ഘാടനം പുന്നമട ഫിനിഷിങ് പോയിന്റിൽ  ജില്ലാകളക്ടർ എസ് സുഹാസ് നിർവഹിച്ചു. അഭയ ഫൗണ്ടേഷന്റെ സഹായത്തോടെ അഞ്ചു വള്ളങ്ങളാണ് നൽകിയത്.