മാലിന്യ സംസ്‌കരണത്തിന്റെയും പ്രകൃതിയെ തിരിച്ച് പിടിക്കുന്നതിന്റെയും അറിവ് പകര്‍ന്ന് ഹരിത കേരളമിഷന്‍ പ്രദര്‍ശനം ആകര്‍ഷകമാകുന്നു. സംസ്ഥാന സര്‍ക്കാറിന്റെ ആയിരം ദിനാഘോഷത്തിന്റെ ഭാഗമായി തിരൂരില്‍ നടത്തുന്ന 'മികവ്' പ്രദര്‍ശന വിപണനമേളയിലാണ് ഹരിത കേരളം സ്റ്റാള്‍ ഒരുക്കിയിട്ടുള്ളത്.  മിഷന്‍ മുന്നോട്ട് വെക്കുന്ന ലക്ഷ്യങ്ങളാണ്സ്റ്റാളില്‍ പ്രധാനമായും പ്രദര്‍ശിപ്പിച്ചിട്ടുള്ളത്.  

തൊഴില്‍ നിയമങ്ങള്‍ പാലിക്കുന്നതിലും നടപ്പാക്കുന്നതിലും കേരളം ഇതര സംസഥാനങ്ങള്‍ക്ക് മാതൃകയാണെന്ന് ഗവര്‍ണര്‍ റിട്ട. ജസ്റ്റിസ് പി. സദാശിവം പറഞ്ഞു. 1978 സൊസൈറ്റിയായി ആരംഭിച്ച കിലെ തൊഴിലാളികള്‍ക്ക് പരിശീലനം നല്‍കുന്നതിലും ക്ഷേമത്തിലും ഗണ്യമായ പുരോഗതിയാണ് ഉണ്ടാക്കിയിട്ടുളളത്. മാറി വരുന്ന തൊഴില്‍ സാഹചര്യങ്ങളെ തൊഴിലാളികള്‍ക്ക് നേരിടുന്നതിനും പ്രാപ്തരാക്കുന്നതിനും കിലെ നിര്‍ണ്ണായക പങ്ക് വഹിച്ചിട്ടുണ്ട്. തൊഴിലാളി തൊഴിലുടമ സംസ്‌കാരം മെച്ചപ്പെടുത്തുന്നതിന് കിലെ നടത്തിയ പ്രവര്‍ത്തനം പ്രശംസനീയമാണ്.

അറ്റകുറ്റപ്പണികള്‍ നടക്കുന്നതിനാല്‍ കാച്ചാണി ഇലക്ട്രിക്കല്‍ സെക്ഷന്‍ പരിധിയില്‍ കരകുളംപാലം, സ്വിമ്മിംഗ് പൂള്‍, കലാഗ്രാമം എന്നീ ട്രാന്‍സ്‌ഫോര്‍മര്‍  പ്രദേശങ്ങളില്‍  ഇന്ന് (ഫെബ്രുവരി 27) രാവിലെ ഒന്‍പത് മുതല്‍ വൈകുന്നേരം അഞ്ച് വരെ വൈദ്യുതി മുടങ്ങുമെന്ന് കെ.എസ്.ഇ.ബി. അറിയിച്ചു.
(പി.ആര്‍.പി. 314/2019)

ആരോഗ്യ മേഖലയില്‍ കേരളത്തിനുണ്ടായ പുരോഗതി നിലനിര്‍ത്തണമെന്ന് ആസൂത്രണ ബോര്‍ഡംഗം ഡോ. ബി. ഇക്ബാല്‍. സംസ്ഥാന സര്‍ക്കാരിന്റെ ആയിരം ദിനാഘോഷങ്ങളുടെ ഭാഗമായി സെന്‍ട്രല്‍ സ്റ്റേഡിയത്തില്‍ നടന്ന 'ആരോഗ്യ മേഖല -പുതിയ ചുവടുവയ്പ്പുകള്‍' എന്ന വിഷയത്തില്‍ നടന്ന സെമിനാര്‍ ഉദ്ഘാടനം ചെയ്ത് സംസാരിക്കുകയായിരുന്നു അദ്ദേഹം. ആരോഗ്യ മേഖലയില്‍ വെല്ലുവിളികള്‍ നേരിട്ട ആയിരം ദിനങ്ങളാണ്  കടന്നുപോയത്. ദുരന്തങ്ങളെ അതിജീവിച്ച കേരളത്തിന്റെ ആരോഗ്യരംഗം ലോകത്തിനു തന്നെ മാതൃകയാണെന്നും അദ്ദേഹം പറഞ്ഞു.

ഭക്ഷ്യ പൊതുവിതരണ വകുപ്പിന്റെ സംസ്ഥാനത്തെ ആദ്യ ഉപഭോക്തൃ സഹായകേന്ദ്രം വകുപ്പുമന്ത്രി പി. തിലോത്തമന്‍ ഉദ്ഘാടനം ചെയ്യും. ഇന്ന് (ഫെബ്രുവരി 27) ഉച്ചയ്ക്ക് രണ്ടിന് കളക്ടറേറ്റിലാണ് ഉദ്ഘാടന ചടങ്ങ് നടക്കുക. ഉപഭോക്താക്കള്‍ക്ക് നിയമ ബോധവത്കരണവും ഉപഭോക്തൃ അവകാശ സംരക്ഷണത്തിനുള്ള മാര്‍ഗനിര്‍ദേശവും പരാതി പരിഹാര സഹായവും നല്‍കുന്നതിനായി എല്ലാ ജില്ലകളിലും ഉപഭോക്തൃ സഹായകേന്ദ്രങ്ങള്‍ ആരംഭിക്കുന്നുണ്ട്. തിരുവനന്തപുരം ജില്ലയിലെ സഹായകേന്ദ്രം സജ്ജമാക്കിയിരിക്കുന്നത് കളക്ടറേറ്റിലാണ്.