ദേശീയപാത അഭിവൃദ്ധിപ്പെടുത്തുന്നതിന്റെ ഭാഗമായി ദേശീയപാത 213ല്‍ (പുതിയ ദേശീയപാത 966) നാട്ടുകല്‍ മുതല്‍ താണാവ് വരെയുള്ള റോഡിന് ഇരുവശത്തായി നില്‍ക്കുന്ന 751 മരങ്ങള്‍ ലേലം ചെയ്യുന്നു. താല്‍പര്യമുള്ളവര്‍ ജൂണ്‍ 10ന് രാവിലെ 11ന് പാലക്കാട് പൊതുമരാമത്ത് ദേശീയ ഉപവിഭാഗം കാര്യാലയത്തില്‍ നടക്കുന്ന ലേലത്തില്‍ പങ്കെടുക്കണം. 2,12,000 രൂപയാണ് നിരതദ്രവ്യം. ജി.എസ്.ടി രജിസ്ട്രേഷനുള്ളവര്‍ക്കെ ലേലത്തില്‍ പങ്കെടുക്കാന്‍ അര്‍ഹതയുള്ളൂ. ഫോണ്‍: 0491-2505025.

പെരിന്തല്‍മണ്ണ ഗവ. ഫുഡ് ക്രാഫ്റ്റ് ഇന്‍സ്റ്റിറ്റ്യൂട്ടില്‍ ഹോട്ടല്‍ മാനെജ്മെന്റ് മേഖലയിലെ വിവിധ കോഴ്സുകള്‍ക്ക് അപേക്ഷിക്കാനുള്ള അവസാന തിയ്യതി ജൂണ്‍ 10 വരെ നീട്ടി. ഒരു വര്‍ഷം ദൈര്‍ഘ്യമുള്ള ഫുഡ് പ്രൊഡക്ഷന്‍, ഫുഡ് ആന്‍ഡ് ബീവറേജസ് സര്‍വീസ്, ഫ്രണ്ട് ഓഫീസ് ഓപറേഷന്‍, ഹോട്ടല്‍ അക്കമഡേഷന്‍ ഓപ്പറേഷന്‍ കോഴ്സുകള്‍ക്ക് അപേക്ഷിക്കാനുള്ള തിയ്യതിയാണ് നീട്ടിയത്. ഫോണ്‍: 04933224025, 9895510650.

ആരോഗ്യം, ഭാരതീയ ചികിത്സ, ഹോമിയോ, എംപ്ലോയീസ് സ്റ്റേറ്റ് ഇന്‍ഷുറന്‍സ്, മൃഗസംരക്ഷണം, നീതിന്യായം, പി.എസ്.സി ഒഴികെയുള്ള വകുപ്പുകളില്‍ 2019 ജനുവരി 31 വരെ സര്‍വീസില്‍ പ്രവേശിച്ച പാര്‍ട്ട് ടൈം കണ്ടീജന്റ് ജീവനക്കാരുടെ അന്തിമലിസ്റ്റ് പ്രസിദ്ധീകരിച്ചു. ലിസ്റ്റ് ബന്ധപ്പെട്ട് വകുപ്പുമേധാവികള്‍ക്ക് അയച്ചിട്ടുണ്ട്.  കലക്ടറേറ്റ് നോട്ടീസ് ബോര്‍ഡിലും പ്രദര്‍ശിപ്പിച്ചിട്ടുണ്ട്.

പുതുനഗരം, കൊല്ലങ്കോട് ഗവ. പ്രീ-മെട്രിക് ഹോസ്റ്റലുകളില്‍ മേട്രണ്‍ കം റസിഡന്റ് ട്യൂട്ടര്‍ (പുരുഷന്‍) ഒഴിവ്. ബിരുദം, ബി.എഡ് യോഗ്യതയുള്ളവര്‍ വെള്ളകടലാസില്‍ തയ്യാറാക്കിയ അപേക്ഷയും സര്‍ട്ടിഫിക്കറ്റുകളുടെ പകര്‍പ്പുകളുമായി ജൂണ്‍ 10നകം കൊല്ലങ്കോട് ബ്ലോക്ക് പട്ടികജാതി വികസന ഓഫീസില്‍ നല്‍കണം. പ്രതിമാസ ഹോണറേറിയം 12000 രൂപ. ഫോണ്‍: 8547630129.

മണ്ണാര്‍ക്കാട് താലൂക്ക് ആസ്ഥാന ആശുപത്രിയില്‍ ഇ.സി.ജി.ടെക്നീഷ്യനെ ദിവസ വേതനാടിസ്ഥാനത്തില്‍ നിയമിക്കുന്നു. വി.എച്ച്.എസ്.സി.  ഇ.സി.ജി. ആന്‍ഡ് ഓഡിയോ മെട്രിക്ക് ടെക്നീഷ്യന്‍ കോഴ്സ് പാസാവണം. പ്രവൃത്തി പരിചയം അഭികാമ്യം. താല്‍പര്യമുള്ളവര്‍ ജൂണ്‍ മൂന്നിന് രാവിലെ 10ന് വയസ്സ്, വിദ്യാഭ്യാസ യോഗ്യത തെളിയിക്കുന്ന അസ്സല്‍ സര്‍ട്ടിഫിക്കറ്റുകളുമായി മണ്ണാര്‍ക്കാട് താലൂക്ക് ആസ്ഥാന ആശുപത്രി ഓഫീസില്‍ നടക്കുന്ന കൂടിക്കാഴ്ചയ്ക്ക് എത്തണമെന്ന് സൂപ്രണ്ട് അറിയിച്ചു. ഫോണ്‍ 04924 224549.

ഗവ. ടെക്നിക്കല്‍ ഹൈസ്‌ക്കൂളില്‍ പാര്‍ട്ട് ടൈം എച്ച്.എസ്.എ (മലയാളം) തസ്തികയില്‍ താത്ക്കാലിക ഒഴിവ്. മലയാളത്തില്‍ ബി.എഡ്, സെറ്റ്/ കെ.ടെറ്റ് യോഗ്യതയുളളവര്‍ അസ്സല്‍ സര്‍ട്ടിഫിക്കറ്റുമായി ഇന്ന് (ജൂണ്‍ ഒന്നിന് ) രാവിലെ10 ന് സൂപ്രണ്ടിന്റെ കാര്യാലയത്തില്‍ അഭിമുഖത്തിന് എത്തണമെന്ന് അറിയിച്ചു.  ഫോണ്‍: 0491-2572038.

വനിതാ കമ്മീഷന്‍ മെഗാ അദാലത്ത് ജൂണ്‍ 10 ന് രാവിലെ 10.30 മുതല്‍ ജില്ലാ കലക്ടറേറ്റ് കോണ്‍ഫറന്‍സ് ഹാളില്‍ നടക്കും

വിധവാ- വാര്‍ദ്ധ്യകാല പെന്‍ഷനുകള്‍ അനുവദിക്കുന്നതില്‍ ചെറിയ തടസങ്ങളുണ്ടെങ്കില്‍ അത് നീക്കി മനുഷത്വപരമായ നയത്തിലൂടെ അര്‍ഹരായവര്‍ക്ക് ആനുകൂല്യം ലഭ്യമാക്കണമെന്ന് മനുഷ്യാവകാശ കമ്മീഷന്‍ അഭിപ്രായപ്പെട്ടു. വിധവാ പെന്‍ഷന്‍ സംബന്ധിച്ച് അനങ്ങനടി സ്വദേശിയുടെ പരാതിയുടെ അടിസ്ഥാനത്തിലാണ് കമ്മീഷന്‍ ഈ അഭിപ്രായം വ്യക്തമാക്കിയത്.