പാലക്കാട് വ്യാവസായിക ട്രൈബ്യൂണലും, ഇൻഷുറൻസ് കോടതി ജഡ്ജിയും, എംപ്ലോയീസ് കോമ്പൻസേഷൻ കമ്മീഷണറുമായ സാബു സെബാസ്റ്റ്യൻ ജൂൺ നാല്, 10, 11, 17, 18, 24, 25 തിയതികളിൽ പാലക്കാട് പി.ഡബ്ല്യു.ഡി. റസ്റ്റ് ഹൗസ് ഹാളിലും ആറിന് പെരിന്തൽമണ്ണ സബ് ഡിവിഷണൽ മജിസ്‌ട്രേറ്റ് കോടതി ഹാളിലും 14, 21, 28 തിയതികളിൽ മഞ്ചേരി ഇന്ദിരാഗാന്ധി ബസ് ടെർമിനൽ ബിൽഡിംഗിലെ ഒന്നാം നിലയിലെ കോടതി ഹാളിലും തൊഴിൽ തർക്ക, ഇൻഷ്വറൻസ് എംപ്ലോയീസ് കോമ്പൻസേഷൻ കേസുകൾ വിചാരണ ചെയ്യും.
പി.എൻ.എക്സ്. 1610/19

സാങ്കേതിക പരീക്ഷാ കൺട്രോളർ ജൂൺ 8ന് നടത്തുന്ന ഡിപ്ലോമ തുല്യതാ പരീക്ഷയ്ക്ക് അപേക്ഷിച്ച മുഴുവൻ വിദ്യാർത്ഥികളുടേയും പരീക്ഷാകേന്ദ്രം വട്ടിയൂർക്കാവ് സെൻട്രൽ പോളിടെക്‌നിക്ക് കോളേജ് ആയിരിക്കുമെന്ന് ജോ. കൺട്രോളർ അറിയിച്ചു. പരിക്ഷാ ടൈംടേബിൾ www.tekerala.org യിൽ പ്രസിദ്ധീകരിച്ചിട്ടുണ്ട്. യോഗ്യരായ വിദ്യാർത്ഥികളുടെ ഹാൾ ടിക്കറ്റ് ജൂൺ 5 മുതൽ അവരവരുടെ ലോഗിൻ പേജിൽ ലഭിക്കും.
പി.എൻ.എക്സ്. 1609/19

ലോക പരിസ്ഥിതി ദിനാഘോഷത്തിന്റെ സംസ്ഥാനതല ഉദ്ഘാടനം ജൂൺ അഞ്ചിന് വൈകിട്ട് മൂന്നിന് മുഖ്യമന്ത്രി പിണറായി വിജയൻ നിർവഹിക്കും. വനംവകുപ്പ് ആസ്ഥാനത്ത് വനശ്രീ ഓഡിറ്റോറിയത്തിൽ നടക്കുന്ന ചടങ്ങിൽ വനംവന്യജീവി വകുപ്പ് മന്ത്രി കെ. രാജു അധ്യക്ഷത വഹിക്കും. വനംവകുപ്പ് ആസ്ഥാനത്ത്  മുഖ്യമന്ത്രിയും വനം മന്ത്രിയും വൃക്ഷത്തൈകൾ നടും. വായുമലിനീകരണം മുഖ്യവിഷയമാക്കിയാണ് ഇത്തവണ ലോകപരിസ്ഥിതിദിനം ആചരിക്കുന്നതെന്ന് മന്ത്രി കെ. രാജു വാർത്താസമ്മേളനത്തിൽ അറിയിച്ചു.

    സര്‍ക്കാര്‍, എയ്ഡഡ്, അംഗീകൃത അണ്‍എയ്ഡഡ്, സി.ബി.എസ്.ഇ/ഐ.സി.എസ്.ഇ അഫിലിയേറ്റഡ് സ്‌കൂളുകളില്‍ ഒന്നു മുതല്‍ പത്തുവരെ ക്ലാസുകളില്‍ പഠിക്കുന്ന ഒ.ഇ.സി വിദ്യാര്‍ത്ഥികളുടെ വിദ്യാഭ്യാസ ആനുകൂല്യത്തിന് അപേക്ഷ ക്ഷണിച്ചു. www.egrantz.kerala.gov.in എന്ന ഇ-ഗ്രാന്‍ഡ് പോര്‍ട്ടലിലൂടെ ഓണ്‍ലൈനായി അപേക്ഷിക്കാം. അവസാന തീയതി ജൂണ്‍ പത്ത്. കൂടുതല്‍ വിവരങ്ങള്‍ക്ക് www.bcdd.kerala.gov.in. ഫോണ്‍ 0484-2429130.
 (പി.ആര്‍.പി. 610/2019)

    കൂരോട്ടുകോണം പാടശേഖരത്തില്‍ രണ്ടാംഘട്ട നടീല്‍ ഉത്സവം സി.കെ. ഹരീന്ദ്രന്‍ എം.എല്‍.എ ഞാറ് നട്ട് ഉദ്ഘാടനം ചെയ്തു.  നെല്‍കൃഷി വികസന പദ്ധതി പ്രകാരം രണ്ടര ഏക്കറിലാണ് കൃഷി ചെയ്യുന്നത്.  കൂലിച്ചെലവായ 17,000 രൂപ ബ്ലോക്ക്-ജില്ലാപഞ്ചായത്തുകള്‍ സംയുക്തമായി നല്‍കും.  ഇതുകൂടാതെ സംസ്ഥാന സര്‍ക്കാരിന്റെ നെല്‍കൃഷി വികസന പദ്ധതിപ്രകാരം ഹെക്ടറിന് 5,500 രൂപയും ലഭിക്കും. കൃഷിക്കാവശ്യമായ വിത്ത്, വളം, കുമ്മായം, ജൈവകീടനാശിനി എന്നിവ പാറശ്ശാല ഗ്രാമപഞ്ചായത്തില്‍ നിന്നും നല്‍കും.

    പട്ടികവര്‍ഗ വികസന വകുപ്പിനു കീഴില്‍ കുറ്റിച്ചലില്‍ പ്രവര്‍ത്തിക്കുന്ന ജി. കാര്‍ത്തികേയന്‍ മെമ്മോറിയല്‍ മോഡല്‍ റെസിഡന്‍ഷ്യല്‍ സി.ബി.എസ്.ഇ സ്‌കൂളില്‍ 2019-20 അദ്ധ്യയന വര്‍ഷം ഒന്നു മുതല്‍ നാലുവരെ ക്ലാസുകളിലേക്ക് പ്രവേശനത്തിന് അപേക്ഷ ക്ഷണിച്ചു.  അപേക്ഷകള്‍ ജൂണ്‍ 15 നകം പ്രിന്‍സിപ്പാള്‍, ജി. കാര്‍ത്തികേയന്‍ മെമ്മോറിയല്‍ മോഡല്‍ റെസിഡന്‍ഷ്യല്‍ സ്‌കൂള്‍, കുറ്റിച്ചല്‍ പി.ഒ എന്ന വിലാസത്തില്‍ ലഭിക്കണം.  അപേക്ഷാ ഫോമിനും കൂടുതല്‍ വിവരങ്ങള്‍ക്കും 0472-2812557.
(പി.ആര്‍.പി. 608/2019)

*    പോത്തന്‍കോട് മുഖ്യമന്ത്രി ഉദ്ഘാടനം ചെയ്യും

വിവരങ്ങള്‍ 10 നകം നല്‍കണം

കോഴിക്കോട് ജില്ലയിലെ വൈദ്യൂതി കണക്ഷന്‍ ലഭിക്കാത്ത പട്ടികജാതി വിഭാഗത്തില്‍പ്പെട്ട ഗുണഭോക്താക്കള്‍ അതാത് ബ്ലോക്ക് പട്ടികജാതി വികസന ഓഫീസുമായി ബന്ധപ്പെട്ട് വിവരങ്ങള്‍ ജൂണ്‍ 10 നകം നല്‍കണമെന്ന് ജില്ലാ പട്ടികജാതി വികസന ഓഫീസര്‍ (ഇന്‍ചാര്‍ജ്ജ്) അറിയിച്ചു.

ഓണ്‍ലൈന്‍ പോസ്റ്റര്‍ രചന മത്സരം

ജൂലൈ 13 ന് സംസ്ഥാന വ്യാപകമായി നടത്തുന്ന ലോക് അദാലത്തിനോടനുബന്ധിച്ച് കോഴിക്കോട് ജില്ലാ കോടതിയിലും രാവിലെ 10 മണിയ്ക്ക് അദാലത്ത് ആരംഭിക്കും. കോടതികളില്‍ നിലവിലുളള കേസുകളും, പുതിയ പരാതികളും ലോക് അദാലത്തില്‍ ഒത്തു തീര്‍പ്പിനായി പരിഗണിക്കും. കോടതികളില്‍ നിലവിലുളള കേസുകള്‍ ലോക് അദാലത്തിലേക്ക് റഫര്‍ ചെയ്യാന്‍ കക്ഷികള്‍ക്ക് ആവശ്യപ്പെടാം. സിവില്‍ കേസുകള്‍, വാഹനാപകട കേസുകള്‍,  ഭൂമി ഏറ്റെടുത്ത കേസുകള്‍, കുടുംബ തര്‍ക്കങ്ങള്‍, ഒത്തു തീര്‍ക്കാവുന്ന ക്രിമിനല്‍ കേസുകള്‍, ബാങ്ക് വായ്പാസംബന്ധമായ കേസുകള്‍ തുടങ്ങിയവയും പരിഗണിക്കും.