നെടുങ്കണ്ടം പഞ്ചായത്തിനെ വിധവാ സൗഹൃദ പഞ്ചായത്തായി പ്രഖ്യാപിച്ചു. നെടുങ്കണ്ടം സെന്റ് സെബാസ്റ്റ്യന്‍സ് പാരീഷ് ഹാളില്‍ നടന്ന ചടങ്ങില്‍ ഹൈക്കോടതി ജഡ്ജി ഷാജി പി ചാലിയാണ്  പ്രഖ്യാപനം നടത്തിയത്.  നമ്മുടെ അവകാശങ്ങള്‍ നാം സ്വയം മനസിലാക്കണമെന്നും, വായനയിലൂടെയും കൂട്ടായ്മകളിലൂടെയുള്ള പ്രവര്‍ത്തനത്തിലൂടെയും നമ്മുടെ അവകാശങ്ങള്‍ മനസിലാക്കാന്‍ സാധിക്കുമെന്നും  അവകാശങ്ങളെ കുറിച്ച് ബോധവാന്‍മാരാകുമ്പോഴാണ്  അവ ആവശ്യപ്പെടാന്‍ നമ്മള്‍ തയ്യാറാകുന്നതെന്നും പരിപാടി ഉദ്ഘാടനം ചെയ്തുകൊണ്ട് അദ്ദേഹം പറഞ്ഞു.

മങ്കട ഗവ. ആര്‍ട്‌സ് & സയന്‍സ് കോളേജില്‍ അതിഥി അധ്യാപകരെ തിരഞ്ഞെടുക്കുന്നതിനുള്ള കൂടിക്കാഴ്ച ജൂണ്‍ ഏഴ്  മുതല്‍ 17 വരെ  കോളേജിന്റെ താല്‍കാലിക കെട്ടിടത്തില്‍ നടത്തും.  വിഷയം, തീയതി, സമയം എന്നീ ക്രമത്തില്‍ - ബി.ബി.എ - ജൂണ്‍ ഏഴ് രാവിലെ 10 മണി. സൈക്കോളജി, ഫിസിയോളജി, ഉറുദു 14 ന് - രാവിലെ 10 മണി, പൊളിറ്റിക്കല്‍ സയന്‍സ് സ്റ്റാറ്റിസ്റ്റിക്‌സ് - 14 ന് ഉച്ചയ്ക്ക് 1.30,  ഇംഗ്ലീഷ് ജേര്‍ണലിസം - 17 ന് രാവിലെ 10,  കമ്പ്യൂട്ടര്‍ സയന്‍സ് ഇക്കണോമിക്‌സ് - 17 ന് ഉച്ചയ്ക്ക് 1.30.

ന്യൂനപക്ഷ ക്ഷേമ വകുപ്പിനു കീഴില്‍  കോഴിക്കോട് പുതിയറയിലുള്ള  കോച്ചിംഗ് സെന്റര്‍ ഫോര്‍ മൈനോരിറ്റി യൂത്തില്‍ ജൂലൈ മുതല്‍ ഡിസംബര്‍ വരെയുള്ള പി എഫ് സി (പി എസ് സി ഫൗണ്ടേഷന്‍ കോഴ്‌സ്), ജി സി ഇ സി (ഗ്രാജ്വേറ്റ് വെലല്‍ കോമ്പിറ്റേറ്റീവ് എക്‌സാംസ് കോച്ചിംഗ് കോഴ്‌സ്) കോഴ്‌സുകളിലേക്ക് വിദ്യാര്‍ത്ഥികള്‍, താല്‍ക്കാലിക ജോലിക്കാര്‍  എന്നിവരില്‍ നിന്ന് അപേക്ഷ ക്ഷണിച്ചു.

സംസ്ഥാന മത്സ്യവകുപ്പ് മത്സ്യത്തൊഴിലാളികളുടെ മക്കള്‍ക്ക് സൗജന്യമായി മെഡിക്കല്‍ എന്‍ട്രന്‍സ്, പി എസ് സി, സിവില്‍ സര്‍വ്വീസ്, ബാങ്ക് പരീക്ഷാ പരിശീലനം നല്‍കും. പരിശീലന ചെലവ്  സര്‍ക്കാര്‍ വഹിക്കും.    മത്സ്യത്തൊഴിലാളി ക്ഷേമനിധി ബോര്‍ഡില്‍ രജിസ്റ്റര്‍ ചെയ്തിട്ടുള്ള മത്സ്യത്തൊഴിലാളികളുടെ മക്കള്‍ക്ക് അപേക്ഷിക്കാം.   കൂടുതല്‍ വിവരങ്ങള്‍ക്ക് കോഴിക്കോട് വെസ്റ്റ്ഹിലിലെ ഫിഷറീസ് ഡെപ്യൂട്ടി ഡയറക്ടര്‍ ഓഫീസിലോ വടകര, കൊയിലാണ്ടി, ബേപ്പൂര്‍ മത്സ്യഭവനുകളിലോ ബന്ധപ്പെടാം.   മുന്‍പ് ഈ ആനുകൂല്യം ലഭിച്ചവര്‍ വീണ്ടും അപേക്ഷിക്കേണ്ടതില്ല. ഫോണ്‍ : 0495 2383780. അപേക്ഷ ലഭിക്കേണ്ട അവസാന  തീയതി - ജൂണ്‍ 15. 

    വടകര നഗരസഭയില്‍ നടക്കുന്ന മുഴുവന്‍ ചടങ്ങുകളിലും ഗ്രീന്‍ പ്രോട്ടോക്കോള്‍ ഉറപ്പാക്കാന്‍ പുനരുപയോഗിക്കാന്‍ കഴിയുന്ന സ്റ്റീല്‍ പ്ലേറ്റ്, ഗ്ലാസ് എന്നിവ വാടകയ്ക്ക് നല്‍കുന്ന റെന്റ് ഷോപ്പിന്റെ ഉദ്ഘാടനം ഇന്ന്(ജൂണ്‍ 4) എക്‌സൈസ് തൊഴില്‍ വകുപ്പ് മന്ത്രി.ടി.പി.രാമകൃഷ്ണന്‍  നിര്‍വ്വഹിക്കും. വടകര സാംസ്‌ക്കാരിക നിലയത്തില്‍ രാവിലെ 9.30 നാണ് പരിപാടി. നഗരസഭയില്‍ പ്രവര്‍ത്തിക്കുന്ന ഹരിയാലിഹരിത കര്‍മ്മ സേനയുടെ നേതൃത്വത്തിലാണ് റെന്റ് ഷോപ്പ് ആരംഭിക്കുന്നത്.

ഓച്ചിറ ക്ഷീരോല്‍പ്പന്ന പരിശീലന വികസന കേന്ദ്രത്തില്‍ ജൂണ്‍ 11 മുതല്‍ ആറ് ദിവസം ക്ഷീരകര്‍ഷക പരിശീലനം നല്‍കും. താത്പര്യമുള്ളവര്‍ തിരിച്ചറിയല്‍ രേഖ, ബാങ്ക് പാസ്ബുക്ക് എന്നിവയുടെ പകര്‍പ്പുമായി രാവിലെ 9.30ന് ഹാജരാകണം. ഫോണ്‍: 0476 2698550.                    (പിഎന്‍പി 1284/19)

പ്രളയത്തില്‍ നാശം നഷ്ടം സംഭവിച്ച ചെറുകിട കച്ചവടക്കാരില്‍ അപേക്ഷിച്ചവര്‍ക്കെല്ലാം ഈമാസം 30ന് മുമ്പ് വായ്പ ലഭ്യമാക്കും. ജില്ലാ വികസന സമിതി യോഗത്തില്‍ ജില്ലയിലെ ലീഡ് ബാങ്ക് മാനേജര്‍ വി.വിജയകുമാരന്‍ അറിയിച്ചതാണ് ഇക്കാര്യം. 10 ലക്ഷം രൂപവരെയാണ് വായ്പ നല്‍കുന്നത്. വായ്പയ്ക്കുള്ള അപേക്ഷ ജില്ലാ വ്യവസായകേന്ദ്രംവഴി ലഭിച്ചിട്ടുണ്ട്. അവയുടെ ;്രെപാസസിംഗ് നടന്നുവരുന്നു. ഡിസംബര്‍വരെ പുതിയ അപേക്ഷകള്‍ സ്വീകരിക്കുമെന്നും ലീഡ് ബാങ്ക് മാനേജര്‍ അറിയിച്ചു. 

അടൂര്‍ കെല്‍ട്രോണ്‍ നോളജ് സെന്ററില്‍ വിവിധ കംപ്യൂട്ടര്‍ കോഴ്‌സുകള്‍ക്ക് അപേക്ഷ ക്ഷണിച്ചു. ഡിപ്ലോമ ഇന്‍ കംപ്യൂട്ടര്‍ ആപ്ലിക്കേഷന്‍, വേഡ് പ്രോസസിംഗ് ആന്‍ഡ് ഡാറ്റ എന്‍ട്രി, ഡിപ്ലോമ ഇന്‍ കംപ്യൂട്ടര്‍ ഹാര്‍ഡ് വെയര്‍ ആന്‍ഡ് നെറ്റ്‌വര്‍ക്ക് മെയിന്റനന്‍സ് വിത്ത് ലാപ്‌ടോപ് ടെക്‌നോളജീസ് എന്നിവയാണ് കോഴ്‌സുകള്‍. അപേക്ഷ സ്വീകരിക്കുന്ന അവസാന തീയതി ഈ മാസം 20. ഫോണ്‍: 9526229998, 04734 229998. 

        (പിഎന്‍പി 1282/19)