റേഷന്‍കാര്‍ഡ്‌ പുതുക്കുവാനായി താലൂക്ക്‌ സപ്ലൈ ഓഫീസില്‍ അപേക്ഷ നല്‍കി പുതിയ റേഷന്‍ കാര്‍ഡ്‌ കൈപ്പറ്റാത്തവരുടെ പേരുവിവരങ്ങള്‍ www.civilsupplieskerala.gov.in. എന്ന വെബ്‌ സൈറ്റില്‍ പ്രസിദ്ധീകരിച്ചിട്ടുണ്ട്‌. കാര്‍ഡുകള്‍ 7 ദിവസത്തിനകം കൈപ്പറ്റാത്ത പക്ഷം റദ്ദു ചെയ്യും. റദ്ദാക്കിയ കാര്‍ഡുകളില്‍പ്പെട്ടവര്‍ പിന്നീട്‌ അപേക്ഷ നല്‍കിയാല്‍ അവരില്‍ നിന്നും പഴയ കാര്‍ഡ്‌ അച്ചടിച്ചതിന്‌ ചെലവായ തുക പിഴയായി ഈടാക്കുമെന്ന്‌ ജില്ലാ സപ്ലൈ ഓഫീസര്‍ അറിയിച്ചു. കൂടുതല്‍ വിവരങ്ങള്‍ക്ക്‌ ഫോണ്‍ : 0487-2360046.

പൊതുവിദ്യാലയങ്ങള്‍ക്ക്‌ ഭൗതിക സാഹചര്യങ്ങള്‍ ഒരുക്കി നല്‍കാന്‍ പണം പ്രശ്‌നമല്ലെന്ന്‌ വിദ്യാഭ്യാസ വകുപ്പ്‌ മന്ത്രി പ്രൊഫ. സി. രവീന്ദ്രനാഥ്‌. പുത്തന്‍ചിറ സര്‍ക്കാര്‍ യു.പി.സ്‌കൂളില്‍ ഒരു കോടി രൂപ ചെലവഴിച്ച്‌ പുതിയ കെട്ടിടം നിര്‍മ്മിക്കുന്നതിന്റെ ഉദ്‌ഘാടനം നിര്‍വ്വഹിച്ച്‌ സംസാരിക്കുകയായിരുന്നു അദ്ദേഹം. പൊതുവിദ്യാലയങ്ങളുടെ എന്ത്‌ കുറവും സര്‍ക്കാര്‍ പരിഹരിച്ചു നല്‍കും. എയ്‌ഡഡ്‌ വിദ്യാലയങ്ങള്‍ക്ക്‌ ചലഞ്ച്‌ ഫണ്ടായി 50 ശതമാനം പണം നല്‍കുന്നത്‌ ചരിത്രത്തിലാദ്യമായാണ്‌. പാവപ്പെട്ടവര്‍ക്കും ആധുനിക വിദ്യാഭ്യാസം ഉറപ്പാക്കുന്നതാണ്‌ സര്‍ക്കാരിന്റെ നയം.

ജില്ലയില്‍ വെളളപ്പൊക്ക ദുരിതാശ്വാസവുമായി ബന്ധപ്പെട്ട്‌ പ്രത്യേകമായി അനുവദിച്ചിട്ടുളള നോണ്‍-പിഡിഎസ്‌ മണ്ണെണ്ണ 36 രൂപ നിരക്കില്‍ പരാമവധി 5 ലിറ്റര്‍ വരെ ലഭ്യമാകുമെന്ന്‌ അറിയിപ്പ്‌ നല്‍കിയിരുന്നു. എല്ലാ കാര്‍ഡുമടകള്‍ക്കും 5 ലിറ്റര്‍ വീതം കണക്കാക്കി റേഷന്‍ കടകളില്‍ മണ്ണെണ്ണ നല്‍കിയിട്ടില്ല. മാസാവസാനം റേഷന്‍കടകളില്‍ നീക്കിയിരപ്പ്‌ ഉളള പക്ഷം കാര്‍ഡിന്‌ പരമാവധി 5 ലിറ്റര്‍ വരെ നല്‍കാം എന്നാണ്‌ ഉദ്ദേശിച്ചിട്ടുളളത്‌. പത്രങ്ങളില്‍ 5 ലിറ്റര്‍ വീതം ലഭ്യമാണ്‌ എന്ന വാര്‍ത്ത വന്നത്‌ റേഷന്‍കടകളില്‍ സംഘാര്‍ഷവസ്ഥയ്‌ക്ക്‌ കാരണമായിട്ടുണ്ട്‌.

അമൃത്‌ പദ്ധതികളുടെ ഭാഗമായി തൃശൂര്‍ കോര്‍പ്പറേഷന്‍, ഗുരുവായൂര്‍ മുനിസിപ്പാലിറ്റി എന്നിവിടങ്ങളിലെ മാസ്റ്റര്‍ പ്ലാന്‍ രൂപീകരിക്കുന്നതിനുമായി ബന്ധപ്പെട്ട്‌ സര്‍വെ നടത്തുന്നു. സര്‍വെയുമായി പൊതുജനങ്ങള്‍ സഹകരിക്കണമെന്ന്‌ ടൗണ്‍ പ്ലാനര്‍ അറിയിച്ചു. കൂടുതല്‍ വിവരങ്ങള്‍ക്ക്‌ ഫോണ്‍ : 0487-2363003.

അടാട്ട്‌ കൃഷി ഭവനില്‍ ആരംഭിക്കുന്ന കര്‍മ്മസേനയില്‍ അംഗങ്ങളാവുന്നതിന്‌ അടാട്ട്‌ ഗ്രാമപഞ്ചായത്തില്‍ സ്ഥിരതാമസക്കാരില്‍ നിന്ന്‌ അപേക്ഷ ക്ഷണിച്ചു. താല്‍പര്യമുളളവര്‍ മാര്‍ച്ച്‌ 2 നകം അടാട്ട്‌ കൃഷി ഭവനില്‍ അപേക്ഷ നല്‍കണം. കൂടുതല്‍ വിവരങ്ങള്‍ക്ക്‌ ഫോണ്‍ : 9496003584 

ജില്ലയില്‍ കുടിവെള്ള ക്ഷാമം പരിഹരിക്കുന്നതിനായി മേഖലാടിസ്ഥാനത്തില്‍ പ്രവര്‍ത്തനം വിപുലപ്പെടുത്താന്‍ ജില്ലാപഞ്ചായത്ത്‌ യോഗം തീരുമാനിച്ചു. രൂക്ഷമായ കുടിവെള്ള ക്ഷാമം നേരിടുന്ന പ്രദേശങ്ങള്‍, അവിടെയുള്ള സ്‌കൂളുകള്‍ എന്നിവിടങ്ങളില്‍ പരിശോധന നടത്തി റിപ്പോര്‍ട്ട്‌ സമര്‍പ്പിക്കാന്‍ ഓരോ ജില്ലാപഞ്ചായത്തംഗത്തെയും യോഗം ചുമതലപ്പെടുത്തി. ഇതുമായി ബന്ധപ്പെട്ട്‌ ജില്ലാപഞ്ചായത്തിലെ തനത്‌ ഫണ്ടുപയോഗിച്ച്‌ മേഖലയിലെ കുടിവെള്ള പ്രശ്‌നങ്ങള്‍ പരിഹരിക്കാന്‍ യോഗം ചേര്‍ന്ന്‌ ഉചിതമായ തീരുമാനമെടുക്കാനും യോഗത്തില്‍ തീരുമാനമായി. 

ഇന്‍ഫര്‍മേഷന്‍-പബ്ലിക്‌ റിലേഷന്‍സ്‌ തൃശൂര്‍ മേഖലാ ഡെപ്യൂട്ടി ഡയറക്‌ടറായി വി പി സുലഭകുമാരി ചാര്‍ജ്ജെടുത്തു. പാലക്കാട്‌ ജില്ലാ ഇന്‍ഫര്‍മേഷന്‍ ഓഫീസറായിരുന്നു. തൃശൂര്‍ മേഖലാ ഡെപ്യൂട്ടി ഡയറക്‌ടറായിരുന്ന കെ മോഹനനെ മീഡിയ അക്കാദമിയുടെ സെക്രട്ടറിയായി നിയമിക്കുകയും ചെയ്‌തു.
 

ലോകസഭാതിരഞ്ഞെടുപ്പിന്റെ ഭാഗമായി ജില്ലയിലെ എല്ലാ പോളിങ്‌ബൂത്തുകളിലും മാര്‍ച്ച്‌ 2, 3 തിയതികളില്‍ പ്രത്യേക ക്യാമ്പുകള്‍ സംഘടിപ്പിക്കും. പോളിങ്‌ ബൂത്തുകളില്‍ എത്തുന്ന വോട്ടര്‍മാര്‍ക്ക്‌ സമ്മതിദായക പട്ടികയില്‍ തങ്ങളുടെ പേര്‌ ചേര്‍ക്കുന്നതിനോ പട്ടികയിലുള്ള വിവരങ്ങളില്‍ മാറ്റം വരുത്തുന്നതിനോ പട്ടികയില്‍ പേര്‌ ഉള്‍പ്പെട്ടിട്ടുണ്ടോ എന്നു പരിശോധിക്കുന്നതിനോ ഈ ദിവസങ്ങളില്‍ രാവിലെ 10 മുതല്‍ വൈകീട്ട്‌ 5 വരെ സൗകര്യം ഉണ്ടായിരിക്കുമെന്ന്‌ ജില്ലാ വരണാധികാരിയായ ജില്ലാ കളക്‌ടര്‍ ടി.വി. അനുപമ അറിയിച്ചു.

ചേലക്കര റൈസ്‌ പാര്‍ക്ക്‌
ശിലാസ്ഥാപനം ഇന്ന്‌

  പത്തനംതിട്ട കാതോലിക്കേറ്റ് കോളജ് വിദ്യാര്‍ഥികളുമായി വനിതാ കമ്മീഷന്‍ അംഗം ഡോ. ഷാഹിദാ കമാലിന്റെ നേതൃത്വത്തില്‍ നടത്തിയ മുഖാമുഖം പരിപാടി ശ്രദ്ധേയമായി. സ്ത്രീ സുരക്ഷ, സാമൂഹിക കാര്യങ്ങള്‍ എന്നിവയുമായി ബന്ധപ്പെട്ട നിരവധി ചോദ്യങ്ങള്‍  വിദ്യാര്‍ഥിനികള്‍ വനിതാ കമ്മിഷന്‍ അംഗത്തോട് ചോദിച്ചു. ഇന്ത്യന്‍ ഭരണഘടനയും സ്ത്രീകളും എന്ന വിഷയത്തെ ആസ്പദമാക്കിയായിരുന്നു മുഖാമുഖം.