കേന്ദ്ര റോഡ് ഫണ്ട് പദ്ധതിയില്‍ ഉള്‍പ്പെടുത്തി 10 കോടി രൂപ ചെലവില്‍ അഭിവൃദ്ധിപ്പെടുത്തിയ കുപ്പം-എരിപുരം റോഡിന്റെ ഉദ്ഘാടനം നരിക്കോട് യുവചേതന ക്ലബ് പരിസരത്ത് തുറമുഖ വകുപ്പ് മന്ത്രി രാമചന്ദ്രന്‍ കടന്നപ്പള്ളി നിര്‍വഹിച്ചു. പിലാത്തറ-പാപ്പിനിശ്ശേരി കെ.എസ്.ടി.പി റോഡില്‍ എരിപുരം കവലയില്‍നിന്ന് തുടങ്ങി ഏഴോം വഴി കുപ്പം ദേശീയപാതയില്‍ എത്തിച്ചേരുന്ന കല്ല്യാശ്ശേരി മണ്ഡലത്തിലെ പ്രധാന ജില്ലാ റോഡാണ് മെക്കാഡം ടാറിംഗ് നടത്തിയത്.

കുയിലൂര്‍ പെരുമണ്ണ് പെടയങ്ങോട് കുടിവെള്ള പദ്ധതി പ്രവൃത്തി ഉദ്ഘാടനം ചെയ്തു 

അടുത്ത മൂന്ന് വര്‍ഷത്തിനുള്ളില്‍ 10 ലക്ഷം തെങ്ങിന്‍ തൈകള്‍ സംസ്ഥനത്ത് നട്ടുവളര്‍ത്തുമെന്നും ഇതിനായി എല്ലാ വാര്‍ഡിലും വര്‍ഷവും തോറും 75 തെങ്ങിന്‍ തൈകള്‍ വീതം വിതരണം ചെയ്യുമെന്നും വ്യവസായ വകുപ്പ് മന്ത്രി ഇ പി ജയരാജന്‍ പറഞ്ഞു. കുയിലൂര്‍ പെരുമണ്ണ് പെടയങ്ങോട് കുടിവെള്ള പദ്ധതിയുടെ പ്രവൃത്തി ഉദ്ഘാടനം ചെയ്ത് സംസാരിക്കുകയായിരുന്ന അദ്ദേഹം.

പയ്യന്നൂര്‍ ബ്ലോക്ക് പഞ്ചായത്ത് 2018- 19 വാര്‍ഷിക പദ്ധതിയില്‍ ഉള്‍പ്പെടുത്തി ചൂരല്‍ മിനി വ്യവസായ എസ്റ്റേറ്റില്‍ നിര്‍മ്മിച്ച വനിതാ വ്യവസായ കേന്ദ്രം പുരാവസ്തു മ്യൂസിയം വകുപ്പ് മന്ത്രി രാമചന്ദ്രന്‍ കടന്നപ്പള്ളി ഉദ്‌ലാടനം ചെയ്തു. വികസന കാര്യത്തില്‍ സര്‍ക്കാര്‍ വലിയ മുന്നേറ്റമാണ് നടത്തുന്നത്. വനിതകള്‍ തീരുമാനിച്ചാല്‍ സമൂഹത്തില്‍ വലിയ പുരോഗതി ഉണ്ടാക്കാന്‍ സാധിക്കുമെന്ന് മന്ത്രി പറഞ്ഞു. മിനിവ്യവസായ കേന്ദ്രം വന്നതോട് കൂടി സ്ത്രീകള്‍ക്ക് നിരവധി തൊഴിലവസരങ്ങള്‍ സുഷ്ടിക്കാന്‍ സാധിക്കുമെന്നും അദ്ദേഹം പറഞ്ഞു.

മയ്യില്‍- കാഞ്ഞിരോട് റോഡ് പ്രവൃത്തി ഉദ്ഘാടനം ചെയ്തു

കരാറുകാര്‍ ഏറ്റെടുത്ത പ്രവൃത്തികള്‍ സമയബന്ധിതമായി പൂര്‍ത്തിയാക്കണമെന്ന് വ്യവസായ വകുപ്പ് മന്ത്രി ഇപി ജയരാജന്‍. നിശ്ചിത സമയത്ത് പ്രവൃത്തി പൂര്‍ത്തിയാക്കുന്ന കരാറുകാരേയും ഉദ്യോഗസ്ഥരേയുമാണ് നാടിനാവശ്യമെന്നും അല്ലാത്തപക്ഷം വികസന മുരടിപ്പിന് ഇത് കാരണമാകുമെന്നും അദ്ദേഹം കൂട്ടിച്ചേര്‍ത്തു. ചേലേരിമുക്ക് -കൊളച്ചേരിമുക്ക് -നായാട്ടുപാറ റോഡിന്റെയും, മയ്യില്‍- കാഞ്ഞിരോട് റോഡ് പ്രവൃത്തിയുടേയും ഉദ്ഘാടനം നിര്‍വഹിച്ചുകൊണ്ട് സംസാരിക്കുകയായിരുന്നു അദ്ദേഹം. 

പിണറായി ഹൈടെക് വീവിംഗ് മില്‍സ് ഉദ്ഘാടനം ചെയ്തു

സ്ത്രീകളിലെയും കുട്ടികളിലെയും പോഷണക്കുറവ് പരിഹരിക്കുന്നതിന് സംസ്ഥാന വനിതാ ശിശുവികസന വകുപ്പിന്റെ നേതൃത്വത്തില്‍ നടപ്പിലാക്കുന്ന സമ്പുഷ്ട കേരളം പദ്ധതിയുടെ സംസ്ഥാനതല ഉദ്ഘാടനം ആരോഗ്യമന്ത്രി കെ കെ ശൈലജ ടീച്ചര്‍ നിര്‍വഹിച്ചു. അങ്കണവാടികളെ ഹൈടെക്കാക്കി മാറ്റി പ്രീ സ്‌കൂള്‍ തലത്തിലേക്ക് ഉയര്‍ത്തുമെന്നും ആരോഗ്യമന്ത്രി പറഞ്ഞു. പ്രാഥമിക ഗണിതം, ഭാഷ എന്നിവ ഉള്‍പ്പെടുത്തി കുട്ടികള്‍ക്കിണങ്ങുന്ന പുതിയ പാഠ്യ പദ്ധതി തയ്യാറായിക്കഴിഞ്ഞു. ഇതുവഴി അംഗണവാടികളിലേക്ക് കൂടുതല്‍ കുട്ടികളെ ആകര്‍ഷിക്കാനാവും.

തെയ്യം എന്ന അനുഷ്ഠാന കലയെ അതിന്റെ തനിമയോടെ സംരക്ഷിക്കാനാണ് തെയ്യം മ്യൂസിയം സ്ഥാപിക്കുന്നതെന്ന് തുറമുഖം, മ്യൂസിയം വകുപ്പ് മന്ത്രി രാമചന്ദ്രൻ കടന്നപ്പള്ളി പറഞ്ഞു. 
സംസ്ഥാന മ്യൂസിയം വകുപ്പ് കടന്നപ്പള്ളി-പാണപ്പുഴ പഞ്ചായത്തിലെ ചന്തപ്പുരയിൽ നിർമ്മിക്കുന്ന തെയ്യം മ്യൂസിയത്തിന്റെ ശിലാസ്ഥാപനം നിർവഹിച്ച് സംസാരിക്കുകയായിരുന്നു മന്ത്രി. 

സംസ്ഥാനത്തെ ഭവനരഹിതരായ എല്ലാവര്‍ക്കും വീട് നിര്‍മിച്ചു നല്‍കുന്ന ലൈഫ് പദ്ധതിയുടെ ഒന്നാം ഘട്ടം മാര്‍ച്ച് അവസാനത്തോടെ സംസ്ഥാനത്ത് പൂര്‍ത്തിയാകുമെന്ന് വ്യവസായ വകുപ്പ് മന്ത്രി ഇ പി ജയരാജന്‍. ലൈഫ് ഭവനപദ്ധതിയിലുള്‍പ്പെടുത്തി നിര്‍മ്മാണം പൂര്‍ത്തീകരിച്ച വീടുകളുടെയും കുടുബശ്രീ കണ്‍സ്ട്രക്ഷന്‍ ഗ്രൂപ്പ് നിര്‍മ്മിച്ച വീടിന്റെയും താക്കോല്‍ദാനം നിര്‍വഹിച്ച് സംസാരിക്കുകയായിരുന്നു മന്ത്രി. സംസ്ഥാനത്ത് 94000ല്‍ അധികം കുടുംബങ്ങള്‍ക്കാണ് പദ്ധതിയുടെ ഒന്നാം ഘട്ടത്തില്‍ വീട് നിര്‍മ്മിക്കുന്നത്. ഇതില്‍ ഭൂരിഭാഗം വീടുകളുടെയും നിര്‍മ്മാണം പൂര്‍ത്തീകരിച്ചു കഴിഞ്ഞു. ബാക്കിയുള്ളവയുടെ പ്രവൃത്തികള്‍ അവസാന ഘട്ടത്തിലാണ്.