പട്ടികവര്‍ഗ്ഗ വികസന വകുപ്പു മുഖേന പോസ്റ്റുമെട്രിക് തലത്തില്‍  പഠിക്കുന്ന പട്ടികവര്‍ഗ്ഗ വിദ്യാര്‍ത്ഥികള്‍ക്ക് വിദ്യാഭ്യാസാനുകൂല്യങ്ങള്‍ നല്‍കുന്നതിന്          ഇ-ഗ്രാന്റ്‌സ് വെബ്‌സൈറ്റില്‍ നാളിതുവരെ ഫീസ് അപ്രൂവല്‍ ലഭ്യമാകാത്ത വിദ്യാഭ്യാസ സ്ഥാപനങ്ങള്‍ ഇത് ലഭിക്കുന്നതിന് തങ്ങളുടെ സ്ഥാപനത്തില്‍ പട്ടികവര്‍ഗ്ഗ വിദ്യാര്‍ത്ഥികള്‍ പഠിക്കുന്ന കോഴ്‌സുകളെ സംബന്ധിച്ച വിവരങ്ങള്‍ ഓണ്‍ലൈന്‍ ആയി അയക്കുന്നതോടൊപ്പം ശറേുസുഹ്യ@ഴാമശഹ.രീാ എന്ന ഇ-മെയില്‍ അഡ്രസ്സില്‍ ലഭ്യമാക്കണം.

    പുതുക്കിയ റേഷന്‍ കാര്‍ഡുകള്‍ ഇനിയും കൈപ്പറ്റാത്ത കാര്‍ഡുടമ കളുടെ വിവരങ്ങള്‍ സിവില്‍ സപ്ലൈസ് വകുപ്പിന്റെ വെബ്‌സൈറ്റിലും താലൂക്ക് സപ്ലൈ ഓഫീസിലും പ്രസിദ്ധീകരിച്ചിട്ടുണ്ട്. കൈപ്പറ്റാനുളള കാര്‍ഡുകള്‍ മാര്‍ച്ച് ആറിനകം  ബന്ധപ്പെട്ട സപ്ലൈ ആഫീസുകളില്‍ നിന്ന് കൈപ്പറ്റണം. അല്ലാത്ത പക്ഷം ഈ കാര്‍ഡുകള്‍ അറിയിപ്പില്ലാതെ തന്നെ റദ്ദാക്കും. 

(കെ.ഐ.ഒ.പി.ആര്‍ 404/19) 

സമഗ്ര വികസനം ലക്ഷ്യമാക്കിയുള്ള പ്രവര്‍ത്തനങ്ങളാണ് നവകേരള നിര്‍മ്മാണത്തിന് ചുക്കാന്‍ പിടിക്കുന്നതെന്നും ഇതിന്റെ ഭാഗമായി തൊഴില്‍ മേഖലയില്‍ മാര്‍ച്ചിനകം രണ്ടര കോടി തൊഴില്‍ ദിനങ്ങള്‍ കൂടി സൃഷ്ടിക്കുമെന്ന് തദ്ദേശ സ്വയംഭരണ വകുപ്പ് മന്ത്രി എ.സി.മൊയ്തീന്‍  പറഞ്ഞു.  അയ്മനം ഗ്രാമ പഞ്ചായത്തില്‍ ലൈഫ് പാര്‍പ്പിട പദ്ധതിയില്‍ പൂര്‍ത്തീകരിച്ച 27 വീടുകളുടെ താക്കോല്‍ദാനം നിര്‍വ്വഹിച്ച് സംസാരിക്കുകയായിരുന്നു അദ്ദേഹം. ഏഴരക്കോടി തൊഴില്‍ ദിനങ്ങള്‍ നല്‍കാന്‍ ഇതു വരെ സര്‍ക്കാരിന് കഴിഞ്ഞിട്ടുണ്ട.് മാര്‍ച്ചിനകം രണ്ടര കോടി കൂടി സൃഷ്ടിച്ച്  പത്ത് കോടി തൊഴില്‍ ദിനങ്ങളാക്കുകയാണ് ലക്ഷ്യം.

ലോകസഭാ തെരഞ്ഞെടുപ്പിനോടനുബന്ധിച്ച് വോട്ടര്‍മാര്‍ക്ക് വോട്ടര്‍ പട്ടിക പരിശോധിക്കുന്നതിനായി ജില്ലയിലെ എല്ലാ പോളിങ് ബൂത്തുകളിലും പ്രത്യേക ക്യാമ്പുകള്‍ നാളെ മുതല്‍(മാര്‍ച്ച് രണ്ട്) ആരംഭിക്കുമെന്ന് കലക്ടര്‍ അമിത് മീണ അറിയിച്ചു.മാര്‍ച്ച് രണ്ട് ,മൂന്ന് തീയതികളിലാണ് ക്യാമ്പുകള്‍ സംഘടിപ്പിച്ചിരിക്കുന്നത്. വോട്ടര്‍ പട്ടികയില്‍ പേര് ഉള്‍പ്പെട്ടിട്ടുണ്ടോയെന്ന് വോട്ടര്‍മാര്‍ക്ക് പരിശോധിക്കാനുള്ള അവസരം ക്യാമ്പില്‍ ഉണ്ടായിരിക്കും. കൂടാതെ 2019 ജനുവരി ഒന്നിന് 18 വയസ്സ് പൂര്‍ത്തീകരിച്ചവര്‍ക്ക് വോട്ടര്‍ പട്ടികയില്‍ പേര് ചേര്‍ക്കുന്നതിനുള്ള അപേക്ഷയും സമര്‍പ്പിക്കാം.

ഭവനരഹിതരില്ലാത്ത കേരളം എന്ന സ്വപ്നം  സാക്ഷാത്കരിക്കാന്‍ ഇനി അധികനാളുകള്‍ വേണ്ടെന്ന് തദ്ദേശ സ്വയംഭരണ വകുപ്പ് മന്ത്രി എ സി മൊയ്തീന്‍                  പറഞ്ഞു. കടുത്തുരുത്തി ബ്ലോക്ക് പഞ്ചായത്തിന്റെ മികവിന്റെ അംഗീകരമായ ഐ.എസ്.ഒ പ്രഖ്യാപനവും പ്ലാസ്റ്റിക് ഷ്രെഡിങ് യൂണിറ്റ് ഉദ്ഘാടനവും നിര്‍വഹിച്ച് സംസാരിക്കുകയായിരുന്നു അദ്ദേഹം.