*ചെണ്ട മേളവുമായി ആട്ടം കലാസമിതിയും

* വൈകിട്ട് അഞ്ചിന് നിശാഗന്ധി ഓഡിറ്റോറിയത്തിൽ
നാലാംവർഷത്തിലേക്ക് കടക്കുന്ന മുഖ്യമന്ത്രി പിണറായി വിജയന്റെ നേതൃത്വത്തിലുള്ള സംസ്ഥാന സർക്കാരിന്റെ പ്രോഗ്രസ് റിപ്പോർട്ടിന്റെ പ്രകാശനം ഇന്ന് (ജൂൺ 10) വൈകിട്ട് അഞ്ചിന് നിശാഗന്ധി ഓഡിറ്റോറിയത്തിൽ നടക്കും. മുഖ്യമന്ത്രി പിണറായി വിജയൻ സ്പീക്കർ പി. ശ്രീരാമകൃഷ്ണന് പ്രോഗ്രസ് റിപ്പോർട്ട് നൽകി പ്രകാശനം നിർവഹിക്കും. റവന്യൂമന്ത്രി ഇ. ചന്ദ്രശേഖരൻ അധ്യക്ഷത വഹിക്കും. 

ഇൻഡ്യൻ ഓയിൽ കോർപ്പറേഷന്റെ പൈപ്പ് ലൈൻ പ്രോജക്ട് വേഗത്തിലാക്കുന്നത് സംബന്ധിച്ച് ഐഒസി ചെയർമാൻ സഞ്ജീവ് സിംഗ് മുഖ്യമന്ത്രി പിണറായി വിജയനുമായി ചർച്ച നടത്തി. ഇതുമായി ബന്ധപ്പെട്ട കോർപ്പറേഷൻ ഉൾപ്പെടെയുള്ള എല്ലാ  ഏജൻസികളുടെയും യോഗം വിളിക്കുമെന്ന് മുഖ്യമന്ത്രി അറിയിച്ചു. ഇതിനായി എറണാകുളം ജില്ലാ കളക്ടറെ ചുമതലപ്പെടുത്തിയതായും അദ്ദേഹം പറഞ്ഞു. പാചക വാതക ഉപഭോഗം ഓരോ വർഷവും വർദ്ധിച്ചു വരുകയാണ്. കേരളത്തിന് അനുയോജ്യമായ പ്രോജക്ടുകളാണ് ആവശ്യം. ഇതിന് സർക്കാരിന്റെ എല്ലാ പിന്തുണയും ഉണ്ടാകും.   

ഗവൺമെന്റ് എയ്ഡഡ്, സ്വാശ്രയ പോളിടെക്‌നിക് കോളേജുകളിലെ പ്രവേശനത്തിന് അപേക്ഷകൾ സ്വീകരിക്കുന്നതിനുള്ള ഹെൽപ് ഡസ്‌കുകൾ എല്ലാ ഗവൺമെന്റ്/ എയ്ഡഡ് പോളിടെക്‌നിക്കുകളിലും ഇന്ന് (08.06.2019) രാവിലെ ഒൻപത് മുതൽ വൈകിട്ട് നാല് വരെ പ്രവർത്തിക്കും.  അപേക്ഷകൾ ഓൺലൈനായി സമർപ്പിക്കുന്നതിനുള്ള അവസാന തിയതി ജൂൺ 11 വൈകിട്ട് നാല്.  ഓൺലൈനായി സമർപ്പിച്ച അപേക്ഷകൾ ഫീസടച്ച് ഏതെങ്കിലും ഗവൺമെന്റ്/ എയ്ഡഡ് പോളിടെക്‌നിക് കോളേജുകളിൽ ജൂൺ 12 വൈകിട്ട് നാല് വരെ രജിസ്റ്റർ ചെയ്യണം.  അപേക്ഷകർക്കുള്ള എല്ലാ സഹായങ്ങളും ഗവൺമെന്റ്/ എയ്ഡഡ് പോളിടെക്‌നിക് കോളേജുകളിലെ ഹെൽപ് ഡെസ്‌കുകളിൽ ലഭ്യമാണ്.
പി.എൻ.എക്സ്.1698/19

തിരുവനന്തപുരം സർക്കാർ ആയുർവേദ കോളേജ് രചനാശരീര, ദ്രവ്യഗുണ വിജ്ഞാന, പ്രസൂതിതന്ത്ര & സ്ത്രീരോഗ, പഞ്ചകർമ്മ എന്നീ വകുപ്പുകളിൽ ഓണറേറിയം അടിസ്ഥാനത്തിൽ റിസർച്ച്  ഫെല്ലോമാരെ നിയമിക്കുന്നതിന് ജൂൺ 12ന് രാവിലെ 11ന് പ്രിൻസിപ്പലിന്റെ ഓഫീസിൽ വാക്ക് ഇൻ ഇന്റർവ്യൂ നടത്തും.  ബന്ധപ്പെട്ട  വിഷയങ്ങളിൽ ബിരുദാനന്തരബിരുദമുളളവർ ബയോഡേറ്റയും സർട്ടിഫിക്കറ്റുകളുടെ ഒറിജിനലും സഹിതം അന്നേദിവസം 10.30 ന് ഹാജരാകണം.
പി.എൻ.എക്സ്.1697/19