മഴക്കാലാരംഭത്തോടെ ജില്ലയില്‍ എലിപ്പനി വ്യാപകമാകാന്‍  സാധ്യതയുള്ളതിനാല്‍ എല്ലാവരും എലിപ്പനിക്കെതിരെ മുന്‍കരുതല്‍ സ്വീകരിക്കണമെനന്ന് ജില്ലാ മെഡിക്കല്‍ ഓഫീസര്‍ അറിയിച്ചു.  കൃഷിപ്പണിയില്‍ ഏര്‍പ്പെടുന്നവര്‍, വെള്ളക്കെട്ടില്‍ ജോലി ചെയ്യുന്നവര്‍, തൊഴിലുറപ്പ് പദ്ധതിയില്‍ ഏര്‍പ്പെടുന്നവര്‍, മൃഗപരിപാലകര്‍, എന്നിവര്‍ പ്രത്യേകം ശ്രദ്ധ ചെലുത്തേണ്ടതാണ്.

ഉന്നതവിദ്യാഭ്യാസ വകുപ്പ് മന്ത്രി ഡോ.കെ.ടി.ജലീൽ മന്ത്രിയുടെ ചേംബറിൽ വൈസ് ചാൻസലർമാരുമായി വീഡിയോ കോൺഫറൻസ് നടത്തി.
വൈസ് ചാൻസലർമാരുമായി മന്ത്രിയുടെ മൂന്നാമത്തെ യോഗമാണ് നടന്നത്. ഇനി മുതൽ വീഡിയോ കോൺഫറൻസിംഗ് വഴിയായിരിക്കും മീറ്റിംഗുകൾ.
എല്ലാ സർവ്വകലാശാലകളും ഉയർന്ന നാക് അക്രഡിറ്റേഷൻ ഗ്രേഡ് ലഭിയ്ക്കുന്നതിന് സജ്ജരാകണം.
സർവ്വകലാശാലകൾക്ക് കീഴിലുള്ള കോളേജുകളെയെല്ലാം നാക് അക്രഡിറ്റേഷന് വിധേയമാക്കണം. പുതിയ പ്രോഗ്രാമുകൾ ശുപാർശ ചെയ്യുമ്പോൾ നാക് ഗ്രേഡ് കൂടി പരിഗണിക്കണം.

 ഗതാഗതനിയമങ്ങൾ ലംഘിക്കുന്നവർക്ക് മോട്ടോർവാഹന നിയമപ്രകാരം ചുമത്താവുന്ന പിഴയും മറ്റ് ശിക്ഷകളും സംബന്ധിച്ച വിശദവിവരങ്ങൾ പൊതുജനങ്ങളുടെ അറിവിലേക്കായി കേരളാ പോലീസ് പ്രസിദ്ധീകരിച്ചു. വാഹനപരിശോധനസമയത്ത് കൈവശം ഉണ്ടായിരിക്കേണ്ട രേഖകൾ, അവ ഇല്ലെങ്കിൽ ഈടാക്കാവുന്ന പിഴ, ശിക്ഷാ വിവരങ്ങൾ എന്നിവ ഉൾപ്പെടെയുള്ള കാര്യങ്ങളെക്കുറിച്ച് പൊതുവായ വിവരങ്ങളാണ് പ്രസിദ്ധീകരിച്ചത്. 

ഐ.എച്ച്.ആർ.ഡിയുടെ കീഴിൽ പ്രവർത്തിക്കുന്ന എട്ട് മോഡൽ പോളിടെക്‌നിക് കോളേജുകളിൽ ഡിപ്ലോമ പ്രവേശനത്തിന് അപേക്ഷിക്കുവാനുളള അവസാന തീയതി ജൂൺ 15 വൈകിട്ട് നാലു വരെ www.ihrdmptc.org എന്ന അഡ്മിഷൻ പോർട്ടൽ വഴി അപേക്ഷകൾ സമർപ്പിക്കാം. ഓൺലൈനായി സമർപ്പിച്ച അപേക്ഷയുടെ പകർപ്പ് മറ്റ് അനുബന്ധങ്ങൾ സഹിതം 17ന് വൈകിട്ട് അഞ്ചിനു മുൻപ് പ്രവേശനം ആഗ്രഹിക്കുന്ന കോളേജ് പ്രിൻസിപ്പലിന് സമർപ്പിക്കണം. വിശദവിവരങ്ങൾ അഡ്മിഷൻ പോർട്ടലിൽ ലഭിക്കും.
പി.എൻ.എക്സ്.1746/19

എൻജിനീയറിംഗ് ഡിപ്ലോമ വിജയികൾക്ക് ബി.ടെക് രണ്ടാം വർഷത്തിലേക്കുളള ലാറ്ററൽ എൻട്രി പ്രവേശനപരീക്ഷ സാങ്കേതിക പരീക്ഷാ കൺട്രോളർ ജൂൺ 16ന് രാവിലെ 11 മുതൽ ഒരു മണി വരെ സംസ്ഥാനത്തെ വിവിധ കേന്ദ്രങ്ങളിൽ നടത്തും. ഹാൾ ടിക്കറ്റ്  www.admission.dtekerala.gov.in, www.tekerala.org എന്നീ വെബ്‌സൈറ്റുകളിൽ നിന്നും ഡൗൺലോഡ് ചെയ്യാം.
പി.എൻ.എക്സ്.1745/19

  ജില്ലാ മാനസികാരോഗ്യ പദ്ധതിയുടെ കീഴില്‍ സമ്പൂര്‍ണ്ണ മാനസികാരോഗ്യ പരിപാടിയിലേക്ക് ക്ലിനിക്കല്‍, കൗണ്‍സിലിംഗ് സൈക്കോളജിസ്റ്റ്, പ്രോജക്റ്റ് ഓഫീസര്‍ എന്നി തസ്തികകളിലേക്ക് കരാര്‍ അടിസ്ഥാനത്തില്‍   നിയമനം നടത്തും. ഈ മാസം 17 ന് രാവിലെ പത്തിന് ചെമ്മട്ടംവയലിലുളള ജില്ലാ മെഡിക്കല്‍ ഓഫീസില്‍  (ആരോഗ്യം) കൂടിക്കാഴ്ച നടത്തും. കൂടുതല്‍ വിവരങ്ങള്‍ക്ക് www.arogyakeralam.gov.in എന്ന വെബ്‌സൈറ്റ് സന്ദര്‍ശിക്കുക. ഫോണ്‍:- 0467 2209466    
    

 കണ്ണൂര്‍ കൃഷ്ണമേനോന്‍ മെമ്മോറിയല്‍ ഗവണ്‍മെന്റ് വിമന്‍സ് കോളേജില്‍ ഇക്കണോമിക്‌സ് വിഷയത്തില്‍ എഫ്ഡിപി സബ്സ്റ്റിറ്റിയൂട്ട് അസിസ്റ്റന്റ് പ്രൊഫസര്‍ നിയമനം നടത്തുന്നു. കോഴിക്കോട്  കോളേജ് വിദ്യാഭ്യാസ ഡയറക്ടറുടെ ഓഫീസില്‍ രജിസ്റ്റര്‍ ചെയ്ത ഉദ്യോഗാര്‍ത്ഥികള്‍ അസല്‍ സര്‍ട്ടിഫിക്കറ്റുകള്‍ സഹിതം  ഈ മാസം 25 ന് രാവിലെ 11 ന്  പ്രിന്‍സിപ്പല്‍ മുമ്പാകെ കൂടിക്കാഴ്ചക്ക് ഹാജരാകണം.

ജില്ലാ ആസൂത്രണ സമിതി യോഗം ഈ മാസം 14 ന് ഉച്ചയ്ക്ക് 2.30 ന്  ആസൂത്രണ സമിതി കോണ്‍ഫറന്‍സ് ഹാളില്‍ ചേരും.

സായുധ സേനയുടെ കീഴിലുള്ള ഓഫീസേഴ്‌സ് ട്രെയിനിങ് അക്കാദമി,എന്‍ഡിഎ, ഐഎംഎ, നേവല്‍ അക്കാദമി, എയര്‍ഫോഴ്‌സ് അക്കാദമി, ആംഡ് ഫോഴ്‌സസ് മെഡിക്കല്‍ കോളെജ്, ആര്‍ഐഎം സി സ്‌കൂളുകള്‍ എന്നിവിടങ്ങളില്‍ പ്രവേശനം നേടുന്ന കേരളീയരായ കേഡറ്റുകള്‍ക്ക്   പ്രോത്സാഹനമായി  രണ്ട് ലക്ഷം രൂപയും മിലിട്ടറി ,നേവല്‍, എയര്‍ ഫോഴ്‌സ് നഴ്‌സിംഗ് സ്‌കൂളുകളില്‍ പ്രവേശനം ലഭിക്കുന്നവര്‍ക്ക്  ഒരു ലക്ഷം രൂപയും അനുവദിച്ച് സര്‍ക്കാര്‍ ഉത്തരവായി. അര്‍ഹരായവര്‍ അതതു സ്ഥാപന മേധാവികള്‍ മുഖേന  സൈനിക ക്ഷേമ ഡയ റക്ടര്‍, വികാസ് ഭവന്‍, തിരുവനന്തപുരം - 695033 എന്ന വിലാസത്തില്‍ അപേക്ഷ സമര്‍പ്പിക്കണം.