പൊതുമരാമത്ത് വകുപ്പിൽ 2016 ഏപ്രിൽ ഒന്നു മുതൽ 2018 മെയ് 31 വരെയുളള കാലയളവിൽ യു.ഡി ടൈപ്പിസ്റ്റുമാരായി സ്ഥാനക്കയറ്റം ലഭിച്ച ജീവനക്കാരുടെ താത്കാലിക സീനിയോറിറ്റി ലിസ്റ്റ്  www.keralapwd.gov.in ൽ പരിശോധനയ്ക്കായി ലഭ്യമാണ്.
പി.എൻ.എക്സ്.1709/19

തിരുവനന്തപുരം സർക്കാർ ആയുർവേദം കോളേജിലും അനുബന്ധ സ്ഥാപനങ്ങളിലുമായി ഒഴിവുളള സാനിട്ടേഷൻ വർക്കർ തസ്തികയിലേക്ക് ദിവസ വേതനാടിസ്ഥാനത്തിൽ നിയമനം നടത്തുന്നതിന് ജൂൺ 14ന് രാവിലെ 11ന് ആയുവേദ കോളേജ് പ്രിൻസിപ്പാലിന്റെ ഓഫീസിൽ വാക്ക് ഇൻ ഇന്റർവ്യൂ നടത്തും. യോഗ്യത ഏഴാം ക്ലാസ് വിജയം, പ്രായപരിധി - 50 വയസ്സ്, ആശുപത്രികളിൽ പ്രവൃത്തി പരിചയമുളളവർക്ക് മുൻഗണന. ഉദ്യോഗാർത്ഥികൾ വയസ്സ്, യോഗ്യത, പ്രവൃത്തി പരിചയം എന്നിവ തെളിയിക്കുന്നതിനുളള അസൽ സർട്ടിഫിക്കറ്റുകൾ സഹിതം അന്ന് 10.30ന് ഓഫീസിൽ ഹാജരാകണം.
പി.എൻ.എക്സ്.1708/19

തിരുവനന്തപുരം മെഡിക്കൽ കോളേജ് ചൈൽഡ് ഡെവലപ്‌മെന്റ് സെന്ററിൽ ഡയറക്ടറുടെ പേഴ്‌സണൽ സെക്രട്ടറി (25200-54000) തസ്തികയിലേക്ക് ഡെപ്യൂട്ടേഷൻ നിയമനത്തിന് അപേക്ഷ ക്ഷണിച്ചു. ഇംഗ്ലീഷിൽ ബിരുദവും സർക്കാർ/സ്വയംഭരണ സ്ഥാപനങ്ങളിൽ അഞ്ചു വർഷത്തെ പ്രവൃത്തി പരിചയവുമാണ് യോഗ്യത. ബയോഡേറ്റ, വകുപ്പ് മേധാവിയുടെ എൻ.ഒ.സി, കെ.എസ്.ആർ പാർട്ട്-1, റൂൾ 144 പ്രകാരമുളള സ്റ്റേറ്റ്‌മെന്റ്, ഡിക്ലറേഷൻ എന്നിവ സഹിതമുളള അപേക്ഷ ഡയറക്ടർ, ചൈൽഡ് ഡെവലപ്‌മെന്റ് സെന്റർ, മെഡിക്കൽ കോളേജ്, തിരുവനന്തപുരം-11 (ഫോൺ - 04712553540) എന്ന വിലാസത്തിൽ ജൂൺ 22 നകം ലഭ്യമാക്കണം. 
പി.എൻ.എക്സ്.1707/19

സൈക്കോ സോഷ്യല്‍ റീഹാബിലിറ്റേഷന്‍ സെന്റററുകള്‍ക്ക്
ഗ്രാന്റ് ഇന്‍ എയ്ഡ്; അപേക്ഷ ക്ഷണിച്ചു
കൊച്ചി: എറണാകുളം ജില്ലയില്‍ പ്രവര്‍ത്തിക്കുന്ന സൈക്കോ സോഷ്യല്‍ റീഹാബിലിറ്റേഷന്‍ സെന്റററുകള്‍ക്ക് 2019-20 വര്‍ഷത്തെ ഗ്രാന്റ് ഇന്‍ എയ്ഡ് നല്‍കുന്നതിന് സ്ഥാപനങ്ങളില്‍ നിന്നും അപേക്ഷ ക്ഷണിച്ചു. 

കൊച്ചി: എറണാകുളം എം.ജി റോഡിലുളള കൈരളി ഹാന്റിക്രാഫ്റ്റ്‌സിന്റെ ഷോറൂമില്‍ മദ്ധ്യപ്രദേശില്‍ നിന്നുളള പ്രസിദ്ധമായ ചന്ദേരി, മഹേശ്വരി സാരികളുടെ വിപുലമായ ശേഖരത്തോടെയുളള പ്രദര്‍ശന വിപണനമേള ആരംഭിച്ചു. സംരംഭത്തിന്റെ ഉദ്ഘാടനം കൊച്ചി കോര്‍പറേഷന്‍ കൗണ്‍സിലര്‍ കെ.വി.പി കൃഷ്ണകുമാര്‍ നിര്‍വഹിച്ചു. കരകൗശല വികസന കോര്‍പറേഷന്‍ മാനേജിങ് ഡയറക്ടര്‍ എന്‍.കെ.മനോജ്, യൂണിറ്റ് മാനേജര്‍ അരവിന്ദാക്ഷന്‍ എന്‍.ഡി,  എച്ച്.ഡി.സി.കെ. മാനേജര്‍ സജീവ് എന്‍.എന്‍ തുടങ്ങിയവര്‍ സന്നിഹിതരായിരിക്കുന്നു.

  വനിതാ ശിശുവികസന വകുപ്പിന് കീഴില്‍ പ്രവര്‍ത്തിക്കുന്ന വനിതാ പ്രൊട്ടക്ഷന്‍ ഓഫീസിന്‍റെ ആവശ്യത്തിന് കാര്‍/ജീപ്പ് വാടകയ്ക്ക് നല്‍കാന്‍ ടെണ്ടര്‍ ക്ഷണിച്ചു. ജൂണ്‍ 19ന് ഉച്ചയ്ക്ക് ഒന്നുവരെ  സ്വീകരിക്കും. ഫോണ്‍: 0481 2300955 
 (കെ.ഐ.ഒ.പി.ആര്‍ 878/19)
 

ഭക്ഷ്യസുരക്ഷാദിനത്തോടനുബന്ധിച്ച് വനിതാ ശിശുവികസന വകുപ്പിന്‍റെ  ജില്ലാതല ഐസിഡിഎസ് സെല്ലും ഭക്ഷ്യസുരക്ഷാ വകുപ്പും സംയുക്തമായി ജില്ലയിലെ ഐ.സി.ഡി.എസ് ശിശുവികസന പദ്ധതി ഓഫീസര്‍മാര്‍ക്കും സൂപ്പര്‍ വൈസര്‍മാര്‍ക്കുമായി ബോധവല്‍ക്കരണ സെമിനാര്‍ സംഘടിപ്പിച്ചു. കുമാരനല്ലൂര്‍ മുനിസിപ്പല്‍ ടൗണ്‍ഹാളില്‍ ഭക്ഷ്യസുരക്ഷാ അസിസ്റ്റന്‍റ് കമ്മീഷണര്‍  പി. ഉണ്ണികൃഷ്ണന്‍ നായര്‍ ഉദ്ഘാടനം ചെയ്തു. 

  കൊല്ലം ഇന്‍ഡസ്ട്രിയല്‍ ട്രൈബ്യൂണല്‍ സുനിത വിമല്‍ ജൂണ്‍ 22ന് പീരുമേട്ടിലും 18, 25 തീയതികളില്‍ പുനലൂരിലും മറ്റു പ്രവൃത്തിദിനങ്ങളില്‍ ആസ്ഥാനത്തും ക്യാമ്പ് സിറ്റിംഗ് നടത്തും. തൊഴില്‍ തര്‍ക്ക കേസുകളും എംപ്ലോയീസ് ഇന്‍ഷുറന്‍സ് കേസുകളും എംപ്ലോയീസ് കോമ്പന്‍സേഷന്‍ കേസുകളും വിചാരണ നടത്തും. 

  കോട്ടയം ജില്ലയില്‍  എക്സൈസ് വകുപ്പില്‍ ഡ്രൈവര്‍ (കാറ്റഗറി നമ്പര്‍ 659/17) തസ്തികയുടെ ചുരുക്കപ്പട്ടികയില്‍ ഉള്‍പ്പെട്ട ഉദ്യോഗാര്‍ഥികള്‍ക്കുളള പ്രാക്ടിക്കല്‍ ടെസ്റ്റ് (എച്ച് ടെസ്റ്റ്, റോഡ് ടെസ്റ്റ്) ജൂണ്‍ 11 മുതല്‍ 13 വരെ തൃക്കോതമംഗലം ഗവണ്‍മെന്‍റ് വി.എച്ച്.എസ്.എസ് ഗ്രൗണ്ടില്‍ നടക്കും. ഉദ്യോഗാര്‍ഥികള്‍ ഒറിജിനല്‍ ഡ്രൈവിംഗ് ലൈസന്‍സ്, അനുബന്ധ രേഖകള്‍, അഡ്മിഷന്‍ ടിക്കറ്റ് എന്നിവ സഹിതം നിര്‍ദ്ദിഷ്ഠ തീയതികളില്‍ രാവിലെ ആറിന് ഗ്രൗണ്ടില്‍ റിപ്പോര്‍ട്ട് ചെയ്യണം.