ജില്ലാ സൈനിക ക്ഷേമ ഓഫീസ്, എംപ്ലോയ്‌മെന്റ് വകുപ്പ്, കെല്‍ട്രോണ്‍ എന്നിവയുടെ ആഭിമുഖ്യത്തില്‍ വിമുക്തഭട•ാര്‍ക്കായി ബാങ്ക് പരീക്ഷ.  പിഎസ് സി പരീക്ഷാ പരിശീലനം, ഫയര്‍ ആന്റ് സേഫ്ടി കോഴ്‌സ് എന്നിവ സൗജന്യമായി സംഘടിപ്പിക്കുന്നു. താത്പര്യമുളളവര്‍ മാര്‍ച്ച് 10നകം ജില്ലാ സൈനിക ക്ഷേമ ഓഫീസില്‍ അപേക്ഷ നല്‍കണം. 

ഹരിത  കേരളം മിഷനില്‍ ഇന്റേണ്‍ഷിപ്പിന് അപേക്ഷ ക്ഷണിച്ചു. എന്‍വയോണ്‍മെന്റല്‍ സയന്‍സ്, ജിയോളജി, സോഷ്യോളജി, സോഷ്യല്‍ വര്‍ക്ക്,      കെമിസ്ട്രി, ബോട്ടണി, തുടങ്ങിയ വിഷയങ്ങളില്‍ ബിരുദാനന്തര ബിരുദം/ സിവില്‍ എഞ്ചിനീയറിംഗ്/കൃഷി എന്നീ മേഖലകളില്‍ ബിരുദമോ ജേര്‍ണലിസത്തില്‍ ബിരുദാനന്തര ബിരുദമോ (പി.ജി ഡിപ്ലോമ) ഉളളവര്‍ക്ക് അപേക്ഷിക്കാം. ഹരിതകേരളം മിഷന്‍ വെബ്‌സൈറ്റ് (ംംം.വമൃശവേമാ.സലൃമഹമ.ഴീ്.ശി) മുഖേന മാര്‍ച്ച് അഞ്ചു മുതല്‍ 18 വരെ അപേക്ഷ നല്‍കാം.  

നാഷണല്‍ ട്രസ്റ്റ് ആക്റ്റ് പ്രകാരം പ്രവര്‍ത്തിക്കുന്ന ലോക്കല്‍ ലെവല്‍ കമ്മറ്റിയില്‍ അംഗമായി പ്രവര്‍ത്തിക്കാന്‍ താല്‍പര്യമുള്ള സര്‍ക്കാരിതര സംഘടനകളില്‍ നിന്ന് താത്പര്യ പത്രം ക്ഷണിച്ചു. ഭിന്നശേഷിയുള്ളവരുടെ ക്ഷേമവുമായി ബന്ധപ്പെട്ടു പ്രവര്‍ത്തിക്കുന്നതും നാഷണല്‍ ട്രസ്റ്റില്‍ രജിസ്റ്റര്‍ ചെയ്തിട്ടുളളതുമായ സംഘടനകള്‍ രേഖകള്‍ സഹിതം കോട്ടയം മിനി സ്റ്റേഷനില്‍ പ്രവര്‍ത്തിക്കുന്ന ജില്ലാ സാമൂഹ്യനീതി ആഫീസില്‍ അപേക്ഷ നല്‍കണം. കൂടുതല്‍ വിവരങ്ങള്‍ക്ക് ഫോണ്‍: 0481- 2563980  

    പുതുക്കിയ റേഷന്‍ കാര്‍ഡുകള്‍ മാര്‍ച്ച് ആറിനകം കൈപ്പറ്റാത്തവരുടെ കാര്‍ഡുകള്‍ റദ്ദു ചെയ്യുമെന്ന് ജില്ലാ സപ്ലൈ ഓഫീസര്‍ അറിയിച്ചു. കാര്‍ഡുടമ കളുടെ വിവരങ്ങള്‍ സിവില്‍ സപ്ലൈസ് വകുപ്പിന്റെ വെബ്‌സൈറ്റിലും താലൂക്ക് സപ്ലൈ ഓഫീസിലും പ്രസിദ്ധീകരിച്ചിട്ടുണ്ട്.

(കെ.ഐ.ഒ.പി.ആര്‍ 419/19) 

          ജില്ലാ ആശുപത്രിയിലെ അമ്മത്തൊട്ടിലില്‍ ലഭിച്ച ഒരാഴ്ച പ്രായമുളള കുട്ടിയെ വനിതാ ശിശു വികസന വകുപ്പ്  ഏറ്റെടുത്തു.  ജില്ലാ ചൈല്‍ഡ് പ്രൊട്ടക്ഷന്‍ യൂണിറ്റിനെ ഏല്‍പ്പിച്ച കുട്ടിയെ ചൈല്‍ഡ് വെല്‍ഫെയര്‍ കമ്മറ്റിയുടെ അംഗീകാരത്തോടെ ജില്ലയിലെ ഒരു അംഗീകൃത അഡോപ്ഷന്‍ ഏജന്‍സിക്ക്            കൈമാറി. 

ഫെബ്രുവരി മാസത്തെ റേഷന്‍ വിഹിതം കാര്‍ഡുടമകള്‍ക്ക് മാര്‍ച്ച് രണ്ട് വരെ റേഷന്‍ കടകളില്‍ നിന്നും വാങ്ങാവുന്നതാണെന്ന് ജില്ലാ സപ്ലൈ ഓഫീസര്‍ അറിയിച്ചു. 

     ജില്ലാ ഭക്ഷ്യോപദേശക വിജിലന്‍സ് ആന്റ് പ്രൈസ് മോണിറ്ററി സംയുക്ത സമിതി യോഗം ഇന്ന് (മാര്‍ച്ച് രണ്ട്) രാവിലെ 11.30ന് കളക്‌ട്രേറ്റില്‍ ചേരും. ജില്ലാ കളക്ടര്‍ പി. കെ സുധീര്‍ ബാബു അദ്ധ്യക്ഷത വഹിക്കും. 

(കെ.ഐ.ഒ.പി.ആര്‍ 416/19) 

    ലോകസഭാ തെരഞ്ഞെടുപ്പുമായി ബന്ധപ്പെട്ട് ജില്ലയിലെ എല്ലാ പോളിംഗ് ബൂത്തുകളിലും അക്ഷയകേന്ദ്രങ്ങളിലും മാര്‍ച്ച് രണ്ട്, മൂന്ന് തീയതികളില്‍ പ്രത്യേക ക്യാമ്പുകള്‍ സംഘടിപ്പിക്കും. സമ്മതിദായകര്‍ക്ക് വോട്ടര്‍ പട്ടികയിലെ പേര് പരിശോധിക്കുന്നതിനും പേര് ചേര്‍ക്കുന്നതിനും സൗകര്യം ഉണ്ടായിരിക്കും. രാവിലെ 10 മുതല്‍ വൈകിട്ട് അഞ്ച് വരെ ക്യാമ്പുകള്‍ പ്രവര്‍ത്തിക്കും. 

(കെ.ഐ.ഒ.പി.ആര്‍ 415/19) 

മാര്‍ജിന്‍മണി വായ്പ തീര്‍പ്പാക്കാന്‍ അവസരം