കേരള തൊഴിലാളി ക്ഷേമനിധി ബോര്‍ഡില്‍ വരിക്കാരായ തൊഴിലാളികളുടെ മക്കള്‍ക്ക് ഉന്നത വിദ്യാഭ്യാസ ഗ്രാന്റിന് അപേക്ഷ ക്ഷണിച്ചു.  എട്ട്, ഒമ്പത്, പത്ത് ക്ലാസുകളിലെ കുട്ടികള്‍ക്ക് ക്യാഷ് അവാര്‍ഡും പ്രൊഫഷനല്‍ കോഴ്‌സുകള്‍ ഉള്‍പ്പെടെ ഉന്നത കോഴ്‌സുകള്‍ക്ക് പഠിക്കുന്നവര്‍ക്ക് ഗ്രാന്റും നല്‍കുന്നു.   പ്ലസ് വണ്‍, ഡിഗ്രി, പി.ജി കോഴ്‌സുകള്‍ പാരല്‍ കോളേജില്‍ പഠിക്കുന്നവര്‍ അപേക്ഷിക്കേണ്ടതില്ല.  അപേക്ഷ ആഗസ്റ്റ് 30നകം ജില്ലാ ലേബര്‍ വെല്‍ഫെയര്‍ ഫണ്ട് ഇന്‍സ്‌പെക്ടറുടെ കാര്യാലയത്തില്‍ ലഭിക്കണം.  ഫോണ്‍ 0491 2505135.

ജില്ലാ എംപ്ലോയ്മെന്റ് എക്‌സ്‌ചേഞ്ചിന്റെ ആഭിമുഖ്യത്തില്‍ ഈ വര്‍ഷം എസ്.എസ്.എല്‍.സി. പ്ലസ്ടു പാസ്സായ വിദ്യാര്‍ത്ഥികള്‍ക്കും രക്ഷിതാക്കള്‍ക്കുമായി ഉന്നത വിദ്യാഭ്യാസ അവസരങ്ങള്‍ പരിചയപ്പെടുത്തുന്ന കരിയര്‍ സെമിനാര്‍  ജൂണ്‍ 15 രാവിലെ 10 ന് പൂക്കോട്ടൂര്‍ ഗ്രാമപഞ്ചായത്ത് ഹാളില്‍ നടത്തുന്നു. ഉന്നത വിദ്യാഭ്യാസ മേഖലകളെപ്പറ്റിയും ജോലി സാധ്യതകളെപ്പറ്റിയും പ്രമുഖര്‍ ക്ലാസെടുക്കും. താത്പ്പര്യമുള്ളവര്‍ രാവിലെ ഒമ്പതിന് പൂക്കോട്ടൂര്‍ ഗ്രാമപഞ്ചായത്ത് ഹാളില്‍ എത്തി രജിസ്റ്റര്‍ ചെയ്യണം. ഫോണ്‍  04832734904,  8921299274

തീവ്ര ശാരീരിക മാനസിക വെല്ലുവിളി നേരിടുന്ന മക്കളെ സംരക്ഷിക്കേണ്ടി വരുന്ന ബി.പി.എല്‍ കുടുംബങ്ങളിലെ സ്ത്രീ രക്ഷകര്‍ത്താവിന് സ്വയം തൊഴില്‍ കണ്ടെത്തുന്നതിന് ധനസഹായം അനുവദിക്കുന്നതിന് അപേക്ഷ ക്ഷണിച്ചു. ഒറ്റത്തവണ ധനസഹായമായി 35,000രൂപ അനുവദിക്കും.  70 ശതമാനമോ അതില്‍ കൂടുതലോ മാനസിക ശാരീരിക വെല്ലുവിളി നേരിടുന്ന വ്യക്തികളുടെ മാതാവിനാണ് ധനസഹായം അനുവദിക്കുക.

  വനിതാ ശിശുവികസന വകുപ്പിന് കീഴില്‍ പ്രവര്‍ത്തിക്കുന്ന വനിതാ പ്രൊട്ടക്ഷന്‍ ഓഫീസിന്‍റെ ആവശ്യത്തിന് കാര്‍/ജീപ്പ് വാടകയ്ക്ക് നല്‍കാന്‍ ടെണ്ടര്‍ ക്ഷണിച്ചു. ജൂണ്‍ 19ന് ഉച്ചയ്ക്ക് ഒന്നുവരെ  സ്വീകരിക്കും. ഫോണ്‍: 0481 2300955 

പരീക്ഷണാടിസ്ഥാനത്തില്‍ നടത്തിയ തേനീച്ച കൃഷി അയര്‍ക്കുന്നം മധുരിമ തേന്‍ സൊസൈറ്റിയിലെ തേനീച്ച കര്‍ഷകര്‍ക്ക് നല്‍കിയത് വിജയ മധുരം. 34 കര്‍ഷകര്‍ ചേര്‍ന്നു നടത്തിയ കൃഷിയുടെ ആദ്യഘട്ട വിളവെടുപ്പില്‍ 15 പെട്ടികളില്‍ നിന്ന് 45 കിലോയോളം തേന്‍ സംഭരിച്ചു. ഒരു കിലോ തേനിന് 350 രൂപ എന്ന നിരക്കിലാണ് വില്‍പന.

ആരോഗ്യ മേഖലയിലെ മാതൃകാ പരമായ പ്രവര്‍ത്തനങ്ങള്‍ മീനടം ഗ്രാമ പഞ്ചായത്തിന് സമ്മാനിച്ചത് ആര്‍ദ്രം പുരസ്കാരം.