പമ്പ ജലസേചന പദ്ധതിയിയുടെ മണിയാര്‍ ബാരേജിലെ മൂന്നും നാലും ഷട്ടറുകള്‍ അറ്റകുറ്റപ്പണികള്‍ക്കായി മെയ് ആദ്യ പകുതിയില്‍ നിയന്ത്രിതമായ രീതിയില്‍ ഉയര്‍ത്തും. തുടര്‍ന്ന് അറ്റകുറ്റപ്പണികള്‍ അവസാനിക്കുന്നതുവരെ ജലസംഭരണിയിലേക്കുള്ള ആഗമന ജലം സംഭരണം കൂടാതെ പുറത്തേക്ക് ഒഴുക്കും. ഈ സാഹചര്യത്തില്‍ പമ്പയുടെയും കക്കാട്ടാറിന്റെയും തീരത്തുള്ളവരും മണിയാര്‍, വടശേരിക്കര, റാന്നി, കോഴഞ്ചേരി, ആറ•ുള നിവാസികളും പൊതുജനങ്ങളും ജാഗ്രത പാലിക്കണമെന്ന് പിഐപി സബ്ഡിവിഷന്‍ അസിസ്റ്റന്റ് എക്‌സിക്യൂട്ടീവ് എന്‍ജിനീയര്‍ അറിയിച്ചു.                    (പിഎന്‍പി 1036/19)

വെണ്ണിക്കുളം പോളിടെക്‌നിക്ക് കോളജിലെ കണ്ടിന്യൂയിംഗ് എഡ്യുക്കേഷന്‍ സെല്ലില്‍ ഓട്ടോമൊബൈല്‍ സര്‍വീസിംഗ് ടെക്‌നീഷ്യന്‍ (ടൂ ആന്‍ഡ് ത്രീ വീലര്‍) അലൂമിനിയം ഫാബ്രിക്കേഷന്‍, എം.എസ്.ഓഫീസ്, ടാലി, പ്ലംബിംഗ് ആന്‍ഡ് കാഡ് എന്നീ കോഴ്‌സുകളിലേക്ക് അപേക്ഷിക്കാം. ഫോണ്‍: 0469 2651428, 9495385377.              (പിഎന്‍പി 1035/19)

അടൂര്‍ എല്‍ബിഎസ് സെന്ററും സെന്റര്‍ ഫോര്‍ ഡിസെബിലിറ്റി സ്റ്റഡീസും സംയുക്തമായി അടൂര്‍ സബ്‌സെന്ററില്‍ ആരംഭിക്കുന്ന മൂന്ന് മാസം ദൈര്‍ഘ്യമുള്ള ഡിറ്റിപി കോഴ്‌സിന് അംഗപരിമിതര്‍ക്ക് അപേക്ഷിക്കാം. ഫോണ്‍: 9947123177.          (പിഎന്‍പി 1034/19)

ഇന്ത്യന്‍ മഹാസമുദ്രത്തിന്റെ ഭൂമധ്യരേഖാ പ്രദേശത്തും അതിനോട്  ചേര്‍ന്നുള്ള  തെക്കു  പടിഞ്ഞാറന്‍  ബംഗാള്‍  ഉള്‍ക്കടലിലും ശ്രീലങ്കയുടെ തെക്കുകിഴക്കുമായി 25 ഏപ്രില്‍  യോട് കൂടി  ഒരു  ന്യൂനമര്‍ദ്ദം രൂപംകൊണ്ടു വരുന്നതായി കേന്ദ്ര കാലാവസ്ഥാനിരീക്ഷണ കേന്ദ്രം അറിയിച്ചു.

ലോക്‌സഭാ തെരഞ്ഞെടുപ്പിനുള്ള വോട്ടിങ് യന്ത്രങ്ങളും മറ്റ് പോളിങ് സാമഗ്രികളും വിതരണം ചെയ്തു. ജില്ലയിലെ പത്ത് കേന്ദ്രങ്ങളില്‍ നിന്നായാണ് 16 മണ്ഡലങ്ങളിലേക്കുള്ള സാമഗ്രികള്‍ വിതരണം ചെയ്തത്. അതത് നിയോജക മണ്ഡലങ്ങളുടെ ചുമതലയുള്ള ഉപവരണാധികാരികളുടെ നേതൃത്വത്തിലാണ് പോളിങ് സാമഗ്രികള്‍ വിതരണം ചെയ്തത്. തെരഞ്ഞെടുപ്പ് ചുമതലയുള്ള ജീവനക്കാര്‍ നേരത്തേ വിതരണ കേന്ദ്രങ്ങളില്‍ നിന്നും സാമഗ്രികള്‍ ഏറ്റുവാങ്ങി പോലീസ് സുരക്ഷയോടെ പ്രത്യേകം നിശ്ചയിച്ച വാഹനങ്ങളിലാണ് അതതു ബൂത്തുകളിലേക്കു പോയത്.

കോഴിക്കോട്-പാലക്കാട് ദേശീയപാതയില്‍ കൊട്ടപ്പുറം-കാക്കഞ്ചേരി  ജങ്ഷനില്‍ ഓവു പാലം പുതുക്കി  പണിയുന്നതിനാല്‍ ഏപ്രില്‍ 24 മുതല്‍ പ്രവൃത്തി തീരുന്നതു വരെ വാഹന ഗതാഗതം തടസ്സപ്പെടും. കൊട്ടപ്പുറം- പള്ളിക്കല്‍ -കാക്കഞ്ചേരി റൂട്ടിലാണ് ഗതാഗത തടസ്സമുണ്ടാവുക.  വാഹനങ്ങള്‍ രാമനാട്ടുകര വഴി തിരിഞ്ഞുപോകണം.
യൂനിവേഴ്‌സിറ്റി-പറമ്പില്‍ പീടിക റോഡില്‍  റോഡുപണി നടക്കുന്നതിനാല്‍ വാഹന ഗതാഗതം ഏപ്രില്‍ 25 മുതല്‍ പ്രവൃത്തി അവസാനിക്കുന്നതുവരെ നിരോധിച്ചിരിക്കുന്നു. വാഹനങ്ങള്‍ ചേളാരി-ഒളകര-പെരുവള്ളൂര്‍ റോഡ് വഴി തിരിഞ്ഞ് പോകണം.

വോട്ടിങ്  അവസാനിപ്പിക്കുന്നത് പ്രിസൈഡിങ്  ഓഫീസറാണ്. വോട്ടിങ്ങ് സമയം അവസാനിപ്പിക്കുമ്പോള്‍ നിരയില്‍ അവശേഷിക്കുന്നയാളുകള്‍ക്ക് ടോക്കണ്‍ നല്‍കും. അവര്‍ക്ക് വോട്ടുചെയ്യാം. ശേഷം വരുന്നവര്‍ക്ക് വോട്ട് രേഖപ്പെടുത്താനാകില്ല. വോട്ടിങ്ങിനുള്ള സമയം അവസാനിക്കുന്നതോടെ പോളിങ്ങ് സ്റ്റേഷന്റെ ഗേറ്റ് പോലീസ് അടയ്ക്കും. പോളിങ്ങ് അവസാനിച്ച ശേഷം പ്രിസൈഡിങ്ങ് ഓഫീസര്‍ യന്ത്രത്തില്‍ ക്ലോസ് ബട്ടണ്‍ അമര്‍ത്തുന്നതോടെ പോളിങ്ങ് അവസാനിക്കും.