ആലപ്പുഴ : ഏപ്രിൽ 29,30 തിയതികളിൽ കേരളത്തിൽ ശക്തമായ കാറ്റും മഴയ്ക്കും സാധ്യതയുണ്ടെന്ന് കാലാവസ്ഥാ കേന്ദ്രം അറിയിക്കുന്നു. കൂടാതെ മത്സ്യത്തൊഴിലാളികൾ 28,29,30 തീയതികളിൽ കേരള തീരം പ്രക്ഷുബ്ധമാകാൻ സാധ്യതയുള്ളതിനാൽ കേരളത്തിന്റെ തീരത്ത് മത്സ്യ ബന്ധനത്തിന് ഇറങ്ങരുതെന്നും മുന്നറിയിപ്പുണ്ട്. ആഴക്കടലിൽ പോയവർ എത്രയും പെട്ടെന്ന് അടുത്തുള്ള സുരക്ഷിത തീരം അണയാനും നിർദ്ദേശിക്കുന്നു. ബീച്ചുകളിൽ വിനോദസഞ്ചാരത്തിന് പോകരുത്.

കേരള ലളിതകലാ അക്കാദമിയുടെ 2018-2019 വര്‍ഷത്തെ കാര്‍ട്ടൂണ്‍ ഏകാംഗ പ്രദര്‍ശനത്തിനായി കലാകാരന്‍മാരെ തിരഞ്ഞെടുത്തു. തോമസ് ആന്റണി, കെ.ബി. ഹരികുമാര്‍, സുധീര്‍നാഥ് എന്നിവരെയാണ് കാര്‍ട്ടൂണ്‍ പ്രദര്‍ശനത്തിന് തിരഞ്ഞെടുക്കപ്പെട്ടത്.
പ്രദര്‍ശനം സംഘടിപ്പിക്കുന്നതിനായി 50,000 രൂപ ഗ്രാന്റും സൗജന്യ ഗ്യാലറി ഉള്‍പ്പെടെയുള്ള സൗകര്യങ്ങളുമാണ് കലാകാരന്‍മാര്‍ക്ക് നല്‍കുന്നത്.

ഗോപിനാഥന്‍, വയസ്സ് 46 (സുദര്‍ശിനി ടി.പി എന്നവരുടെ ഭര്‍ത്താവ്) എന്നയാളെ 2018 ആഗസ്റ്റ് 12 മുതല്‍ കോഴിക്കോട് മെഡിക്കല്‍ കോളേജ് പോലീസ് സ്റ്റേഷന്‍ പരിധിയിലെ കുറ്റിക്കാട്ടൂര്‍ എന്ന സ്ഥലത്ത് കാണാതായതായി പൊലീസ് അറിയിച്ചു. ഇരുനിറം, 160 സെ.മീ ഉയരം, കട്ടിമീശ, ഹോട്ടല്‍ ജോലി. വിവരം ലഭിക്കുന്നവര്‍ താഴെ നമ്പറുകളില്‍ അിറയിക്കാന്‍ താത്പര്യം. 9497987180, 9497980717, 0495 2357691.
(ഫോട്ടോ സഹിതം)

കലക്ടറേറ്റില്‍ പൊതുജനങ്ങള്‍ക്കായുള്ള ഇരിപ്പിടത്തിന് മുകളില്‍ സ്ഥാപിക്കുന്നതിനായി  മാങ്കാവ് പുഴ സംരക്ഷണ സമിതി  അഞ്ച് ഫാനുകള്‍ നല്‍കി. എ.ഡി.എമ്മിന്റ ചേമ്പറില്‍ നടന്ന ചടങ്ങില്‍ എ.ഡി.എം ഇ.പി മേഴ്സിയും കലക്ടറേറ്റ് സ്റ്റാഫ് വെല്‍ഫെയര്‍ കമ്മിറ്റി ഭാരവാഹികളും ചേര്‍ന്ന് ഫാനുകള്‍ ഏറ്റുവാങ്ങി. പ്രസിഡണ്ട് കെ. ഷഹീറലി, പ്രവര്‍ത്തകരായ വി.കെ സിദ്ദീഖ്, ടി. റഹൂഫ, വി. ഫൈസല്‍ ബാബു തുടങ്ങിയവര്‍ സന്നിഹിതരായി.

കേരള പബ്ലിക് സര്‍വ്വീസ് കമ്മീഷന്‍ ജൂണ്‍ 15ന് നടത്തുന്ന യൂണിവേഴ്സിറ്റി അസിസ്റ്റന്റ് പരീക്ഷയ്ക്ക് കോഴിക്കോട് ജില്ലാ എംപ്ലോയ്മെന്റ് എക്സ്ചേഞ്ചിന്റെ ആഭിമുഖ്യത്തില്‍, ഒരു മാസത്തെ സൗജന്യ പരിശീലനം സംഘടിപ്പിക്കുന്നു. താത്പര്യമുള്ള ജില്ലയിലെ ഉദ്യോഗാര്‍ത്ഥികള്‍ പേര്, മേല്‍വിലാസം, ഫോണ്‍ നമ്പര്‍, എംപ്ലോയ്മെന്റ് രജിസ്ട്രേഷന്‍ നമ്പര്‍, യോഗ്യതകള്‍ എന്നിവ സഹിതം ജില്ലാ എംപ്ളോയ്മെന്റ് ഓഫീസര്‍, സിവില്‍ സ്റ്റേഷന്‍, കോഴിക്കോട്-20 എന്ന വിലാസത്തിലോ deekzkd.emp.lbr@kerala.gov.in ഇ-മെയിലിലോ മെയ് ഏഴിനകം അപേക്ഷ സമര്‍പ്പിക്കണമെന്ന് ജില്ലാ എംപ്ളോയ്മെന്റ് ഓഫീസര്‍  അറിയിച്ചു. ഫോണ്‍ - 0495 -2370179.

2018-19 വര്‍ഷത്തില്‍ പ്രൊഫഷണല്‍ ഡിഗ്രിക്ക് പഠിക്കുന്ന വിമുക്തഭട•ാരുടെ മക്കള്‍ക്ക് പ്രധാനമന്ത്രിയുടെ സ്‌കോളര്‍ഷിപ്പിന് അപേക്ഷിക്കാനുളള തീയതി മെയ് അഞ്ച് വരെ നീട്ടിയതായി കേന്ദ്രീയ സൈനിക ബോര്‍ഡ് അറിയിച്ചു. താത്പര്യമുളളവര്‍ക്ക് മെയ് അഞ്ച് വരെ കെ.എസ്.ബി യുടെ വെബ്സൈറ്റില്‍ ഓണ്‍ലൈന്‍ ആയി അപേക്ഷിക്കാം. www.ksb.gov.in. ഫോണ്‍ - 0495 2771881. 

നോര്‍ക്ക റൂട്ട്‌സിന്റെ തിരുവനന്തപുരം സെന്ററില്‍  മെയ് ആറ്, ഏഴ് തീയതികളില്‍ സര്‍ട്ടിഫിക്കറ്റ് അറ്റസ്റ്റേഷന്‍  ഉണ്ടായിരിക്കുന്നതല്ലെന്ന് സെന്റര്‍ മാനേജര്‍ അറിയിച്ചു.

    മത്സ്യത്തൊഴിലാളി കടാശ്വാസ കമ്മീഷന്‍ ഏപ്രില്‍ 30 ന് രാവിലെ 10 മണിക്ക് കോഴിക്കോട് വെസ്റ്റ്ഹില്‍ പി.ഡബ്ള്യു.ഡി. റസ്റ്റ് ഹൗസില്‍ അദാലത്ത് നടത്തും. പങ്കെടുക്കാന്‍ കമ്മീഷനില്‍ നിന്നും നോട്ടീസ് കൈപ്പറ്റിയ അപേക്ഷകരും ബന്ധപ്പെട്ട ബാങ്കിന്റെ പ്രതിനിധികളും അന്നേ ദിവസം രാവിലെ 10 ന് ഹാജരാകേണ്ടതാണ്.