ഇതരസംസ്ഥാന തൊഴിലാളികൾക്ക് ഹോസ്റ്റൽ രൂപത്തിൽ താമസസൗകര്യം നൽകുന്ന അപ്‌നാ ഘർ പദ്ധതിക്ക് കീഴിൽ പാലക്കാട് നിർമ്മിച്ച ഹോസ്റ്റൽ സമുച്ചയത്തിന്റെ ഉദ്ഘാടനം ഈ മാസം 23 ന് വൈകിട്ട് നാലിന് മുഖ്യമന്ത്രി പിണറായി വിജയൻ നിർവഹിക്കും. കഞ്ചിക്കോട് ഇന്റഗ്രേറ്റഡ് ഇന്റസ്ട്രിയൽ ആന്റ് ടെക്‌സ്‌റ്റൈൽ പാർക്കിൽ  നടക്കുന്ന ചടങ്ങിൽ തൊഴിൽ മന്ത്രി ടി. പി. രാമകൃഷ്ണൻ താക്കോൽദാനം നിർവഹിക്കും. വി. എസ്. അച്യുതാനന്ദൻ എം. എൽ. എ. അധ്യക്ഷത വഹിക്കും.

പി.എൻ.എക്സ്. 638/19

മുന്നോക്ക സമുദായങ്ങളിലെ സാമ്പത്തികമായി പിന്നോക്കം നിൽക്കുന്ന വിഭാഗങ്ങൾക്കായുള്ള സംസ്ഥാന കമ്മീഷൻ മുഖ്യമന്ത്രിക്ക് റിപ്പോർട്ട് സമർപ്പിച്ചു. കമ്മിറ്റി ചെയർമാർ ജസ്റ്റിസ് എ.വി. രാമകൃഷ്ണപ്പിള്ള, അംഗങ്ങളായ ഡോ. വി.എം. ഗോപാലമേനോൻ, ഡോ. കുര്യാസ് കുമ്പളക്കുഴി എന്നിവരാണ് റിപ്പോർട്ട് സമർപ്പിച്ചത്.

പി.എൻ.എക്സ്. 637/19

സംസ്ഥാന ക്ഷീരവികസന വകുപ്പ് ഏർപ്പെടുത്തിയ മേഖലാ ക്ഷീരസഹകാരി അവാർഡുകൾ മന്ത്രി കെ.രാജു പ്രഖ്യാപിച്ചു.

തിരുവനന്തപുരം മേഖലയിൽ പൊതുവിഭാഗത്തിൽ ഉച്ചക്കട ക്ഷീരസംഘത്തിലെ സജു.ജെ.എസ്, വനിതാവിഭാഗത്തിൽ പയറ്റുവിള ക്ഷീരസംഘത്തിലെ സിന്ധു.എസ്, പട്ടികജാതി-പട്ടികവർഗ്ഗ വിഭാഗത്തിൽ ഉച്ചക്കട ക്ഷീരസംഘത്തിലെ സതീശനും അർഹനായി.

എറണാകുളം മേഖലയിൽ പൊതുവിഭാഗത്തിൽ തൃപ്പൂണിത്തുറ ക്ഷീരസംഘത്തിലെ ജിനിൽ മാത്യുവും വനിതാവിഭാഗം ഗുരുതിപ്പാല ക്ഷീരസംഘത്തിലെ ബിന്ദു ശിവകുമാറും പട്ടികജാതി-പട്ടികവർഗ്ഗ വിഭാഗത്തിൽ ചെമ്മണ്ണ് ക്ഷീരസംഘത്തിലെ ബിജു ഗോപാലും അർഹനായി.

2018 ലെ ദൃശ്യ, ശ്രാവ്യ, അച്ചടി വിഭാഗങ്ങളിലായി സംസ്ഥാന ക്ഷീരവികസന വകുപ്പ് ഏർപ്പെടുത്തിയ മാധ്യമ പുരസ്‌കാരം പ്രഖ്യാപിച്ചു. അച്ചടി ദിനപത്രം റിപ്പോർട്ടിന് മാതൃഭൂമി തിരുവനന്തപുരം ലേഖകൻ ആർ. അനൂപും ഫീച്ചർ വിഭാഗത്തിൽ ദീപിക സ്‌പെഷ്യൽ കറസ്‌പോണ്ടന്റ് എം. റോയിയും മാസിക മികച്ച ലേഖനത്തിന് മൂന്നാംവഴി മാസിക ലേഖകൻ നാസർ വലിയേടത്തും അർഹനായി. ശ്രവ്യം ഫീച്ചർ വിഭാഗത്തിൽ കോഴിക്കോട് ആകാശവാണി പ്രോഗ്രാം എക്‌സിക്യൂട്ടീവ് ലീന പി. ബേബിയും ദൃശ്യം ഫീച്ചർ വിഭാഗത്തിൽ ജനം ടി.വി. റിപ്പോർട്ടർ ജിനേഷ്. കെ.എന്നും അർഹരായി.

റേഷൻ കാർഡ് വിതരണം

വ്യാജലോട്ടറി തടയുന്നതിനും ലോട്ടറികളുടെ വിശ്വാസ്യത ഉറപ്പ് വരുത്തുന്നതുമായി സർക്കാർ നടപ്പിലാക്കിയത് നിരവധി ആധുനിക സുരക്ഷാ സംവിധാനങ്ങൾ. മൈക്രോ പ്രിന്റിംഗ്, ഗില്ലോച്ച് പാറ്റേൺ, അദൃശ്യമായ എഴുത്ത്, ത്രിമാനദൃശ്യം തുടങ്ങിയ സംവിധാനങ്ങൾ ലോട്ടറി ചൂഷകർക്ക് വെല്ലുവിളിയായി. ഭാഗ്യക്കുറി ടിക്കറ്റിന്റെ കളർ ഫോട്ടോകോപ്പി, സ്‌കാൻ ചെയ്ത കോപ്പി, പ്രിന്റ് മുതലായവയെടുത്ത് വ്യാജ ടിക്കറ്റ് നൽകി ഏജന്റുമാരെയും വിൽപ്പനക്കാരെയും കബളിപ്പിച്ച് സമ്മാനത്തുക കൈക്കലാക്കുന്ന സാമൂഹ്യവിരുദ്ധർക്ക് ഈ സുരക്ഷാ സംവിധാനങ്ങൾ തിരിച്ചടിയാണ്. 

കൂത്തുപറമ്പ് ബ്ലോക്ക് പഞ്ചായത്ത് പാട്യം ചെറുവാഞ്ചേരിയിൽ 2018-19 വാർഷിക പദ്ധതിയിലുൾപ്പെടുത്തി നിർമ്മിച്ച പകൽ വീടിന്റെ ഉദ്ഘാടനം നാളെ(ഫെബ്രുവരി 20) രാവിലെ 11 മണിക്ക് മന്ത്രി കെ കെ ശൈലജ ഉദ്ഘാടനം ചെയ്യും. ബ്ലോക്ക് പഞ്ചായത്ത് പ്രസിഡന്റ് എ അശോകൻ അധ്യക്ഷനായിരിക്കും. ജില്ലാ കലക്ടർ മീർ മുഹമ്മദലി മുഖ്യാതിഥിയായിരിക്കും.

ദേശീയ ആരോഗ്യ ദൗത്യം പദ്ധതിക്ക് കീഴിൽ വരുന്ന ജില്ലയിലെ മുഴുവൻ ആശപ്രവർത്തകരെയും ഉൾപ്പെടുത്തിക്കൊണ്ട് സാമൂഹ്യ- സാംസ്‌കാരിക- ആരോഗ്യ- വിദ്യാഭ്യാസ കൂട്ടായ്മ സംഘടിപ്പിക്കുന്നു. ആശാ പ്രവർത്തകരുടെ ആരോഗ്യപരമായ അറിവും നേതൃത്വപരമായ കഴിവും പരിപോഷിപ്പിക്കുക, ആരോഗ്യമേഖലയിൽ മാതൃകാപരമായ പ്രവർത്തനം നടത്തുന്ന ജില്ലയിലെ വർക്കർമാരുടെ പ്രവർത്തന മികവിനുള്ള അംഗീകാരം നൽകുക എന്നീ ലക്ഷ്യത്തോടെയാണ് ഫെസ്റ്റ് സംഘടിപ്പിക്കുന്നത്. ഫെബ്രുവരി 22 ന് രാവിലെ 9.30 ന് കണ്ണൂർ നായനാർ അക്കാദമിയിൽ ആരോഗ്യ വകുപ്പ് മന്ത്രി കെ കെ ശൈലജ ഉദ്ഘാടനം ചെയ്യും. 

വീവേഴ്‌സ് സർവീസ് സെന്ററിനായി പുതുതായി കണ്ണൂരിൽ നിർമ്മിച്ച കെട്ടിടത്തിന്റെ ഉദ്ഘാടനം കേന്ദ്ര ടെക്‌സ്റ്റൈൽസ് വകുപ്പ് മന്ത്രി സ്മൃതി ഇറാനി വീഡിയോ കോൺഫറൻസിലൂടെ നിർവഹിച്ചു.