കായംകുളം: സംസ്ഥാന സര്‍ക്കാരിന്റെ 1000 ദിനാഘോഷത്തിന്റെ ഭാഗമായി വിവിധ ഉദ്ഘാടന ചടങ്ങുകള്‍ നിര്‍വ്വഹിക്കാനായി മുഖ്യമന്ത്രി പിണറായി വിജയന്‍ 25 ന് കായംകുളത്തെത്തും.മുഖ്യമന്ത്രിയുടെ ഉദ്ഘാടന പരിപാടികളുടെ ഏകോപനത്തിനായി കായംകുളത്ത് സംഘാടക സമിതിക്ക് രൂപം നല്‍കി.നഗരസഭാ ചെയര്‍മാന്‍ എന്‍.ശിവദാസ് അദ്ധ്യക്ഷത വഹിച്ച യോഗം അഡ്വ:യു പ്രതിഭ എം.എല്‍.എ ഉദ്ഘാടനം ചെയ്തു.പൊതുമരാമത്ത്, തദ്ദേശസ്വയംഭരണം എന്നിങ്ങനെ സമസ്ത മേഖലകളിലും മണ്ഡലത്തിനായി വലിയ സഹായമാണ്  സംസ്ഥാന സര്‍ക്കാര്‍ നല്‍കിയിരിക്കുന്നതെന്ന് യോഗം ഉദ്ഘാടനം ചെയുതുകൊണ

     കോട്ടയം ഹൈഡ്രോളജി അസി. എക്‌സിക്യൂട്ടീവ് എഞ്ചിനീയര്‍ ഓഫീസിന്റെ പരിധിയില്‍ വരുന്ന വിവിധ ഗേജിംഗ്  സ്റ്റേഷനുകളില്‍ നിന്നും അളവുകളും കണക്കുകളും എടുത്ത് രേഖപ്പെടുത്തുന്നതിനും റിപ്പോര്‍ട്ടുകള്‍ നല്‍കുന്നതിനും താത്പര്യമുളളവരില്‍ നിന്നും ക്വട്ടേഷന്‍ ക്ഷണിച്ചു. സ്റ്റേഷന്റെ പരിസരം വൃത്തിയായി സൂക്ഷിക്കാനും ഉപകരണങ്ങള്‍ കേടു കൂടാതെ കാലാവധി വരെ സൂക്ഷിക്കുന്നതിനും താത്പര്യമുളളവര്‍ മാര്‍ച്ച് 5 ഉച്ചയ്ക്ക് രണ്ടിനകം അസി. എക്‌സിക്യൂട്ടീവ് എഞ്ചിനീയര്‍, ഹൈഡ്രോളദി സബ് ഡിവിഷന്‍, മുട്ടമ്പലം പി.ഒ, കോട്ടയം എന്നി വിലാസത്തില്‍ ക്വട്ടേഷന്‍ നല്‍കണം. 

കേരള വനിതാ കമ്മീഷന്‍ ഫെബ്രുവരി 28 ന് കോഴിക്കോട് ജില്ലാ പഞ്ചായത്ത് ഹാളില്‍ രാവിലെ 10.30 മുതല്‍ മെഗാ അദാലത്ത് നടത്തും. 

     റവന്യൂ വകുപ്പ് ജപ്തി ചെയ്തിട്ടുളള കൂവപ്പളളി വില്ലേജ് സര്‍വ്വെ നമ്പര്‍ 19/31-1 ല്‍ പ്പെട്ട 01.46 ആര്‍ വസ്തു മാര്‍ച്ച് 22 രാവിലെ 11ന് കൂവപ്പള്ളി വില്ലേജ് ഓഫീസില്‍ വച്ച് ലേലം ചെയ്യുമെന്ന് കാഞ്ഞിരപ്പള്ളി തഹസീല്‍ദാര്‍ അറിയിച്ചു. താത്പര്യമുളളവര്‍ക്ക് നിരതദ്രവ്യം കെട്ടിവെച്ച് ലേലത്തില്‍ പങ്കെടുക്കാം.  

                                                    (കെ.ഐ.ഒ.പി.ആര്‍-305/19)  

പറവൂർ :ഐ ആം ഫോർ ആലപ്പി പദ്ധതിയിലൂടെ ജില്ലയിലെ പ്രളയബാധിതരായ വിദ്യാർത്ഥികൾക്ക് സ്‌കോളർഷിപ്പുകൾ വിതരണം ചെയ്തു.പുന്നപ്ര യു.പി.സ്‌ക്കൂളിൽ  നടന്ന ചടങ്ങിൽ ആരിഫ് എം.എൽ.എ.  സ്‌കോളർഷിപ്പ് ചെക്കുകൾ വിതരണം ചെയ്തു. ആന്ധ്രാപ്രദേശ്, വിജയവാഡയിലെ ചാർട്ടേഡ് അക്കൗണ്ടൻറും, സബ് കളക്ടർ വി.ആർ.കൃഷ്ണ തേജയുടെ ഭാര്യാപിതാവുമായ സുബ്ബറായിഡുവാണ് തുക സ്‌പോൺസർ ചെയ്തിരിക്കുന്നത്. 275  കുട്ടികളാണ് സ്‌കോളർഷിപ്പിന് അർഹരായിരിക്കുന്നത്. 2000 രൂപ വീതമാണ് സ്‌കോളർഷിപ്പായി നൽകിയത്. ബ്ലോക്ക് പഞ്ചായത്ത് പ്രസിഡന്റ്‌കെ.എം. ജുനൈദ് അദ്ധ്യക്ഷത വഹിച്ചു.

      പ്രധാനമന്ത്രി കിസാന്‍ സമ്മാനപദ്ധതിയില്‍ ജില്ലയിലെ കര്‍ഷകര്‍ക്ക് കൃഷിവകുപ്പ് ധനസഹായം നല്‍കും. നിശ്ചിത ഫോറത്തിലുളള അപേക്ഷ കരം അടച്ച രസീത്, റേഷന്‍ കാര്‍ഡ്, ആധാര്‍ കാര്‍ഡ്, ബാങ്ക് അക്കൗണ്ട് എന്നീ രേഖകള്‍ സഹിതം അതത് കൃഷിഭവനില്‍ നല്‍കണം. 

                                                      (കെ.ഐ.ഒ.പി.ആര്‍-304/19)  

ആലപ്പുഴ: മത്സ്യബന്ധനത്തിന് സബ്‌സിഡിയോടുകൂടി വെള്ള മണ്ണെണ്ണ ലഭിക്കാനുള്ള 2019- 2020 വർഷത്തെ പെർമിറ്റ് കാർഡ് പുതുക്കുന്നതിന് അപേക്ഷകൾ ക്ഷണിച്ചു. നിശ്ചിത മാതൃകയിലുള്ള അപേക്ഷ, , വള്ളത്തിന്റെ രജിസ്‌ട്രേഷൻ സർട്ടിഫിക്കറ്റ്, ഫിഷിങ്ങ് ലൈസൻസ് (പുതിയത്), ആധാർ കാർഡ് നമ്പർ,ഗുണഭോക്താവിന്റെ പേരിലുള്ള സിംഗിൾ ബാങ്ക് അക്കൗണ്ട്, ക്ഷേമനിധി ബോർഡ് അംഗത്വ നമ്പർ, സംഘത്തിന്റെ പേരും അംഗത്വ നമ്പരും സഹിതം മത്സ്യഫെഡ് ക്ലസ്റ്റർ ഓഫീസുകളിൽ ഫെബ്രുവരി 25നകം ഹാജരാക്കണം. പരിശോധന സമയത്ത് ഇവയുടെ ഒറിജിനൽ രേഖകൾ നേരിട്ട് ഹാജരാക്കണം. അപേക്ഷകൾ മത്സ്യഫെഡ് ക്ലസ്റ്റർ ഓഫീസിലും സഹകരണ സംഘങ്ങളിലും ലഭിക്കും.

കോട്ടയം ജില്ലയിലെ കര്‍ഷകതൊഴിലാളി ക്ഷേമനിധി ബോര്‍ഡില്‍ അംഗത്വം എടുത്തിട്ടുള്ളവര്‍ക്ക് അംശാദായം അടക്കുന്നതിനും കുടിശ്ശിക നിവാരണത്തിനും പുതിയതായി അംഗത്വം ചേരുന്നതിനും അവസരം നല്കുന്നതിന് ക്ഷേമനിധി ബോര്‍ഡ് സിറ്റിംഗ് നടത്തും. വാഴൂര്‍  വില്ലേജിലുള്ളവര്‍ക്ക് ഫെബ്രുവരി 22ന് വാഴൂര്‍ ഗ്രാമപഞ്ചായത്ത് ഹാളിലും കുമരകം വില്ലേജിലുള്ളവര്‍ക്ക് ഫെബ്രുവരി 26ന് കുമരകം പഞ്ചായത്ത് ഹാളിലുമാണ് സിറ്റിംഗ്.

                                                     (കെ.ഐ.ഒ.പി.ആര്‍-303/19)