ജില്ലാ ഭരണകൂടം നടപ്പാക്കുന്ന 'ഒപ്പം'പദ്ധതിയുടെ മൂന്നാമത് അദാലത്ത് കലക്ടര്‍ എസ് .സാംബശിവറാവുവിന്റെ അധ്യക്ഷതയില്‍ ചെക്ക്യാട്  നടന്നു. അദാലത്തില്‍  വിവിധ വിഷയങ്ങളില്‍ 50 പരാതികള്‍ ലഭിച്ചു. പരാതികള്‍ കേട്ട ശേഷം അവയിലെ തുടര്‍നടപടികള്‍ സംബന്ധിച്ച് കലക്ടര്‍ ബന്ധപ്പെട്ട വകുപ്പു മേധാവികള്‍ക്ക് മാര്‍ഗനിര്‍ദേശം നല്‍കി.ജില്ലാ ഭരണകൂടത്തിന്റെ ഇടപെടലുകള്‍ ആവശ്യമുള്ള, പഞ്ചായത്ത് നിര്‍ദേശിച്ച പ്രശ്നങ്ങളും ചര്‍ച്ച ചെയ്തു. അടിയന്തിര പ്രാധാന്യമുള്ള വിഷയങ്ങളില്‍ തത്സമയ പരിഹാരവും നിര്‍ദേശിച്ചു. 

സംസ്ഥാന സര്‍ക്കാരിന്റെ 1000 ദിനാഘോഷത്തോടനുബന്ധിച്ച് ഇടുക്കി ജില്ലാ പഞ്ചായത്ത് (ഐ.ഡി.എ) ഗ്രൗണ്‍ില്‍ നടക്കുന്ന പ്രദര്‍ശന വിപണന വൈകിട്ട് 5.30ന് ഇടുക്കി കലാജ്യോതി അവതരിപ്പിക്കുന്ന നൃത്തവിസ്മയവും 6.30ന് ടി.പി വിവേക് ആന്റ് ടീം അവതരിപ്പിക്കുന്ന ഹൃദയഗീതങ്ങളും അരങ്ങേറും.

 സര്‍ക്കാരിന്റെ  ആയിരം ദിനാഘോഷത്തോടനുബന്ധിച്ച്  നടന്ന ആരോഗ്യ ജാഗ്രത ജില്ലാതല ഉദ്ഘാടനത്തിന്റെ ഭാഗമായി ആരോഗ്യ ബോധവത്ക്കരണം ലക്ഷ്യമിട്ട് അവതരിപ്പിച്ച  പാവനാടകം ജനങ്ങള്‍ക്ക് വേറിട്ട അനുഭവമായി .  ഡെങ്കിപ്പനി, എലിപ്പനി, ടൈഫോയ്ഡ്, മലമ്പനി തുടങ്ങിയ ജലജന്യ - കൊതുക് ജന്യ രോഗങ്ങളെ കുറിച്ചും  പ്രതിരോധ, മുന്‍കരുതല്‍ മാര്‍ഗങ്ങളുമാണ് പാവ നാടകത്തിലൂടെ അവതരിപ്പിച്ചത്.

സംസ്ഥാന സര്‍ക്കാരിന്റെ 1000 ദിനാഘോഷങ്ങളുടെ ഉദ്ഘാടനത്തിന്റെ ഭാഗമായി ചെറുതോണി ടൗണില്‍ നടന്ന കലാപരിപാടികള്‍ ഏറെ ജനശ്രദ്ധ ആകര്‍ഷിച്ചു. തിരുവനന്തപുരം ലക്ഷ്യ നാട്ടരങ്ങ് അവതരിപ്പിച്ച മന്ദാരക്കാവ് നാടന്‍പാട്ടുകളും കലാരൂപങ്ങളും കലാ വൈവിധ്യം കൊണ്ട് കാണികള്‍ക്ക് പുതുമയേറിയ അനുഭവമായി മാറി. കുട്ടികളും സ്ത്രീകളും ഉള്‍പ്പടെ 23 കലാകാര•ാരാണ് മന്ദാരക്കാവിനായ് മാറ്റുരച്ചത്. 7 പാട്ടുകാര്‍ ഉള്‍പ്പെടുന്ന സംഘം നാടന്‍ പാട്ടുകളും വട്ടമുടി, കരിങ്കാളി,  തെയ്യം, മുടിയാട്ടം, തുടങ്ങിയ അനുഷ്ഠാന കലകളുമാണ് കാണികള്‍ക്കായി ഒരുക്കിയത്. ഇവയൊക്കെ വീക്ഷിക്കുവാന്‍ ഒട്ടനവധി കാണികളാണ് ചെറുതോണി ടൗണില്‍ തടിച്ചുകൂടിയത്