കേന്ദ്ര കാലാവസ്ഥാ വകുപ്പ് പുറപ്പെടുവിച്ച കാലാവസ്ഥാ വിശകലനത്തിൽ മാർച്ച് 31 വരെ തിരുവനന്തപുരം, കൊല്ലം,  പത്തനംതിട്ട, കോട്ടയം,  ആലപ്പുഴ, ഇടുക്കി, എറണാകുളം, പാലക്കാട്, തൃശ്ശൂർ,  മലപ്പുറം, കോഴിക്കോട്, കണ്ണൂർ, കാസർഗോഡ് ജില്ലകളിൽ ഉയർന്ന താപനില ശരാശരിയിൽ നിന്നും 2 മുതൽ 3 ഡിഗ്രി വരെ ഉയരാൻ സാധ്യതയുണ്ട്.

പി.എൻ.എക്സ്. 1028/19

എൻ.സി.ഇ.ആർ.ടി. നിർദ്ദേശപ്രകാരം പരിഷ്‌കരിച്ച ഒന്നാംഘട്ട ദേശീയ പ്രതിഭാ നിർണ്ണയ പരീക്ഷയുടെ (എൻ.റ്റി.എസ്. പരീക്ഷ) ഫലം പ്രസിദ്ധീകരിച്ചു. വിജയിച്ച 223 വിദ്യാർത്ഥികളുടെ വിശദാംശങ്ങൾ www.scert.kerala.gov.in ൽ ലഭ്യമാണ്.

പി.എൻ.എക്സ്. 1027/19

2019ലെ അർജ്ജുന/ധ്യാൻചന്ദ് /ദ്രോണാചാര്യ/രാജീവ് ഗാന്ധി ഖേൽ രത്‌ന/ രാഷ്ട്രീയ ഖേൽ പ്രോത്സാഹൻ പുരസ്‌കാർ എന്നിവയ്ക്ക് കേന്ദ്ര യുവജനകാര്യാലയം അപേക്ഷ ക്ഷണിച്ചു. അപേക്ഷകൾ കേന്ദ്ര കായിക യുവജനകാര്യ മന്ത്രാലയത്തിലേക്ക് ശുപാർശ ചെയ്ത് അയയ്ക്കുന്നതിന് സെക്രട്ടറി, കേരള സ്റ്റേറ്റ് സ്‌പോർട്‌സ് കൗൺസിൽ, തിരുവനന്തപുരം-695001 എന്ന വിലാസത്തിൽ ഏപ്രിൽ 10ന് വൈകുന്നേരം 4 മണിക്കകം ലഭ്യമാക്കണം. അപേക്ഷയുടെ നിർദ്ദിഷ്ട മാതൃകകൾ www.sportscouncil.kerala.gov.in ൽ ലഭ്യമാണ്. ഫോൺ: 0471-2330167

പി.എൻ.എക്സ്. 1026/19

വാട്ടർ അതോറിറ്റിയുടെ കീഴിലുള്ള എല്ലാ കാഷ് കൗണ്ടറുകളും 31 ന് (ഞായർ) രാവിലെ ഒൻപതു മുതൽ വൈകിട്ട് അഞ്ചു  വരെ പ്രവർത്തിക്കുമെന്ന് അതോറിറ്റി അധികൃതർ അറിയിച്ചു. 

പി.എൻ.എക്സ്. 1025/19

തിരുവനന്തപുരം ഗവൺമെന്റ് ചെയിൻ സർവേ സ്‌കൂളിൽ നടത്തുന്ന മൂന്ന് മാസത്തെ ചെയിൻ സർവേ (ലോവർ) ക്ലാസിലേക്ക് അപേക്ഷ ക്ഷണിച്ചു. രേഖകളുടെ പകർപ്പു സഹിതം ഏപ്രിൽ എട്ടിനകം തിരുവനന്തപുരം വഴുതക്കാടുള്ള സർവെ ഡയറക്ടറാഫീസിൽ അപേക്ഷ നൽകണം. കൂടുതൽ വിവരങ്ങൾ സർവെ ഡയറക്ടറേറ്റിലും, 0471-2337810 എന്ന നമ്പറിലും ലഭിക്കും.

പി.എൻ.എക്സ്. 1024/19

2018 സെപ്റ്റംബർ 28,29 തിയതികളിൽ തിരുവനന്തപുരം കേന്ദ്രത്തിൽ ഫോറസ്റ്റ് ജീവനക്കാർക്ക് നടത്തിയ ചെയിൻ സർവേയുടെയും ഡിസംബർ 21, 22 തിയതികളിൽ നടത്തിയ ഹയർ സർവേയുടെയും 2018 ജൂൺ 29, 30 തിയതികളിൽ നടത്തിയ മോഡേൺ സർവേയുടെയും ഫലം പ്രസിദ്ധീകരിച്ചു. സർവേ ഡയറക്‌ട്രേറ്റിലും www.dslr.kerala.gov.in  ലും ഫലം പരിശോധിക്കാം.

പി.എൻ.എക്സ്. 1023/19

ഫെബ്രുവരിയിൽ നടത്തിയ കെ.ടെറ്റ് പരീക്ഷയുടെ ഫലം പ്രസിദ്ധപ്പെടുത്തി. പരീക്ഷാഭവൻ വെബ്‌സൈറ്റിലും  www.ktet.kerala.gov.in ലും ലഭ്യമാണ്. 

നാലു കാറ്റഗറികളിൽ 61011 പേർ പരീക്ഷയെഴുതിയതിൽ 20815 പേർ വിജയിച്ചു. ആകെ വിജയശതമാനം 34.12. കാറ്റഗറി ഒന്നിൽ 3443 പേർ വിജയിച്ചു. വിജയശതമാനം 17.61%. കാറ്റഗറി രണ്ടിൽ 6994 പേർ വിജയിച്ചു. വിജയശതമാനം 49.55%. കാറ്റഗറി മൂന്നിൽ 8207 പേർ വിജയിച്ചു. വിജയശതമാനം 40.09%. കാറ്റഗറി നാലിൽ 2171 പേർ പരീക്ഷ വിജയിച്ചു. വിജയശതമാനം 31.56%.

വോട്ടർപട്ടികയിൽ പേര് ചേർക്കുന്നതിന് ലഭിച്ചിട്ടുള്ള പുതിയ അപേക്ഷകൾ പരിശോധിച്ച് നടപടിയെടുക്കേണ്ടതിനാൽ ബൂത്ത് ലെവൽ ഓഫീസർമാരായ വിവിധ വകുപ്പുകളിലെ ജീവനക്കാർക്ക് മാർച്ച് 30, ഏപ്രിൽ ഒന്ന് തിയതികളിൽ വകുപ്പ് മേധാവികൾ ഡ്യൂട്ടി ലീവ് അനുവദിക്കാൻ ഉത്തരവായി.

പി.എൻ.എക്സ്. 1021/19

കോഴിക്കോട് ഫോറസ്റ്റ് ട്രൈബ്യൂണൽ ഏപ്രിൽ ഒന്ന്, രണ്ട്, മൂന്ന് തിയതികളിൽ പാലക്കാട് ക്യാമ്പ് സിറ്റിംഗ് നടത്തും.

പി.എൻ.എക്സ്. 1020/19

ഉഷ്ണ തരംഗം, സൂര്യതാപം, സൂര്യാഘാതം എന്നിവയെ പ്രതിരോധിക്കുന്നതുമായി ബന്ധപ്പെട്ട കാര്യങ്ങള്‍ക്കായി കളക്ടറേറ്റില്‍ 24 മണിക്കൂറും പ്രവര്‍ത്തിക്കുന്ന കണ്‍ട്രോള്‍ റൂം ആരംഭിച്ചു. സൂര്യതാപം ക്രമാതീതമായി ഉയരുന്നത് മൂലം പൊതുജനങ്ങള്‍ക്കുണ്ടാകുന്ന പ്രശ്‌നങ്ങള്‍ കണ്‍ട്രോള്‍ റൂമില്‍ വിളിച്ചറിയിക്കാം. ആവശ്യമായ മാര്‍ഗ നിര്‍ദേശങ്ങള്‍ ഇവിടെ നിന്നും ലഭിക്കും. ദുരന്ത നിവാരണ സെക്ഷന്‍ ഹെഡ് ക്ലര്‍ക്കിന്റെ മേല്‍നോട്ടത്തിലാണ് കണ്‍ട്രോള്‍ റൂം പ്രവര്‍ത്തിക്കുക. 04994 257700, 9446601700 എന്നീ നമ്പറുകളിലാണ് ബന്ധപ്പെടേണ്ടത്.