കുന്നംകുളം, അക്കിക്കാവ്‌ സബ്‌ രജിസ്‌ട്രാര്‍ ഓഫീസുകളുടെ നിര്‍മ്മാണോദ്‌ഘാടനം മുഖ്യമന്ത്രി പിണറായി വിജയന്‍ വീഡിയോ കോണ്‍ഫറന്‍സിലൂടെ നിര്‍വ്വഹിച്ചു. രജിസ്‌ട്രേഷന്‍ വകുപ്പ്‌ മന്ത്രി ജി സുധാകരന്‍ അധ്യക്ഷത വഹിച്ചു. ചടങ്ങിന്റെ ശിലാഫലക അനാഛാദനം തദ്ദേശസസ്വയംഭരണ വകുപ്പ്‌ മന്ത്രി എസി മൊയ്‌തീന്‍ നിര്‍വ്വഹിച്ചു. ഒരു നിയോജക മണ്ഡലത്തില്‍ നിര്‍മ്മിക്കുന്ന രണ്ട്‌ സബ രജിസ്‌ട്രാര്‍ ഓഫീസുകള്‍ കുന്നംകുളത്തിന്റെ വികസന മുഖഛായ മാറ്റുമെന്ന്‌ മന്ത്രി എ സി മൊയ്‌തീന്‍ പറഞ്ഞു. സംസ്ഥാന സര്‍ക്കാരിന്റെ മിഷനുകളിലൂടെ സമ്പദ്‌ഘടനയെ ഉത്തേജിപ്പിക്കുകയാണ്‌ സര്‍ക്കാര്‍ ചെയ്യുന്നതെന്നും മന്ത്രി കൂട്ടി ചേര്‍ത്തു. 

സംസ്ഥാന സര്‍ക്കാരിന്റെ ആയിരം ദിനാഘോഷത്തിന്റെ ഭാഗമായി കിഫ്‌ബി പദ്ധതിയില്‍ ഉള്‍പ്പെടുത്തി ഒരു കോടി പതിമൂന്ന്‌ ലക്ഷം രൂപ ചിലവില്‍ നിര്‍മ്മിക്കുന്ന കല്ലേറ്റുംകര സബ്‌ രജിസ്‌ട്രാര്‍ ഓഫീസ്‌ പുതിയ മന്ദിരത്തിന്റെ നിര്‍മ്മാണ ഉദ്‌ഘാടനം മുഖ്യമന്ത്രി പിണറായി വിജയന്‍ വീഡിയോ കോണ്‍ഫറന്‍സിലൂടെ നിര്‍വഹിച്ചു. കെ.യു. അരുണന്‍ മാസ്റ്റര്‍ എം എല്‍ എ അധ്യക്ഷത വഹിച്ചു. സബ്‌ രജിസ്‌ട്രാര്‍ ഓഫീസ്‌ മന്ദിരത്തിന്റെ ശിലാഫലകം എം എല്‍ എ അനാച്ഛാദനം ചെയ്‌തു. കേരള സ്റ്റേറ്റ്‌ കണ്‍സ്‌ട്രക്ഷന്‍ ലിമിറ്റഡ്‌ പ്രതിനിധി എ പി സുധ റിപ്പോര്‍ട്ട്‌ അവതരിപ്പിച്ചു. ആളൂര്‍ ഗ്രാമ പഞ്ചായത്ത്‌ പ്രസിഡണ്ട്‌ സന്ധ്യ നൈസന്‍, വൈസ്‌ പ്രസിഡണ്ട്‌ എ.

കേരളത്തിലെ തദ്ദേശസ്വയംഭരണ സ്ഥാപനങ്ങളുടെ നവനിര്‍മ്മാണങ്ങള്‍ കേരള സര്‍ക്കാര്‍ ആധുനികവല്‍ക്കരിച്ചു കൊണ്ടിരിക്കുന്നു എന്ന്‌ മുഖ്യമന്ത്രി പിണറായി വിജയന്‍ പഴയന്നൂര്‍ സബ്‌ രജിസ്‌ട്രാഫീസിന്റെ പുതിയ മന്ദിരത്തിന്റെ ഉദ്‌ഘാടനം വീഡിയോ കോണ്‍ഫറന്‍സിങ്ങിലൂടെ നിര്‍വ്വഹിച്ചുകൊണ്ട്‌ സംസാരിക്കുകയായിരുന്നു അദ്ദേഹം. 23 സബ്‌ റജിസ്‌ട്രാറോഫീസുകളുടെ ഉദ്‌ഘാടനം മുഖ്യമന്ത്രി നിര്‍വ്വഹിച്ചത്‌. കെട്ടിടത്തിന്റെ ശിലാഫലകം അനുഛാദനം യു.ആര്‍.പ്രദീപ്‌ എം.എല്‍.എ. നിര്‍വ്വഹിച്ചു.

സര്‍ക്കാരിന്റെ 1000 ദിനാഘോഷത്തോടനുബന്ധിച്ച്‌ കൃഷി വകുപ്പ്‌ മന്ത്രി അഡ്വ. വി എസ്‌ സുനില്‍കുമാര്‍ തൃശൂര്‍ താലൂക്കിലെ പറവട്ടാനിയില്‍ നവീകരിച്ച 37-ാം നമ്പര്‍ റേഷന്‍ കട ഉദ്‌ഘാടനം ചെയ്‌തു. മേയര്‍ അജിത വിജയന്‍ അദ്ധ്യക്ഷത വഹിച്ചു. ആരോഗ്യകാര്യ സ്റ്റാന്‍ഡിങ്‌ കമ്മിറ്റി ചെയര്‍പേഴ്‌സണ്‍ എം എല്‍ റോസി ആശംസ നേര്‍ന്നു. ജില്ലാ സപ്ലൈ ഓഫീസര്‍ ടി അയ്യപ്പദാസ്‌ സ്വാഗതവും താലൂക്ക്‌ സപ്ലൈ ഓഫീസര്‍ ടി എന്‍ ജയദേവ്‌ നന്ദിയും പറഞ്ഞു. ജില്ലയില്‍ ഒരേ കളര്‍ കോഡ്‌ അനുസരിച്ചുളള റേഷന്‍കടകളുടെ നവീകരണം പൂര്‍ത്തീകരിച്ചിട്ടുണ്ടെന്ന്‌ ജില്ലാ സപ്ലൈ ഓഫീസര്‍ അറിയിച്ചു.

പരിശീലനം പൂര്‍ത്തിയാക്കിയ അസിസ്റ്റന്റ്‌ മോട്ടോര്‍ വെഹിക്കിള്‍ ഇന്‍സ്‌പെക്‌ടര്‍മാരുടെ പാസിങ്‌ ഔട്ട്‌ പരേഡ്‌ ഫെബ്രുവരി 25 രാവിലെ 7.30 ന്‌ രാമവര്‍മ്മപുരം കേരള പോലീസ്‌ അക്കാദമിയില്‍ നടക്കും. ഗതാഗത വകുപ്പ്‌ മന്ത്രി എ കെ ശശീന്ദ്രന്‍ സല്യൂട്ട്‌ സ്വീകരിക്കും. പരിശീലന കാലയളവില്‍ മികച്ച പ്രകടനം കാഴ്‌ചവച്ചവര്‍ക്കുളള പുരസ്‌ക്കാരങ്ങളും മന്ത്രി വിതരണം ചെയ്യും.
 

ചെറുകിട കൃഷിക്കാര്‍ക്ക്‌ അവരുടെ ഉല്‍പ്പന്നങ്ങള്‍ വിപണനം ചെയ്യാന്‍ നൂതന മാര്‍ക്കറ്റിംഗ്‌ സംവിധാനമൊരുക്കി ജീവനി ഇക്കോഷോപ്‌ കൃഷിവകുപ്പ്‌ മന്ത്രി അഡ്വ വിഎസ്‌ സുനില്‍കുമാര്‍ ഉദ്‌ഘാടനം ചെയ്‌തു. കൃഷി വകുപ്പ്‌, തൃശൂര്‍ കോര്‍പറേഷന്‍, അയ്യന്തോള്‍ കൃഷിഭവന്‍ എന്നീ വകുപ്പുകള്‍ സംയുക്തമായാണ്‌ പുതൂര്‍ക്കര അയ്യന്തോള്‍ കൃഷി ഭവനില്‍ പരിപാടി സംഘടിപ്പിച്ചത്‌. കോര്‍പറേഷന്‍ മേയര്‍ അജിത വിജയന്‍ അധ്യക്ഷത വഹിച്ചു. ജൈവ കൃഷിയിലൂടെ വികസിപ്പിച്ച നടന്‍ പച്ചക്കറികള്‍ വില്‌പനക്കൊരുക്കിയ ജീവനി ഇക്കോഷോപ്‌ മന്ത്രി ഉദ്‌ഘാടനം ചെയ്‌തു.

തൃശൂര്‍ ഗവണ്‍മെന്റ്‌ മോഡല്‍ ഗേള്‍സ്‌ ഹയര്‍ സെക്കന്‍ഡറി സ്‌കൂള്‍ ലാബ്‌ കെട്ടിടത്തിന്റെ ഒന്നാം ഘട്ടനിര്‍മ്മാണം ആരംഭിച്ചു. സംസ്ഥാന കൃഷിവകുപ്പ്‌ മന്ത്രി അഡ്വ. വി.എസ്‌. സുനില്‍കുമാര്‍ നിര്‍മ്മാണോദ്‌ഘാടനം നിര്‍വ്വഹിച്ചു. മന്ത്രിയുടെ 2018-19 ആസ്‌തി വികസന ഫണ്ടില്‍ നിന്ന്‌ ഒരു കോടി രൂപയാണ്‌ ആദ്യഘട്ട നിര്‍മ്മാണത്തിനായി അനുവദിച്ചിരിക്കുന്നത്‌. ആകെ 1.50 കോടി രൂപയാണ്‌ പദ്ധതിയുടെ ചെലവ്‌. സ്‌കൂള്‍ ലാബ്‌ ഹൈടെക്‌ നിലവാരത്തിലേക്ക്‌ ഉയര്‍ത്തുമെന്ന്‌ മന്ത്രി പറഞ്ഞു. കോര്‍പ്പറേഷന്‍ മേയര്‍ അജിത വിജയന്‍ അധ്യക്ഷത വഹിച്ചു. വിദ്യാഭ്യാസ സ്റ്റാന്റിംഗ്‌ കമ്മറ്റി ചെയര്‍പേഴ്‌സണ്‍ ലാലി ജെയിംസ്‌, ഡിവിഷന്‍ കൗണ്‍സിലര്‍ കെ.

കേരള സംസ്ഥാന സര്‍ക്കാരിന്റെ 1000 ദിനാഘോഷങ്ങളുടെ ഭാഗമായി പട്ടികജാതി പട്ടികവര്‍ഗ്ഗ വികസന കോര്‍പറേഷന്‍ നടപ്പിലാക്കുന്ന നവീന വായ്‌പ പദ്ധതികളുടെ ജില്ലാതല ഉദ്‌ഘാടനം പട്ടികജാതി പട്ടികവര്‍ക്ഷ വികസന കോര്‍പറേഷന്‍ അങ്കണത്തില്‍ കൃഷി വകുപ്പ്‌ മന്ത്രി അഡ്വ. വി. എസ്‌ സുനില്‍കുമാര്‍ നിര്‍വഹിച്ചു. ഗവണ്മെന്റ്‌ കോണ്‍ട്രാക്ടര്‍, കൃഷിഭൂമി, വിദ്യാഭ്യാസം, സ്വയംതൊഴില്‍, വിവാഹം, ഭവന പുനരുദ്ധാരണം തുടങ്ങിയ വിവിധയിനങ്ങളിലായി 24 ഉപഭോക്താക്കള്‍ക്ക്‌ എഴുപത്തി ഒന്ന്‌ ലക്ഷത്തി നാല്‍പ്പതിനായിരം രൂപയുടെ ധനസഹായ വിതരണം മന്ത്രി നിര്‍വഹിച്ചു.

ഇന്‍ഫര്‍മേഷന്‍ പബ്ലിക്‌ റിലേഷന്‍സ്‌ വകുപ്പ്‌, ജില്ലാ ലൈബ്രറി കൗണ്‍സില്‍ കേരള ചലച്ചിത്ര അക്കാദമിയുടെ സഹകരണത്തോടെ സംഘടിപ്പിക്കുന്ന ഡോക്യൂമെന്ററി-ചലച്ചിത്രമേള വെളളാങ്ങല്ലൂര്‍ ഗ്രാമപഞ്ചായത്തു ഹാളില്‍ ജില്ലാ ലൈബ്രറി കൗണ്‍സില്‍ പ്രസിഡണ്ട്‌ മുരളി പെരുനെല്ലി എംഎല്‍എ ഉദ്‌ഘാടനം ചെയ്‌തു. പഞ്ചായത്ത്‌ പ്രസിഡണ്ട്‌ പ്രസന്ന അനില്‍കുമാര്‍ അദ്ധ്യക്ഷത വഹിച്ചു. ഇന്ന്‌ (ഫെബ്രുവരി 21) കൊരട്ടി കാടുകുറ്റി പഞ്ചായത്തുകളില്‍ പ്രദര്‍ശനം നടത്തും. നവോത്ഥാന സദസ്സോടെയാണ്‌ പ്രദര്‍ശനം. ജില്ലയിലെ ഇന്നലെ (ഫെബ്രുവരി 20) ആരംഭിച്ച പ്രദര്‍ശനം 28 ന്‌ സമാപിക്കും.

ആയിരം ദിനാഘോഷങ്ങളുടെ ഭാഗമായി തേക്കിന്‍കാട്‌ മൈതാനത്തെ ലേബര്‍ കോര്‍ണറില്‍ നടന്ന സംഗീതപരിപാടി അനശ്വര സംഗീതജ്ഞരായ രവീന്ദ്രന്‍, ജോണ്‍സണ്‍ എന്നിവര്‍ക്കുള്ള സമര്‍പ്പണമായി. ചലച്ചിത്ര നടന്‍ ജയരാജ്‌ വാര്യരുടെ അവതരണത്തില്‍ ചിത്രസൗധം അവതരിപ്പിച്ച `ഏഴുസ്വരങ്ങളില്‍... പൊന്നുരുകും പൂക്കാലം' എന്ന ശീര്‍ഷകത്തിലുള്ള സംഗീതനിശയ്‌ക്ക്‌ നിരവധി സംഗീതാസ്വാദകരാണ്‌ എത്തിയത്‌.