ജില്ലാ പഞ്ചായത്ത് നടപ്പാക്കുന്ന പട്ടികജാതി വിഭാഗത്തില്‍പ്പെട്ട വൃദ്ധര്‍ക്ക് ആയുര്‍വേദ മരുന്നുകള്‍ നല്‍കല്‍ പദ്ധതി പ്രകാരം ഓമല്ലൂര്‍ ഗവണ്‍മെന്റ് ആയുര്‍വേദാശുപത്രിയില്‍ മരുന്നുകള്‍ ലഭ്യമാണ്. ആവശ്യമുള്ളവര്‍ ജാതി സര്‍ട്ടിഫിക്കറ്റും ആധാര്‍ കാര്‍ഡും സഹിതം ആശുപത്രിയിലെത്തി മരുന്നുകള്‍ വാങ്ങണമെന്ന് ഓമല്ലൂര്‍ പഞ്ചായത്ത് സെക്രട്ടറി അറിയിച്ചു.           (പിഎന്‍പി 604/19)

സംസ്ഥാന സര്‍ക്കാരിന്റെ ആയിരം ദിനാഘോഷത്തിന്റെ ഭാഗമായി പത്തനംതിട്ട നഗരസഭ ഇടത്താവളത്തില്‍ നടക്കുന്ന ഒരാഴ്ചത്തെ ജില്ലാതല പരിപാടികള്‍ക്കു മുന്നോടിയായുള്ള വിളംബര ജാഥ ഇന്ന്(19) ഉച്ച കഴിഞ്ഞ് മൂന്നിന് പത്തനംതിട്ട സെന്റ് പീറ്റേഴ്സ് ജംഗ്ഷനില്‍ വീണാ ജോര്‍ജ് എംഎല്‍എ ഫ്ളാഗ് ഓഫ് ചെയ്യും. നഗരസഭ ബസ് സ്റ്റാന്‍ഡിലെ ഓപ്പണ്‍ സ്റ്റേജിനു സമീപം വിളംബര ജാഥ സമാപിക്കും. ജില്ലയിലെ എംഎല്‍എമാര്‍, ജനപ്രതിനിധികള്‍, പൊതുജനങ്ങള്‍, ജില്ലാ കളക്ടര്‍, ഉദ്യോഗസ്ഥര്‍ തുടങ്ങിയവര്‍ പങ്കെടുക്കും. 

ജില്ലാ പ്ലാനിംഗ് ഓഫീസില്‍ ഐ.റ്റി.എക്‌സ്‌പെര്‍ട്ട്, ഡാറ്റാ എന്‍ട്രി ഓപ്പറേറ്റര്‍ എന്നിവരെ തെരഞ്ഞെടുക്കുന്നതിന് 18ന് നടത്താനിരുന്ന അഭിമുഖം മാറ്റിവച്ചതായി ജില്ലാ പ്ലാനിംഗ് ഓഫീസര്‍ അറിയിച്ചു. (പിഎന്‍പി 601/19)

സൗദി അറേബ്യയിലെ അല്‍-മൗവ്വാസാത്ത് ഹെല്‍ത്ത് ഗ്രൂപ്പിലേക്ക് ബി.എസ്.സി/ ഡിപ്ലോമ നഴ്‌സുമാരെ (സ്ത്രീകള്‍ മാത്രം) നിയമിക്കുന്നതിനായി ഒ.ഡി.ഇ.പി.സി തിരുവനന്തപുരം , വഴുതക്കാട് ഓഫീസില്‍ 21ന് സ്‌കൈപ്പ് ഇന്റര്‍വ്യൂ ചെയ്യുന്നു. ഇന്റര്‍വ്യൂവില്‍ പങ്കെടുക്കാന്‍ താല്‍പര്യമുള്ളവര്‍ ബയോഡേറ്റ, സര്‍ട്ടിഫിക്കറ്റുകളുടെ പകര്‍പ്പുകള്‍ എന്നിവ സഹിതം ീറലുരാീൗ@ഴാമശഹ.രീാ എന്ന ഇമെയില്‍ വിലാസത്തില്‍ അപേക്ഷിക്കണം. വിവരങ്ങള്‍ക്ക് ംംം.ീറലുര.സലൃമഹമ.ഴീ്.ശി  സന്ദര്‍ശിക്കണം. ഫോണ്‍ 0471 2329440/41/42/43/45.

നൂതന സാങ്കേതിക സംവിധാനങ്ങളായ ഇന്റര്‍നെറ്റ് ഓഫ് തിംഗ്‌സ് (ഐ.ഒ.ടി.) 3 ഡി ക്യാരക്ടര്‍ മോഡലിങ്ങ് തുടങ്ങിയവ സ്‌കൂള്‍ വിദ്യാര്‍ത്ഥികള്‍ക്ക് പരിചയപ്പെടുത്തുന്ന ദ്വിദിന ലിറ്റില്‍ കൈറ്റ്‌സ് ജില്ലാ സഹവാസ ക്യാമ്പിന് തുടക്കമായി.  കഴിഞ്ഞ ഡിസംബര്‍ അവധിക്കാലത്ത് നടത്തിയ സബ് ജില്ലാ ക്യാമ്പുകളില്‍ പങ്കെടുത്ത 279 പേരില്‍ നിന്നും തിരഞ്ഞെടുത്ത 50 പേരാണ് തൊടുപുഴ മുതലക്കോടം സേക്രട്ട് ഹാര്‍ട്ട് ഹൈസ്‌കൂളില്‍  നടക്കുന്ന കേരള ഇന്‍ഫ്രാസ്ട്രക്ചര്‍ ആന്റ് ടെക്‌നോളജി ഫോര്‍ എഡ്യൂക്കേഷന്റെ (കൈറ്റ്) നേതൃത്വത്തില്‍ നടപ്പാക്കുന്ന ക്യാമ്പില്‍ പങ്കെടുക്കുന്നത്.