ആലപ്പുഴ :പ്രധാൻമന്ത്രി കിസാൻ സമ്മാൻ നിധിക്ക് കൃഷിഭൂമിയുള്ള കർഷകർക്ക് അപേക്ഷിക്കാം. നിശ്ചിത മാതൃകയിലുള്ള അപേക്ഷയോടൊപ്പം 2018-19 വർഷത്തെ നികുതി, റേഷൻകാർഡ്, ആധാർ കാർഡ്, ഐ എഫ് എസ ഇ് കോഡുള്ള ബാങ്ക് പാസ്ബുക്കിന്റെ പകർപ്പ് എന്നിവ സമർപ്പിക്കണം. അപേക്ഷ സമർപ്പിക്കുമ്പോൾ ഒറിജിനൽ റേഷൻ കാർഡ് കൊണ്ടുവരണം. കൂടുതൽ വിവരങ്ങൾക്ക് അതാത് കൃഷിഭവനിൽ ബന്ധപ്പെടുക.ഫെബ്രുവരി 20 നകം അപേക്ഷ നൽകുന്ന കർഷകർക്കാണ് ആദ്യ ഗഡു ലഭിക്കുക  .

പറവൂർ : അമ്പലപ്പുഴ ബ്ലോക്ക് പഞ്ചായത്ത് പരിധിയിലുള്ള ഭവനരഹിതരായ ഗുണഭോക്താക്കൾക്ക് പി .എം .എ .വൈ പദ്ധതിയിൽ ഭവന നിർമാണത്തിന് അപേക്ഷകൾ ക്ഷണിക്കുന്നു. വെള്ള പേപ്പറിൽ തയ്യാറാക്കിയ അപേക്ഷ  ബ്ലോക്ക് ഡെവലപ്‌മെൻറ് ഓഫീസർക്ക് 21നകം നേരിട്ട് നൽകണം. കൂടുതൽ വിവരങ്ങൾക്ക് ബ്ലോക്ക് പഞ്ചായത്ത് ഓഫീസുമായി ബന്ധപ്പെടുക. 

കഞ്ഞിക്കുഴി :  പ്രധാനമന്ത്രി ആവാസ് യോജന  (ഗ്രാമീൺ )പദ്ധതി പ്രകാരം  ഭവന രഹിതർക്ക് ഭവനത്തിനായി അപേക്ഷിക്കാം.  അപേക്ഷകൾ കഞ്ഞിക്കുഴി ബ്ലോക്ക് പഞ്ചായത്ത് ഓഫീസിൽ  നേരിട്ട് നൽകണം.  അവസാന തീയതി ഫെബ്രുവരി 21.  വിശദ വിവരങ്ങൾക്ക് ഫോൺ : 0478- 2862445

ഓട്ടിസം ക്ലബ് വാർഷികം

പറവൂർ :അമ്പലപ്പുഴ ബ്ലോക്ക് പഞ്ചായത്തും സാംസ്‌കാരിക വകുപ്പും  ചേർന്ന് കഥകളി, മോഹിനിയാട്ടം, പാക്കനാർ പാട്ട്, തുള്ളൽ, പെയിന്റിംഗ്, ശില്പകല എന്നിവയിൽ എല്ലാ പ്രായക്കാർക്കുമായി സൗജന്യ പരിശീലനം നൽകുന്നു. കൂടുതൽ വിവരങ്ങൾക്കു ബ്ലോക്ക് പഞ്ചായത്ത് ഓഫീസുമായി ബന്ധപ്പെടുക. 

ആലപ്പുഴ: രാഷ്ട്രീയ ഗ്രാമ സ്വരാജ് അഭിയാൻ (ആർ.ജി.എസ്.എ) ഇ-ഗവേണൻസിന്റെ ഭാഗമായി ജില്ലാ പ്ലാനിങ് ഓഫീസിലേക്ക് ഐ.ടി.എക്‌സപർട്ട്, ഡാറ്റാ എൻട്രി ഓപ്പറേറ്റർ എന്നിവരെ ഒരുവർഷത്തേക്ക് കരാർ നിയമനത്തിനായി ഫെബ്രുവരി 19ന് നടത്താനിരുന്ന വോക്കിങ് ഇന്റർവ്യൂ മാറ്റിയതായി ജില്ലാ പ്ലാനിങ് ഓഫീസർ അറിയിച്ചു. 

ആലപ്പുഴ: കേന്ദ്ര യുവജന കായിക മന്ത്രാലയത്തിന്  കീഴിലുള്ള ആലപ്പുഴ നെഹ്റു യുവകേന്ദ്രയിൽ ദേശിയ യൂത്ത് വോളന്റീർ ആയി പ്രവർത്തിക്കുന്നതിന് സേവനതല്പരരായ യുവതീയുവാക്കളിൽ നിന്ന് അപേക്ഷ ക്ഷണിച്ചു. നെഹ്റു യുവകേന്ദ്ര നടത്തുന്ന യുവജനക്ഷേമ പരിപാടികൾ സംഘടിപ്പിക്കുന്നതിന് നേതൃത്വം നൽകുകയും യൂത്ത് ക്ലബ്ബുകളുടെ പ്രവർത്തനം ഏകോപിപ്പിക്കുകയുമാണ് യൂത്ത് വോളന്റീർമാരുടെ ജോലി.                                                                                            ജില്ലയിലെ 12 ബ്ലോക്കുകളിൽ നിന്നായി 24 യുവതി യുവാക്കൾക്ക് വോളന്റീർമാർ ആവാൻ അവസരമുണ്ട്.

വിവിപാറ്റ്, ഇ.വി.എം ബോധവത്കരണം

കണ്ണൂർ മണ്ഡലത്തിലെ 105 മുതൽ 117 വരെയുള്ള ബൂത്തുകളിലുള്ളവർക്ക് ഫെബ്രുവരി 19ന് വിവിപാറ്റ്, ഇ.വി.എം മെഷീനുകളുടെ പ്രവർത്തനം പരിചയപ്പെടുത്തുന്നു. ലോകസഭാ തെരഞ്ഞെടുപ്പുമായി ബന്ധപ്പെട്ടാണ് ബോധവത്കരണം. രാവിലെ ഒമ്പത് മണിക്ക് കൗസർ മോഡൽ ഇംഗ്ലീഷ് സ്‌കൂൾ നാലുവയൽ, ഗവ. സിറ്റി ഹൈസ്‌കൂൾ കണ്ണൂർ സിറ്റി, അബുസലി മെമ്മോറിയൽ മദ്രസ മദനിയ എൽ.പി സ്‌കൂൾ. 11.30 ഗവ. യു.പി. സ്‌കൂൾ നീർച്ചാൽ, മദ്രസ സിറാജുൽ യു.പി സ്‌കൂൾ കൊച്ചിപ്പള്ളി, ഗവ. യു.പി സ്‌കൂൾ താവക്കര. 2.30 വാർധ മോഡൽ യു.പി സ്‌കൂൾ തയ്യിൽ, ദീനുൽ ഇസ്‌ലാം സഭ ഗേൾസ് ഹൈസ്‌കൂൾ, ഗവ. യു.പി സ്‌കൂൾ ദേവത്താർകണ്ടി.

നഷ്ടപ്പെട്ട പല്ലുകൾക്ക്  പകരമായി അസ്ഥിയിൽ പുതിയ പല്ല് ഉറപ്പിച്ചു വെച്ചു പുനസ്ഥാപിക്കുന്ന ആധുനിക ഡെന്റൽ ഇംപ്ലാൻറ് ചികിത്സയ്ക്കും ലേസർ ഡെൻറൽ ചികിത്സയ്ക്കും ജില്ലാ ആശുപത്രി  ദന്ത വിഭാഗത്തിൽ പ്രത്യേക സൗകര്യമായി. പ്രത്യേക ക്ലിനിക്കിന്റെ ഉദ്ഘാടനം ഫെബ്രുവരി 19ന് ഉച്ച 12 മണിക്ക് പി.കെ ശ്രീമതി ടീച്ചർ എം.പി നിർവ്വഹിക്കും. ജില്ലാ പഞ്ചായത്ത് പ്രസിഡൻറ് കെ.വി സുമേഷ് അധ്യക്ഷനാകും. 

സംസ്ഥാന പിന്നാക്ക വിഭാഗ വികസന കോർപ്പറേഷന് സർക്കാർ അനുവദിച്ച 10 പുതിയ ഓഫീസുകളിൽ മൂന്ന് പുതിയ ഓഫീസുകളുടെ ഉദ്ഘാടനം സർക്കാരിന്റെ 1000 ദിന ആഘോഷപരിപാടികളുടെ ഭാഗമായി സംഘടിപ്പിക്കുന്ന ചടങ്ങുകളിൽ നിർവ്വഹിക്കുന്നു. കോഴിക്കോട് ജില്ലയിലെ പേരാമ്പ്ര ഓഫീസിന്റെ ഉദ്ഘാടനം ഇന്ന് (19.02.2019) നടക്കും. തിരുവനന്തപുരം ജില്ലയിലെ നെയ്യാറ്റിൻകര ഓഫീസിന്റെ ഉദ്ഘാടനം 23നും പാലക്കാട് ജില്ലയിലെ വടക്കഞ്ചേരി ഓഫീസിന്റെ ഉദ്ഘാടനം 25നും പിന്നോക്ക/പട്ടികജാതി/പട്ടികവർഗ്ഗ ക്ഷേമ മന്ത്രി എ.കെ.ബാലൻ നിർവ്വഹിക്കും.

ജില്ലായിലെ ആദിവാസി മേഖലയിൽ നിന്നുളള കുട്ടികൾ രാജ്ഭവനിൽ ഗവർണർ ജസ്റ്റിസ് പി.സദാശിവത്തെ സന്ദർശിച്ച് ആശയവിനിമയം നടത്തി. സമഗ്രശിക്ഷാ കേരളവും ലയൺസ് ക്ലബ്ബ് ഇന്റർനാഷണലും സംയുക്തമായി സംഘടിപ്പിച്ച 'കൂട്ടുകൂടാം' സഹവാസ ക്യാമ്പിന്റെ ഭാഗമായാണ് ഗവർണറെ കാണാൻ കുട്ടികളെത്തിയത്.

ആദിവാസി മേഖലകളായ പാലോട്, അമ്പൂരി, കോട്ടൂർ പ്രദേശങ്ങളിലെ ഏകാധ്യാപക വിദ്യാലയങ്ങളിൽ നിന്നുളള 45-ഓളം കുട്ടികളും അദ്ധ്യാപകരുമാണ് സംഘത്തിലുണ്ടായിരുന്നത്. ഏകാധ്യാപക വിദ്യാലയങ്ങളിൽ നിന്നു മാറി പൊതു വിദ്യാലയങ്ങളിലേക്ക് കുട്ടികളെ പഠിക്കാനായി എത്തിക്കുവാനാണ് പരിപാടി സംഘടിപ്പിച്ചത്.