സര്‍ക്കാരിന്റെ ആയിരം ദിനാഘോഷത്തിന്റെ ഭാഗമായി വ്യവസായ വകുപ്പ് മന്ത്രി ഇ.പി ജയരാജന്‍ ഇന്ന് (ഫെബ്രുവരി 16) ജില്ലയിലെ നാല് പരിപാടികളില്‍ പങ്കെടുക്കും. വ്യവസായ സ്ഥാപനങ്ങളുമായി  ബന്ധപ്പെട്ട പരാതികളില്‍ തീരുമാനം എടുക്കുന്നതിനായി ജില്ലാ വ്യവസായിക കേന്ദ്രത്തിന്റെ നേതൃത്വത്തില്‍ കലക്ടറേറ്റ് കോണ്‍ഫറന്‍സ് ഹാളില്‍ രാവിലെ 11 ന് നടക്കുന്ന വ്യവസായിക അദാലത്തില്‍ മന്ത്രി ആദ്യം പങ്കെടുക്കും. ജില്ലാവ്യവസായ കേന്ദ്രം മുഖേന ലഭിച്ച 111 പരാതികള്‍ മന്ത്രി അദാലത്തില്‍ പരിഗണിക്കും.

സര്‍ക്കാരിന്റെ ആയിരം ദിനാഘോഷങ്ങളുടെ ഭാഗമായി പ്രളയത്തിലുണ്ടായ തകരാര്‍ മൂലം പ്രവര്‍ത്തനം നിര്‍ത്തിവെക്കേണ്ടി വന്ന നിലമ്പൂര്‍ ആഢ്യന്‍പാറ വൈദ്യുതി നിലയം പ്രവര്‍ത്തനം പുനരാരംഭിച്ചു. ഒരു വര്‍ഷമെങ്കിലും എടുക്കുമായിരുന്ന പ്രവൃത്തികളാണ് നാലു മാസങ്ങള്‍ കൊണ്ട് തീര്‍ത്ത ചരിത്രമായി മാറിയത്. വൈദ്യുതി വകുപ്പും കെ.എസ്.ഇ.ബിയും നടത്തിയ കൂട്ടായ ശ്രമങ്ങള്‍ മൂലമാണ് വൈദ്യുതി നിലയത്തിന്റെ പ്രവര്‍ത്തനങ്ങള്‍ വീണ്ടും തുടങ്ങാനായത്.

സര്‍ക്കാരിന്റെ ആയിരം ദിനാഘോഷത്തോടനുബന്ധിച്ച് പെരിന്തല്‍മണ്ണ നഗരസഭയുടെ രജതജൂബിലി പദ്ധതിയില്‍ ഉള്‍പ്പെടുത്തി കൊണ്ട് ആധുനിക ഇന്‍ഡോര്‍ മാര്‍ക്കറ്റ് യാഥാര്‍ത്ഥ്യമാകുന്നു. നഗരസഭയുടെ ഉടമസ്ഥതയിലുള്ള ഡെയ്‌ലി മാര്‍ക്കറ്റ് നിലനില്‍ക്കുന്ന 2.73 ഏക്കര്‍ സ്ഥലത്താണ് കാലോചിതമായ രൂപകല്‍പ്പനയും സൗകര്യങ്ങളും സജ്ജീകരിച്ച ഇന്‍ഡോര്‍ മാര്‍ക്കറ്റ് യാഥാര്‍ത്ഥ്യമാകുന്നത്. 40 കോടി രൂപ ചെലവുവരുന്ന പദ്ധതിയുടെ ശിലാസ്ഥാപനം ഫെബ്രുവരി 19 ന് രാവിലെ 10 ന് സ്പീക്കര്‍ പി. ശ്രീരാമകൃഷ്ണന്‍  നിര്‍വഹിക്കും. മഞ്ഞളാംകുഴി അലി എംഎല്‍എ അധ്യക്ഷനാവും. നഗരസഭാ ചെയര്‍മാന്‍ എം. മുഹമ്മദ് സലീം പദ്ധതി അവതരിപ്പിക്കും.

ലപ്പുഴ: ആലപ്പുഴ മഹിളാ മന്ദിരത്തിലെ നാല് പെൺകുട്ടികൾക്ക് സർക്കാരിന്റെയും സഹൃദയരുടെയും ആശിർവാദത്തിൽ മംഗല്യഭാഗ്യം. വനിതാ ശിശു വികസനവകുപ്പിന്റെയും നഗരസഭയുടെയും കീഴിൽ പ്രവർത്തിക്കുന്ന സർക്കാർ മഹിളാമന്ദിരത്തിലെ വി ജെ ഗോപിക, എസ് ശ്രീക്കുട്ടി, ശാലിനി, അയ്ടു ബറുവ എന്നിവരുടെ വിവാഹമാണ് നാടിന്റെ ആഘോഷമായി മാറിയത്. 

ഹിന്ദു ആചാരപ്രകാരമായിരുന്നു ചടങ്ങുകൾ.  പകൽ 11നു മുമ്പായി വരൻമാരുടെ സംഘങ്ങളെത്തി. പിന്നാലെ നാലുകാറുകളിലായി വിവാഹവേഷത്തിൽ യുവതികളും. വിശിഷ്ടാതിഥികൾ ചേർന്ന് വധൂവരൻമാർക്ക് വൻ വരവേൽപ്പ്.  

ആലപ്പുഴ: പ്രളയാനന്തര പുനർനിർമാണവുമായി ബന്ധപ്പെട്ട് ജില്ലയിൽ ഈ മാസം ഫെബ്രുവരി 18 വരെ ഭവനനാശം സംഭവിച്ച 53,385 ഗുണഭോക്താക്കൾക്ക് ധനസഹായം ലഭ്യമാക്കിയതായി ജില്ലാ കളക്ടർ അറിയിച്ചു.

ചെങ്ങന്നുർ:ചെങ്ങന്നൂർ നഗരസഭയിൽ പെരുങ്കുളം പാടത്ത് നിർമ്മിക്കുന്ന അന്താരാഷ്ട്ര നിലവാരത്തിലുള്ള സ്റ്റേഡിയത്തിന്റെ നിർമ്മാണോദ്ഘാടനം 25 ന് മുഖ്യമന്ത്രി പിണറായി വിജയൻ നിർവ്വഹിക്കും.പരിപാടിയുടെ  സ്വാഗത സംഘം രൂപീകരിച്ചു. ാരവാഹികളായി

മന്ത്രിമാരായ ജി സുധാകരൻ ,തോമസ് ഐസക്ക്, പി  തിലോത്തമൻ, പ്രതിപക്ഷ നേതാവ് രമേശ് ചെന്നിത്തല, നഗരസഭചെയർമാൻജോൺമുളങ്കാട്ടിൽ(രക്ഷാധികാരികൾ),സജി ചെറിയാൻ എം .എൽ. എ (ചെയർമാൻ), ആർ.ഡി.ഒ അതുൽ എസ് സ്വാമിനാഥ് (ജനറൽ കൺവീനർ), ജി .വിവേക്, തഹസീൽദാർ കെ .ബി ശശി, നഗരസഭ സെക്രട്ടറി ജി ഷെറി (ജോയിന്റ് കൺവീനർമാർ) എന്നിവരെ തെരഞ്ഞെടുത്തു.

ആലപ്പുഴ :പ്രധാൻമന്ത്രി കിസാൻ സമ്മാൻ നിധിക്ക് കൃഷിഭൂമിയുള്ള കർഷകർക്ക് അപേക്ഷിക്കാം. നിശ്ചിത മാതൃകയിലുള്ള അപേക്ഷയോടൊപ്പം 2018-19 വർഷത്തെ നികുതി, റേഷൻകാർഡ്, ആധാർ കാർഡ്, ഐ എഫ് എസ ഇ് കോഡുള്ള ബാങ്ക് പാസ്ബുക്കിന്റെ പകർപ്പ് എന്നിവ സമർപ്പിക്കണം. അപേക്ഷ സമർപ്പിക്കുമ്പോൾ ഒറിജിനൽ റേഷൻ കാർഡ് കൊണ്ടുവരണം. കൂടുതൽ വിവരങ്ങൾക്ക് അതാത് കൃഷിഭവനിൽ ബന്ധപ്പെടുക.ഫെബ്രുവരി 20 നകം അപേക്ഷ നൽകുന്ന കർഷകർക്കാണ് ആദ്യ ഗഡു ലഭിക്കുക  .

പറവൂർ : അമ്പലപ്പുഴ ബ്ലോക്ക് പഞ്ചായത്ത് പരിധിയിലുള്ള ഭവനരഹിതരായ ഗുണഭോക്താക്കൾക്ക് പി .എം .എ .വൈ പദ്ധതിയിൽ ഭവന നിർമാണത്തിന് അപേക്ഷകൾ ക്ഷണിക്കുന്നു. വെള്ള പേപ്പറിൽ തയ്യാറാക്കിയ അപേക്ഷ  ബ്ലോക്ക് ഡെവലപ്‌മെൻറ് ഓഫീസർക്ക് 21നകം നേരിട്ട് നൽകണം. കൂടുതൽ വിവരങ്ങൾക്ക് ബ്ലോക്ക് പഞ്ചായത്ത് ഓഫീസുമായി ബന്ധപ്പെടുക. 

കഞ്ഞിക്കുഴി :  പ്രധാനമന്ത്രി ആവാസ് യോജന  (ഗ്രാമീൺ )പദ്ധതി പ്രകാരം  ഭവന രഹിതർക്ക് ഭവനത്തിനായി അപേക്ഷിക്കാം.  അപേക്ഷകൾ കഞ്ഞിക്കുഴി ബ്ലോക്ക് പഞ്ചായത്ത് ഓഫീസിൽ  നേരിട്ട് നൽകണം.  അവസാന തീയതി ഫെബ്രുവരി 21.  വിശദ വിവരങ്ങൾക്ക് ഫോൺ : 0478- 2862445

ഓട്ടിസം ക്ലബ് വാർഷികം

പറവൂർ :അമ്പലപ്പുഴ ബ്ലോക്ക് പഞ്ചായത്തും സാംസ്‌കാരിക വകുപ്പും  ചേർന്ന് കഥകളി, മോഹിനിയാട്ടം, പാക്കനാർ പാട്ട്, തുള്ളൽ, പെയിന്റിംഗ്, ശില്പകല എന്നിവയിൽ എല്ലാ പ്രായക്കാർക്കുമായി സൗജന്യ പരിശീലനം നൽകുന്നു. കൂടുതൽ വിവരങ്ങൾക്കു ബ്ലോക്ക് പഞ്ചായത്ത് ഓഫീസുമായി ബന്ധപ്പെടുക.