കേരള ദേവസ്വം റിക്രൂട്ട്‌മെന്റ് ബോർഡിൽ ഒഴിവുള്ള 25200-54000 രൂപ ശമ്പള സ്‌കെയിലിലുള്ള ക്ലാർക്ക് തസ്തികയിലേക്ക് ഡെപ്യൂട്ടേഷൻ വ്യവസ്ഥയിൽ സംസ്ഥാന സർക്കാർ വകുപ്പുകളിൽ സമാന തസ്തികകളിൽ സേവനമനുഷ്ഠിക്കുന്ന ജീവനക്കാരിൽ നിന്നും അപേക്ഷകൾ ക്ഷണിച്ചു. അപേക്ഷ ബോർഡ് ഓഫീസിൽ ലഭിക്കേണ്ട അവസാന തീയതി മാർച്ച് ആറ്.  വിശദാംശങ്ങൾ www.kdrb.kerala.gov.in എന്ന വെബ്‌സൈറ്റിൽ ലഭ്യമാണ്.

പി.എൻ.എക്സ്. 625/19 

ട്രാൻസ്‌ഫോമറുകൾക്ക് സമീപം പൊങ്കാല ഇടുമ്പോൾ വേണ്ടത്ര സുരക്ഷിത അകലം പാലിക്കണമെന്നും ട്രാൻസ്‌ഫോമർ സ്റ്റേഷൻ ചുറ്റുവേലിക്ക് സമീപം സാധനസാമഗ്രികൾ സൂക്ഷിക്കുകയോ വിശ്രമിക്കുകയോ ചെയ്യാതിരിക്കണമെന്നതും ഉൾപ്പെടെ ചീഫ് ഇലക്ട്രിക്കൽ ഇൻസ്‌പെക്ടർ ആറ്റുകാൽ പൊങ്കാലയിടാനെത്തുന്ന ഭക്തർക്കായി സുരക്ഷാ നിർദ്ദേശങ്ങൾ നൽകി. 

കിറ്റ്‌സ് പ്രതിമാസ പ്രഭാഷണ പരമ്പരയ്ക്ക് ഇന്ന് തുടക്കം; മന്ത്രി കടകംപള്ളി സുരേന്ദ്രൻ ഉദ്ഘാടനം ചെയ്യും

* പട്ടയവിതരണം: നടപടിക്രമങ്ങൾ സുതാര്യമാക്കി

ഔദ്യോഗിക ആഘോഷങ്ങളില്ലാതെ ദ്വിദിന സംസ്ഥാന തല പഞ്ചായത്ത്‌ ദിനാഘോഷത്തിന്‌ തൃശൂര്‍ ലുലു കണ്‍വെന്‍ഷന്‍ സെന്ററില്‍ തുടക്കമായി. തദ്ദേശ സ്വയംഭരണ സ്ഥാപനങ്ങള്‍, കുടുംബശ്രീ, നവകേരള കര്‍മ്മ പദ്ധതി, എംജിഎന്‍ആര്‍ഇജിഎസ്‌, കില തുടങ്ങിയ സ്ഥാപനങ്ങള്‍ നടപ്പിലാക്കിയ വിവിധ പരിപാടികളുടെ മാതൃകാ പ്രദര്‍ശനവും ഒരുക്കിയിരുന്നു. ഇതോടനുബന്ധിച്ച്‌ വിവിധ പഞ്ചായത്ത്‌ ജീവനക്കാരുടെയും, ജനപ്രതിനിധികളുടെയും കലാപരിപാടികളും ഡോക്യുമെന്ററി പ്രദര്‍ശനവും പ്രഭാഷണവും നടന്നു.

രജിസ്‌ട്രേഷന്‍ വകുപ്പിന്റെ 23 സബ്‌ രജിസ്‌ട്രാര്‍ ഓഫീസുകള്‍ക്ക്‌ പുതിയ പുതിയ മന്ദിരങ്ങള്‍ നിര്‍മ്മാണോദ്‌ഘാടനം ഇന്ന്‌ (ഫെബ്രുവരി 19) വൈകീട്ട്‌ 5 ന്‌ മുഖ്യമന്ത്രി പിണറായി വിജയന്‍ വീഡിയോ കോണ്‍ഫറന്‍സിങ്‌ മുഖേന കുന്നംകുളം മോഡല്‍ ബോയ്‌സ്‌ ഹൈസ്‌കൂള്‍ ഓഡിറ്റോറിയത്തില്‍ നിര്‍വഹിക്കും. തദ്ദേശസ്വയംഭരണ വകുപ്പ്‌ മന്ത്രി എ സി മൊയ്‌തീന്‍ അദ്ധ്യക്ഷത വഹിക്കും. തുടര്‍ന്ന്‌ കുന്നംകളും, അക്കികാവ്‌ സബ്‌ രജിസ്‌ട്രാര്‍ ഓഫീസുകളുടെ ശിലാഫലകം അനാഛാദനം ചെയ്യും. ഡോ. പി കെ ബിജു എംപി മുഖ്യാതിഥിയാകും.

പ്രളയക്കെടുതിയില്‍ പണം ലഭ്യമാക്കേണ്ട എല്ലാ ഗുണഭോക്താക്കള്‍ക്കും അടിയന്തിരമായി തുക ലഭ്യമാക്കണമെന്ന്‌ മനുഷ്യാവകാശ കമ്മീഷന്‍. 2018 ലെ പ്രളയക്കെടുതിയില്‍ ആശ്വാസധനസഹായം ലഭിച്ചില്ലെന്ന പരാതി പല സന്ദര്‍ഭങ്ങളിലും ഉണ്ടായിട്ടുള്ളതായി കമ്മീഷന്‍ ജുഡീഷ്യല്‍ അംഗം പി. മോഹനദാസ്‌ പറഞ്ഞു. ധനസഹായം ലഭ്യമാക്കാന്‍ കാലതാമസം പാടില്ലെന്നും കമ്മീഷന്‍ ചൂണ്ടിക്കാണിച്ചു. പ്രളയത്തില്‍ വീട്‌ ഭാഗികമായി തകര്‍ന്ന കൊടുങ്ങല്ലൂര്‍ മേത്തല സ്വദേശി കെ.ആര്‍ സതീഷ്‌കുമാര്‍ നല്‍കിയ പരാതിയിലാണ്‌ ഉത്തരവ്‌. കമ്മീഷന്‍ ജില്ലാ കളക്‌ടറില്‍ നിന്നും റിപ്പോര്‍ട്ട്‌ വാങ്ങി.

ആയിരം ദിനാഘോഷങ്ങളുടെ ഭാഗമായ കലാപരിപാടികള്‍ ഫെബ്രു.20 ന്‌ വൈകീട്ട്‌ 6.30 ന്‌ തേക്കിന്‍കാട്‌ ലേബര്‍ കോര്‍ണറില്‍ അരങ്ങേറും. ജയരാജ്‌ വാര്യര്‍ അവതരിപ്പിക്കുന്ന അന്തരിച്ച സംഗീത സംവിധായകന്മാരായ ജോണ്‍സണ്‍, രവീന്ദ്രന്‍ എന്നിവരുടെ ഗാനങ്ങള്‍ കോര്‍ത്തിണക്കിയ ഏഴുസ്വരങ്ങളില്‍ പൊന്നുരുകും പൂക്കാലത്തോടെയാണ്‌ കലാപരിപാടികള്‍ക്ക്‌ തുടക്കം കുറിക്കുക.

സംസ്ഥാന മന്ത്രിസഭയുടെ ആയിരം ദിനാഘോഷ പരിപാടികള്‍ക്ക്‌ ഫെബ്രു.20 വൈകീട്ട്‌ 4 ന്‌ തേക്കിന്‍കാട്‌ മൈതാനം ചുറ്റിയുള്ള ഘോഷയാത്രയോടെ ആരംഭം കുറിക്കും.വൈകീട്ട്‌ 5 ന്‌ ലേബര്‍ കോര്‍ണറില്‍ പൊതുവിദ്യാഭ്യാസ വകുപ്പു മന്ത്രി ആഘോഷ പരിപാടികളുടെ ഉദ്‌ഘാടനം നടത്തും.കൃഷി വകുപ്പു മന്ത്രി അഡ്വ. വി.എസ്‌.സുനില്‍കുമാര്‍ അധ്യക്ഷത വഹിക്കും.ഉല്‍പന്ന വിപണന പ്രദര്‍ശനമേളയുടെ ഉദ്‌ഘാടനം മേയര്‍ അജിത വിജയന്‍ നിര്‍വ്വഹിക്കും.