നാടിന്റെ വികസനത്തിനും പരിസ്ഥിതി സംരക്ഷണത്തിനും തോട്ടങ്ങള്‍ വഹിക്കുന്ന
പങ്ക് വളരെ വലുതാണെന്നും ഇടുക്കി ജില്ലയിലെ തോട്ടം മേഖല
സംരക്ഷിക്കപ്പെടണം എന്നും സര്‍ക്കാര്‍ അതിനായി വിവിധ പദ്ധതികളാണ്
ആവിഷ്‌കരിച്ച് നടപ്പിലാക്കുന്നതെന്നും തൊഴില്‍ എക്സൈസ് വകുപ്പ് മന്ത്രി
ടി പി രാമകൃഷണന്‍. മൂന്നാര്‍ കെ ഡി എച്ച് വില്ലേജില്‍ ന്യൂ  കോളനി
വാര്‍ഡില്‍ നിര്‍മ്മിക്കുന്ന ലേബര്‍ കോംപ്ലക്സിന്റെയും
തോട്ടംതൊഴിലാളികള്‍ക്കായി കുറ്റിയാര്‍വാലിയില്‍ നിര്‍മ്മിക്കുന്ന
വീടുകളുടെയും ശിലാസ്ഥാപന കര്‍മ്മവും നിര്‍വ്വഹിച്ച്

ജില്ലാ സ്‌പോര്‍ട്‌സ് കൗണ്‍സില്‍ പ്രസിഡന്റായി റോമിയോ സെബാസ്റ്റ്യനെ
തിരഞ്ഞെടുത്തു. വൈസ്പ്രസിഡന്റായി എം.സുകുമാരനും സംസ്ഥാന സ്‌പോര്‍ട്‌സ്
കൗസിലിലേക്ക് ജില്ലാ കൗണ്‍സില്‍ പ്രതിനിധിയായി കെ.എല്‍.ജോസഫും
തിരഞ്ഞെടുക്കപ്പെട്ടു.
കളക്ട്രേറ്റ് കോണ്‍ഫ്രന്‍സ് ഹാളില്‍ വരണാധികാരിയായ അസി.രജിസ്റ്റ്ട്രാര്‍
റോസമ്മ ജേക്കബിന്റെ അധ്യക്ഷതയില്‍ നടന്ന തെരെഞ്ഞെടുപ്പ യോഗത്തില്‍
എസ്.രാജേന്ദ്രന്‍ എം.എല്‍.എ, ദ്രോണാചര്യ തോമസ് മാസ്റ്റര്‍, വിവിധ കായിക
സംഘടന, ഉദ്യോഗസ്ഥ പ്രതിനിധികള്‍ തുടങ്ങിയവര്‍ പങ്കെടുത്തു.
 

പ്രളയത്തില്‍ തകര്‍ന്നവീടിന് നഷ്ടപരിഹാരം ലഭിച്ചില്ലെന്ന് കാണിച്ച്
ചുമരില്‍ പ്രതിഷേധക്കുറിപ്പെഴുതിയ വെള്ളത്തൂവല്‍ തണ്ണിക്കോട്ട് വീട്ടില്‍
ജോസഫിനെ ജില്ലാ കളക്ടര്‍ ജീവന്‍ബാബു കെ. സന്ദര്‍ശിച്ച് വസ്തുതകള്‍
ആരായുകയും നഷ്ടപരിഹാരം സംബന്ധിച്ച തെറ്റിദ്ധാരണകള്‍ നീക്കുകയും ചെയ്തു.

മരിയാപുരം ഗ്രാമപഞ്ചായത്തിലെ 50 വയസ്സ് കഴിഞ്ഞ അവിവാഹിതര്‍ക്കുള്ള പെന്‍ഷന്‍ ഗുണഭോക്താക്കളും വിധവാ പെന്‍ഷന്‍ ഗുണഭോക്താക്കളും വിവാഹം/ പുനര്‍ വിവാഹം ചെയ്തിട്ടില്ല എന്ന് തെളിയിക്കുന്ന  ഒരു ഗസറ്റഡ് ഓഫീസറുടെ സര്‍ട്ടിഫിക്കറ്റ് ഫെബ്രുവരി 28ന് മുമ്പായി ആധാര്‍ കാര്‍ഡിന്റെ പകര്‍പ്പ് ഉള്‍പ്പെടെ ഗ്രാമപഞ്ചായത്ത് ഓഫീസില്‍ ഹാജരാക്കണം. ഇത്തരത്തില്‍ സമര്‍പ്പിക്കാത്ത വിധവാ പെന്‍ഷന്‍ /അവിവാഹിത പെന്‍ഷന്‍ ഗുണഭോക്താക്കളുടെ സാമൂഹ്യ സുരക്ഷാ പെന്‍ഷന്‍ ഈ സര്‍ട്ടിഫിക്കറ്റ് സമര്‍പ്പിക്കുന്നതുവരെ താല്‍ക്കാലികമായി തടഞ്ഞ് വയ്ക്കുമെന്ന് മരിയാപുരം ഗ്രാമപഞ്ചായത്ത് സെക്രട്ടറി അറിയിച്ചു.

കേരളകരകൗശല വികസന കോർപ്പറേഷൻ കരകൗശലതൊഴിലാളികൾക്കുളള വായ്പാപദ്ധതിയിലേയ്ക്ക് അപേക്ഷ ക്ഷണിച്ചു. അപേക്ഷകർ പിന്നാക്ക വിഭാഗത്തിൽപ്പെട്ട കരകൗശല മേഖലയുമായി ബന്ധപ്പെട്ടയാളാകണം. വുഡ് ടെക്‌നോളജി, ഫൈൻ ആർട്‌സ് ബിരുദധാരികൾക്കും അപേക്ഷിക്കാം. പ്രായം 18-55. വാർഷിക വരുമാനം ഗ്രാമ, നഗര പരിധിയിൽ പരമാവധി 3,00,000 രൂപയ്ക്ക് താഴെയായിരിക്കണം. വായ്പാ കാലാവധി അഞ്ചു വർഷം പലിശ നിരക്ക് ആറ് ശതമാനം. അപേക്ഷാഫോറത്തിനും വിശദവിവരങ്ങൾക്കും കേരള കരകൗശല വികസന കോർപ്പറേഷൻ, പ്രസ്സ്‌ക്ലബ് റോഡ്, എസ്.എം.എസ്.എം. ഇൻസ്റ്റിറ്റ്യൂട്ട് കോമ്പൗണ്ട്, തിരുവനന്തപുരം - 695001 എന്ന വിലാസത്തിൽ ബന്ധപ്പെടുക. ഫോൺ:0471-2331358, 2778400

ന്യൂനപക്ഷക്ഷേമ വകുപ്പിന് കീഴിലെ കണ്ണനല്ലൂർ, കായംകുളം, മട്ടാഞ്ചേരി, പട്ടാമ്പി, വളാഞ്ചേരി, പേരാമ്പ്ര, തലശ്ശേരി പരിശീലന കേന്ദ്രങ്ങളിൽ പ്രിൻസിപ്പൽ തസ്തികയിലേക്ക് ഈ മാസം 19ന് വാക്ക് ഇൻ ഇന്റർവ്യൂ നടത്തുന്നു. ഓരോ ഒഴിവ് വീതം. സർക്കാർ സർവ്വീസിൽ നിന്ന് പ്രിൻസിപ്പൽ, സെലക്ഷൻ ഗ്രേഡ്/സീനിയർ ഗ്രേഡ് ലക്ചറർമാരായി വിരമിച്ചവർക്കും ബിരുദാനന്തര ബിരുദവും യു.ജി.സി (നെറ്റ്/സിഎസ്.ഐ.ആർ) യോഗ്യതയുളള തൊഴിൽ രഹിതർക്കും പങ്കെടുക്കാം.