ആലപ്പുഴ: സംസ്ഥാന മത്സ്യത്തൊഴിലാളി കടാശ്വാസ കമ്മിഷൻ ഡിസംബർ 26ന് ഗസ്റ്റ് ഹൗസിൽ  സിറ്റിങ്് നടത്തും. കമ്മിഷനിൽ നിന്നു നോട്ടീസ്  ലഭിച്ച അപേക്ഷകരും ബന്ധപ്പെട്ട ബാങ്കിന്റെ പ്രതിനിധികളും രാവിലെ 10ന് ഹാജരാകണം. 

(പി.എൻ.എ.306917)

    മലമ്പുഴ ഉദ്യാനം ശുചീകരണം,  ബസ് സ്റ്റാന്‍റ് നവീകരണം ,  ജയില്‍ നിര്‍മാണം എന്നിവ വിലയിരുത്താന്‍ സ്ഥലം എം.എല്‍.എയും ഭരണപരിഷ്കരണ കമീഷന്‍ ചെയര്‍മാനുമായ വി.എസ് അച്യുതാനന്ദന്‍ നേരിട്ട് സന്ദര്‍ശനം നടത്തി. ഉദ്യാനത്തിന്‍റെ ശുചീകരണവുമായി ബന്ധപ്പെട്ട അവലോകനവും  തുടര്‍പ്രവര്‍ത്തനങ്ങളും കാര്യക്ഷമമായി നടപ്പാക്കണമെന്ന് അദ്ദേഹം ഉദ്യോഗസ്ഥര്‍ക്ക് നിര്‍ദ്ദേശം നല്‍കി.  സന്ദര്‍ശനത്തില്‍ ജലസേചനവകുപ്പ് ഉദ്യോഗസ്ഥരും തദ്ദേശസ്ഥാപന പ്രതിനിധികളും പങ്കെടുത്തു.

ആലപ്പുഴ: ലൈസൻസില്ലാതെ ഫാക്ടറി നടത്തിയതിനും നിയമലംഘനം നടത്തിയതിനും കലവൂർ സ്വദേശിക്ക് ആലപ്പുഴ ചീഫ് ജുഡീഷ്യൽ മജിസ്‌ട്രേറ്റ് പിഴ ശിക്ഷ വിധിച്ചു. ഫാക്ടറീസ് ആൻഡ് ബോയിലേഴ്‌സ് ഇൻസ്‌പെക്ടർ പി. ജിജു ഫയൽ ചെയ്ത രണ്ട് കേസുകളിൽ 25,000, 5,000 രൂപ വീതമാണ് ശിക്ഷ വിധിച്ചത്. 

(പി.എൻ.എ.3068/17)

നാളെ (ഡിസംബര്‍ 20-ന്) നടത്താനിരുന്ന പാലക്കാട് റീജിനല്‍ ട്രാന്‍സ്പോര്‍ട്ട് അതോറിറ്റി യോഗം  ഡിസംബര്‍ 28-ന് രാവിലെ 10.30-ന് കലക്ടറേറ്റ് സമ്മേളനഹാളില്‍ നടക്കുമെന്ന് സെക്രട്ടറി അറിയിച്ചു.

ജില്ലയിലെ തദ്ദേശസ്വയംഭരണ സ്ഥാപനങ്ങളിലെ 2017-18 വാര്‍ഷികപദ്ധതിയിലെ ഭേദഗതി പ്രൊജക്ടിനുളള അംഗീകാരം നല്‍കുന്നതിനായി ജില്ലാ ആസൂത്രണ സമിതി യോഗം ജില്ലാ പഞ്ചായത്ത് കൗണ്‍സില്‍ ഹാളില്‍ ഡിസംബര്‍ 23-ന് രാവിലെ 11 മണിക്ക് ചേരുമെന്ന് ജില്ലാ കലക്ടര്‍ അറിയിച്ചു. 

ആലപ്പുഴ: സ്വാമി വിവേകാനന്ദന്റെ കേരള സന്ദർശനത്തിന്റെ പ്രധാന്യം വിളിച്ചോതി 'വിവേകാനന്ദസ്പർശം' ജില്ലാതല ആഘോഷം. സ്വാമി വിവേകാനന്ദൻ കേരളം സന്ദർശിച്ചതിന്റെ 125-ാം വാർഷികത്തോടനുബന്ധിച്ച് സാംസ്‌കാരിക വകുപ്പ് ആലപ്പുഴ ടൗൺ ഹാളിൽ സംഘടിപ്പിച്ച വിവേകാനന്ദ സ്പർശം പരിപാടിയുടെ ജില്ലാതല ഉദ്ഘാടനം നഗരസഭ ചെയർമാൻ തോമസ് ജോസഫ് നിർവഹിച്ചു. ആശാൻ സ്മാരക സമിതി ചെയർമാൻ രാജീവ് ആലുങ്കൽ മുഖ്യപ്രഭാഷണം നടത്തി. 

        പാലക്കാട് ടൗണ്‍ ബസ് സ്റ്റാന്‍റില്‍ ടി.ബി കോംപ്ലക്സില്‍ പ്രവര്‍ത്തിക്കുന്ന കേരള സംസ്ഥാന കൈത്തറി വികസന കോര്‍പ്പറേഷന്‍ ഷോറൂമില്‍ ക്രിസ്തുമസിനോടനുബന്ധിച്ച് കൈത്തറി തുണിത്തരങ്ങള്‍ക്ക്  20 ശതമാനം റിബേറ്റ് അനുവദിച്ചതായി ഷോറൂം ഇന്‍ചാര്‍ജ്ജ് അറിയിച്ചു. ഡിസംബര്‍ 20 മുതല്‍ 24 വരെയാണ് വിലക്കിഴിവ് ലഭിക്കുക. വിവിധ ഇനം കൈത്തറി മുണ്ടുകള്‍, സെറ്റുമുണ്ടുകള്‍, സെറ്റ് സാരികള്‍, ത്രഡ് വര്‍ക്ക് സാരികള്‍, ബംഗാള്‍ കോട്ടണ്‍ സാരികള്‍, സില്‍ക്ക് സാരികള്‍, ബെഡ്ഷീറ്റുകള്‍, പില്ലോകവര്‍, യൂണിഫോം തുണിത്തരങ്ങള്‍, ഷര്‍ട്ടിങ്ങുകള്‍, ടര്‍ക്കി, തോര്‍ത്ത് കൂടാതെ മറ്റ് തൂണിത്തരങ്ങളും ലഭ്യമാണ്.

    ജില്ലാ എംപ്ലോയ്മെന്‍റ് എക്സ്ചേഞ്ചിന്‍റെ ഭാഗമായ എംപ്ലോയബിലിറ്റി സെന്‍റര്‍ മുഖേന സ്വകാര്യ മേഖലകളിലെ തൊഴിലവസരങ്ങള്‍ മുന്‍നിര്‍ത്തി ഡിസംബര്‍ 28 ന് മിനി ജോബ് ഫെസ്റ്റ് നടത്തുന്നു. കഞ്ചിക്കോട് മേനോന്‍പാറയിലുളള ചാത്തകുളം ബിസിനസ്സ് സ്കൂളിലാണ് മേള നടക്കുക. പ്ലസ്ടു, എസ്.എസ്.എല്‍.സി, ഡിഗ്രി (ബി.എ, ബി.എസ്.സി, ബി.സി.എ, ബി.കോം, ബി.ബി.എ) എം.ബി.എ,  ഏതങ്കിലും ബിരുദാനന്തര ബിരുദം യോഗ്യതയുളളവരെയാണ് പരിഗണിക്കുക. ബാങ്കിങ്ങ്, ഇന്‍ഷുറന്‍സ്, ഐടി, റീടെയല്‍, ലൊജിസ്ടിക്സ്, ഹ്യൂമന്‍ റിസോഴ്സ് മേഖലകളിലേക്കാണ് അവസരം.