ലോകകേരള സഭയോടനുബന്ധിച്ച് ജനുവരി ഏഴ് മുതല്‍ 14 വരെ കനകക്കുന്നില്‍ സംഘടിപ്പിക്കുന്ന വസന്തോല്‍സവം പരിപാടിയോടനുബന്ധിച്ച് നടക്കുന്ന വിവിധ മത്സരങ്ങളില്‍ പങ്കെടുക്കാനവസരം. 
    പതിനായിരത്തില്‍പ്പരം പുഷ്പ സസ്യജാലങ്ങളുടെ  പ്രദര്‍ശനത്തിലൂടെ കനകക്കുന്നില്‍ വസന്തം വിരിയിക്കുന്ന വര്‍ണാഭമായ കാഴ്ചകള്‍ക്കൊപ്പം വിവിധ മത്സരങ്ങളാണ് സംഘടിപ്പിച്ചിട്ടുള്ളത്. ബോണ്‍സായ് ചെടികളുടെ പ്രദര്‍ശനവും മത്സരങ്ങളും  മേളയുടെ മറ്റൊരു ആകര്‍ഷണമാണ്. 

കേരള റോഡ് സുരക്ഷാ അതോറിറ്റിയില്‍ ജൂനിയര്‍ സൂപ്രണ്ട് (ശമ്പളസ്‌കെയില്‍ - 30,700-65,400), സീനിയര്‍ ക്ലാര്‍ക്ക് (25,200-54,000) 2018 ഏപ്രില്‍ 24 മുതല്‍. ക്ലാര്‍ക്ക് (19,000-43,600) 2018 ജനുവരി 10 മുതല്‍.

ലോക കേരള സഭയുടെ ഭാഗമായി തിരുവനന്തപുരത്ത് സംഘടിപ്പിക്കുന്ന വസന്തോത്‌സവം 2018ന്റെ ലോഗോയും വെബ്‌സൈറ്റും മുഖ്യമന്ത്രി പിണറായി വിജയന്‍ പ്രകാശനം ചെയ്തു. മുഖ്യമന്ത്രിയുടെ ചേംബറില്‍ നടന്ന ചടങ്ങില്‍ ടൂറിസം മന്ത്രി കടകംപള്ളി സുരേന്ദ്രന്‍ ലോഗോ ഏറ്റുവാങ്ങി. www.vasantholsavamkerala.org യാണ് വെബ്‌സൈറ്റ്. കനകക്കുന്ന്, നിശാഗന്ധി, സൂര്യകാന്തി എന്നിവയാണ് വേദികള്‍. ടൂറിസം, കൃഷി, ശാസ്ത്ര സാങ്കേതിക പരിസ്ഥിതി കൗണ്‍സില്‍ എന്നിവയാണ് മുഖ്യസംഘാടകര്‍. ജനുവരി ഏഴു മുതല്‍ 14 വരെയാണ് മേള. 

ആതവനാട് കൃഷിഭവനില്‍ ജനകീയ ആസൂത്രണ പദ്ധതി പ്രകാരം തെങ്ങിന് ജൈവവളം, വെറ്റില ജൈവവളം, നെല്‍കൃഷി കൂലി ചെലവ്, നേന്ത്ര വാഴയ്ക്ക് ജൈവവളം, നേന്ത്ര വാഴക്കന്ന്, പച്ചക്കറി വിത്ത് എന്നീ പദ്ധതി പ്രകാരം ആനുകൂല്യം ലഭിക്കാന്‍ ഗുണഭോക്തൃ ലിസ്റ്റില്‍പ്പെട്ട കര്‍ഷകര്‍ ആധാര്‍ കാര്‍ഡ്, നികുതി രശീതി, ബാങ്ക് പാസ്സ് ബുക്ക് എന്നിവ സഹിതം ഡിസംബര്‍ 23നകം ആതവനാട് കൃഷിഭവനില്‍ എത്തണം.

    ജില്ലാ പഞ്ചായത്ത് വിജയഭേരി വിദ്യാഭ്യാസ പദ്ധതിയുടെ ഭാഗമായി 10-ാം ക്ലാസിലെ ഗണിതം ചോദ്യപേപ്പര്‍ മലപ്പുറം, വണ്ടൂര്‍ വിദ്യാഭ്യാസ ജില്ലകളില്‍ ഡിസംബര്‍ 20നും തിരൂര്‍, തിരൂരങ്ങാടി വിദ്യാഭ്യാസ ജില്ലയില്‍ ഡിസംബര്‍ 21നും വിതരണം ചെയ്യും.  
    ഗണിത അധ്യാപകര്‍ക്ക് ഡിസംബര്‍ 20, 21 തിയ്യതികളില്‍ രാവിലെ 10 മുതല്‍ ഓറിയന്റേഷന്‍ ക്ലാസ് നടത്തും. ഓരോ സ്‌കൂളില്‍ നിന്നും ഒരു ഗണിത ശാസ്ത്ര അധ്യാപകന്‍ പങ്കെടുക്കണം.

ഓഖി ചുഴലിക്കാറ്റില്‍ ദുരിതമനുഭവിക്കുന്ന മത്സ്യത്തൊഴിലാളികള്‍ക്ക് വേണ്ടി പൊന്നാനിയില്‍  സൗജന്യ തീരദേശ മെഗാമെഡിക്കല്‍ ക്യാമ്പ് സംഘടിപ്പിച്ചു.   സ്ത്രീകള്‍ക്കും കുട്ടികള്‍ക്കും വേണ്ടിയുള്ള സര്‍ക്കാര്‍ ആശുപത്രിയിലാണ് ക്യാമ്പ് നടത്തിയത്.    ക്യാന്‍സര്‍, ഹൃദ്രോഗം, ഞരമ്പുരോഗം, ഉദര രോഗം, സ്ത്രീ രോഗം, ജനറല്‍ മെഡിസിന്‍ തുടങ്ങി വിവിധ വിഭാഗങ്ങളില്‍ വിദഗ്ധ ഡോക്ടര്‍മാര്‍ പരിശോധന നടത്തി. 1000 - ലധികം മത്സ്യത്തൊഴിലാളികള്‍ ക്യാമ്പില്‍ പങ്കെടുത്തു. സൗജന്യമായി മരുന്നും കണ്ണടകളും ലഭ്യമാക്കി. ഡോക്ടര്‍മാര്‍  നിര്‍ദേശിച്ച  മത്സ്യത്തൊഴിലാളികള്‍ക്ക് തിമിരശസ്ത്രക്രിയയ്ക്ക് സൗകര്യം ലഭ്യമാക്കി.