രണ്ടാം വിള നെല്ല് സംഭരണത്തിനായി രജിസ്റ്റര്‍ ചെയ്യുന്ന  പാട്ട കൃഷിക്കാര്‍ 200 രൂപയുടെ മുദ്രപത്രത്തില്‍ താത്ക്കാലിക സത്യവാങ്മൂലം നല്‍കണമെന്ന് സപ്ലൈകോ പാഡി മാര്‍ക്കറ്റിങ്ങ് ഓഫിസര്‍ അറിയിച്ചു.

    * സംസ്ഥാന ടൂറിസം  പുരസ്‌കാരങ്ങള്‍ വിതരണം ചെയ്തു 
    നാട്ടുകാരുടെ പങ്കാളിത്തത്തോടെ ടൂറിസം സംസ്‌കാരം അഭിവൃദ്ധിപ്പെടുത്താനുള്ള ശ്രമങ്ങളുണ്ടാകണമെന്ന് മുഖ്യമന്ത്രി പിണറായി വിജയന്‍ അഭിപ്രായപ്പെട്ടു. ടൂറിസം വികസനത്തിനുള്ള എല്ലാ സാധ്യതകളും സര്‍ക്കാര്‍ ഉപയോഗപ്പെടുത്തുമെന്നും അദ്ദേഹം പറഞ്ഞു. സംസ്ഥാന ടൂറിസം അവാര്‍ഡുകള്‍ വിതരണം ചെയ്ത് സംസാരിക്കുകയായിരുന്നു അദ്ദേഹം. 

ഓഖി ദുരിതാശ്വാസത്തിനും ദുരന്തബാധിതരെ പുനരധിവസിപ്പിക്കുന്നതിനും തീരദേശ മേഖലയുടെ പുനര്‍നിര്‍മ്മാണത്തിനും 7340 കോടി രൂപയുടെ പ്രത്യേക പാക്കേജ് പ്രധാനമന്ത്രിക്കു മുമ്പില്‍ സംസ്ഥാന സര്‍ക്കാര്‍ സമര്‍പ്പിച്ചു. ഗവണ്‍മെന്റ് ഗസ്റ്റ് ഹൗസില്‍ വൈകീട്ട് നടന്ന ചര്‍ച്ചയിലാണ് മുഖ്യമന്ത്രി പിണറായി വിജയന്‍ സമഗ്രമായ സഹായ പാക്കേജ് പ്രധാനമന്ത്രിക്ക് നല്‍കിയത്. ദേശീയ ദുരന്തനിവാരണ ഫണ്ടിന്റെ മാര്‍ഗരേഖപ്രകാരം കണക്കാക്കിയ 422 കോടി രൂപയ്ക്ക് പുറമെയാണ് പ്രത്യേക പാക്കേജ് സംസ്ഥാനം ആവശ്യപ്പെട്ടത്. 

സ്വാശ്രയ കോളേജുകളായ കാസര്‍കോഡ് മാര്‍ത്തോമ കോളേജ് ഓഫ് സ്‌പെഷ്യല്‍ എഡ്യൂക്കേഷന്‍, കോഴിക്കോട് AWH കോളേജ് ഓഫ് സ്‌പെഷ്യല്‍ എഡ്യൂക്കേഷന്‍ എന്നിവിടങ്ങളില്‍ നടത്തുന്ന  എം.എ.എസ്.എല്‍.പി കോഴ്‌സ്  പ്രവേശനത്തിന് ഓണ്‍ലൈനായി  ഡിസംബര്‍ 26 വരെ അപേക്ഷിക്കാം. പ്രോസ്‌പെക്ടസ് www.lbscentre.in ല്‍ പ്രസിദ്ധീകരിച്ചിട്ടുണ്ട്. കേരളത്തിലെ ഏതെങ്കിലും യൂണിവേഴ്‌സിറ്റിയില്‍ നിന്നോ കേരള യൂണിവേഴ്‌സിറ്റി ഓഫ് ഹെല്‍ത്ത് സയന്‍സസ്സ് അംഗീകരിച്ച ബി.എ.എസ്.എല്‍.പി. കോഴ്‌സ് 50 ശതമാനത്തില്‍ കുറയാതെയുള്ള മാര്‍ക്കോടെ പാസ്സായ കേരളീയര്‍ക്ക് അപേക്ഷിക്കാം. അപേക്ഷകര്‍ക്ക് 30 വയസ്സാണ് പ്രായപരിധി.

ഓഖി ദുരന്തത്തില്‍ ജീവന്‍ വെടിഞ്ഞവരുടെ കുടുംബങ്ങള്‍ക്കും രക്ഷപെട്ടവര്‍ക്കുമൊപ്പം രാജ്യവും കേന്ദ്ര സര്‍ക്കാരുമുണ്ടെന്ന് പ്രധാനമന്ത്രി നരേന്ദ്രമോഡി പറഞ്ഞു. പൂന്തുറയിലെത്തി ദുരന്തബാധിതരോട് സംസാരിക്കുകയായിരുന്നു അദ്ദേഹം. കേരളത്തിന്റെ ദുഖത്തില്‍ രാജ്യം മുഴുവന്‍ പങ്കുചേരുന്നു.  കാണാതായവരെ കണ്ടെത്തുന്നതിന് കേന്ദ്ര സഹായമുണ്ടാവും. 

മനസ്സില്‍പോലും ചിന്തിക്കാത്ത ഒരു കാര്യത്തെക്കുറിച്ച് മന്ത്രി പ്രതികരിച്ചു എന്നാരോപിച്ച് നിലപാട് സ്വീകരിക്കുന്ന സഭയുടെ നടപടി നിര്‍ഭാഗ്യകരമാണെന്ന് ഫിഷറീസ് മന്ത്രിജെ. മെഴ്‌സിക്കുട്ടി അമ്മയുടെ ഓഫീസ് അറിയിച്ചു. മരിച്ചവരുടെ എണ്ണം പെരുപ്പിച്ച് കാട്ടി ആനുകൂല്യങ്ങള്‍ വാങ്ങി എടുക്കുവാന്‍ മാത്രം ഹൃദയശൂന്യരല്ല സഭാനേതൃത്വം എന്നുള്ള അവരുടെ പ്രതികരണം കാണുകയുണ്ടായി.

കേരള സംസ്ഥാന ന്യൂനപക്ഷ ഡയറക്ടറേറ്റിന്റെ ആഭിമുഖ്യത്തില്‍ സംസ്ഥാനത്തെ 17 ന്യൂനപക്ഷ യുവജനപരിശീലന കേന്ദ്രങ്ങളും ഉപകേന്ദ്രങ്ങളും വൈവിധ്യമാര്‍ന്ന ന്യൂനപക്ഷ അവകാശബോധവത്കരണ പരിപാടികളോടെ ന്യൂനപക്ഷദിനം ആചരിച്ചു.  എം.എല്‍.എമാര്‍, പഞ്ചായത്തു പ്രസിഡന്റുമാര്‍, മുന്‍സിപ്പല്‍ ചെയര്‍മാന്‍മാര്‍ എന്നിവര്‍ക്ക് പുറമെ മറ്റു ജനപ്രതിനിധികളും പങ്കെടുത്തു.  കൊടുങ്ങല്ലൂര്‍ ചേരമന്‍ മസ്ജിദ് അങ്കണത്തിലെ മൈനോറിറ്റി സെന്ററില്‍ നടന്ന ന്യൂനപക്ഷ ദിനാചാരണത്തിന്റെ സംസ്ഥാനതല ഉദ്ഘാനം മന്ത്രി കെ.ടി. ജലീല്‍ നിര്‍വഹിച്ചു.

പി.എന്‍.എക്‌സ്.5404/17

കേരള സര്‍ക്കാരിന്റെ നിയന്ത്രണത്തിലുളള എല്‍.ബി.എസ് സെന്ററിന്റെ ആഭിമുഖ്യത്തില്‍ പ്രവര്‍ത്തിക്കുന്ന സെന്റര്‍ ഓഫ് എക്‌സലെന്‍സ് ഫോര്‍ ഡിസെബിലിറ്റി സ്റ്റഡീസ് പൂജപ്പുരയില്‍, ഭിന്നശേഷിയുളള പത്താം ക്ലാസ് പാസായവര്‍ക്ക് സൗജന്യമായി ഡേറ്റാ എന്‍ട്രി ആന്റ് ഓഫീസ് ഓട്ടോമേഷന്‍, അനിമേഷന്‍ കോഴ്‌സുകള്‍ ആരംഭിക്കുന്നു.  അഭിമുഖം ഡിസംബര്‍ 21ന് രാവിലെ 10ന് സെന്ററില്‍ നടത്തും.  ഫോണ്‍; 0471 2345627

പി.എന്‍.എക്‌സ്.5403/17

ഓഖി ദുരന്ത ബാധിതരെ സന്ദര്‍ശിക്കാനും ദുരിതാശ്വാസ നടപടികള്‍ വിലയിരുത്തുന്നതിനും പ്രധാനമന്ത്രി നരേന്ദ്ര മോദി തലസ്ഥാനത്തെത്തി. ഉച്ചയ്ക്ക് 1.50 ന് ഭാരതീയ വ്യോമ സേനയുടെ പ്രത്യേക വിമാനത്തില്‍ വന്നിറങ്ങിയ പ്രധാനമന്ത്രിയെ ഗവര്‍ണര്‍ പി. സദാശിവം, മുഖ്യമന്ത്രി പിണറായി വിജയന്‍, കേന്ദ്രമന്ത്രി അല്‍ഫോണ്‍സ് കണ്ണന്താനം, സംസ്ഥാന മന്ത്രിമാരായ ജെ. മെഴ്‌സിക്കുട്ടിഅമ്മ, കടകംപള്ളി സുരേന്ദ്രന്‍, സുരേഷ് ഗോപി എം.പി., മേയര്‍ വി.കെ. പ്രശാന്ത്, എംഎല്‍എമാരായ ഒ. രാജഗോപാല്‍, വി.എസ്. ശിവകുമാര്‍, ചീഫ് സെക്രട്ടറി ഡോ. കെ.എം. എബ്രഹാം, പൊതുഭരണ വകുപ്പ് സെക്രട്ടറി ബിശ്വനാഥ് സിന്‍ഹ, ജില്ലാ കളക്ടര്‍ കെ.