ഡിജിറ്റല്‍ സാമ്പത്തിക സാക്ഷരത വ്യാപകമാക്കുന്നതിന്റെ ഭാഗമായി ഡിജിറ്റല്‍ ശാക്തീകരണ പ്രവര്‍ത്തനം ജില്ലയില്‍ മാര്‍ച്ചില്‍ പൂര്‍ത്തീകരിക്കും. ഇതോടനുബന്ധിച്ച്  അക്ഷയ സംരംഭകരുടെ ജില്ലാതല യോഗവും പദ്ധതി വിശദീകരണവും എസ് ബി ഐ, സാമ്പത്തിക ശാക്തീകരണം എന്നിവ കളക്‌ട്രേറ്റ് കോണ്‍ഫറന്‍സ് ഹാളില്‍  നടന്നു.

    ജില്ലാ പദ്ധതി രൂപീകരണവുമായി ബന്ധപ്പെട്ട് ഡിസംബര്‍ 19 ന് നടത്താനിരുന്ന യോഗം ഡിസംബര്‍ 22 ന് നടക്കുമെന്ന് ജില്ലാകലക്ടര്‍ അറിയിച്ചു. രാവിലെ 10.30 മുതല്‍ ജില്ലാ പഞ്ചായത്ത് സമ്മേളന ഹാളിലാണ് യോഗം.

    ചാലിശ്ശേരി - പെരിങ്ങോട് റോഡില്‍  കള്‍വര്‍ട്ട് നിര്‍മ്മാണത്തെ തുടര്‍ന്ന്  2018 ഫെബ്രുവരി 15-വരെ ഈ വഴിയുളള ഗതാഗതം നിരോധിച്ചതിനാല്‍  ചാലിശ്ശേരിയില്‍ നിന്നും പെരിങ്ങോട് ഭാഗത്തേക്കുളള വാഹനങ്ങളും  പെരിങ്ങോട്  നിന്നും ചാലിശ്ശേരിയിലേക്കുളള വാഹനങ്ങളും കൂറ്റനാട് വഴി  പോകണമെന്ന് എക്സിക്യുട്ടീവി എഞ്ചിനീയര്‍ അറിയിച്ചു 

ആലപ്പുഴ: സ്വാമി വിവേകാനന്ദൻ കേരളം സന്ദർശിച്ചതിന്റെ 125-ാം വാർഷികത്തിന്റെ ഭാഗമായി സംസ്ഥാന സർക്കാർ സംഘടിപ്പിക്കുന്ന വിവേകാനന്ദ സ്പർശം ജില്ലാതല ആഘോഷത്തോടനുബന്ധിച്ച് കോളജ് വിദ്യാർഥികൾക്കായി ഉപന്യാസ രചന, ക്വിസ് മത്സരങ്ങൾ സംഘടിപ്പിക്കുന്നു. ജില്ലാ ഭരണകൂടവും കേരള സംസ്ഥാന ഫിലിം ഡെവലപ്‌മെന്റ് കോർപറേഷനും ഇൻഫർമേഷൻ-പബ്ലിക് റിലേഷൻസ് വകുപ്പും സംയുക്തമായാണ് മത്സരം നടത്തുന്നത്. ഡിസംബർ 19ന് രാവിലെ 10ന് ആലപ്പുഴ ടൗൺ ഹാളിലാണ് മത്സരം. പ്രൊഫഷണൽ കോളജുകളിൽ പഠിക്കുന്നവർക്കടക്കം മത്സരത്തിൽ പങ്കെടുക്കാം. ക്വിസ് മത്സരത്തിൽ രണ്ടു പേരടങ്ങുന്ന ടീമിന് മത്സരിക്കാം.

        ഹരിതകേരള മിഷനുമായി ബന്ധപ്പെട്ട ജലസുരക്ഷ ഉപമിഷന്‍റെ സാങ്കേതിക സമിതി അംഗങ്ങള്‍ക്കുളള ദ്വിദിന പരിശീലനം ഡിസംബര്‍ 18, 19 തിയ്യതികളില്‍ ജില്ലാപഞ്ചായത്ത് ഹാളില്‍ നടക്കുമെന്ന് ഹരിതകേരളം മിഷന്‍ ജില്ലാകോര്‍ഡിനേറ്റര്‍ അറിയിച്ചു. പരിപാടിയുടെ ഉദ്ഘാടനം ഹരിതകേരള മിഷന്‍ ജില്ലാസമിതി ചെയര്‍പേഴ്സണ്‍ കൂടിയായ ജില്ലാ പഞ്ചായത്ത് പ്രസിഡന്‍റ് കെ. ശാന്തകുമാരി  ഡിസംബര്‍ 18 രാവിലെ 10 ന്  നിര്‍വ്വഹിക്കും. മലമ്പുഴ, പാലക്കാട് ബ്ലോക്ക് സാങ്കേതിക സമിതി അംഗങ്ങളാണ് പരിപാടിയില്‍ പങ്കെടുക്കുക.

    കുടുംബശ്രീ ത്രിതല സംഘടന സംവിധാനത്തിലേക്കുളള 2017 ലെ തെരഞ്ഞെടുപ്പുമായി ബന്ധപ്പെട്ട് എല്ലാ സി.ഡി.എസ്സുകളിലേക്കും നിയമിച്ചിരിക്കുന്ന വരണാധികാരി, ഉപ വരണാധികാരികള്‍ക്കുളള ഏകദിന പരിശീലനം  കെ.എസ്.ആര്‍.ടി സി ബസ് സ്റ്റാന്‍റിനു സമീപമുളള ടോപ്പ് ഇന്‍ ടൗണ്‍ ഗാര്‍ഡന്‍ വ്യൂ ഹാളില്‍  ഡിസംബര്‍ 18 ന് രാവിലെ 10 മുതല്‍ നടക്കും. എല്ലാ ഉദ്യോഗസ്ഥരും  പങ്കെടുക്കണമെന്ന് ജില്ലാ തെരഞ്ഞെടുപ്പ് ഉദ്യോഗസ്ഥനായ ഡെപ്യൂട്ടികലക്റ്റര്‍ (എല്‍.എ) അറിയിച്ചു.