സാമ്പത്തിക സ്ഥിതി വിവരക്കണക്ക് വകുപ്പിന്റെ ആഭിമുഖ്യത്തില്‍ നടത്തുന്ന പത്താമത് കാര്‍ഷിക സെന്‍സസിന്റെ മൂന്നാം ഘട്ടമായ ഇന്‍പുട്ട് സര്‍വ്വേയുടെ പ്രവര്‍ത്തനങ്ങള്‍ക്ക് സംസ്ഥാനത്ത് തുടക്കമായി.  ദേശവ്യാപകമായി നടത്തുന്ന സെന്‍സസിന്റെ ഒന്നും (ലിസ്റ്റിംഗ്), രണ്ടും (പ്രധാന സര്‍വ്വെ) ഘട്ടങ്ങളുടെ ഡാറ്റാ ശേഖരണം പൂര്‍ത്തിയായി.  

ജില്ലാ പദ്ധതി രൂപീകരണവുമായി ബന്ധപ്പെട്ട് പ്ലാനിംഗ് അസിസ്റ്റന്റ് (ജി.ഐ.എസ്) തസ്തികയില്‍ കരാറടിസ്ഥാനത്തല്‍ താല്‍ക്കാലികമായി നിയമിക്കുന്നതിനുള്ള വാക്-ഇന്‍-ഇന്റര്‍വ്യൂ ഡിസംബര്‍ 22 ന് രാവിലെ 11 ന് തമ്പാനൂര്‍ എസ്.എസ് കോവില്‍ റോഡിലുള്ള ഹൗസിംഗ് ബോര്‍ഡ് ബില്‍ഡിംഗില്‍ ഒന്നാം നിലയിലെ മേഖലാ നഗരാസൂത്രണ കാര്യാലയത്തില്‍ നടക്കും. പ്രതിമാസം 30,000 രൂപ.  യോഗ്യത : ജ്യോഗ്രഫി/ജിയോളജിയില്‍ ബിരുദാനന്തര ബിരുദം അല്ലെങ്കില്‍ തത്തുല്യ യോഗ്യതയും ജി.ഐ.എസ് സോഫ്റ്റ് വെയറില്‍ പരിജ്ഞാനവും അല്ലെങ്കില്‍ റിമോട്ട് സെന്‍സിംഗിലോ ജി.ഐ.എസിലോ ബിരുദമോ തത്തുല്യ യോഗ്യതയും ജി.ഐ.എസ് ആപ്ലിക്കേഷനില്‍ മികവും. ഫോണ്‍ : 0471 2339945.

ദുരന്ത നിവാരണ മേഖലയില്‍ പ്രവര്‍ത്തിക്കുന്ന സര്‍ക്കാരിതര സ്ഥാപനങ്ങളെ സംസ്ഥാന ദുരന്ത നിവാരണ അതോറിറ്റി എം പാനല്‍ ചെയ്യുന്നതിന് അപേക്ഷ ക്ഷണിച്ചു.  ഓണ്‍ലൈനായി അപേക്ഷിക്കുന്നതിനുളള അവസാന തീയതി ഡിസംബര്‍ 31.  വെബ്‌സൈറ്റ്:www.ksdma.gov.in

പി.എന്‍.എക്‌സ്.5368/17

2018 ഏപ്രില്‍ ഒന്നു മുതല്‍ വ്യാപാരി ക്ഷേമനിധി അംഗത്വ നമ്പര്‍ ഇല്ലാതെ  പുതുക്കാന്‍ കഴിയില്ല.  വ്യാപാരി ക്ഷേമനിധി അംഗത്വ കാര്‍ഡ് ലഭിച്ചിട്ടില്ലാത്ത അപേക്ഷകര്‍ അംഗത്വ ഫീസ് അടച്ച രസീത് നമ്പരും തീയതിയും ഓഫീസില്‍ അറിയിപ്പ് രേഖകള്‍ ഹാജരാക്കി അംഗത്വ നമ്പര്‍ ഉറപ്പാക്കണമെന്ന് വ്യാപാരി ക്ഷേമനിധി എക്‌സിക്യൂട്ടീവ് ഓഫീസര്‍ അറിയിച്ചു. ഇ- മെയില്‍ traders.welfare.board@gmail.com.  ഫോണ്‍:0471 2474054, 0471 2474049, 9446151152.  

പി.എന്‍.എക്‌സ്.5367/17

സംസ്ഥാന ന്യൂനപക്ഷ കമ്മീഷന്റെ ആഭിമുഖ്യത്തില്‍ ഡിസംബര്‍ 19ന് പാളയം ചന്ദ്രശേഖരന്‍ നായര്‍ സ്‌റ്റേഡിയത്തിലെ ഭാഗ്യമാല ഓഡിറ്റോറിയത്തില്‍ സെമിനാര്‍ സംഘടിപ്പിക്കും. 

രാവിലെ 10ന് തദ്ദേശസ്വയംഭരണ-ന്യൂനപക്ഷക്ഷേമ വകുപ്പ് മന്ത്രി ഡോ. കെ.ടി. ജലീല്‍ ഉദ്ഘാടനം ചെയ്യും. ജില്ലയിലെ എല്ലാ മഹല്ലുകളിലെയും ഭാരവാഹികള്‍, ഖത്തീബ്മാര്‍, മദ്രസാധ്യാപകര്‍, മറ്റ് മുസ്‌ലിം സമുദായപ്രവര്‍ത്തകര്‍ എന്നിവരെ പങ്കെടുപ്പിച്ചാണ് സെമിനാര്‍ സംഘടിപ്പിച്ചിരിക്കുന്നത്.

കേരള സംസ്ഥാന ന്യൂനപക്ഷ കമ്മീഷന്റെ ആഭിമുഖ്യത്തില്‍ ന്യൂനപക്ഷ ദിനാഘോഷത്തിന്റെ സംസ്ഥാനതല ഉദ്ഘാടനം നാളെ (ഡിസംബര്‍ 18) രാവിലെ 11ന് തൈക്കാട് ഗവ. ഗസ്റ്റ് ഹൗസില്‍ പട്ടിക ജാതി, പട്ടികവര്‍ഗ പിന്നാക്ക ക്ഷേമ മന്ത്രി എ.കെ. ബാലന്‍ നിര്‍വഹിക്കും.  സംസ്ഥാന ന്യൂനപക്ഷ കമ്മീഷന്‍ ചെയര്‍മാന്‍ പി.കെ. ഹനീഫ അധ്യക്ഷത വഹിക്കും.   സംസ്ഥാന പോലീസ് മുന്‍ മേധാവി ജേക്കബ് പുന്നൂസ് മുഖ്യപ്രഭാഷണം നടത്തും.  ന്യൂനപക്ഷ ക്ഷേമ വകുപ്പ് സെക്രട്ടറി എ. ഷാജഹാന്‍,  ന്യൂനപക്ഷ ക്ഷേമ വകുപ്പ് ഡയറക്ടര്‍ ഡോ. എ.ബി.

സംസ്ഥാന ലൈഫ് ഇന്‍ഷുറന്‍സ്/ഗ്രൂപ്പ് ഇന്‍ഷുറന്‍സ് പദ്ധതി വരിക്കാരുടെ മുന്‍കാല പ്രീമിയം/വരിസംഖ്യ അടവ് വിവരങ്ങള്‍ ശേഖരിച്ച് വിശ്വസ് സോഫ്ട്‌വെയര്‍ ഡാറ്റാ ബേസിന്റെ ഭാഗമാക്കുന്നതിനുളള സമയപരിധി ഡിസംബര്‍ 31 വരെ നീട്ടി.  ഈ സമയപരിധിക്കുളളില്‍ ഡേറ്റാ എന്‍ട്രി പ്രവര്‍ത്തനങ്ങള്‍ പൂര്‍ത്തീകരിച്ചില്ലെങ്കില്‍ വകുപ്പ് ഡി.ഡി.ഒമാര്‍ക്കെതിരെ അച്ചടക്കനടപടി സ്വീകരിക്കുമെന്ന് ധനകാര്യ വകുപ്പ് ജോയിന്റ് സെക്രട്ടറി അറിയിച്ചു.

പി.എന്‍.എക്‌സ്.5364/17

    ഇതര സംസ്ഥാന തൊഴിലാളികളെ ജോലിക്ക് നിയോഗിച്ചിട്ടുള്ള സ്ഥാപന ഉടമകള്‍, കോണ്‍ട്രാക്ടര്‍മാര്‍, കെട്ടിട ഉടമകള്‍ എന്നിവര്‍ ഈ മാസം 31നകം തൊഴിലാളികളെ ആവാസ് ഇന്‍ഷുറന്‍സ് നടപ്പാക്കുന്ന എന്‍റോള്‍മെന്‍റ് സെന്‍ററുകളില്‍ തിരിച്ചറിയല്‍ രേഖകളുമായി എത്തിക്കണമെന്ന് ജില്ലാ ലേബര്‍ ഓഫീസര്‍ അറിയിച്ചു. ആവാസ് പദ്ധതി പ്രകാരം ഇതുവരെ രജിസ്റ്റര്‍ ചെയ്യാത്ത തൊഴിലാളികള്‍ ക്യാമ്പുകളില്‍ പങ്കെടുത്ത് ഇന്‍ഷുറന്‍സ് കാ ര്‍ഡുകള്‍ കൈപ്പറ്റണം. 

    ജില്ലാ ഇന്‍ഫര്‍മേഷന്‍ ഓഫീസിന്‍റെ ആഭിമുഖ്യത്തില്‍ ജില്ലാ മെഡിക്കല്‍ ഓഫീസിന്‍റെ സഹകരണത്തോടെ മുട്ടം വൈഎംസിഎ ഹാളില്‍ ആരോഗ്യ ബോധവത്ക്കരണ സെമിനാറും പ്രദര്‍ശനവും മാജിക് ഷോയും നടത്തി. പന്തളം ബ്ലോക്ക് പഞ്ചായത്തംഗം രഘു പെരുമ്പുളിക്ക ല്‍ ഉദ്ഘാടനം  ചെയ്തു. തുമ്പമണ്‍ ഗ്രാമപഞ്ചായത്തംഗം സന്ധ്യ അക്ഷത വഹിച്ച ചടങ്ങില്‍ ഗ്രാമപഞ്ചായത്തംഗം റോസമ്മ വര്‍ഗീസ്, ഡെപ്യൂട്ടി മാസ് മീഡിയ ഓഫീസര്‍ റ്റി.കെ     അശോക് കുമാര്‍, ഹെല്‍ത്ത് ഇന്‍സ്പെക്ടര്‍ കെ. കെ.സന്തോഷ്, വി.റ്റി.ഡേവിഡ് എന്നിവര്‍ സംസാരിച്ചു. 

    ക്രിസ്തുമസ്-പുതുവത്സരം പ്രമാണിച്ച് കോഴഞ്ചേരി താലൂക്കിലെ എല്ലാ കാര്‍ഡുടമകള്‍ക്കും അഞ്ച് കിലോ വീതം സ്പെഷ്യല്‍ ആട്ട കിലോഗ്രാമിന് 15 രൂപ നിരക്കില്‍ ലഭ്യത അനുസരിച്ച് ലഭിക്കുമെന്ന് താലൂക്ക് സപ്ലൈ ഓഫീസര്‍ അറിയിച്ചു.   
                                                 (പിഎന്‍പി 3402/17)