ജില്ലാ ഇന്‍ഫര്‍മേഷന്‍ ഓഫിസ് മലപ്പുറം പ്രസ് ക്ലബുമായി സഹകരിച്ച് ദേശീയ മാധ്യമ ദിനം ആചരിക്കും. ഇതിന്റെ ഭാഗമായി താനാളൂര്‍ ഗ്രാമ പഞ്ചായത്ത് സാസ്‌കാരിക നിലയത്തില്‍ നവംബര്‍ 16 ന് രാവിലെ 9.30 ന് നടക്കുന്ന ജില്ലാതല സെമിനാര്‍ വി.അബ്ദുറഹിമാന്‍ എം.എല്‍.എ. ഉദ്ഘാടനം ചെയ്യും. മലയാള സര്‍വകലാശാല ഫിലിം സ്റ്റഡീസ് ഡിപ്പാര്‍ട്ടമെന്റ് തലവന്‍ മധു ഇറവങ്കര പ്രഭാഷണം നടത്തും.  പ്രസ് ക്ലബ് പ്രസിഡന്റ് ഐ.സമീല്‍, സെക്രട്ടറി സുരേഷ് എടപ്പാള്‍, വൈസ് പ്രസിഡന്റ് കെ.പി. ഒ.റഹ്മത്തുള്ള,ബഷീര്‍ പുത്തന്‍ വീട്ടില്‍ എന്നിവര്‍ പങ്കെടുക്കും.

ഡോ. അബംദേകര്‍ ഫൗണ്ടേഷന്‍ നല്‍കുന്ന നാഷണല്‍ മെറിറ്റ് അവാര്‍ഡ് നവംബര്‍ 16ന് വൈകീട്ട് 3.30ന് ചേമ്പറില്‍ വെച്ച് ജില്ലാ കലക്ടര്‍ അമിത് മീണ വിതരണം ചെയ്യും.  തെരഞ്ഞെടുക്കപ്പെട്ടവര്‍ തിരിച്ചറിയല്‍ കാര്‍ഡ്, മാര്‍ക്ക് ഷീറ്റ്, ജാതി തെളിയിക്കുന്ന സര്‍ട്ടിഫിക്കറ്റ് എന്നിവ സഹിതം എത്തണം.

മക്കരപ്പറമ്പ് ഇലക്ട്രിക്കല്‍ സെക്ഷന്‍ പരിധിയിലുള്ള കുറുവ, പഴമള്ളൂര്‍, കട്ടുപ്പാറ, ചെണ്ടക്കോട്, സമൂസപ്പടി, മീനാര്‍ക്കുഴി, രായിപ്പറമ്പ്, വറ്റലൂര്‍ ഹോമിയോ, നെച്ചിക്കുത്ത് പറമ്പ് ഭാഗങ്ങളില്‍  ഇന്ന് (നവംബര്‍ നാല്) രാവിലെ എട്ട് മുതല്‍ വൈകുന്നേരം അഞ്ച് വരെ വൈദ്യുതി വിതരണം തടസ്സപ്പെടും.

ലോണ്‍ കുടിശ്ശിക ഈടാക്കുന്നതിനായി ഏറനാട് താലൂക്ക് ഊര്‍ങ്ങാട്ടിരി വില്ലേജ് ബ്ലോക്ക് 27 സര്‍വെ നമ്പര്‍ 313/5ല്‍പ്പെട്ട 0.0120 ഹെക്ടര്‍ സ്ഥലം ഡിസംബര്‍ ആറിന് രാവിലെ 11ന് ഊര്‍ങ്ങാട്ടിരി വില്ലേജ് ഓഫീസില്‍ ലേലം ചെയ്യും.

ജില്ലാ പദ്ധതി രൂപീകരണവുമായി ബന്ധപ്പെട്ട് ഏകദിന ശില്‍പശാല നവംബര്‍ ഒമ്പതിന് രാവിലെ 9.30ന് ജില്ലാ പഞ്ചായത്ത് സമ്മേളന ഹാളില്‍ ചേരും.

വിജിലിന്‍സ് ആന്‍ഡ് ആന്റി കറപ്ഷന്‍ ബ്യൂറോയുടെ ആഭിമുഖ്യത്തില്‍ നടക്കുന്ന വിജിലന്‍സ് വാരാഘോഷത്തിന്റെ  സമാപനം ഇന്ന് (നവംബര്‍ 4) നടക്കും. രാവിലെ 10 ന് എടപ്പാള്‍ മലബാര്‍ മാനൂര്‍  ഡെന്റല്‍ കോജേളിലാണ്  സമാപന പരിപാടി.

         പിന്നാക്ക വിഭാഗങ്ങളില്‍പ്പെട്ട ഉദ്യോഗാര്‍ത്ഥികള്‍ക്കും വിദ്യാര്‍ത്ഥികള്‍ക്കും കേന്ദ്ര - സംസ്ഥാന പൊതു മേഖലാ സ്ഥാപനങ്ങളില്‍ ജോലി ലഭിക്കുന്നതിനുള്ള വിവിധ മത്സര പരീക്ഷാ പരിശീലനത്തിന് ധനസഹായം നല്‍കുന്ന എംപ്ലോയബിറ്റി എന്‍ഹാന്‍സ്‌മെന്റ് പ്രോഗ്രാംപദ്ധതിയിലേക്ക് അപേക്ഷ ക്ഷണിച്ചു.  മെഡിക്കല്‍/എഞ്ചിനീയറിങ് എന്‍ട്രന്‍സ്, സിവില്‍ സര്‍വീസ്, ബാങ്കിങ് സര്‍വീസ് തുടങ്ങിയ വിവിധ മത്സര പരീക്ഷകള്‍ക്കുള്ള പരിശീലനത്തിന് പ്രശസ്തിയും സേവന പാരമ്പര്യവും മുന്‍വര്‍ഷങ്ങളില്‍ മികച്ച  റിസല്‍ട്ട് സൃഷ്ടിക്കുകയും ചെയ്തിട്ടുള്ള സ്ഥാപനങ്ങളില്‍  പ്രവേശനം നേടിയിട്ടുള്ള വിദ്യാര്‍ത്ഥികള്‍ക്കും ഉദ്യോഗാര്‍ത്ഥികള്‍ക്കും അപ

ദേശീയ ഭക്ഷ്യഭദ്രതാനിയമം 2013 പ്രകാരം മുന്‍ഗണനാ പട്ടികയില്‍ പേര് ഉള്‍പ്പെടുത്തുന്നതിനായി വെളിയംകോട് പഞ്ചായത്ത് പരിധിയിലുള്ള  റേഷന്‍ കടകളില്‍ ഉള്‍പ്പെട്ട കാര്‍ഡുടമകളുടെ അപേക്ഷകള്‍ തീര്‍പ്പാക്കുന്നതിന് നവംബര്‍ ആറ്, ഏഴ് തീയതികളില്‍ വെളിയംകോട് പഞ്ചായത്ത് ഓഫീസില്‍ അദാലത്ത് സംഘടിപ്പിക്കുന്നു.  അപേക്ഷ സമര്‍പ്പിച്ചിട്ടുളളവര്‍ ആവശ്യമായ രേഖകള്‍ സഹിതം അദാലത്തില്‍ പങ്കെടുക്കേണ്ടതാണ്.  കൂടുതല്‍ വിവരങ്ങള്‍ അതത് റേഷന്‍ കടകളില്‍ ലഭിക്കും.

സംസ്ഥാന ചരക്ക് സേവന നികുതി വകുപ്പ് ജില്ലയില്‍ പരാതി സ്വീകരണ ഓഫീസര്‍മാരെ നിയമിച്ചു. ഓഫീസ്, ഓഫീസര്‍, ഇ-മെയ്ല്‍, ഫോണ്‍ നമ്പര്‍ ക്രമത്തില്‍ താഴെ നല്‍കിയിരിക്കുന്നു. അസി. കമ്മീഷണറുടെ കാര്യാലയം, മലപ്പുറം അബ്ദുള്‍ ലത്തീഫ്. കെ.,  മരാമഹമുുൗൃമാ@ഴാമശഹ.രീാ,0483 2731851, സ്റ്റേറ്റ് ടാക്‌സ് ഓഫീസറുടെ കാര്യാലയം, മഞ്ചേരി,യൂസഫ്. വി.പി., രീോമിഷലൃശ@ഴാമശഹ.രീാ,0483 2766486, പെരിന്തല്‍മണ്ണ, മുഷ്താക് അലി. കെ., രീേുലൃശിമേഹാമിിമ@ഴാമശഹ.രീാ,04933 225494, കോട്ടക്കല്‍,ഹരികുമാര്‍. എന്‍., രീേസീേേമസസമഹ@ഴാമശഹ.രീാ, 0483 2742750, തിരൂരങ്ങാടി, ചന്ദ്രന്‍.പി.പി., രീേഴേശ2006@്യമവീീ.രീാ,0494 2465985,തിരൂര്‍, വേലായുധന്‍.