സ്‌കൂള്‍ വിദ്യാര്‍ഥികള്‍ക്കായി പിന്നാക്ക വിഭാഗ വികസന വകുപ്പ് അനുവദിക്കുന്ന ഒ.ഇ.സി പ്രീമെട്രിക് വിദ്യാഭ്യാസ ആനുകൂല്യത്തിന് അര്‍ഹതയുള്ള വിദ്യാര്‍ഥികളുടെ വിവരങ്ങള്‍ www.egrantz.kerala.gov.in എന്ന സ്‌കോളര്‍ഷിപ്പ് പോര്‍ട്ടലില്‍ സ്‌കൂള്‍ ലോഗിനില്‍ നിന്നും എന്‍ട്രി ചെയ്യണം. വിദ്യാര്‍ഥികള്‍ക്കും സ്‌കൂള്‍ അധികൃതര്‍ക്കുമുള്ള നിര്‍ദ്ദേശങ്ങള്‍ അടങ്ങിയ സര്‍ക്കുലര്‍ ഇ-ഗ്രാന്റ്‌സ് ഹോം പേജില്‍ ലഭ്യമാണ്. ഡാറ്റാ എന്‍ട്രി പൂര്‍ത്തിയാക്കുന്നതിനുള്ള അവസാന തീയതി ജൂലൈ 15. ഫോണ്‍ - 0492 2222335.

മലപ്പുറം ജില്ലാ സ്‌പോര്‍ട്സ് കൗണ്‍സില്‍  ജില്ലയിലെ ഗവ. ഐ.ടി.ഐ.കളില്‍ കായിക താരങ്ങള്‍ക്കായി സംവരണം ചെയ്തിട്ടുള്ള സീറ്റുകളിലേക്ക് അപേക്ഷ ക്ഷണിച്ചു. അപേക്ഷകര്‍ 2024 ഏപ്രില്‍ ഒന്നു മുതല്‍ 2026 മാര്‍ച്ച് 31 വരെയുള്ള കാലയളവില്‍ ചുരുങ്ങിയത് വിദ്യാഭ്യാസ സബ് ജില്ലാതല മത്സരങ്ങളില്‍ ഏതെങ്കിലും കായിക ഇനത്തില്‍ പങ്കെടുത്ത് മൂന്നാം സ്ഥാനമെങ്കിലും നേടിയവരായിരിക്കണം.സ്‌പോര്‍ട്സ് ക്വാട്ടയില്‍ പ്രവേശനം നേടാന്‍ ആഗ്രഹിക്കുന്നവര്‍ അതാത് ഐ.ടി.ഐ.കളില്‍ ഓണ്‍ലൈനായി അപേക്ഷിക്കണം.

എടവണ്ണ ഗ്രാമപഞ്ചായത്തില്‍ 22-ാം വാര്‍ഡില്‍ പ്രവര്‍ത്തിക്കുന്ന കുന്നുമ്മല്‍ അങ്കണവാടിയില്‍ പുതുതായി ആരംഭിക്കുന്ന അങ്കണവാടി കം ക്രഷില്‍ വര്‍ക്കര്‍, ഹെല്‍പ്പര്‍ തസ്തികയിലേക്ക് അപേക്ഷ ക്ഷണിച്ചു. അപേക്ഷകര്‍ എടവണ്ണ പഞ്ചായത്തിലെ 22-ാം വാര്‍ഡിലെ സ്ഥിരതാമസക്കാരായിരിക്കണം. ഇവരുടെ അഭാവത്തില്‍ അങ്കണവാടി സ്ഥിതി ചെയ്യുന്ന വാര്‍ഡിന്റ തൊട്ടടുത്ത വാര്‍ഡുകളിലെ (വാര്‍ഡുകള്‍ 23, 20, 21, 11, 10, 5) സ്ഥിര താമസക്കാരായ വനിതകളേയും പരിഗണിക്കും. ക്രഷ് വര്‍ക്കര്‍, ഹെല്‍പര്‍ തസ്തികയുടെ  പ്രായപരിധി- 18-35. ക്രഷ് വര്‍ക്കര്‍ പ്ലസ് ടു പാസായവരും ഹെല്‍പ്പര്‍ എസ്.സ്.എല്‍.സി വിജയിച്ചവരുമായിരിക്കണം.

പാണ്ടിക്കാട് അസാപ് കമ്മ്യൂണിറ്റി സ്‌കില്‍ പാര്‍ക്കില്‍ സൗജന്യ അപ്ലിക്കേഷന്‍ ഡെവലപ് കോഴ്‌സിലേക്ക് അപേക്ഷ ക്ഷണിച്ചു. വിദ്യാഭ്യാസ യോഗ്യത: ഡിഗ്രി/ ഡിപ്ലോമ  രണ്ടു വര്‍ഷം പൂര്‍ത്തിയാക്കിയവര്‍ (എഞ്ചിനീയറിങ്/ സയന്‍സ് ബന്ധപ്പെട്ട കോഴ്‌സുകള്‍) അല്ലെങ്കില്‍ പത്താം ക്ലാസ് കഴിഞ്ഞുള്ള മൂന്നു വര്‍ഷ ഡിപ്ലോമ + വെബ് / മൊബൈല്‍ മേഖലയില്‍ ഒന്നര വര്‍ഷത്തെ ബന്ധപ്പെട്ട പ്രവൃത്തി പരിചയം (ജോലി / ഇന്റേണ്‍ഷിപ്പ് / അപ്രന്റീസ്ഷിപ്പ് ഉള്‍പ്പെടെ). ഫോണ്‍: 9495999704.

2025-26 അധ്യയന വര്‍ഷത്തില്‍ സ്റ്റേറ്റ് സിലബസില്‍ എസ്.എസ്.എല്‍.സി, പ്ലസ്ടു ക്ലാസ്സുകളില്‍ എല്ലാ വിഷയങ്ങള്‍ക്കും എ പ്ലസ്  ലഭിച്ചവരും സി.ബി.എസ്.ഇ./ഐ.സി.എസ്.ഇ. സ്ട്രീമുകളില്‍ അഗ്രിഗേറ്റ് 90% ന് മുകളില്‍ (അഡീഷണല്‍ വിഷയം ഒഴികെ) മാര്‍ക്ക് ലഭിച്ചവരുമായ വിമുക്ത ഭടന്മാരുടെയും വിമുക്തഭട വിധവകളുടെയും മക്കള്‍ക്ക് ഒറ്റത്തവണ ക്യാഷ് അവാര്‍ഡിന് സര്‍വീസ് പ്ലസ് വഴി ഓണ്‍ ലൈനായി അപേക്ഷിക്കാം. https://serviceonline.gov.in/kerala വെബ്‌സൈറ്റ് വഴി ഓണ്‍ലൈനായി ആഗസ്റ്റ് 10 ന് വൈകിട്ട് അഞ്ചിനകം അപേക്ഷിക്കണം. വിശദ വിവരങ്ങള്‍ ജില്ലാ സൈനികക്ഷേമ ഓഫീസില്‍ ലഭ്യമാണ്.

2027-ലെ ഹജ്ജ് അപേക്ഷാ സമര്‍പ്പണ നടപടികള്‍ ഉടന്‍ ആരംഭിക്കാനിരിക്കെ പ്രാരംഭ ഒരുക്കങ്ങളുടെ ഭാഗമായി ഹജ്ജ് ട്രെയിനര്‍മാരെ തെരഞ്ഞെടുക്കുന്നതിനുള്ള അഭിമുഖം ജൂണ്‍ 20 മുതല്‍ നടക്കുമെന്ന് സംസ്ഥാന ഹജ്ജ് കമ്മിറ്റി അറിയിച്ചു. കോഴിക്കോട് കരിപ്പൂര്‍ ഹജ്ജ് ഹൗസ് ഉള്‍പ്പെടെയുള്ള വിവിധ കേന്ദ്രങ്ങളിലാണ് അഭിമുഖം ക്രമീകരിച്ചിരിക്കുന്നത്. ഹാജിമാര്‍ക്ക് ഓണ്‍ലൈന്‍ അപേക്ഷാ സമര്‍പ്പണത്തിന് സൗകര്യമൊരുക്കുക, മാര്‍ഗനിര്‍ദ്ദേശങ്ങള്‍ നല്‍കുക, അപേക്ഷകരെ നിയമവശങ്ങള്‍ ബോധ്യപ്പെടുത്തുക എന്നിവയാണ് ട്രെയിനര്‍മാരുടെ പ്രധാന ചുമതലകള്‍.

തൃശ്ശൂര്‍ ടൗണ്‍ വെസ്റ്റ് പോലീസ് സ്റ്റേഷന്‍ പരിധിയില്‍പ്പെട്ട തൃശ്ശൂര്‍ പൂങ്കുന്നം റെയില്‍വേ സ്റ്റേഷന് സമീപം ആര്‍.ഒ.ബിക്ക് താഴെയായി ട്രാക്ക് 30/15 ഭാഗത്ത് ഊരും പേരും തിരിച്ചറിയാത്ത ഏകദേശം 60 വയസ്സിനടുത്ത് പ്രായം തോന്നുന്ന പുരുഷന്‍ 2026 ജൂണ്‍ 13 ന് രാത്രി 11.38 ന് ട്രെയിന്‍ തട്ടി മരിച്ചു. മൃതദേഹത്തിന് 157 സെ.മീ ഉയരം, മെലിഞ്ഞ ശരീരം, നര കലര്‍ന്ന തലമുടി. നരച്ചു നീണ്ട താടിയും മീശയും. ഇടതു തുടയില്‍ മുട്ടിന് മുകളിലായും വലതുനെഞ്ചിന് മുകളിലായും കാക്കപ്പുള്ളിയുണ്ട്. കവിളിന്റെ ചുണ്ടിന് ഇടത് വശത്തായി ഒരു കറുത്ത മറുകുണ്ട്.

ജില്ലാ എംപ്ലോയ്മെന്റ് എക്സ്ചേഞ്ചിനോടൊപ്പം പ്രവർത്തിക്കുന്ന എംപ്ലോയ്ബിലിറ്റി സെന്ററിന്റെ ആഭിമുഖ്യത്തിൽ ജൂൺ 20 രാവിലെ 11ന് ജോബ് ഡ്രൈവ് സംഘടിപ്പിക്കുന്നു. കടകംപള്ളി മിനി സിവിൽ സ്റ്റേഷനിലെ എംപ്ലോയബിലിറ്റി സെൻ്ററിൽ വെച്ചാണ് ജോബ് ഡ്രൈവ് നടത്തുന്നത്.

പത്തം ക്ലാസ് മുതൽ ബിരുദം, ബിരുദാനന്തര ബിരുദം യോഗ്യതയുള്ള 40 വയസിൽ താഴെ പ്രായമുള്ള ഉദ്യോഗാർത്ഥികൾക്ക് എംപ്ലോയബിലിറ്റി സെൻ്ററിൽ രജിസ്റ്റർ ചെയ്ത് ജോബ് ഡ്രൈവിൽ പങ്കെടുക്കാം.

തൃശ്ശൂര്‍ മെഡിക്കല്‍ കോളേജില്‍ ചികിത്സയിലിരിക്കെ കോഴിക്കോട് ചെമ്പ്കടവ് സ്വദേശി ജോസഫ് (67 വയസ്സ്) 2022 മെയ് ഒന്നിന് കാണാതായതായി തൃശ്ശൂര്‍ മെഡിക്കല്‍ കോളേജ് പോലീസ് സ്‌റ്റേഷനില്‍ ക്രൈം നമ്പര്‍ 352/2025 യു/എസ് 57 പ്രകാരം കേസ് രജിസ്റ്റര്‍ ചെയ്ത് അന്വേഷണം നടത്തുന്നു. 168 സെ.മീ ഉയരം. വെളുത്ത നിറം. കാണാതാകുമ്പേള്‍ ഷര്‍ട്ടും പാന്റുമാണ് വേഷം. ഇയാളെക്കുറിച്ച് എന്തെങ്കിലും വിവരം ലഭിക്കുന്നവര്‍ 0487 2202434, 9495632383 എന്നീ നമ്പറുകളില്‍ ബന്ധപ്പെടുക.

ചക്കാമുക്ക് ദേവി നഗറിലുള്ള വാടക വീട്ടില്‍ നിന്നും തമിഴ്‌നാട് അരുണാചലം സ്വദേശി ഭാരതി (36 വയസ്സ്) എന്ന സ്ത്രീയെ 2026 ജൂണ്‍ ആറിന് രാവിലെ രാവിലെ ഒന്‍പത് മണിയോടെ കാണ്മാനില്ല. തൃശ്ശൂര്‍ വെസ്റ്റ് പോലീസ് സ്റ്റേഷനില്‍ കേസ് നമ്പര്‍ 439/2026 57 പ്രകാരം കേസ് രജിസ്റ്റര്‍ ചെയ്ത് അന്വേഷണം നടക്കുന്നുണ്ട്. ഭാരതിക്ക് മാനസിക പ്രശ്‌നമുണ്ട്. ഇരുനിറം. തലമുടി പറ്റെ വെട്ടിയിട്ടുണ്ട്. കാണാതാകുമ്പോള്‍ നീല നിറത്തിലുള്ള നൈറ്റിയാണ് ധരിച്ചത്. ഇവരെക്കുറിച്ച് എന്തെങ്കിലും വിവരം ലഭിക്കുന്നവര്‍ വെസ്റ്റ് പോലീസ് സ്‌റ്റേഷനുമായി ബന്ധപ്പെടുക. ഫോണ്‍: 04872363608, 9497918119.