* ഓറിയന്റേഷൻ പ്രോഗ്രാമിന് തുടക്കമായി

ജില്ലയിലെ ദേശീയ സെന്‍സസിന്റെ ഭാഗമായുള്ള സെന്‍ഫ് എന്യുമറേഷന്‍ നടപടികള്‍ തുടങ്ങി. ജില്ലയിലെ സെന്‍സസ് 2027 ന്റെ പ്രിന്‍സിപ്പല്‍ സെന്‍സസ് ഓഫീസറായ ജില്ലാ കളക്ടര്‍ ശിഖാ സുരേന്ദ്രന്‍ സെല്‍ഫ് എന്യൂമറേഷന്‍ നടപടികള്‍ പൂര്‍ത്തീകരിച്ചു. ആദ്യ ദിനം തന്നെ ജില്ലയില്‍ നിരവധിപ്പേരാണ് സ്വന്തം വിവരങ്ങള്‍ സെന്‍സസ് പോര്‍ട്ടലില്‍ രേഖപ്പെടുത്തിയത്.

മഴക്കാലത്തിനോട് അനുബന്ധിച്ച് ജില്ലയിൽ ഭക്ഷ്യസുരക്ഷ ഉറപ്പാക്കുന്നതിനായി ഭക്ഷ്യസുരക്ഷാ വകുപ്പ് വ്യാപക പരിശോധന നടത്തി. തൃശ്ശൂർ, ചാലക്കുടി, നാട്ടിക, ഇരിങ്ങാലക്കുട സർക്കിളുകളിലെ വിവിധ സ്ക്വാഡുകളുടെ നേതൃത്വത്തിൽ 60 ഓളം പരിശോധനകളാണ് പൂർത്തിയാക്കിയത്.

  ഗുരുതരമായ വീഴ്ചകൾ കണ്ടെത്തിയ ഒൻപത് സ്ഥാപനങ്ങൾക്ക് പിഴ ചുമത്തി കോമ്പൗണ്ടിംഗ് നോട്ടീസ് നൽകി. ചെറിയ രീതിയിലുള്ള ന്യൂനതകൾ കണ്ടെത്തിയ സ്ഥാപനങ്ങൾക്കെതിരെ നാല് റെക്ടിഫിക്കേഷൻ നോട്ടീസുകളും, ഒരു ഇമ്പ്രൂവ്മെന്റ് നോട്ടീസും അധികൃതർ കൈമാറിയിട്ടുണ്ട്.

ജില്ലയിൽ ഷിഗല്ല രോഗബാധ റിപ്പോർട്ട് ചെയ്ത സാഹചര്യത്തിൽ പ്രതിരോധ പ്രവർത്തനങ്ങൾ ഏകോപിപ്പിക്കുന്നതിനായി മന്ത്രി ഒ. ജെ. ജനീഷിന്റെ അധ്യക്ഷതയിൽ അവലോകന യോഗം ചേർന്നു. യോഗത്തിൽ ജില്ലാ കളക്ടർ ശിഖ സുരേന്ദ്രൻ, ജില്ലാ മെഡിക്കൽ ഓഫീസർ (ആരോഗ്യം) ഡോ. ടി. പി ശ്രീദേവി, മൈക്രോബയോളജി വിഭാഗം ഉദ്യോഗസ്ഥർ, വിദ്യാഭ്യാസ വകുപ്പ് അധികൃതർ, ജില്ലാ ലേബർ ഓഫീസർ, ഭക്ഷ്യസുരക്ഷാ വകുപ്പ് ഉദ്യോഗസ്ഥർ, നഗരസഭാ സെക്രട്ടറിമാർ തുടങ്ങിയവർ പങ്കെടുത്തു.

തൃശ്ശൂര്‍ ജില്ലാ കളക്ടറുടെ ഔദ്യോഗിക വാഹനമായ ഇന്നോവ ക്രിസ്റ്റയ്ക്ക് നാല് പുതിയ ടയറുകള്‍ ക്രെഡിറ്റ് വ്യവസ്ഥയില്‍ നല്‍കാന്‍ താത്പര്യമുള്ള സ്ഥാപനങ്ങളില്‍ നിന്നും ക്വട്ടേഷന്‍ ക്ഷണിച്ചു. ജൂണ്‍ 22 ന് വൈകിട്ട് മൂന്നിനകം സീല്‍ ചെയ്ത കവറുകളില്‍ 'ജില്ലാ കളക്ടര്‍, സിവില്‍ സ്റ്റേഷന്‍, അയ്യന്തോള്‍' എന്ന വിലാസത്തില്‍ ക്വട്ടേഷനുകള്‍ ലഭ്യമാക്കണം. ഫോണ്‍: 0487 2239530.

 സംസ്ഥാന സാംസ്‌കാരിക വകുപ്പിന് കീഴില്‍ ആറന്മുള കേന്ദ്രമാക്കി പ്രവര്‍ത്തിക്കുന്ന വാസ്തുവിദ്യാ ഗുരുകുലത്തില്‍ ഒരു വര്‍ഷത്തെ ചുമര്‍ചിത്രകല സര്‍ട്ടിഫിക്കറ്റ് കോഴ്‌സിലേക്ക് അപേക്ഷ ക്ഷണിച്ചു. എസ്.എസ്.എല്‍.സി യോഗ്യതയുള്ളവര്‍ക്ക് അപേക്ഷിക്കാം. പ്രായപരിധിയില്ല. ശനി, ഞായര്‍ ദിവസങ്ങളിലായി ക്രമീകരിച്ചിരിക്കുന്ന ക്ലാസുകള്‍ക്ക് ചുമര്‍ചിത്ര മേഖലയിലെ പ്രശസ്തരായ വിദഗ്ദ്ധരാണ് നേതൃത്വം നല്‍കുന്നത്. ആകെ 25 സീറ്റുകളുള്ള കോഴ്‌സിന്റെ അപേക്ഷാ ഫീസ് 200 രൂപയും കോഴ്‌സ് ഫീസ് 25,000 രൂപയും (പ്ലസ് ജി.എസ്.ടി).

അസാപ് കേരളയുടെ പാലക്കാട് ചാത്തന്നൂര്‍ കേന്ദ്രത്തില്‍ നടത്തുന്ന ജനറല്‍ ഡ്യൂട്ടി അസിസ്റ്റന്റ് അഡ്വാന്‍സ്ഡ് ട്രെയിനിങ് കോഴ്‌സിലേക്ക് അപേക്ഷ ക്ഷണിച്ചു. എന്‍.എസ്.ഡി.സി, സെക്ടര്‍ സ്‌കില്‍ കൗണ്‍സില്‍, അസാപ് കേരള എന്നിവയുടെ മാനദണ്ഡങ്ങള്‍ പാലിച്ചാണ് കോഴ്‌സ് നടത്തുന്നത്. പ്ലസ് ടു യോഗ്യതയുള്ളവര്‍ക്ക് അപേക്ഷിക്കാം. ജൂണ്‍ 20 വരെ അപേക്ഷ സ്വീകരിക്കും. രജിസ്‌ട്രേഷന്‍ ലിങ്ക്- https://forms.gle/NqSdC8w6qRrGDbiu9. ഫോണ്‍: 9495999721.

പോസ്റ്റ് ഓഫീസ് ആര്‍.ഡി നിക്ഷേപകരുടെ സാമ്പത്തിക സുരക്ഷിതത്വം മുന്‍നിര്‍ത്തി അക്കൗണ്ട് ഉടമകള്‍ ജാഗ്രത പാലിക്കണമെന്ന് തൃശ്ശൂര്‍ ദേശീയ സമ്പാദ്യ പദ്ധതി ഡെപ്യൂട്ടി ഡയറക്ടര്‍ അറിയിച്ചു. നിക്ഷേപങ്ങള്‍ സുരക്ഷിതമായി മുന്നോട്ട് കൊണ്ടുപോകുന്നതിനായി പണം അടയ്ക്കുമ്പോള്‍ ചില പ്രധാന കാര്യങ്ങള്‍ ശ്രദ്ധിക്കേണ്ടതുണ്ടെന്ന് അധികൃതര്‍ വ്യക്തമാക്കി.

എറിയാട് ഗവ ഐ.ടി.ഐയില്‍ 2026 അധ്യയന വര്‍ഷത്തെ പ്രവേശനത്തിന് ഓണ്‍ലൈനായി അപേക്ഷിക്കാം. താത്പര്യമുള്ളവര്‍ക്ക്  https://www.itiadmissions.kerala.gov.in  വെബ്സൈറ്റ് മുഖേന അപേക്ഷ സമര്‍പ്പിക്കാം. രണ്ട് വര്‍ഷത്തെ കോഴ്സായ ഡ്രാഫ്റ്റ്സ്മാന്‍ സിവില്‍, ഒരു വര്‍ഷത്തെ കമ്പ്യൂട്ടര്‍ ഓപ്പറേറ്റര്‍ ആന്റ് പ്രോഗ്രാമിംഗ് അസിസ്റ്റന്റ് എന്നിവയിലേക്കാണ് പ്രവേശനം. ഓണ്‍ലൈനായി അപേക്ഷ സമര്‍പ്പിച്ച ശേഷം അപേക്ഷയുടെ പ്രിന്റൗട്ട്, അസല്‍ സര്‍ട്ടിഫിക്കറ്റുകള്‍, ആധാര്‍ കാര്‍ഡ് എന്നിവ സഹിതം തൊട്ടടുത്തുള്ള ഏതെങ്കിലും ഗവ. ഐ.ടി.ഐയില്‍ നേരിട്ടെത്തി വെരിഫിക്കേഷന്‍ നടത്തണം.

കേരള പി.എസ്.സി പോലീസ് കോണ്‍സ്റ്റബിള്‍ (ട്രെയിനി) ആംഡ് പോലീസ് ബറ്റാലിയന്‍/ വുമണ്‍ പോലീസ് കോണ്‍സ്റ്റബിള്‍ (കാറ്റഗറി നമ്പര്‍ 034/2025, 339/2025) തസ്തികയിലേക്ക് ജൂണ്‍ 20 ന് ഉച്ചയ്ക്ക് 1.30 മുതല്‍ 3.20 വരെ തൃശ്ശൂര്‍ ജില്ലയില്‍ നടത്താന്‍ നിശ്ചയിച്ചിട്ടുള്ള ഒ.എം.ആര്‍ എഴുത്തുപരീക്ഷയുടെ ഒരു പരീക്ഷാകേന്ദ്രത്തില്‍ മാറ്റം വരുത്തിയതായി പി.എസ്.സി ജില്ലാ ഓഫീസര്‍ അറിയിച്ചു. പ്രൊഫസര്‍ ജോസഫ് മുണ്ടശ്ശേരി സ്മാരക ഗവ.