പൂക്കോട്ട്കാവ് ഗവ. ആയുര്‍വേദ ഡിസ്പെന്‍സറിയിലേക്ക് മള്‍ട്ടി പര്‍പ്പസ് ഹെല്‍ത്ത് വര്‍ക്കര്‍ തസ്തികയിലേക്കായി ജൂണ്‍ 18 ന് നടത്താനിരുന്ന അഭിമുഖം മാറ്റിവച്ചതായി മെഡിക്കല്‍ ഓഫീസര്‍ അറിയിച്ചു. പുതുക്കിയ തീയതി പിന്നീട് അറിയിക്കും. ഫോണ്‍: 0466 2913312.

അറ്റകുറ്റപ്പണികള്‍ നടക്കുന്നതിനാല്‍ പട്ടാമ്പിക്കും പള്ളിപ്പുറത്തിനും ഇടയിലുളള ലെവല്‍ക്രോസ് ജൂണ്‍ 18ന് രാവിലെ ഒന്‍പത് മുതല്‍ ജൂണ്‍ 25ന് വൈകീട്ട് അഞ്ച് വരെ അടച്ചിടും. പട്ടാമ്പി - പള്ളിപ്പുറം വഴി പോകേണ്ട വാഹങ്ങള്‍ പട്ടാമ്പി- വെള്ളിയാംകല്ല് ബ്രിഡ്ജ് - പള്ളിപ്പുറം റോഡ് വഴി പോകണമെന്ന് ഷൊര്‍ണൂര്‍ അസി. ഡിവിഷണല്‍ എഞ്ചിനീയര്‍ അറിയിച്ചു.

സംസ്ഥാന അസംഘടിത തൊഴിലാളി സാമൂഹിക സുരക്ഷാ പദ്ധതിയിലെ അംഗങ്ങളുടെ മക്കള്‍ക്കുള്ള ക്യാഷ് അവാര്‍ഡിന് ജൂണ്‍ 25 വരെ അപേക്ഷിക്കാം.   2025-2026 അധ്യയന വര്‍ഷത്തില്‍ പത്താം ക്ലാസ് പരീക്ഷയില്‍ എല്ലാ വിഷയങ്ങള്‍ക്കും എ പ്ലസ് നേടിയ വിദ്യാര്‍ഥികള്‍ക്കാണ് അവസരം. ഫോണ്‍: 0491 2505358.

ജില്ലാ ലീഗല്‍ സര്‍വീസസ് അതോറിറ്റിയുടെ നേതൃത്വത്തില്‍ ജില്ലയിലെ വിവിധ കോടതികളില്‍ നടത്തിയ നാഷണല്‍ ലോക് അദാലത്തില്‍ 457 കേസുകള്‍ തീര്‍പ്പാക്കി. വിവിധ കേസുകളിലായി ആകെ 5,31,60,989 രൂപ വിധിച്ചു.