സംസ്ഥാന സര്‍ക്കാരിന്റെ 'പ്രിയദര്‍ശിനി' സൗജന്യ കെഎസ്ആര്‍ടിസി ബസ് യാത്ര പദ്ധതിക്ക് ജില്ലയില്‍ തുടക്കമായി. പാലക്കാട് നിന്നും ഗുരുവായൂരിലേക്ക് പോകുന്ന ടൗണ്‍ ടു ടൗണ്‍ ബസില്‍ പട്ടാമ്പിയിലേക്കുള്ള യാത്രക്കാരി ശാന്തി പാട്ടത്തിലിന് ആദ്യ ടിക്കറ്റ് നല്‍കി ജില്ലാതല ഉദ്ഘാടനം വി കെ ശ്രീകണ്ഠന്‍ എം പി നിര്‍വഹിച്ചു.  

വാഴക്കോട് - ആലത്തൂര്‍ റോഡില്‍ കല്ലേപ്പുള്ളി മുതല്‍ കഴനി വരെയുള്ള ഭാഗത്ത് പുനരുദ്ധാരണ പ്രവൃത്തി നടക്കുന്നതിനാല്‍ ജൂണ്‍ 17 മുതല്‍ ഈ വഴിയുള്ള ഗതാഗതം ഭാഗികമായി തടസപ്പെടുമെന്ന് ആലത്തൂര്‍ പൊതുമരാമത്ത് നിരത്ത് വിഭാഗം അസി. എഞ്ചിനീയര്‍ അറിയിച്ചു.

സംസ്ഥന തൊഴിലാളി ക്ഷേമനിധി ബോര്‍ഡിലെ വരിക്കാരായ തൊഴിലാളികളുടെ മക്കള്‍ക്ക് ഐ ടി ഐ പ്രവേശനത്തിന് ഓണ്‍ലൈനായി അപേക്ഷിക്കാം. www.labourwelfarefund.in ല്‍ അപേക്ഷിക്കണം. യോഗ്യത പത്താം ക്ലാസ്. തിരഞ്ഞെടുക്കപ്പെടുന്നവര്‍ക്ക് 750 രൂപ ബോര്‍ഡില്‍ നിന്നും സ്‌റ്റൈപന്റ് ലഭിക്കും.