അസാപ് കമ്മ്യൂണിറ്റി സ്കിൽ പാർക്കിൽ പവർ ഇലക്ട്രോണിക്സ് സർവീസ് ടെക്‌നീഷ്യൻ കോഴ്‌സിലേക്ക് അപേക്ഷ ക്ഷണിച്ചു. ഒബിസി വിഭാഗത്തിൽപ്പെടുന്നവർക്ക് പൂർണ്ണമായും സൗജന്യമായ ഈ പരിശീലനത്തിന് സ്റ്റൈപെൻഡ് ലഭ്യമാണ്. നാല് മാസം ദൈർഘ്യമുള്ള കോഴ്‌സിലേക്ക് ഐ.ടി.ഐ, ഡിപ്ലോമ, ബി.ടെക് (ഇലക്ട്രിക്കൽ / ഇ.സി.ഇ) യോഗ്യതയുള്ളവർക്ക് അപേക്ഷിക്കാം. വാർഷിക കുടുംബ വരുമാനം 2.5 ലക്ഷം രൂപ വരെ ഉള്ളവർക്കാണ് പ്രവേശനം.
 പരിശീലനത്തിനു ശേഷം പ്ലേസ്മെന്റ് സഹായവും ഉറപ്പുനൽകുന്നുണ്ട്.

താമരശ്ശേരി ചുരത്തിലെ ആറാം വളവിൽ നവീകരണ പ്രവർത്തനങ്ങൾ നടത്തുന്നതിനിടെ കൊക്കയിലേക്ക് മറിഞ്ഞ് അപകടത്തിൽപ്പെട്ട ഹിറ്റാച്ചി ക്രെയിൻ ഉപയോഗിച്ച് ഉയർത്തുന്നതിനാൽ ബുധനാഴ്ച (ഏപ്രിൽ 29) പകൽ സമയത്ത് ഭാരവാഹനങ്ങൾക്കും മൾട്ടി ആക്സിൽ വാഹനങ്ങൾക്കും ചുരത്തിൽ പൂർണ നിയന്ത്രണവും മറ്റ് വാഹനങ്ങൾക്ക് ഭാഗിക നിയന്ത്രണവും ഏർപ്പെടുത്തുമെന്ന് പൊതുമരാമത്ത് വകുപ്പ് അസിസ്റ്റന്റ് എഞ്ചിനീയർ അറിയിച്ചു.

*
കേരള സർക്കാർ സ്ഥാപനമായ ഇൻസ്റ്റിറ്റ്യൂട്ട് ഓഫ് ഹ്യൂമൻ റിസോഴ്സസ് ഡെവലപ്മെന്റിന്റെ നിയന്ത്രണത്തിലുള്ള ടെക്നിക്കൽ ഹയർ സെക്കൻ്ററി സ്ക്കൂളുകളിൽ 2026–27 അധ്യയന വർഷത്തേക്കുള്ള പ്ലസ് വൺ  പ്രവേശനത്തിന് അപേക്ഷ ക്ഷണിച്ചു. മെയ് 21 മുതൽ ജൂൺ അഞ്ചിന് വൈകിട്ട് അഞ്ചുവരെ thss.ihrd.ac.in എന്ന വെബ്സൈറ്റ് മുഖേന ഓൺലൈനായും, ജൂൺ ആറിന് വൈകീട്ട് അഞ്ച് മണിക്ക് മുമ്പായി ബന്ധപ്പെട്ട സ്കൂളുകളിൽ നേരിട്ടെത്തിയും അപേക്ഷ സമർപ്പിക്കാം. അപേക്ഷയോടൊപ്പം ആവശ്യമായ രേഖകളും രജിസ്ട്രേഷൻ ഫീസും സമർപ്പിക്കണം.
രജിസ്ട്രേഷൻ ഫീസ് പൊതുവിഭാഗത്തിന് 115 രൂപയും

കെ. കെ. എസ് ഗവ. ഐ ടി ഐ മാളയിൽ പ്രധാനമന്ത്രി സൂര്യ ഘർ മുഫ്ത്‌ ബിജിലി യോജന പദ്ധതിയുടെ ഭാഗമായി മെയ് ആദ്യവാരത്തിൽ നടത്തുന്ന റൂഫ് ടോപ് സോളാർ പിവി (ഇൻസ്റ്റലേഷനും മെയിൻറ്റിനൻസും) സൗജന്യ ഹ്രസ്വകാല കോഴ്സിലേക്ക് (എൻ  എസ് ക്യൂ എഫ് ലെവൽ മൂന്ന് ) പ്രവേശനത്തിന് അപേക്ഷ ക്ഷണിച്ചു. അഞ്ച് ദിവസം പരിശീലനവും രണ്ട് ദിവസം ഓൺ ദി ജോബ് ട്രെയിനിങ്ങും അടക്കം മൊത്തം ഏഴ് ദിവസമാണ് പരിശീലനം. ഇലക്ട്രിഷ്യൻ, ഇലക്ട്രോണിക‌് മെക്കാനിക് എന്നീ ട്രേഡുകളിൽ ഐടിഐ സർട്ടിഫിക്കറ്റ് ലഭിച്ചവർക്കും നിലവിൽ ഈ  ട്രേഡുകളിൽ  രണ്ടാം വർഷം പഠിച്ച് കൊണ്ടിരിക്കുന്ന ട്രെയിനികൾക്കും അപേക്ഷിക്കാം.
ഫോൺ: 9495242799, 9995121251, 0480 2893127

*
ഇരിങ്ങാലക്കുട കൂടൽമാണിക്യം ക്ഷേത്രോത്സവത്തോടനുബന്ധിച്ച് ആറാട്ടുദിവസമായ മെയ് എട്ടിന് ഇരിങ്ങാലക്കുട നഗരസഭാ പരിധിയിലെ സര്‍ക്കാര്‍ ഓഫീസുകള്‍ക്കും വിദ്യാഭ്യാസ സ്ഥാപനങ്ങള്‍ക്കും അങ്കണവാടികള്‍ക്കും ജില്ലാ കളക്ടര്‍ ശിഖ സുരേന്ദ്രൻ അവധി പ്രഖ്യാപിച്ചു. മുന്‍ നിശ്ചയിച്ച പൊതുപരീക്ഷകള്‍ക്കും കേന്ദ്ര-സംസ്ഥാന, അര്‍ദ്ധ സര്‍ക്കാര്‍ സ്ഥാപനങ്ങളിലേക്ക് നിയമനത്തിനായി നടത്തുന്ന പരീക്ഷകള്‍ക്കും അവധി ബാധകമല്ല.

തൃശൂർ മുണ്ടത്തിക്കോട് വെടിക്കെട്ടപകടത്തിൽ മരണപ്പെട്ടവരുടെ എണ്ണം 13 ആയി. അപകടത്തിൽ ചികിത്സയിലായിരുന്ന എടപ്പാൾ കണ്ണായ് വീട്ടിൽ ചാത്തപ്പൻ മകൻ ഉണ്ണികൃഷ്ണൻ (56 വയസ്), കുണ്ടന്നൂർ ചീരാത്ത് രാജൻ മകൻ രാഗേഷ് (29) എന്നിവർ മരണപ്പെട്ടു. തിരിച്ചറിയാൻ സാധിക്കാതിരുന്ന മൃതദേഹം DNA പരിശോധന ഫലത്തിന്റെ അടിസ്ഥാനത്തിൽ തൃശ്ശൂർ മനക്കൊടി കോലാട്ട് വീട്ടിൽ വിജയൻ മകൻ വിഷ്ണു വിനോദിന്റെയാണെന്നു (35 വയസ്സ്) എന്ന് തിരിച്ചറിഞ്ഞു.

മരണപ്പെട്ടവരുടെ പേര് വിവരങ്ങൾ :

1. കുണ്ടന്നൂർ പുതുക്കാട്ടിൽ വീട്ടിൽ വിജയൻ മകൻ സുവിൻ (39)

2. പഴയന്നൂർ, വെണ്ണൂർ, പാറക്കുണ്ടിൽ വീട്ടിൽ സുദർശനൻ (54)

*ചാവക്കാട് പുത്തൻകടപ്പുറം ജി.ആർ.എഫ്.ടി.എച്ച്.എസിലേക്ക് അഡ്മിഷൻ ആരംഭിക്കുന്നു*

* വിദ്യാർത്ഥികൾക്ക് വർഷത്തിലൊരിക്കൽ സൗജന്യ വിമാനയാത്ര, എക്സ്ട്രാ കരിക്കുലം ആക്റ്റിവിറ്റികൾ, ലംപ്സംഗ്രാന്റ്

കല്‍പറ്റ കോടതി കോംപ്ലക്‌സിലെ സ്റ്റാഫ് ക്യാന്റീന്‍ ഏറ്റെടുത്ത് നടത്തുന്നതിന് ക്വട്ടേഷന്‍ ക്ഷണിച്ചു. ജൂണ്‍ എട്ട് മുതല്‍ 11 മാസത്തേക്കാണ് കാലാവധി. വിഭവങ്ങളുടെ നിരക്ക് ഉള്‍പ്പെടുത്തിയ നിശ്ചിത മാതൃകയിലുള്ള പ്രൊഫോര്‍മയോടൊപ്പം ക്വട്ടേഷനുകള്‍ മെയ് 14ന് വൈകുന്നരം നാലിന് മുമ്പ് ജില്ലാ കോടതി ഓഫീസില്‍ സമര്‍പ്പിക്കണം. ഫോണ്‍-04936 202277

പട്ടികജാതി വികസന വകുപ്പിന്റെ കീഴിൽ ജില്ലയിൽ പ്രവർത്തിക്കുന്ന വി ആർ പുരം ഐടിഐയിലെ ഉപയോഗശൂന്യമായ ഇലക്ട്രോണിക്സ് ഉപകരണങ്ങൾ ലേലം ചെയ്യുന്നു. ലേല വസ്തുക്കൾ മെയ് 12ന് രാവിലെ 11 മണിക്ക് വി ആർ പുരം ഐടിഐയിൽ ഉത്തരമേഖല ഡെപ്യൂട്ടി ഡയറക്ടർ പരസ്യമായി ലേലം ചെയ്യും. ലേലത്തിൽ പങ്കെടുക്കുന്നവർ 200 രൂപ നിരതദ്രവ്യം കെട്ടിവയ്ക്കണം. കൂടുതൽ വിവരങ്ങൾക്ക് വി ആർ പുരം ഐടിഐയിൽ ബന്ധപ്പെടുക. ഫോൺ: 0480 2700605.