കേരളം വനം വകുപ്പ് സാമൂഹിക വനവത്കരണ വിഭാഗം 2025 വർഷം ജില്ലയിലെ കാവുകൾക്ക് ധനസഹായത്തിന് അപേക്ഷ ക്ഷണിച്ചു. നിർദിഷ്ട ഫോറത്തിലുള്ള അപേക്ഷ കാവിന്റെ ഉടമസ്ഥരിൽ നിന്നും ജൂലൈ 31 നകം ഡെപ്യൂട്ടി കൺസർവേറ്റർ ഓഫ് ഫോറസ്റ്റ്, സാമൂഹിക വനവൽക്കരണ വിഭാഗം, കണ്ണോത്തുംചാൽ, പി.ഒ താണ, കണ്ണൂർ എന്ന വിലാസത്തിൽ സമർപ്പിക്കണം.  ഫോൺ 0497 2705105, 8547603826, 8547603829. വെബ്സൈറ്റ് https://forest.kerala.gov.in
 

കണ്ണൂർ ഒണ്ടേൻ റോഡ് ഗവ.ഫുഡ് ക്രാഫ്റ്റ് ഇൻസ്റ്റിറ്റ്യൂട്ടിൽ മണിക്കൂർ വേതനാടിസ്ഥാനത്തിൽ താൽക്കാലിക ജീവനക്കാരെ നിയമിക്കുന്നു. ഹോട്ടൽ അക്കമഡേഷൻ ഓപ്പറേഷൻ, ഫ്രണ്ട് ഓഫീസ് ഓപ്പറേഷൻ, ബേക്കറി ആൻഡ് കൺഫെക്ഷനറി വിഭാഗങ്ങളിൽ ഡെമോൺസ്‌ട്രേറ്റർ തസ്തികയിൽ ഓരോ ഒഴിവാണുള്ളത്. അംഗീകൃത സർവ്വകലാശാലയിൽ നിന്ന് മൂന്നുവർഷ ഹോട്ടൽ മാനേജ്‌മെന്റ് ഡിപ്ലോമ / ഡിഗ്രി, രണ്ട് വർഷത്തെ പ്രവൃത്തിപരിചയം ഉള്ളവർക്ക് അപേക്ഷിക്കാം. കമ്പ്യൂട്ടർ ലക്ചറർ, ഇംഗ്ലീഷ് ലക്ചറർ, ബുക്ക് കീപ്പിങ് ലക്ചറർ എന്നീ തസ്തികകളിൽ ഓരോ ഒഴിവുകളുണ്ട് . അംഗീകൃത സർവ്വകലാശാലയിൽ നിന്നുള്ള ബിരുദാനന്തര ബിരുദം, അനുബന്ധ വിഷയത്തിലുള്ള പ്രവൃത്തിപരിചയം എന്നിവയാണ് യോഗ്യത.

തളിപ്പറമ്പ് നഗരസഭയിലെ കാവിൻമുനമ്പ്-മുള്ളൂൽ-വെള്ളിക്കീൽ-ഏഴാം മൈൽ-തൃച്ചംബരം-മുയ്യം- ബാവുപറമ്പ-കോൾമൊട്ട റോഡിൽ തൃച്ചംബരം ഭാഗത്ത് ക്രോസ് ഡ്രൈനേജ് നിർമ്മാണ പ്രവൃത്തി നടക്കുന്നതിനാൽ ജൂലൈ 15 മുതൽ 30 ദിവസത്തേക്ക് ഭാഗികമായി ഗതാഗത നിയന്ത്രണം ഏർപ്പെടുത്തി.  മുയ്യം ഭാഗത്തുനിന്ന് വരുന്ന വലിയ വാഹനങ്ങൾ ഭ്രാന്തൻ കുന്ന് പാലക്കുളങ്ങര റോഡ് വഴിയും, തളിപ്പറമ്പ ഭാഗത്തു നിന്നും വരുന്ന വലിയ വാഹനങ്ങൾ ചിന്മയ സ്‌കൂൾ ഭാഗത്തുകൂടിയും  തിരിഞ്ഞു പോകണമെന്ന് അസിസ്റ്റന്റ് എക്സിക്യൂട്ടീവ് എഞ്ചിനീയർ അറിയിച്ചു.
 

വികസനം ഗ്രാമങ്ങളിൽ നിന്ന് തുടങ്ങണമെന്നും ഗ്രാമങ്ങൾ വികസിക്കുമ്പോൾ മാത്രമാണ് രാജ്യം വികസിക്കുന്നതെന്നും ഡോ. ജോൺ ബ്രിട്ടാസ് എംപി പറഞ്ഞു. കൂട്ടുമുഖം താഴെ പാലം ഉദ്ഘാടനം ചെയ്തു സംസാരിക്കുകയായിരുന്നു അദ്ദേഹം. ശ്രീകണ്ഠപുരം നഗരസഭ വാർഡ് കൗൺസിലർ വിവി ജമുന അധ്യക്ഷയായി. 

ലോക യുവജന നൈപുണ്യ ദിനാചരണവും ടാലി ട്രെയിനിങ് സെന്ററുകളുടെ അക്രെഡിറ്റേഷൻ  ഉദ്‌ഘാടനവും  ജൂലൈ  15 ന് രാവിലെ 9.30ന്  കണ്ണൂർ കൃഷ്ണ ബീച്ച് റിസോർട്ടിൽ  പൊതുവിദ്യാഭ്യാസവും, തൊഴിലും, നൈപുണ്യവും വകുപ്പ് മന്ത്രി വി ശിവൻകുട്ടി  ഉദ്ഘാടനം ചെയ്യും. ജില്ല കലക്ടർ അരുൺ കെ.വിജയൻ അധ്യക്ഷത വഹിക്കും . ഗവ. പ്രോജെക്ടസ് അക്രെഡിറ്റേഷൻ ആൻഡ് സർവീസ് ഡെലിവറി മേധാവി രാകേഷ് ചന്ദ്രശേഖർ മുഖ്യ പ്രഭാഷണം നടത്തും. സംസ്ഥാന നൈപുണ്യ വികസന മിഷനും  കേരള അക്കാഡമി ഫോർ സ്കിൽസ് എക്സലൻസും, ടാലി എഡ്യൂക്കേഷൻ പ്രൈവറ്റ് ലിമിറ്റഡുമായി സഹകരിച്ചാണ് പരിപാടി സംഘടിപ്പിക്കുന്നത്.

മാടായി ഗവ.ഐ ടി ഐയിൽ വിവിധ ട്രേഡുകളിൽ  പ്രവേശനത്തിനുള്ള കൗൺസിലിംഗ് ജൂലൈ 15 രാവിലെ 10.30 ന് നടക്കും.  ഒ.സി, ഈഴവ, ഒ.ബി.എച്ച്, മുസ്ലിം  എന്നീ വിഭാഗങ്ങളിൽ ഇൻഡക്സ് മാർക്ക് 225 വരെയും എസ് സി വിഭാഗത്തിൽ ഇൻഡക്സ് മാർക്ക് 220 വരെയും എസ്ടി, എൽസി, ഒബിഎക്സ് എന്നീ വിഭാഗങ്ങളിൽ ഇൻഡക്സ് മാർക്ക് 200 വരെയും, ഒസി (ഇഡബ്ല്യൂഎസ്) വിഭാഗത്തിൽ ഇൻഡക്സ് മാർക്ക് 180 വരെയുള്ള എല്ലാ അപേക്ഷകരും റാങ്ക് ലിസ്റ്റിൽ ഉൾപ്പെട്ട എല്ലാ പെൺകുട്ടികളും അന്നേദിവസം രക്ഷിതാവിനൊപ്പം അസ്സൽ സർട്ടിഫിക്കറ്റുകളും അവയുടെ ഫോട്ടോ കോപ്പിയുമായി കൗൺസിലിംഗിന് ഹാജരാകണം.

കണ്ണൂർ കക്കാട് റോഡിൽ ജില്ലാ ഹോമിയോ ആശുപത്രിക്ക് സമീപം പ്രവർത്തിക്കുന്ന മൃഗ സംരക്ഷണ പരിശീലന കേന്ദ്രത്തിൽ ജൂലൈ 18, 19 തീയതികളിൽ രാവിലെ 10.15 മുതൽ വൈകുന്നേരം  അഞ്ച് വരെ ആട് വളർത്തലിൽ പരിശീലന ക്ലാസ് നടത്തും.   പങ്കെടുക്കുവാൻ ആഗ്രഹിക്കുന്നവർ ജൂലൈ 17 ന് നാല് മണിക്ക് മുമ്പായി പരിശീലന കേന്ദ്രത്തിൽ പേര് രജിസ്റ്റർ ചെയ്യണം.  ഫോൺ 0497 2763473
 

കുടുംബകോടിതി കണ്ണൂരിന്റെ ആർ ആർ സി കേസുകളിൽ കുടിശ്ശികയായ തുക ഈടാക്കുന്നതിന് പയ്യന്നൂർ താലൂക്കിലെ ആലപ്പടമ്പ അംശം കുറുവേലി ദേശം റി സ നമ്പർ 298/117 ൽ പ്പെട്ടതുമായ 0.0202 ഹെക്ടർ ഭൂമി ആലപ്പടമ്പ വില്ലേജ് ഓഫീസിൽ ആഗസ്ത് 21 ന് രാവിലെ 11 മണിക്ക് ലേലം ചെയ്യും.

പട്ടികജാതി വികസന വകുപ്പിന് കീഴിൽ ഉത്തര മേഖലയിൽ പ്രവർത്തിക്കുന്ന ഗവ.ഐ ടി ഐ കളിൽ വിവിധ ട്രെയിനിംഗ് ഇൻസ്ട്രക്ടർ തസ്തികകളിലെ ഒഴിവുകളിൽ ദിവസവേതനാടിസ്ഥാനത്തിൽ  ഗസ്റ്റ് ഇൻസ്ട്രക്ടർമാരെ  നിയമിക്കുന്നതിനുള്ള  കൂടിക്കാഴ്ച ജൂലൈ 30, 31 തീയതികളിൽ രാവിലെ 10 മണിക്ക് കോഴിക്കോട് എലത്തൂർ റെയിൽവേ സ്റ്റേഷന് സമീപത്തെ ഗവ.ഐ ടി ഐ യിൽ നടത്തും.
ജൂലൈ 30 രാവിലെ 10: ട്രെയിനിങ് ഇൻസ്ട്രക്ടർ പെയിന്റർ (ജനറൽ) മാടായി ഗവ. ഐ.ടി.ഐ-രണ്ട് ഒഴിവ് (യോഗ്യത -എസ്.എസ്.എൽ.സി പെയിന്റർ ജനറൽ ട്രേഡിൽ നാഷണൽ ട്രേഡ് സർട്ടിഫിക്കറ്റ്,  നാഷണൽ അപ്രന്റിസ്ഷിപ് സർട്ടിഫിക്കറ്റ്)

ജില്ലാ എംപ്ലോയ്മെന്റ് എക്സ്ചേഞ്ചിലെ എംപ്ലോയബിലിറ്റി സെന്ററിന്റെ ആഭിമുഖ്യത്തിൽ മട്ടന്നൂർ എംപ്ലോയ്മെന്റ് എക്സ്ചേഞ്ചിൽ ജൂലൈ 16ന് രാവിലെ 10 മണി മുതൽ ഒരു മണി വരെ സ്വകാര്യ സ്ഥാപനങ്ങളിലേക്കുള്ള ജോലി ഒഴിവുകളിലേക്ക് ഒറ്റത്തവണ രജിസ്ട്രേഷൻ നടക്കും. 50 വയസ്സിൽ താഴെയുള്ളവർക്ക് 300 രൂപ അടച്ച് രജിസ്റ്റർ ചെയ്യാം. രജിസ്ട്രേഷന് ഹാജരാകുന്ന ഉദ്യോഗാർഥികൾക്ക് സാധുതയുള്ള ഇമെയിൽ ഐഡിയും ഫോൺ നമ്പറും ഉണ്ടായിരിക്കണം. പാസ്പോർട്ട് സൈസ് ഫോട്ടോ, തിരിച്ചറിയൽ രേഖയായി ആധാർ/ വോട്ടേഴ്‌സ് ഐ.ഡി/ പാസ്പോർട്ട് /പാൻ കാർഡ് എന്നിവയിലേതെങ്കിലും ഹാജരാക്കണം.