സ്കൂൾ വിദ്യാർത്ഥികളുടെ വേനലവധി വിജ്ഞാനപ്രദവും രസകരവുമാക്കാൻ കേരള സർക്കാർ ആയുഷ് ഹോമിയോപ്പതി വകുപ്പ് സംഘടിപ്പിക്കുന്ന 'തന്മയി സമ്മർ ക്യാമ്പ് 2026'-ലേക്കുള്ള രജിസ്ട്രേഷൻ ആരംഭിച്ചു. എറണാകുളം ജില്ലാ ഹോമിയോപ്പതി ആശുപത്രിയിൽ പ്രവർത്തിക്കുന്ന ആയുഷ്മാൻഭവ, സദ്‌ഗമയ സ്പെഷ്യൽ പ്രോജക്റ്റുകളുടെ ആഭിമുഖ്യത്തിലാണ് ക്യാമ്പ് ഒരുക്കുന്നത്. 5 മുതൽ 15 വയസ്സ് വരെയുള്ള സ്കൂൾ വിദ്യാർത്ഥികൾക്ക് ക്യാമ്പിൽ പങ്കെടുക്കാം.

കേരള നിയമസഭയിലേക്കുള്ള 2026-ലെ പൊതു തിരഞ്ഞെടുപ്പിന്റെ വോട്ടെണ്ണൽ ദിനമായ മെയ് 4-ന് ജില്ലയിലെ വോട്ടെണ്ണൽ കേന്ദ്രങ്ങളായി നിശ്ചയിച്ചിട്ടുള്ള വിദ്യാഭ്യാസ സ്ഥാപനങ്ങൾക്ക് അവധി പ്രഖ്യാപിച്ചു. 

വോട്ടെണ്ണൽ കേന്ദ്രങ്ങളായി നിശ്ചയിച്ചിട്ടുള്ള കളമശ്ശേരി കുസാറ്റ്, ആലുവ യു.സി. കോളേജ്, കോതമംഗലം എം.എ. കോളേജ് എന്നീ വിദ്യാഭ്യാസ സ്ഥാപനങ്ങൾക്കാണ് വോട്ടെണ്ണൽ നടപടികൾ സുഗമമായി നടത്തുന്നതിനായി അവധി നൽകിയിരിക്കുന്നത്. ഇതുസംബന്ധിച്ച ഉത്തരവ് ജില്ലാ കളക്ടറും ജില്ലാ ഇലക്ഷൻ ഓഫീസറുമായ ജി. പ്രിയങ്ക പുറപ്പെടുവിച്ചു. ഈ കേന്ദ്രങ്ങളിൽ വോട്ടെണ്ണലിനായി വിപുലമായ സജ്ജീകരണങ്ങളാണ് ഒരുക്കിയിട്ടുള്ളത്.

ലിറ്റിൽ കൈറ്റ്സ് സംസ്ഥാന ക്യാമ്പിന് ആവേശകരമായ സമാപനം

നിർമ്മിത ബുദ്ധി (എഐ ) തൊഴിലുകളെ പൂർണ്ണമായും ഇല്ലാതാക്കുകയല്ല, മറിച്ച് മനുഷ്യർ ചെയ്യുന്ന ജോലികളുടെ രീതികളിൽ ഗുണപരമായ മാറ്റം വരുത്തുകയാണ് ചെയ്യുന്നതെന്ന് സിംഗപ്പൂർ നാഷണൽ യൂണിവേഴ്സിറ്റിയിലെ എഐ - റോബോട്ടിക് വിദഗ്ധൻ ഡോ. പ്രഹ്ലാദ് വടക്കേപ്പാട്ട്. കേരള ഇൻഫ്രാസ്ട്രക്ചർ ആൻഡ് ടെക്നോളജി ഫോർ എഡ്യൂക്കേഷൻ (കൈറ്റ്) സംഘടിപ്പിച്ച ലിറ്റിൽ കൈറ്റ്സ് ഐടി ക്ലബ് അംഗങ്ങളുടെ ദ്വിദിന സംസ്ഥാന ക്യാമ്പിന്റെ സമാപന ചടങ്ങ് ഓൺലൈൻ ആയി ഉദ്ഘാടനം ചെയ്യുകയായിരുന്നു അദ്ദേഹം.

വൻകിട കെട്ടിടങ്ങളിലുണ്ടാകുന്ന തീപിടുത്തങ്ങളിൽ കുടുങ്ങിയവരെ രക്ഷിക്കാൻ റോബോട്ടിക് സാങ്കേതികവിദ്യയുമായി യുവ പ്രതിഭ. 'ഫയർ റെസ്‌ക്യൂ റോവർ' എന്ന നൂതന പ്രോജക്റ്റുമായി ലിറ്റിൽ കൈറ്റ്സ് ദ്വിദിന സംസ്ഥാന ക്യാമ്പിൽ താരമായിരിക്കുകയാണ് കോഴിക്കോട് ബാലുശ്ശേരി ജി.എച്ച്.എസ്.എസിലെ കാർത്തിക് ബിജേഷ്. അഗ്നിബാധയുണ്ടാകുന്ന വൻകിട കെട്ടിടങ്ങളിലും മനുഷ്യർക്ക് കടന്നുചെല്ലാൻ കഴിയാത്ത ഇടങ്ങളിലും ഇനി രക്ഷാദൗത്യം സാധ്യമാകും.

•ലിറ്റിൽ കൈറ്റ്സ് ഐ.ടി ക്ലബുകൾ ഇനി ഹയർ സെക്കൻഡറി - അപ്പർ പ്രൈമറി തലങ്ങളിലേക്കും

പാഠപുസ്തകത്തിലെ അറിവുകളെ സമൂഹത്തിന്റെ കണ്ണീരൊപ്പുന്ന കണ്ടുപിടുത്തങ്ങളാക്കി മാറ്റി കുട്ടിശാസ്ത്രജ്ഞർ. ഷിരൂരിലെ മണ്ണിൽ പൊലിഞ്ഞ അർജുന്റെ ഓർമ്മകൾക്ക് സാങ്കേതിക വിദ്യയിലൂടെ ജീവൻ നൽകിയും, നിത്യജീവിതത്തിലെ പ്രതിസന്ധികൾക്ക് കുട്ടിത്തമുള്ള പരിഹാരങ്ങൾ കണ്ടെത്തിയും ലിറ്റിൽ കൈറ്റ്സ് സംസ്ഥാന ക്യാമ്പ് വിസ്മയമാവുകയാണ്.

സംസ‌ാന വിനോദസഞ്ചാരവകുപ്പിൻ്റെ കീഴിൽ തൃശ്ശൂർ പൂത്തോളിൽ  പ്രവർത്തിക്കുന്ന ഫുഡ് ക്രാഫ്‌റ്റ് ഇൻസ്റ്റിറ്റ്യൂട്ടിൽ വിവിധ ഹ്രസ്വകാല കോഴ്സുകൾ.  മെയ് മാസത്തിൽ വീട്ടമ്മമാർക്കും തൊഴിൽ കണ്ടെത്താൻ ആഗ്രഹിക്കുന്നവർക്കും വേണ്ടി ബേക്കറി & കൺഫക്ഷണറി, കുക്കറി, ഫുഡ് പ്രിസർവേഷൻ ആൻഡ് കറി പൗഡർ/ മസാല മേക്കിങ് എന്നീ വിഷയങ്ങളിൽ 5 ദിവസം വീതമാണ്  ഹ്രസ്വകാല കോഴ്സുകൾ നടത്തുന്നത്. കൂടുതൽ വിവരങ്ങൾക്ക് 0487 2384253, 9447610223 എന്നീ നമ്പറുകളിൽ ബന്ധപ്പെടുക.

ജില്ലയിലെ വിവിധ വകുപ്പുകളില്‍ ആയ (കാറ്റഗറി നമ്പര്‍: 117/2025) തസ്തികയുടെ സാധ്യതാപട്ടിക പ്രസിദ്ധീകരിച്ചതായി പി.എസ്.സി ജില്ലാ ഓഫീസര്‍ അറിയിച്ചു.

എറണാകുളം മഹാരാജാസ് കോളേജിൽ 2012-13 അധ്യയന വർഷം മുതൽ 2022-23 അധ്യയന വർഷം വരെയുള്ള കാലയളവിൽ അഡ്മിഷൻ എടുത്ത വിദ്യാർത്ഥികളിൽ കോഷൻ ഡെപ്പോസിറ്റ് കൈപ്പറ്റാത്ത ബിരുദ /ബിരുദാനന്തര വിദ്യാർത്ഥികൾ 2026 മെയ് 15 ന് മുൻപായി കോളേജുമായി ബന്ധപ്പെട്ട് ബാങ്ക് അക്കൗണ്ട് വിവരങ്ങൾ സഹിതം അപേക്ഷ സമർപ്പിക്കണം. നിശ്ചിത തീയതിക്കകം അപേക്ഷ നൽകാത്തവരുടെ കോഷൻ ഡെപ്പോസിറ്റ് സർക്കാരിലേക്ക് അടയ്ക്കും.

പാലക്കാട് വ്യാവസായിക ട്രൈബ്യൂണലും ഇന്‍ഷൂറന്‍സ് കോടതി ജഡ്ജിയും, എംപ്ലോയീസ് കോമ്പന്‍സേഷന്‍ കമ്മീഷണറുമായ സാബു സെബാസ്റ്റ്യന്‍ മെയ് നാല്, അഞ്ച്, 11, 12, 18, 19, 25, 26 തീയതികളില്‍ പാലക്കാട് റവന്യൂ ഡിവിഷണല്‍ മജിസ്‌ട്രേറ്റ് കോടതി ഹാളില്‍ തൊഴില്‍ തര്‍ക്ക കേസുകളും, ഇന്‍ഷൂറന്‍സ് കേസുകളും വിചാരണചെയ്യുമെന്ന് സെക്രട്ടറി അറിയിച്ചു. ഫോണ്‍: 0491 2556087.

മഴക്കാല മുന്നൊരുക്ക പ്രവര്‍ത്തനങ്ങളുടെ ഭാഗമായി ജില്ലാ കലക്ടര്‍ സ്‌നേഹില്‍ കുമാര്‍ സിങ്ങിന്റെ അധ്യക്ഷതയില്‍ വിവിധ വകുപ്പുകളുടെ ഏകോപന യോഗം ചേര്‍ന്നു. വെള്ളക്കെട്ടുണ്ടാവാന്‍ സാധ്യതയുള്ള ഇടങ്ങള്‍ കണ്ടെത്തി അത് ഒഴിവാക്കുന്നതിനാവശ്യമായ നടപടികള്‍ സ്വീകരിക്കാന്‍ കലക്ടര്‍ നിര്‍ദേശം നല്‍കി. വിവിധ വകുപ്പുകളുടെ മഴക്കാല മുന്നൊരുക്ക പ്രവര്‍ത്തനങ്ങള്‍ യോഗം വിലയിരുത്തി.