കടുത്ത വേനലിൽ പക്ഷികൾക്ക് ആശ്വാസമേകാൻ ജില്ലാ ഭരണകൂടം ആഹ്വാനം ചെയ്ത 'കിളികളും കൂളാവട്ടെ' ജനകീയ ക്യാമ്പയിന് തുടക്കം. കലക്ടറേറ്റ് പ്രവേശന കവാടത്തിന് സമീപം ഒരുക്കിയ കുടത്തിൽ വെള്ളം നിറച്ച് ജില്ലാ കലക്ടർ സ്നേഹിൽ കുമാർ സിങ് ക്യാമ്പയിൻ്റെ ഉദ്ഘാടനം നിർവഹിച്ചു. 

മെയ് 4ന് നടക്കുന്ന നിയമസഭ തിരഞ്ഞെടുപ്പ് വോട്ടെണ്ണലിന്റെ മുന്നൊരുക്കങ്ങള്‍ വിലയിരുത്താന്‍ ജില്ലാ കലക്ടര്‍ സ്‌നേഹില്‍ കുമാര്‍ സിങ്ങിന്റെ അധ്യക്ഷതയില്‍ യോഗം ചേര്‍ന്നു. വോട്ടെണ്ണല്‍ നടപടിക്രമങ്ങള്‍, സുരക്ഷാ സംവിധാനങ്ങള്‍, ഗതാഗത ക്രമീകരണം, വോട്ടെണ്ണല്‍ കേന്ദ്രങ്ങളിലെ സൗകര്യങ്ങള്‍, മാധ്യമങ്ങള്‍ക്കുള്ള സജ്ജീകരണങ്ങള്‍ തുടങ്ങിയ വിഷയങ്ങള്‍ യോഗത്തില്‍ ചര്‍ച്ച ചെയ്തു.

പി.എസ്.സി പരീക്ഷാ കേന്ദ്രത്തില്‍ മാറ്റം

ഡിഗ്രി ലെവല്‍ കോമണ്‍ പ്രിലിമിനറി എക്‌സാമിനേഷന്‍ -ഫേസ് 1 (കാറ്റഗറി നമ്പര്‍: 017, 187, 188...) തസ്തികയിലേക്ക് മെയ് രണ്ടിന് ഉച്ചക്ക് 1.30 മുതല്‍ 3.05 വരെ നടക്കുന്ന പരീക്ഷയുടെ ജില്ലയിലെ പരീക്ഷാ കേന്ദ്രം കിണാശ്ശേരി ഒലീവ് ഇംഗ്ലീഷ് മീഡിയം ഹൈസ്‌കൂളില്‍നിന്ന് മാങ്കാവ് ആഴ്ചവട്ടം ജി.എച്ച്.എസ്.എസ് സ്‌കൂളിലേക്ക് മാറ്റിയതായി പി.എസ്.സി ജില്ലാ ഓഫീസര്‍ അറിയിച്ചു. സമയത്തില്‍ മാറ്റമില്ല. ഡൗണ്‍ലോഡ് ചെയ്ത പഴയ അഡ്മിഷന്‍ ടിക്കറ്റുമായോ പുതിയ അഡ്മിഷന്‍ ടിക്കറ്റുമായോ എത്തണം.

കുടിവെള്ള വിതരണം മുടങ്ങും 

മുഴപ്പിലങ്ങാട് ഗ്രാമ പഞ്ചായത്തിലെ കച്ചേരിമെട്ട ടാങ്ക് മുതൽ കുളം ബസാർ വരെ പൈപ്പ് മാറ്റി  സ്ഥാപിക്കുന്ന പ്രവൃത്തി നടക്കുന്നതിനാൽ മെയ് ഒന്ന് മുതൽ മൂന്ന് വരെ കുടിവെള്ള വിതരണം പൂർണ്ണമായും തടസ്സപ്പെടും. ഉപഭോക്താക്കൾ വേണ്ട മുൻ കരുതലുകൾ സ്വീകരിക്കണമെന്ന് വാട്ടർ അതോറിറ്റി പെരളശ്ശേരി സബ് ഡിവിഷൻ അസിസ്റ്റന്റ് എക്സിക്യുട്ടീവ് എഞ്ചിനീയർ അറിയിച്ചു.

മൂടാടി ഗ്രാമപഞ്ചായത്തില്‍ ഹീറ്റ് ആക്ഷന്‍ പ്ലാന്‍ ക്ലിനിക്ക് ആരംഭിക്കും