മേയ് നാലിന്റെ  നിയമസഭാ തിരഞ്ഞെടുപ്പ് വോട്ടെണ്ണൽ നടപടികൾക്കായി ആലപ്പുഴ ജില്ലയിൽ നിയോഗിക്കപ്പെട്ട ഉദ്യോഗസ്ഥർക്കുള്ള ഒന്നാം ഘട്ട പരിശീലനം ലിയോ തേർട്ടീൻത് ഹയർ സെക്കൻഡറി സ്കൂൾ ഓഡിറ്റോറിയത്തിൽ ആരംഭിച്ചു. ജില്ലയിൽ 800  ഓളം ഉദ്യോഗസ്ഥരെയാണ് 
 കൗണ്ടിംഗ് ജോലികൾക്കായി നിയോഗിച്ചിരിക്കുന്നത്. ഇവർക്കുള്ള പരിശീലനമാണ് രണ്ട് ദിവസങ്ങളിലായി നാല് സെഷനുകളിൽ നടക്കുക.

ജില്ലാ കുടുംബശ്രീ  മിഷന്റെ  നേതൃത്വത്തിൽ ദേശീയ ഗ്രാമീണ ഉപജീവന മിഷന്റെ ഭാഗമായി ജില്ലയിലെ സി.ഡി.എസുകളിൽ പോഷൻ പക്വാഡ ക്യാമ്പയിൻ സംഘടിപ്പിച്ചു.  പോഷകാഹാരങ്ങളുടെ പ്രാധാന്യം ജനങ്ങളിലേക്ക് എത്തിക്കുകയെന്ന ലക്ഷ്യത്തോടെ വിവിധ ബോധവത്ക്കരണ പ്രവർത്തനങ്ങൾ ക്യാമ്പയിനിന്റെ ഭാഗമായി നടന്നു.

പട്ടികജാതി പട്ടികവർഗ ഉന്നതികളിൽ വായനശാലകൾ ആരംഭിക്കുകയെന്ന ലക്ഷ്യത്തോടുകൂടി ആരംഭിച്ച അക്ഷരോന്നതി പദ്ധതിയുടെ ഭാഗമായി സാക്ഷരതമിഷൻ തുല്യതാ പഠിതാക്കൾ വഴി ശേഖരിച്ച 2000 ലൈബ്രറി പുസ്തകങ്ങൾ കൈമാറി.  കളക്ടറേറ്റ് കോൺഫറൻസ് ഹാളിൽ  സാക്ഷരതാ മിഷൻ ജില്ലാ  കോർഡിനേറ്റർ പ്രശാന്ത് കുമാറിൽ നിന്ന് ജില്ലാ കളക്ടർ ഡി. ആർ മേഘശ്രീ പുസ്തകങ്ങൾ ഏറ്റുവാങ്ങി. പത്താംതരം, ഹയർ സെക്കൻഡറി തുല്യതാ പഠിതാക്കളാണ് വീടുകളിൽ വായിച്ച് ഉപേക്ഷിച്ച ലൈബ്രറി പുസ്തകങ്ങൾ ശേഖരിച്ച് ജില്ലാ സാക്ഷരതാമിഷനിൽ എത്തിച്ചത്.

റോഡിന്റെ ഇടതുവശം ചേര്‍ന്ന് വാഹനമോടിക്കുക. മറ്റു വാഹനങ്ങളെ മറികടക്കുമ്പോള്‍ അവയുടെ വലതുവശത്തുകൂടി മാത്രം ചെയ്യുക. ഇന്‍ഡിക്കേറ്റര്‍ അനാവശ്യമായി ഓണ്‍ ചെയ്തു വാഹനം ഓടിക്കരുത്. വാഹനം വശങ്ങളിലേക്ക് തിരിക്കുന്നതിനോ, മറ്റു വാഹനങ്ങളെ മറികടക്കുന്നതിനോ നിര്‍ത്തുന്നതിനോ അല്‍പം മുമ്പേ തന്നെ സിഗ്‌നല്‍ നല്‍കുക. പിറകില്‍ വരുന്ന വാഹനങ്ങളും എതിരെ നിന്നു വരുന്ന വാഹനങ്ങളും ശ്രദ്ധിച്ച് അപകടമുണ്ടാവില്ലെന്നുറപ്പാക്കിയ ശേഷം മാത്രം വശങ്ങളിലേക്ക് തിരിയുകയോ ഓവര്‍ടേക്ക് ചെയ്യുകയോ നിര്‍ത്തുകയോ ചെയ്യുക.

ഈ വര്‍ഷം ഇതുവരെ ജില്ലയിൽ 343 റോഡപകടങ്ങള്‍ സംഭവിച്ചു. 25 പേര്‍ മരണപ്പെട്ടു. 290 പേര്‍ക്ക് ഗുരുതര പരിക്കേല്‍ക്കുകയും 108 പേര്‍ക്ക് നിസാര പരിക്കേല്‍ക്കുകയും ചെയ്തു. വാഹനപകടങ്ങള്‍ കുറക്കുന്നതിന് അതീവ ജാഗ്രത വേണമെന്നും അവധിക്കാല വിനോദ യാത്രകളും, മറ്റു യാത്രകളും ഏറെയുള്ള സമയമായതിനാല്‍ ഡ്രൈവര്‍മാര്‍ നന്നായി ശ്രദ്ധിക്കണമെന്നും പൊലീസ് അധികൃതർ അറിയിച്ചു.

മെയ് നാലിന് നടക്കുന്ന വോട്ടെണ്ണലിനു മുന്നോടിയായി കൗണ്ടിങ് സൂപ്പർവൈസർമാർ,കൗണ്ടിങ് അസ്സിസ്റ്റന്റുമാർ, മൈക്രോ ഒബ്സർവർമാർ എന്നിവർക്കായി നാളെ (വ്യാഴം) മലപ്പുറം കളക്റ്ററേറ്റ് കോൺഫറൻസ് ഹാളിൽ നടത്താനിരുന്ന പരിശീലനം തദ്ദേശ സ്വയം ഭരണ വകുപ്പ് ജോയിന്റ് ഡയറക്ടറുടെ കാര്യാലയത്തിലെ കോൺഫറൻസ് ഹാളിലേക്ക് മാറ്റി. മറ്റു മൂന്നു വേദികളിലെ പരിശീലനത്തിന് മാറ്റമില്ല.

പാലക്കാട് വ്യാവസായിക ട്രൈബ്യൂണലും ഇൻഷൂറൻസ് കോടതി ജഡ്‌ജിയും എംപ്ലോയീസ് കോമ്പൻസേഷൻ കമ്മീഷണറുമായ  സാബു സെബാസ്റ്റ്യൻ മേയ്  4, 5, 11, 12, 18, 19, 25, 26 തീയതികളിൽ പാലക്കാട് റവന്യൂ ഡിവിഷണൽ മജിസ്ട്രേറ്റ് കോടതി ഹാളിലും 7, 15 എന്നീ തീയതികളിൽ പെരിന്തൽമണ്ണ സബ്ബ് ഡിവിഷണൽ മജിസ്ട്രേറ്റ് കോടതി ഹാളിലും 22, 29 എന്നീ തീയതികളിൽ മഞ്ചേരി മാധവൻ നായർ സ്‌മാരക മന്ദിരം, പഴയ മുൻസിപ്പൽ ഓഫീസ് ഹാളിലും തൊഴിൽ തർക്ക കേസ്സുകളും ഇൻഷൂറൻസ് കേസുകളും എംപ്ലോയീസ് കോമ്പൻസേഷൻ കേസുകളും വിചാരണ ചെയ്യും.

മുള്ളമ്പാറ - കോണിക്കല്ല് - ഇരുമ്പുഴി റോഡിൽ ഡബ്ല്യൂ.എം.എം  പ്രവൃത്തി ആരംഭിച്ചതിനാൽ  പ്രവൃത്തി പൂർത്തീകരിക്കുന്നതു വരെ  വാഹന ഗതാഗതം പൂർണ്ണമായും നിരോധിച്ചു. വാഹനങ്ങൾ വാക്കേതൊടി പാണായി റോഡ്, കോണിക്കല്ല് - വളവിൽ റോഡ്, വട്ടപ്പൊന്ത ഉള്ളാടൻകുന്ന് റോഡ്, മഞ്ചേരി മുള്ളമ്പാറ പൂക്കോട്ടൂർ റോഡ്, വാക്കേതൊടി - ഏലായിമുക്ക് വരിയാൽ എന്നീ റോഡുകൾ ഉപയോഗിക്കണം.

വാഹനാപകടങ്ങള്‍ കുറയ്ക്കാൻ ലക്ഷ്യമിട്ട് ശുഭയാത്രാ സുരക്ഷിത യാത്ര പദ്ധതിയുമായി ജില്ലാ ജനമൈത്രി പൊലീസ്. ജില്ലയിലെ വിവിധ ഭാഗങ്ങളിൽ ഡ്രൈവര്‍മാര്‍ക്കായി പൊലീസ് നടത്തുന്ന ബോധവത്കരണ പരിപാടികൾ കൂടുതൽ ഊർജിതമാക്കി. മധ്യവേനലവധിക്കാലത്ത് നിരത്തുകളില്‍ തിരക്കേറുന്നതിനാൽ റോഡപകടങ്ങള്‍ കുറയ്ക്കുന്നതിനായാണ് പൊലീസിന്റെ ബോധവത്കരണം. റോഡുകളിൽ വാഹന പരിശോധനയ്ക്കൊപ്പം ബൈക്ക്, ഓട്ടോ, ബസ്, മറ്റു ഹെവി വാഹനങ്ങള്‍ എന്നിവയുടെ ഡ്രൈവര്‍മാർക്കും കാല്‍നടയാത്രക്കാർക്കും പൊതുജനങ്ങൾക്കും ട്രാഫിക് നിയമങ്ങളെക്കുറിച്ചും ഡിഫന്‍സീവ് ഡ്രൈവിങ് രീതികളെക്കുറിച്ചും കൃത്യമായ ബോധവല്‍ക്കരണം നൽകുന്നുണ്ട്.

പൊന്നാനി ഫിഷറീസ് സ്റ്റേഷനിൽ 2026ലെ ട്രോളിങ് നിരോധന കാലയളവിൽ കടല്‍ പട്രോളിംങ് /രക്ഷാപ്രവര്‍ത്തനം എന്നിവയ്ക്കായി രണ്ട് ബോട്ടുകള്‍ വാടകയ്ക്ക് എടുക്കുന്നതിന് ക്വട്ടേഷന്‍ ക്ഷണിച്ചു. ക്വട്ടേഷനുകള്‍ മെയ് 12ന് ഉച്ചയ്ക്ക് രണ്ടിനകം ഫിഷറീസ് അസിസ്റ്റന്റ് ഡയറക്ടര്‍,ഫിഷറീസ് സ്റ്റേഷന്‍ പൊന്നാനി എന്ന വിലാസത്തില്‍ അയക്കണം.ഫോണ്‍- 0494-2667428.