തിരുവനന്തപുരം: പാലക്കാട് മരണമടഞ്ഞയാളുടെ മകന് പ്രാഥമിക പരിശോധനയില്‍ നിപ സംശയിച്ചതോടെ റൂട്ട് മാപ്പ് തയ്യാറാക്കി പ്രതിരോധ പ്രവര്‍ത്തനങ്ങള്‍ ശക്തമാക്കിയതായി ആരോഗ്യവകുപ്പ് മന്ത്രി വീണാ ജോര്‍ജ്. മഞ്ചേരി മെഡിക്കല്‍ കോളേജില്‍ നടത്തിയ പ്രാഥമിക പരിശോധനയിലാണ് നിപ സംശയിച്ചത്. തുടര്‍ പരിശോധന നടത്തും. സമ്പര്‍ക്ക പട്ടികയിലുള്ള ഇദ്ദേഹം ഐസൊലേഷനില്‍ ആയിരുന്നു. ഇദ്ദേഹത്തിന്റെ ഫാമിലി ട്രീയും തയ്യാറാക്കി. കുടുംബത്തിന് മാനസിക പിന്തുണ ഉറപ്പാക്കും. ആവശ്യമായ എല്ലാവര്‍ക്കും മാനസിക പിന്തുണ ഉറപ്പാക്കാന്‍ മന്ത്രി നിര്‍ദേശം നല്‍കി.

എംപിഎല്‍എഡിഎസ് പദ്ധതി പ്രകാരം പി സന്തോഷ് കുമാര്‍ എം പിയുടെ 2025-26 വര്‍ഷത്തെ പ്രാദേശിക വികസന നിധിയില്‍ നിന്നും പേരാവൂര്‍ ഗ്രാമപഞ്ചായത്ത് വാര്‍ഡ് 13 ല്‍ ഒരു ഇലക്ട്രോണിക് വീല്‍ചെയര്‍, കണ്ണൂര്‍ കോര്‍പ്പറേഷന്‍ വാര്‍ഡ് 36 ല്‍ ഒരു സ്‌കൂട്ടര്‍ വിത്ത് സൈഡ് വീല്‍ നല്‍കുന്നതിന് 40 ശതമാനമോ അതില്‍ കൂടുതലോ വൈകല്യമുള്ള ഭിന്നശേഷിക്കാരില്‍ നിന്നും അപേക്ഷ ക്ഷണിച്ചു.

അരീക്കോട് ഗവ. ഐ.ടി.ഐ ഐ.എം.സി യ്ക്ക് കീഴില്‍ നടത്തുന്ന ' ഓയില്‍ ആന്‍ഡ് ഗ്യാസ് ടെക്‌നോളജി കോഴ്‌സിലേയ്ക്ക് പ്രവേശനം  ആരംഭിച്ചു. യോഗ്യത- എസ് എസ് എല്‍സി /പ്ലസ്ടു /ഡിപ്ലോമ ഡിഗ്രി .ഫോണ്‍ 7902559649, 9526415698.

ഉന്നത വിദ്യാഭ്യാസ വകുപ്പിന് കീഴിലെ അസാപ് കേരളയുടെ തവനൂര്‍ കമ്യൂണിറ്റി സ്‌കില്‍ പാര്‍ക്കില്‍ ഇലക്ട്രിക് വെഹിക്കിള്‍ സര്‍വീസ് ടെക്‌നീഷ്യന്‍ കോഴ്സിലേക്ക് അപേക്ഷ ക്ഷണിച്ചു. 100% പ്ലേസ്‌മെന്റ് സപ്പോര്‍ട്ട് നല്‍കുന്ന ഈ സ്‌കില്‍ കോഴ്‌സില്‍ പ്ലസ് ടു/ ഐ.ടി.ഐ/ ഡിപ്ലോമ യോഗ്യതയുള്ള ഉദ്യോഗാര്‍ത്ഥികള്‍ക്ക് അപേക്ഷിക്കാം. ഫോണ്‍: 9495999658, 9072370755. രജിസ്‌ട്രേഷന്‍ ലിങ്ക്: https://forms.gle/8EVX4SvCL7jdvPh79.

സമഗ്ര ശിക്ഷാ കേരളം കണ്ണൂര്‍ തലശ്ശേരി സൗത്ത് ബി.ആര്‍ സിയുടെ നേതൃത്വത്തില്‍ നടത്തിയ തലശ്ശേരിയിലെ പ്രാദേശിക ഭാഷാപ്രയോഗങ്ങളെക്കുറിച്ചുള്ള പഠനം പുസ്തകമാകുന്നു. പ്രോജക്ടിന്റെ  ഭാഗമായി വിദ്യാര്‍ഥികള്‍ തയാറാക്കിയ ലഘു ഗവേഷണ ഗ്രന്ഥം 'ഒപ്പരം' അഥവാ ഒന്നിച്ചുള്ള ഗവേഷണം  ജൂലൈ 16 ന് തലശ്ശേരി മുനിസിപ്പല്‍ ഹാളില്‍ സാഹിത്യകാരന്‍ എം.മുകുന്ദന്‍ 'പ്രകാശനം ചെയ്യും. കുട്ടികള്‍ സയന്‍സ് സ്ലാം മാതൃകയില്‍ പുസ്തക പരിചയം വേദിയില്‍ നടത്തും. പ്രോജക്ടിന്റെ ഭാഗമായ വിദ്യാര്‍ത്ഥികള്‍ അധ്യാപകര്‍, വിദ്യാഭ്യാസ ഓഫീസര്‍മാര്‍ പങ്കെടുക്കും. ഗവ: ബ്രണ്ണന്‍ കോളേജിലെ മലയാള വിഭാഗമാണ് പ്രോജക്ട് പങ്കാളി.

കേരള നിയമസഭയുടെ പ്രവാസി മലയാളികളുടെ ക്ഷേമം സംബന്ധിച്ച സമിതിയുടെ സിറ്റിങ് ഇന്ന് (ജൂലൈ 17, വ്യാഴം) രാവിലെ 10.30-ന് മലപ്പുറം കളക്ട്രേറ്റ് കോൺഫറൻസ് ഹാളിൽ നടക്കും.  പ്രവാസി മലയാളികൾ നേരിടുന്ന വിവിധ പ്രശ്നങ്ങൾ സംബന്ധിച്ച് പ്രവാസി മലയാളി സംഘടനാ പ്രതിനിധികളുമായും വ്യക്തികളുമായും ജില്ലാതല ഉദ്യോഗസ്ഥരുമായും സമിതി ചർച്ച നടത്തി പരാതികൾ സ്വീകരിക്കും. കൂടാതെ കേരളീയ പ്രവാസികാര്യ വകുപ്പ്, കേരള പ്രവാസി വെൽഫെയർ ബോർഡ്, നോർക്ക റൂട്ട്സ് എന്നിവ മുഖേന ജില്ലയിൽ നടപ്പാക്കുന്ന വിവിധ പദ്ധതികൾ യോഗത്തിൽ അവലോകനം ചെയ്യും.

മലപ്പുറം ജില്ലാ എംപ്ലോയ്‌മെന്റ് എക്‌സ്‌ചേഞ്ച് എംപ്ലോയബിലിറ്റി സെന്ററിന്റെ ആഭിമുഖ്യത്തില്‍ സംഘടിപ്പിക്കുന്ന ജോബ് ഫെയര്‍ ജൂലൈ 19 ന് രാവിലെ 10.30 മുതല്‍ 1.30 വരെ മലപ്പുറം എംപ്ലോയബിലിറ്റി സെന്ററില്‍ നടക്കും. നാല് പ്രമുഖ സ്ഥാപനങ്ങളിലേക്കായി നടക്കുന്ന ജോബ് ഫെയറില്‍ നിരവധി തസ്തികകളുടെ ഒഴിവുകളാണ് റിപ്പോര്‍ട്ട് ചെയ്തിട്ടുള്ളത്. എസ്.എസ്.എല്‍.സി, പ്ലസ് ടു, ഡിഗ്രി, ഡിപ്ലോമ, പി.ജി, ഐ.ടി.ഐ, എം.ബി.എ എന്നീ യോഗ്യതയുള്ളവര്‍ക്ക് പങ്കെടുക്കാം. സ്‌പോര്‍ട്ട് രജിസ്‌ട്രേഷന്‍ സൗകര്യം ഉണ്ടായിരിക്കും. ഫോണ്‍: 8078428570.

കേരളത്തിലെ പൊതുമേഖല വ്യവസായ സ്ഥാപനങ്ങളെ ആസ്പദമാക്കിയുള്ള മികച്ച മാധ്യമ റിപ്പോര്‍ട്ടിനുള്ള അവാര്‍ഡിന് എന്‍ട്രികള്‍ ക്ഷണിച്ചു സംസ്ഥാന വ്യവസായ-വാണിജ്യ വകുപ്പാണ് പുരസ്‌കാരം നല്‍കുന്നത്. അച്ചടി, ദൃശ്യമാധ്യമങ്ങള്‍ക്ക് പ്രത്യേകമായാണ് പുരസ്‌കാരം നല്‍കുക. ഒന്നാം സമ്മാനം 50,000 രൂപയും ശില്പവും പ്രശസ്തിപത്രവും രണ്ടാം സമ്മാനം 25000 രൂപയും ശില്‍പ്പവും  പ്രശസ്തി പത്രവുമാണ് പുരസ്‌കാരം.

ആനമങ്ങാട് ഖാദി നെയ്ത്തുകേന്ദ്രത്തില്‍ നെയ്ത്ത് തൊഴിലാളികളായി ജോലി ചെയ്യാന്‍ താല്പര്യമുള്ളവരില്‍ നിന്ന് അപേക്ഷ ക്ഷണിച്ചു. അപേക്ഷകര്‍  18നും 40ഉം ഇടയില്‍ പ്രായമുള്ളവരായിരിക്കണം. മുന്‍ പരിചയമുള്ളവര്‍ക്കും സ്ത്രീകള്‍ക്കും പ്രദേശവാസികള്‍ക്കും മുന്‍ഗണന. പരിശീലനം നേടിയ തൊഴിലാളികള്‍ക്ക് കൂലിയോടൊപ്പം ക്ഷേമനിധി, ഇ.എസ്.ഐ ആനുകൂല്യങ്ങളും ഇന്‍സെന്റീവും  ലഭിക്കും. താല്പര്യമുള്ളവര്‍ വെള്ളക്കടലാസില്‍ വ്യക്തിഗത വിവരങ്ങള്‍ രേഖപ്പെടുത്തി ജൂലൈ 22 ന് രാവിലെ 11ന് ആനമങ്ങാട് ഖാദി നെയ്തു കേന്ദ്രത്തില്‍ നടക്കുന്ന അഭിമുഖത്തില്‍ പങ്കെടുക്കണം. ഫോണ്‍:9495408275.

കണ്ണൂര്‍, വയനാട് ജില്ലകളുടെ ദുരന്ത നിവാരണ, പ്രതിരോധ പ്രവര്‍ത്തനങ്ങള്‍ ദേശീയ ദുരന്ത നിവാരണ ഏജന്‍സി പ്രതിനിധികള്‍ വിലയിരുത്തി. കണ്ണൂര്‍ കലക്ടറേറ്റ് കോണ്‍ഫറന്‍സ് ഹാളില്‍ ചേര്‍ന്ന യോഗത്തില്‍ ദേശീയ ദുരന്ത നിവാരണ ഏജന്‍സി ഡെപ്യൂട്ടി സെക്രട്ടറി രാഖീ സദ്ധു, ഡ്യൂട്ടി ഓഫീസര്‍ രജത് മല്‍ഹോത്ര, സീനിയര്‍ കണ്‍സള്‍ട്ടന്റ് സി.ജെ സത്യകുമാര്‍ എന്നിവരുടെ നേതൃത്വത്തിലാണ് പ്രവര്‍ത്തനങ്ങള്‍ വിലയിരുത്തിയത്.