വാഹനാപകടങ്ങള്‍ കുറയ്ക്കാൻ ലക്ഷ്യമിട്ട് ശുഭയാത്രാ സുരക്ഷിത യാത്ര പദ്ധതിയുമായി ജില്ലാ ജനമൈത്രി പൊലീസ്. ജില്ലയിലെ വിവിധ ഭാഗങ്ങളിൽ ഡ്രൈവര്‍മാര്‍ക്കായി പൊലീസ് നടത്തുന്ന ബോധവത്കരണ പരിപാടികൾ കൂടുതൽ ഊർജിതമാക്കി. മധ്യവേനലവധിക്കാലത്ത് നിരത്തുകളില്‍ തിരക്കേറുന്നതിനാൽ റോഡപകടങ്ങള്‍ കുറയ്ക്കുന്നതിനായാണ് പൊലീസിന്റെ ബോധവത്കരണം. റോഡുകളിൽ വാഹന പരിശോധനയ്ക്കൊപ്പം ബൈക്ക്, ഓട്ടോ, ബസ്, മറ്റു ഹെവി വാഹനങ്ങള്‍ എന്നിവയുടെ ഡ്രൈവര്‍മാർക്കും കാല്‍നടയാത്രക്കാർക്കും പൊതുജനങ്ങൾക്കും ട്രാഫിക് നിയമങ്ങളെക്കുറിച്ചും ഡിഫന്‍സീവ് ഡ്രൈവിങ് രീതികളെക്കുറിച്ചും കൃത്യമായ ബോധവല്‍ക്കരണം നൽകുന്നുണ്ട്.

പൊന്നാനി ഫിഷറീസ് സ്റ്റേഷനിൽ 2026ലെ ട്രോളിങ് നിരോധന കാലയളവിൽ കടല്‍ പട്രോളിംങ് /രക്ഷാപ്രവര്‍ത്തനം എന്നിവയ്ക്കായി രണ്ട് ബോട്ടുകള്‍ വാടകയ്ക്ക് എടുക്കുന്നതിന് ക്വട്ടേഷന്‍ ക്ഷണിച്ചു. ക്വട്ടേഷനുകള്‍ മെയ് 12ന് ഉച്ചയ്ക്ക് രണ്ടിനകം ഫിഷറീസ് അസിസ്റ്റന്റ് ഡയറക്ടര്‍,ഫിഷറീസ് സ്റ്റേഷന്‍ പൊന്നാനി എന്ന വിലാസത്തില്‍ അയക്കണം.ഫോണ്‍- 0494-2667428.

നിയമസഭാ തെരഞ്ഞടുപ്പിന്റെ വോട്ടെണ്ണലുമായി ബന്ധപ്പെട്ട് നിയോഗിക്കപ്പെട്ട കൗണ്ടിങ് സൂപ്പര്‍വൈസര്‍മാര്‍, കൗണ്ടിങ് അസിസ്റ്റന്റുമാര്‍ എന്നിവരുടെ ആദ്യഘട്ട പരിശീലനം ആരംഭിച്ചു. കളക്ടറേറ്റ് കോണ്‍ ഫ്രൻസ് ഹാള്‍, ആസൂത്രണ സമിതിയിലെ രണ്ട് കോണ്‍ഫ്രന്‍സ് ഹാളുകള്‍, ജില്ലാ പഞ്ചായത്ത് കോണ്‍ഫ്രന്‍സ് ഹാള്‍ എന്നിങ്ങനെ നാലിടങ്ങളിലാണ് പരിശീലനം നടന്നത്. രാവിലെയും ഉച്ചയ്ക്ക് ശേഷവുമായി 800 ഉദ്യോഗസ്ഥര്‍ പരിശീലനത്തില്‍ പങ്കെടുത്തു.

നിയമസഭാ തെരഞ്ഞെടുപ്പ് വോട്ടെണ്ണലിനായി ഉദ്യോഗസ്ഥർക്കുള്ള പരിശീലനം ആരംഭിച്ചു. കളക്ടറേറ്റ് ആസൂത്രണഭവൻ എ.പി.ജെ ഹാളിൽ ജില്ലാ കളക്ടർ ഡി.ആർ മേഘശ്രീ ഉദ്ഘാടനം ചെയ്തു. ജില്ലാതല മാസ്റ്റർ ട്രെയിനർമാർ, മണ്ഡലതല ട്രെയിനർമാർ, റിട്ടേണിങ് ഓഫീസർമാരുടെ സ്റ്റാഫ് എന്നിവർക്കായാണ് പരിശീലനം സംഘടിപ്പിച്ചത്. ജില്ലയിൽ മൂന്ന് കേന്ദ്രങ്ങളിലാണ് വോട്ടെണ്ണൽ നടക്കുക. കൽപറ്റ നിയമസഭ മണ്ഡലത്തിൽ എസ് കെ എം ജെ ഹൈസ്കൂളിലും സുൽത്താൻ ബത്തേരിയിൽ വോട്ടെണ്ണൽ സെന്റ് മേരീസ് കോളേജിലും മാനന്തവാടി നിയമസഭമണ്ഡലത്തിലേത് സെന്റ് പാട്രിക് സ്കൂളിലും വോട്ടെണ്ണൽ നടക്കും.

മുണ്ടത്തിക്കോട് വെടിക്കെട്ട് പുര സ്ഫോടനത്തിന്റെ അന്വേഷണത്തിന് സർക്കാർ നിയമിച്ച ജുഡീഷ്യല്‍ അന്വേഷണ കമ്മീഷന്‍ ജസ്റ്റിസ് സി.എന്‍ രാമചന്ദ്രന്‍ നായര്‍ ജില്ലയിലെത്തി. അപകടത്തില്‍ ചികിത്സയില്‍ കഴിയുന്നവരെയും മുണ്ടത്തിക്കോട് വെടിക്കെട്ട് പുര സ്ഫോടന സ്ഥലവും സന്ദര്‍ശിച്ചു.

നിയമസഭാ തെരഞ്ഞെടുപ്പിന്റെ വോട്ടെണ്ണല്‍ നടപടികള്‍ക്കായി നിയോഗിക്കപ്പെട്ട ഉദ്യോഗസ്ഥര്‍ക്ക് ഒന്നാംഘട്ട പരിശീലനം നല്‍കി.  കലക്ടറേറ്റില്‍ സജ്ജീകരിച്ച നാല് സെന്‍ററുകളിലായിരുന്നു പരിശീലനം.
 

പട്ടിക പട്ടികവർഗ്ഗ വികസന വകുപ്പിൻ്റെ നിയന്ത്രണത്തിൽ പ്രവർത്തിക്കുന്ന ചാലക്കുടി മോഡൽ റെസിഡൻഷ്യൽ സ്കൂളിൽ 2026-27 അധ്യയന വർഷത്തിൽ വിവിധ ക്ലാസുകളിലേക്കുള്ള ഒഴിവുകളിൽ പ്രവേശന പരീക്ഷ നടത്തുന്നു. മെയ് 12  ന് രാവിലെ 11 മണിക്ക് ചാലക്കുടി മോഡൽ റെസിഡൻഷ്യൽ സ്കൂളിലാണ് പരീക്ഷ നടത്തുക. കുടുംബ വാർഷിക വരുമാനം രണ്ട് ലക്ഷം രൂപയോ അതിൽ കുറവുള്ളതോ ആയ വിദ്യാർത്ഥിനികൾക്ക് പരീക്ഷ എഴുതുവാൻ നേരിട്ട് എത്താവുന്നതാണ്. ജാതി, വരുമാന സർട്ടിഫിക്കറ്റ്, ആധാർ കാർഡ് എന്നിവയുടെ പകർപ്പും കൊണ്ടുവരണം. ഏഴാം ക്ലാസ്സിലേക്ക് 3 ഒഴിവുകളും, പത്താം ക്ലാസിലേക്ക് 2 ഒഴിവുകളും പ്ലസ് ടു-വിലേക്ക് 6 ഒഴിവും (എസ്. ടി - 5, ജനറൽ- 1)ഉണ്ട്.

*

സംസ്ഥാന വിനോദസഞ്ചാരവകുപ്പിന് കീഴിൽ പ്രവർത്തിക്കുന്ന പൂത്തോളിലെ ഫുഡ് ക്രാഫ്റ്റ് ഇൻസ്റ്റിറ്റ്യൂട്ട് വീട്ടമ്മമാർക്കും സ്വയം തൊഴിൽ അന്വേഷിക്കുന്നവർക്കുമായി ഹ്രസ്വകാല പരിശീലന കോഴ്‌സുകൾ ആരംഭിക്കുന്നു.
മെയ് മാസത്തിലാണ് പരിശീലനം നടക്കുക. ബേക്കറി ആൻഡ് കൺഫക്ഷണറി, കുക്കറി, ഫുഡ് പ്രിസർവേഷൻ, കറി പൗഡർ / മസാല നിർമ്മാണം തുടങ്ങിയ വിഷയങ്ങളിൽ അഞ്ച് ദിവസം വീതമാണ് ക്ലാസുകൾ സംഘടിപ്പിക്കുന്നത്.
കൂടുതൽ വിവരങ്ങൾക്ക് ഫോൺ: 0487 2384253, 9447610223

ജില്ലാ ഭരണകൂടത്തിന്റെ നേതൃത്വത്തിൽ വിദ്യാർത്ഥികൾക്ക് ഒരുക്കിയ “മുഖാമുഖം – മീറ്റ് യുവർ കളക്ടർ 2.0” പരിപാടി വീണ്ടും ഒരു മനോഹരമായ അനുഭവത്തിന് വേദിയായി. ജില്ലയിലെ ഫൺ ഇംഗ്ലീഷ് എന്ന സ്ഥാപനത്തിലെ അധ്യാപകരും വിദ്യാർത്ഥികളും ജില്ലാ കളക്ടറെ കാണാൻ എത്തിയപ്പോൾ, അത് ഒരു അസാധാരണ സന്ദർശനവും സൃഷ്ടിപരമായ  ആഘോഷവുമായി മാറി.