പ്രീമിയം അടച്ച് ആരോഗ്യ ഇൻഷുറൻസ് എടുത്തയാളുടെ പോളിസി നിരസിച്ചിട്ടും പണം മടക്കിനൽകുന്നതിൽ വീഴ്ച വരുത്തിയ ഇൻഷുറൻസിനോടു പ്രീമിയം തുക പലിശ സഹിതം തിരിച്ചുനൽകാനും നഷ്ടപരിഹാരത്തിനും ഉത്തരവിട്ട് ജില്ലാ ഉപഭോക്തൃ തർക്കപരിഹാര കമ്മിഷൻ.

നാട്ടില്‍തിരിച്ചെത്തിയ പ്രവാസികൾക്കായി (വാര്‍ഷിക വരുമാനം ഒന്നരലക്ഷം രൂപയില്‍ താഴെ) സംസ്ഥാന സര്‍ക്കാര്‍ നോര്‍ക്ക റൂട്ട്‌സ് വഴി നടപ്പിലാക്കിവരുന്ന സാന്ത്വന ധനസഹായപദ്ധതിയുടെ അദാലത്ത് ജൂലൈ 26 ന് എറണാകുളത്ത്. എം.ജി.റോഡ്, മെട്രോസ്റ്റേഷന്‍ കൊമേഴ്ഷ്യല്‍ ബില്‍ഡിംഗിലെ ആറാം നിലയില്‍ പ്രവര്‍ത്തിക്കുന്ന നോര്‍ക്ക റൂട്ട്സ് സര്‍ട്ടിഫിക്കറ്റ് ഓതന്റിക്കേഷന്‍ സെന്ററില്‍ രാവിലെ 10 മുതല്‍ വൈകിട്ട് 3 വരെ നടക്കുന്ന അദാലത്തില്‍ മുന്‍കൂട്ടി രജിസ്റ്റര്‍ ചെയ്യുന്നവര്‍ക്ക് മാത്രമായിരിക്കും പ്രവേശനം. താല്പര്യമുളളവര്‍ www.norkaroots.org വെബ്ബ്സൈറ്റ് സന്ദര്‍ശിച്ച് ജൂലൈ 24 ന് മുൻപായി അപേക്ഷ നല്‍കേണ്ടതാണ്.

 കേന്ദ്രസർക്കാർ  നടപ്പാക്കുന്ന എംപ്ലോയ്മെന്റ് ലിങ്ക്ഡ് ഇൻസെന്റീവ് പദ്ധതിയുമായി ബന്ധപ്പെട്ട സംശയനിവാരണത്തിന് എംപ്ലോയീസ് പി.എഫ.് ഓർഗനൈസേഷൻ (ഇ.പി.എഫ്.ഒ)കോട്ടയം സഹായ സെൽ രൂപീകരിച്ചു. നിർമാണ മേഖലയ്ക്ക് പ്രത്യേക പ്രാധാന്യം നൽകി രാജ്യവ്യാപകമായി വലിയതോതിൽ തൊഴിൽ സൃഷ്ടിക്കുകയാണ് പദ്ധതിയുടെ ലക്ഷ്യം. സംശയനിവാരണത്തിനും സഹായത്തിനും ro.kottayam@epfindia.gov.in എന്ന ഇ-മെയിൽ ഐഡിയിൽ ബന്ധപ്പെടുക.

ജില്ലാ എംപ്ലോയ്മെന്റ് എക്സ്ചേഞ്ചിൽ പ്രവർത്തിക്കുന്ന എംപ്ലോയബിലിറ്റി സെന്റർ വ്യാഴാഴ്ച (ജൂലൈ 17 )രജിസ്ട്രേഷൻ ക്യാമ്പ് നടത്തും. 300 രൂപ ഒറ്റത്തവണ ഫീസടച്ച് എംപ്ലോയബിലിറ്റി സെന്ററിൽ രജിസ്റ്റർ ചെയ്യുന്ന ഉദ്യോഗാർഥികൾക്ക് ക്യാമ്പിൽ പങ്കെടുക്കാം. വിവിധ സോഫ്റ്റ് സ്‌കില്ലുകളിലും കമ്പ്യൂട്ടറിലും പരിശീലനം നൽകും. കൂടാതെ എല്ലാ മാസവും നടക്കുന്ന തൊഴിൽമേളകളിലും പങ്കെടുക്കാൻ അവസരം ലഭിക്കും. വിശദവിവരത്തിന് www.employabilitycentrekottayam എന്ന ഫേസ്ബുക് പേജ് സന്ദർശിക്കുക. ഫോൺ 0481-2563451 / 8138908657 .

വേദിയിൽ ആടിത്തിമിർക്കുന്ന നർത്തകി കാഴ്ചക്കാരായ കുട്ടികളെ തന്റെ ഒപ്പം നൃത്തം ചെയ്യാൻ ക്ഷണിക്കുമ്പോൾ കുഞ്ഞു മുഖങ്ങളിൽ കൗതുകവും ആവേശവും നിറഞ്ഞ ഭാവങ്ങൾ....

    പ്രമുഖ കൂച്ചിപ്പൂടി നർത്തകി ഡോ. സ്വാതി നാരായണൻ കഴിഞ്ഞ ജൂൺ 19 മുതൽ ജില്ലയിലെ വിവിധ സ്കൂളുകളിലും മറ്റ് വേദികളിലുമായി കലയുടെ വേറിട്ട ആവിഷ്കാരവുമായി നിറഞ്ഞാടുകയായിരുന്നു. 

 സ്റ്റേറ്റ് റിസോഴ്സ് സെന്റർ കേരളയുടെ നേതൃത്വത്തിലുള്ള എസ്.ആർ.സി  കമ്മ്യൂണിറ്റി കോളേജ് 2025 ജൂലൈ സെഷൻ ആരംഭിക്കുന്ന തൊഴിലധിഷ്ഠിതവും  അല്ലാത്തതുമായ വിവിധ പ്രോഗ്രാമുകളിലേക്ക് അപേക്ഷിക്കുന്നതിനുള്ള തീയതി ജൂലൈ 31 വരെ നീട്ടി. 18 വയസ്സിന് മുകളിൽ പ്രായമുള്ള നിശ്ചിത യോഗ്യതയുള്ള ആർക്കും അപേക്ഷിക്കാം. അപേക്ഷകൾ http://app.srcc.in/register എന്ന ലിങ്കിലൂടെ ഓൺലൈനായി നൽകാം.  വിശദവിവരങ്ങൾക്ക് ഫോൺ : 0471-2325101 /8281114464

 സ്‌കോൾ - കേരള വഴി തെരെഞ്ഞെടുക്കപ്പെട്ട സർക്കാർ/എയ്ഡഡ് ഹയർ സെക്കൻഡറി, വൊക്കേഷണൽ ഹയർ സെക്കൻഡറി സ്‌കൂളുകളിൽ സംഘടിപ്പിക്കുന്ന ഡിപ്ലോമ ഇൻ കമ്പ്യൂട്ടർ ആപ്ലിക്കേഷൻ (ഡി.സി.എ) കോഴ്സ് പതിനൊന്നാം ബാച്ചിന്റെ പ്രവേശനതീയതി നീട്ടി. പിഴ കൂടാതെ ഓഗസ്റ്റ് 14 വരെയും 60 രൂപ പിഴയോടെ ഓഗസ്റ്റ് 23 വരെയും പ്രവേശനം നേടാം. എട്ട്, ഒൻപത്,10 ബാച്ചുകളിൽ പ്രവേശനം നേടിയിട്ടുള്ള, പരീക്ഷാഫീസ് അടച്ചിട്ടില്ലാത്തതും പഠനം പൂർത്തിയാക്കാത്തതുമായ വിദ്യാർഥികൾക്കും പതിനൊന്നാം ബാച്ചിൽ പുനഃപ്രവേശനം നേടാം. ഫീസ് 500 രൂപ. ഫീസ് അടച്ചതിനു ശേഷം www.scolekerala.org എന്ന വെബ്സൈറ്റ് മുഖേന രജിസ്റ്റർ ചെയ്യണം. വിശദ വിവരങ്ങൾ വെബ്സൈറ്റിൽ ലഭ്യമാണ്.

തളിപ്പറമ്പ് താലൂക്കില്‍ ജൂലൈ 11 ന് രാവിലെ മുതല്‍ മൂന്ന് ദിവസത്തേക്ക് ഡ്രോണ്‍, ആളില്ലാത്ത വ്യോമ വാഹനങ്ങൾ  എന്നിവ ഉപയോഗിക്കുന്നത് നിരോധിച്ച് ജില്ലാ കലക്ടര്‍ അരുണ്‍ കെ വിജയന്‍ ഉത്തരവിട്ടു. കേന്ദ്ര ആഭ്യന്തരമന്ത്രി അമിത് ഷായുടെ തളിപ്പറമ്പ് രാജരാജേശ്വര ക്ഷേത്ര സന്ദര്‍ശനത്തിന്റെ പശ്ചാത്തലത്തിലാണ് നിരോധനം. ഭാരതീയ നാഗരിക് സുരക്ഷ സംഹിത 2023 പ്രകാരമാണ് ജില്ലാ കലക്ടറുടെ ഉത്തരവ്. പോലീസ്, പാരാമിലിറ്ററി, എയർഫോഴ്‌സ്‌, എസ് പി ജി തുടങ്ങിയവയ്ക്ക്  നിരോധനം ബാധകമല്ല.

സംസ്ഥാനത്തെ ജില്ലാപഞ്ചായത്ത് വാർഡ് വിഭജനത്തിന്റെ കരട് റിപ്പോർട്ട് ജൂലൈ 21 ന് പ്രസിദ്ധീകരിക്കുമെന്ന് ഡീലിമിറ്റേഷൻ കമ്മീഷൻ ചെയർമാൻ എ. ഷാജഹാൻ അറിയിച്ചു.

ജില്ലാ ആശുപത്രിയില്‍ ജില്ലാ മാനസികാരോഗ്യ പരിപാടിയുടെ ആവശ്യത്തിലേക്കായി ഏഴ് സീറ്റുള്ള വാഹനങ്ങള്‍ കരാറടിസ്ഥാനത്തില്‍ വാടകയ്ക്ക് നല്‍കുന്നതിന് കരാറുകാരില്‍ നിന്നും ഏജന്‍സികളില്‍ നിന്നും ടെണ്ടര്‍ ക്ഷണിച്ചു. ജൂലൈ 22 ന് ഉച്ചയ്ക്ക് 12 മണിവരെ അപേക്ഷിക്കാം. കൂടുതല്‍ വിവരങ്ങള്‍ ജില്ലാ ആശുപത്രിയിലെ ഡി എം എച്ച് പി ഓഫീസില്‍ ലഭിക്കും.