പാമ്പുകടിയേറ്റുള്ള അപകടങ്ങൾ കൂടുന്ന സാഹചര്യത്തിൽ കണ്ണൂർ ജില്ലയിൽ 18 ആശുപത്രികളിൽ പാമ്പുകടിയേറ്റാലുള്ള 
പ്രതിരോധ ആന്റിവെനം  ലഭ്യമാണെന്ന് ജില്ലാ മെഡിക്കൽ ഓഫീസർ (ആരോഗ്യം) ഇൻ-ചാർജ് ഡോ. കെ സി സച്ചിൻ അറിയിച്ചു. 

ആറ് സർക്കാർ ആശുപത്രികളിലും 12 സ്വകാര്യ ആശുപത്രികളിലുമാണ് നിലവിൽ ആന്റിവെനം സ്റ്റോക്കുള്ളത്. 

തലശ്ശേരി, കൂത്തുപറമ്പ് നിയമസഭ മണ്ഡലങ്ങളിലെ വോട്ടിംഗ് യന്ത്രം സൂക്ഷിച്ചിട്ടുള്ള തലശ്ശേരി ഗവ. ബ്രണ്ണൻ കോളേജിലെ സ്ടോങ്ങ് റൂം നിരീക്ഷിക്കുന്ന സി.സി ടിവി ഫൂട്ടേജുകൾ ശേഖരിക്കുന്ന ഹാർഡ് ഡിസ്‌ക് മെമ്മറി പൂർത്തിയായതിനാൽ മാറ്റി സ്ഥാപിച്ചു. 

*
 സർക്കാർ സ്ഥാപനമായ ഐ എച്ച് ആർ ഡിയുടെ കീഴിലുള്ള 44 അപ്ലൈഡ് സയൻസ് കോളേജുകളിലേയും കേരളത്തിലെ സർവ്വകലാശാലകൾക്ക് കീഴിലുള്ള എഴുപതോളം അഫലിയേറ്റഡ് ആർട്സ് ആൻഡ് സയൻസ് കോളേജുകളിലേയും വിദ്യാർത്ഥികൾക്ക് താത്പര്യത്തിനനുസരിച്ച് വിവിധ വിഷയങ്ങളിൽ ഇന്റേൺഷിപ്പിനായി അവസരം. നിർമ്മിത ബുദ്ധി, ഐ.ഒ.ടി, മെഷീൻ ലേണിംഗ്, മുതൽ കണ്ടന്റ് റൈറ്റിംഗ് എക്സിക്യൂട്ടീവ് കമ്മ്യൂണിക്കേഷൻ ഉൾപ്പെടെയുള്ള  കോഴ്സുകളിലായി 117 വിഷയങ്ങളിലാണ് ഇന്റേൺഷിപ്പ് നൽകുന്നത്. ഇന്റേൺഷിപ്പ് സംബന്ധിച്ച കൂടുതൽ വിവരങ്ങൾക്ക് 0471 2322985,2322501,2322035 എന്ന നമ്പറുകളിൽ ബന്ധപ്പെടുക.

അസാപ് കമ്മ്യൂണിറ്റി സ്കിൽ പാർക്കിൽ പവർ ഇലക്ട്രോണിക്സ് സർവീസ് ടെക്‌നീഷ്യൻ കോഴ്‌സിലേക്ക് അപേക്ഷ ക്ഷണിച്ചു. ഒബിസി വിഭാഗത്തിൽപ്പെടുന്നവർക്ക് പൂർണ്ണമായും സൗജന്യമായ ഈ പരിശീലനത്തിന് സ്റ്റൈപെൻഡ് ലഭ്യമാണ്. നാല് മാസം ദൈർഘ്യമുള്ള കോഴ്‌സിലേക്ക് ഐ.ടി.ഐ, ഡിപ്ലോമ, ബി.ടെക് (ഇലക്ട്രിക്കൽ / ഇ.സി.ഇ) യോഗ്യതയുള്ളവർക്ക് അപേക്ഷിക്കാം. വാർഷിക കുടുംബ വരുമാനം 2.5 ലക്ഷം രൂപ വരെ ഉള്ളവർക്കാണ് പ്രവേശനം.
 പരിശീലനത്തിനു ശേഷം പ്ലേസ്മെന്റ് സഹായവും ഉറപ്പുനൽകുന്നുണ്ട്.

താമരശ്ശേരി ചുരത്തിലെ ആറാം വളവിൽ നവീകരണ പ്രവർത്തനങ്ങൾ നടത്തുന്നതിനിടെ കൊക്കയിലേക്ക് മറിഞ്ഞ് അപകടത്തിൽപ്പെട്ട ഹിറ്റാച്ചി ക്രെയിൻ ഉപയോഗിച്ച് ഉയർത്തുന്നതിനാൽ ബുധനാഴ്ച (ഏപ്രിൽ 29) പകൽ സമയത്ത് ഭാരവാഹനങ്ങൾക്കും മൾട്ടി ആക്സിൽ വാഹനങ്ങൾക്കും ചുരത്തിൽ പൂർണ നിയന്ത്രണവും മറ്റ് വാഹനങ്ങൾക്ക് ഭാഗിക നിയന്ത്രണവും ഏർപ്പെടുത്തുമെന്ന് പൊതുമരാമത്ത് വകുപ്പ് അസിസ്റ്റന്റ് എഞ്ചിനീയർ അറിയിച്ചു.

*
കേരള സർക്കാർ സ്ഥാപനമായ ഇൻസ്റ്റിറ്റ്യൂട്ട് ഓഫ് ഹ്യൂമൻ റിസോഴ്സസ് ഡെവലപ്മെന്റിന്റെ നിയന്ത്രണത്തിലുള്ള ടെക്നിക്കൽ ഹയർ സെക്കൻ്ററി സ്ക്കൂളുകളിൽ 2026–27 അധ്യയന വർഷത്തേക്കുള്ള പ്ലസ് വൺ  പ്രവേശനത്തിന് അപേക്ഷ ക്ഷണിച്ചു. മെയ് 21 മുതൽ ജൂൺ അഞ്ചിന് വൈകിട്ട് അഞ്ചുവരെ thss.ihrd.ac.in എന്ന വെബ്സൈറ്റ് മുഖേന ഓൺലൈനായും, ജൂൺ ആറിന് വൈകീട്ട് അഞ്ച് മണിക്ക് മുമ്പായി ബന്ധപ്പെട്ട സ്കൂളുകളിൽ നേരിട്ടെത്തിയും അപേക്ഷ സമർപ്പിക്കാം. അപേക്ഷയോടൊപ്പം ആവശ്യമായ രേഖകളും രജിസ്ട്രേഷൻ ഫീസും സമർപ്പിക്കണം.
രജിസ്ട്രേഷൻ ഫീസ് പൊതുവിഭാഗത്തിന് 115 രൂപയും

കെ. കെ. എസ് ഗവ. ഐ ടി ഐ മാളയിൽ പ്രധാനമന്ത്രി സൂര്യ ഘർ മുഫ്ത്‌ ബിജിലി യോജന പദ്ധതിയുടെ ഭാഗമായി മെയ് ആദ്യവാരത്തിൽ നടത്തുന്ന റൂഫ് ടോപ് സോളാർ പിവി (ഇൻസ്റ്റലേഷനും മെയിൻറ്റിനൻസും) സൗജന്യ ഹ്രസ്വകാല കോഴ്സിലേക്ക് (എൻ  എസ് ക്യൂ എഫ് ലെവൽ മൂന്ന് ) പ്രവേശനത്തിന് അപേക്ഷ ക്ഷണിച്ചു. അഞ്ച് ദിവസം പരിശീലനവും രണ്ട് ദിവസം ഓൺ ദി ജോബ് ട്രെയിനിങ്ങും അടക്കം മൊത്തം ഏഴ് ദിവസമാണ് പരിശീലനം. ഇലക്ട്രിഷ്യൻ, ഇലക്ട്രോണിക‌് മെക്കാനിക് എന്നീ ട്രേഡുകളിൽ ഐടിഐ സർട്ടിഫിക്കറ്റ് ലഭിച്ചവർക്കും നിലവിൽ ഈ  ട്രേഡുകളിൽ  രണ്ടാം വർഷം പഠിച്ച് കൊണ്ടിരിക്കുന്ന ട്രെയിനികൾക്കും അപേക്ഷിക്കാം.
ഫോൺ: 9495242799, 9995121251, 0480 2893127

*
ഇരിങ്ങാലക്കുട കൂടൽമാണിക്യം ക്ഷേത്രോത്സവത്തോടനുബന്ധിച്ച് ആറാട്ടുദിവസമായ മെയ് എട്ടിന് ഇരിങ്ങാലക്കുട നഗരസഭാ പരിധിയിലെ സര്‍ക്കാര്‍ ഓഫീസുകള്‍ക്കും വിദ്യാഭ്യാസ സ്ഥാപനങ്ങള്‍ക്കും അങ്കണവാടികള്‍ക്കും ജില്ലാ കളക്ടര്‍ ശിഖ സുരേന്ദ്രൻ അവധി പ്രഖ്യാപിച്ചു. മുന്‍ നിശ്ചയിച്ച പൊതുപരീക്ഷകള്‍ക്കും കേന്ദ്ര-സംസ്ഥാന, അര്‍ദ്ധ സര്‍ക്കാര്‍ സ്ഥാപനങ്ങളിലേക്ക് നിയമനത്തിനായി നടത്തുന്ന പരീക്ഷകള്‍ക്കും അവധി ബാധകമല്ല.