*
 മുണ്ടത്തിക്കോട് വെടിക്കെട്ട് അപകടവുമായി ബന്ധപ്പെട്ട് സംഭവസ്ഥലത്തു നിന്ന് കണ്ടെത്തിയ ശരീരഭാഗങ്ങളുടെ ഡി എൻ എ പരിശോധനാഫലം ലഭിച്ചതിൻ്റെ തുടർച്ചയായി ഏപ്രിൽ 26 ന് സംസ്ഥാന ദുരന്ത നിവാരണ അതോറിറ്റി അടിയന്തര യോഗം ചേരുകയും വിഷയത്തിൽ മാർഗ നിർദേശങ്ങൾ അന്നു വൈകീട്ട് ഉത്തരവായി നൽകുകയും ചെയ്തു. ഇതിൻ്റെ അടിസ്ഥാനത്തിൽ ശരീരഭാഗങ്ങൾ ബന്ധുക്കൾക്ക് വിട്ടുനൽകുന്നത് സംബന്ധിച്ച് തീരുമാനമെടുക്കാൻ ജില്ലാ ദുരന്ത നിവാരണ അതോറിറ്റി 26 ന് രാത്രി 11.15 ന് അടിയന്തര യോഗം ചേർന്നു.

വയനാട് ജില്ലയിലെ വിവിധ ആരോഗ്യ സ്ഥാപനങ്ങളിലേക്ക് അഡ്‌ഹോക് വ്യവസ്ഥയില്‍ ഡോക്ടര്‍മാരെ നിയമിക്കുന്നതിന് അഭിമുഖം നടത്തുന്നു. എം.ബി.ബി.എസും ടി.സി.എം.സി രജിസ്‌ട്രേഷനുമാണ് യോഗ്യത. 179 ദിവസത്തേക്കാണ് നിയമനം. പ്രതിമാസം 60,410 രൂപ വേതനം ലഭിക്കും. താത്പര്യമുള്ളവര്‍ സര്‍ട്ടിഫിക്കറ്റുകളുടെ ഒറിജിനലും സ്വയം സാക്ഷ്യപ്പെടുത്തിയ പകര്‍പ്പും സഹിതം മെയ് അഞ്ചിന് രാവിലെ 10ന് ജില്ലാ മെഡിക്കല്‍ ഓഫീസില്‍ അഭിമുഖത്തിന് എത്തണം. ഫോണ്‍ - 04935 240390

വനിത ശിശു വികസന വകുപ്പിന്റെ മിഷന്‍ വാത്സല്യ - ജില്ലാ ശിശു സംരക്ഷണ യൂണിറ്റിന്റെ ഭാഗമായുള്ള ഓ.ആര്‍.സി പദ്ധതിയുടെ 2025-2026 അധ്യയന വര്‍ഷത്തെ വിവിധ പരിശീലന പരിപാടികളിലേക്ക് പരിശീലകരെ തെരഞ്ഞെടുക്കുന്നതിന് അപേക്ഷ ക്ഷണിച്ചു.

ഈ ഫോട്ടോയില്‍ കാണുന്ന ശ്രീമതി, 35 വയസ്സ്, D/O മുത്തു, ചേരുംകുളം പടിഞ്ഞാറേക്കുന്ന് വീട്, മണ്ണാര്‍ക്കാട് എന്നയാള്‍ 03/01/2026 ന്  വാടകയ്ക്ക് താമസിക്കുന്ന മലപ്പുറം കോഡൂരിലെ താണിക്കല്‍ നിന്നും പോയിട്ട് വാടക വീട്ടിലോ മണ്ണാര്‍ക്കാടുള്ള സ്വന്തം വീട്ടിലോ തിരിച്ചെത്തിയില്ല. അടയാള വിവരങ്ങള്‍- അഞ്ചടി ഉയരം, തടിച്ച ശരീരം, ഇരുനിറം. കണ്ടുകിട്ടുന്നവര്‍ താഴെപ്പറയുന്ന നമ്പറില്‍ വിവരം അറിയിക്കണം. മലപ്പുറം പോലീസ് സ്റ്റേഷന്‍: 0483 2734966, ഇന്‍സ്പെക്ടര്‍-9497987162, സബ് ഇന്‍സ്പെക്ടര്‍-9497980664.

മഞ്ചേരി ഗവ. മെഡിക്കല്‍ കോളെജിലെ ദന്ത (ഒ.എം.എഫ്.എസ്.), നേത്ര രോഗ ഓ.പി.കളില്‍ ഫയര്‍ ആന്റ് സേഫ്റ്റി വര്‍ക്കുകള്‍ നടക്കുന്നതിനാല്‍ നാളെ (ബുധന്‍) മുതല്‍ മെയ് നാല് വരെ പ്രവര്‍ത്തിക്കില്ലെന്ന് ആശുപത്രി സൂപ്രണ്ട് അറിയിച്ചു. ഫോണ്‍-0483-2766425.

ഐ.എച്ച്.ആര്‍.ഡി.യുടെ സംസ്ഥാനത്തുടനീളമുള്ള അപ്ലൈഡ് സയന്‍സസ് കോളെജുകളില്‍ നാലുവര്‍ഷ ബിരുദ വിദ്യാര്‍ഥികള്‍ക്ക് ഇന്റേണ്‍ഷിപ്പിന് അവസരം. നിര്‍മ്മിത ബുദ്ധി, ഐ.ഒ.ടി, മെഷീന്‍ ലേണിങ്, കണ്ടന്റ് റൈറ്റിങ്, എക്‌സിക്യൂട്ടീവ് കമ്മ്യൂണിക്കേഷന്‍ തുടങ്ങിയ 117 വിഷയങ്ങളില്‍ നൈപുണ്യ വികസനത്തിലൂന്നിയുള്ള ഇന്റേണ്‍ഷിപാണ് ലഭ്യമാകുക. രാജ്യത്തിനകത്തും പുറത്തുമുള്ള തൊഴിലുകളില്‍ പ്രാവീണ്യം നല്‍കുക എന്നതാണ് ഐ.എച്ച്.ആര്‍.ഡി. ഇന്റേണ്‍ഷിപിലൂടെ ലക്ഷ്യമാക്കുന്നത്. താത്പര്യമുള്ള നാലുവര്‍ഷ ബിരുദ വിദ്യാര്‍ഥികള്‍ സമീപത്തെ ഐ.എച്ച്.ആര്‍.ഡി.അപ്ലൈഡ് സയന്‍സസ് കോളെജില്‍ ബന്ധപ്പെടണം.

പാമ്പുകടി പരിചരണവും ചികിത്സയും സംബന്ധിച്ച ജില്ലാതല പരിശീലനം മലപ്പുറം സൂര്യ റീജന്‍സി കോണ്‍ഫറന്‍സ് ഹാളില്‍ ജില്ലാ മെഡിക്കല്‍ ഓഫീസര്‍ ഡോ. ടി.കെ. ജയന്തി. ഉദ്ഘാടനം ചെയ്തു. സമയോചിത ചികിത്സയിലൂടെയും ശാസ്ത്രീയ പരിചരണത്തിലൂടെയും പാമ്പുകടി മൂലമുള്ള മരണങ്ങളും വൈകല്യങ്ങളും കുറയ്ക്കാന്‍ കഴിയുമെന്ന് ഡി.എം.ഒ. ഉദ്ഘാടന പ്രസംഗത്തില്‍ പറഞ്ഞു. പാമ്പുകടിയേറ്റവരുടെ പ്രാഥമിക ശുശ്രൂഷ, ആന്റി സ്നേക് വെനം ഉപയോഗം, അടിയന്തരഘട്ടങ്ങള്‍ കൈകാര്യം ചെയ്യേണ്ട രീതി, വിഷബാധയുടെ ലക്ഷണങ്ങള്‍ തിരിച്ചറിയല്‍ എന്നീ വിഷയങ്ങള്‍ ഉള്‍കൊള്ളിച്ചുകൊണ്ടാണ് പരിശീലനം നടത്തിയത്.

നിയമസഭാ തെരഞ്ഞെടുപ്പിന്റെ വോട്ടെണ്ണല്‍ നടപടികള്‍ക്കായി നിയോഗിക്കപ്പെട്ട ഉദ്യോഗസ്ഥർക്ക് പരിശീലനം നല്‍കി. ജില്ലാ പ്ലാനിംഗ് സെക്രട്ടേറിയറ്റ് കോണ്‍ഫറന്‍സ് ഹാളില്‍ നടന്ന പരിശീലന പരിപാടിക്ക് എല്‍.എസ്.ജി.ഡി അസിസ്റ്റന്റ് ഡയറക്ടര്‍ കെ.എ. അബ്ദുല്‍ ഗഫൂര്‍ നേതൃത്വം നല്‍കി. വോട്ടെണ്ണല്‍ ദിവസം സ്വീകരിക്കേണ്ട നടപടിക്രമങ്ങള്‍, വോട്ടിങ് മെഷീനുകളുടെ സുരക്ഷ, കൃത്യത ഉറപ്പാക്കല്‍ തുടങ്ങിയ സാങ്കേതിക വശങ്ങള്‍ എന്നിവയിലായിരുന്നു പരിശീലനം.

കന്നുകുട്ടികള്‍ക്ക് 50 ശതമാനം സബ്‌സിഡി നിരക്കില്‍ കാലിത്തീറ്റ നല്‍കുന്ന പദ്ധതിയായ ഗോവര്‍ദ്ധിനിക്ക് ജില്ലയില്‍ തുടക്കമായി. അമ്പലവയല്‍ ക്ഷീരസംഘം ഹാളില്‍ നടന്ന പരിപാടിയില്‍  ജില്ലാ മൃഗസംരക്ഷണ ഓഫീസര്‍ ഡോ. സജി ജോസഫ് പദ്ധതി ഉദ്ഘാടനം ചെയ്തു. ജില്ലയിലാകെ 400 കന്നുകുട്ടികള്‍ക്ക് 12,500 രൂപ നിരക്കില്‍ ഈ പദ്ധതി പ്രകാരം സബ്സിഡി ലഭിക്കും. ഇതിലൂടെ കര്‍ഷകരുടെ ഉത്പാദന ചെലവില്‍ ഗണ്യമായ കുറവ് വരും.

ആലപ്പുഴ ജില്ലാ പൊലീസ് മേധാവിയുടെ അധീനതയിലുള്ളതും ജില്ലാ എ.ആർ ക്യാമ്പിൽ സൂക്ഷിച്ചിട്ടുള്ളതുമായ വകുപ്പുതല വാഹനങ്ങളുടെ ഉപയോഗ യോഗ്യമല്ലാത്ത സ്പെയർ പാർട്സ്, ഉപയോഗിച്ച ഓയിൽ എന്നിവയുടെ പുനർലേലം എം എസ് ടി സി പോർട്ടൽ മുഖേന ഏപ്രിൽ 30-ന് രാവിലെ 11 മണി മുതൽ വൈകിട്ട് 4:30 വരെ ഓൺലൈനായി നിർവഹിക്കപ്പെടുന്നു. ഫോൺ: 0477 2239326