ക്യാമ്പ് ഫോളോവർ കൂടിക്കാഴ്ച

കണ്ണൂർ മാങ്ങാട്ടുപറമ്പ് കെ.എ.പി നാലാം ബറ്റാലിയനിൽ ക്യാമ്പ് ഫോളോവർ തസ്തികയിൽ വിവിധ വിഭാഗങ്ങളിൽ നിലവിലുള്ള 66 താൽക്കാലിക ഒഴിവുകളിലേക്ക് ദിവസവേതന അടിസ്ഥാനത്തിൽ  ഉദ്യോഗാർഥികളെ തെരഞ്ഞെടുക്കുന്നതിനുള്ള കൂടിക്കാഴ്ച മെയ് 12 ന്  രാവിലെ 11 മണിക്ക് നടത്തുന്നു.
കുക്ക് (29), ധോബി (15). സ്വീപ്പർ.(9), ബാർബർ (7), വാട്ടർ ക്യാരിയർ (6) എന്നിങ്ങനെയാണ് ഒഴിവുകൾ. 
മുൻ പരിചയം ഉള്ളവർ അന്നേ ദിവസം രാവിലെ 10.30 ന്  മാങ്ങാട്ടുപറമ്പ  കെ.എ.പി നാലാം ബറ്റാലിയൻ ആസ്ഥാനത്ത് ബയോഡാറ്റ, ആധാർ കാർഡിൻറെ പകർപ്പ്, അപേക്ഷ എന്നിവ സഹിതം എത്തിച്ചേരേണ്ടതാണ്.

ഗുരുവായൂർ നഗരസഭയിലെ എസ് സി വിദ്യാർത്ഥികൾക്ക് ലാപ്ടോപ് വിതരണം ചെയ്തു. നഗരസഭ ഡെപ്യൂട്ടി ചെയർപേഴ്സൺ കെ.കെ ജ്യോതിരാജിന്റെ അദ്ധ്യക്ഷതയിൽ നഗരസഭ ചെയർപേഴ്സൺ സുനിത അവിന്ദൻ വിതരണോദ്ഘടനം നിർവഹിച്ചു. 2025-26 വർഷത്തെ ജനകീയാസൂത്രണ പദ്ധതി പ്രകാരം 9,70,000 രൂപ വകയിരുത്തിയാണ് സർക്കാർ അഫിലിയേഷനുള്ള കോളേജുകളിൽ ബിരുദ, ബിരുദാനന്തര, ഡിപ്ലോമ കോഴ്സുകളിൽ പഠിക്കുന്ന 20 വിദ്യാർത്ഥികൾക്ക് ലാപ്ടോപ് വിതരണം ചെയ്തത്.

കേരള ഇന്‍സ്റ്റിറ്റ്യൂട്ട് ഓഫ് ലേബര്‍ ആന്റ് എംപ്ലോയ്‌മെന്റിന്റെ അക്കാദമിക് ഡിവിഷനായ കിലെ ഐ.എ.എസ് അക്കാദമിയുടെ 2026 - 2027 വര്‍ഷത്തെ യു.പി.എസ്.സി പരിശീലനത്തിനുള്ള രജിസ്‌ട്രേഷന്‍ ആരംഭിച്ചു. യു.പി.എസ്.സിയുടെ സിവില്‍ സര്‍വ്വീസ് പരീക്ഷക്കായി വിദഗ്ധ ശിക്ഷണത്തില്‍ ആധുനിക സൗകര്യങ്ങളോടെ അക്കാദമിയിലെ അടുത്ത ബാച്ച് ജൂണ്‍ ആദ്യവാരമാണ് ആരംഭിക്കുന്നത്. ഒരു വര്‍ഷത്തെ റഗുലര്‍ ക്ലാസ്സ് റൂം ബാച്ച്, റഗുലര്‍ ഓണ്‍ലൈന്‍ ബാച്ച് എന്നിവയിലേക്കാണ് രജിസ്‌ട്രേഷന്‍ ആരംഭിച്ചത്. ക്ഷേമനിധി ബോര്‍ഡുകളില്‍ രജിസ്റ്റര്‍ ചെയ്തിട്ടുള്ള തൊഴിലാളികളുടെ ആശ്രിതര്‍ക്ക് അമ്പത് ശതമാനം സബ്‌സിഡി ഉണ്ടായിരിക്കും.

പട്ടികവർഗ്ഗ വികസന വകുപ്പിനു കീഴിൽ  മലക്കപ്പാറയിൽ പ്രവർത്തിക്കുന്ന ഒ.പി ക്ലിനിക്കിലേക്ക് മെഡിക്കൽ ഓഫീസർ, സ്റ്റാഫ് നഴ്‌സ്, ഫാർമസിസ്റ്റ്, അറ്റൻ്റർ, സ്വീപ്പർ എന്നീ തസ്തികകളിലേക്ക് കരാർ നിയമനത്തിന് അപേക്ഷ ക്ഷണിച്ചു . പി എസ് സി നിഷ്കർഷിക്കുന്ന നിശ്ചിത യോഗ്യതയുടെ അടിസ്ഥാനത്തിലാണ് നിയമനം.  നിശ്ചിത യോഗ്യതയും തൊഴിലിൽ മുൻപരിചയവുമുള്ള പട്ടികവർഗ്ഗക്കാർക്ക് മുൻഗണന നൽകും. അപേക്ഷകൾ ട്രൈബൽ ഡെവലപ്മെന്റ് ഓഫീസർ, മിനി സിവിൽ സ്റ്റേഷൻ ബിൽഡിംഗ് ഒന്നാംനില, ചാലക്കുടി - 680307 എന്ന വിലാസത്തിൽ മെയ് 25ന് മുൻപായി സമർപ്പിക്കുക. കൂടുതൽ വിവരങ്ങൾക്ക്: 04802706100.

ചേർത്തല താലൂക്കിൽ കോടംതുരുത്ത് വില്ലേജിൽ വരുന്ന പ്രദേശങ്ങളിലെ ഡിജിറ്റൽ സർവ്വേ കേരള സർവ്വേയും അതിരടയാളവും ആക്ട് 9(1) പ്രകാരം പൂർത്തിയാക്കിയിട്ടുണ്ട്. ഇപ്രകാരം തയ്യാറാക്കിയിട്ടുള്ള സർവ്വേ റെക്കോർഡുകൾ എന്റെ ഭൂമി പോർട്ടലിലും കോടംതുരുത്ത് വില്ലേജ് ഓഫീസിന് മുകളിൽ പ്രവർത്തിക്കുന്ന ഡിജിറ്റൽ സർവ്വേ ക്യാമ്പ് ഓഫീസിലും പ്രദർശിപ്പിച്ചിട്ടുണ്ട്. ഭൂവുടമസ്ഥർക്ക് http://entebhoomi.kerala.gov.in പോർട്ടൽ സന്ദർശിച്ച് തങ്ങളുടെ ഭൂമിയുടെ രേഖകൾ ഓൺലൈനായി പരിശോധിക്കാം.

പട്ടികജാതി വികസന വകുപ്പിന് കീഴിൽ മണ്ണന്തല അംബേദ്ക്കർ ഭവനിൻ പ്രവർത്തിക്കുന്ന ഇൻസ്റ്റിറ്റ്യൂട്ട് ഫോർ സിവിൽ സർവ്വീസ് എക്സാമിനേഷൻ ട്രെയിനിംഗ് സൊസൈറ്റി നടപ്പിലാക്കുന്ന ലക്ഷ്യ സ്കോളർഷിപ്പ് പദ്ധതിയിലേയ്ക്കും, പട്ടികജാതി പട്ടികവർഗ്ഗ വിഭാഗക്കാർക്കായി കേരള സ്റ്റേറ്റ് സിവിൽ സർവ്വീസ് അക്കാഡമിയുടെ കീഴിൽ സിവിൽ സർവ്വീസ് പരീക്ഷാ പരിശീലന പദ്ധതിയിലേയ്ക്കും അപേക്ഷകൾ ക്ഷണിച്ചു. അംഗീകൃത സർവ്വകലാശാലയിൽ നിന്നുമുള്ള ബിരുദമാണ് അപേക്ഷിക്കുന്നതിനുള്ള അടിസ്ഥാന യോഗ്യത.

പുതിയ അദ്ധ്യയന വർഷം (2026-27) സ്‌കൂൾ തുറക്കുന്നതിനോടനുബന്ധിച്ച് തൃശ്ശൂർ റീജിയണൽ ട്രാൻസ്പോർട്ട് ഓഫീസിന് കീഴിലുള്ള സ്‌കൂൾ ബസ്സുകളുടെ മൺസൂൺകാല ഫിറ്റ്നസ് പരിശോധന
നാളെ (13/05/2026) നടക്കും. നാളെ രാവിലെ 8.00 മണി മുതൽ അത്താണിയിലുള്ള ഡ്രൈവിംഗ് ടെസ്റ്റ് ഗ്രൗണ്ടിൽ വെച്ചാണ് പരിശോധന സംഘടിപ്പിക്കുന്നത്. എല്ലാ സ്‌കൂൾ അധികൃതരും അവരവരുടെ സ്‌കൂൾ ബസ്സുകൾ അന്നേ ദിവസം പരിശോധനയ്ക്കായി ഹാജരാക്കണമെന്ന് തൃശ്ശൂർ റീജിയണൽ ട്രാൻസ്പോർട്ട് ഓഫീസർ അറിയിച്ചു.

കുടുംബശ്രീ പദ്ധതികളുടെ ബ്ലോക്ക് തല നിർവഹണത്തിന് കോ-ഓർഡിനേറ്റർമാരുടെ  ഒഴിവിലേക്ക് അപേക്ഷ ക്ഷണിച്ചു. ഒരു വർഷത്തേക്ക് കരാറടിസ്ഥാനത്തിലാണ് നിയമനം. കുടുംബശ്രീ അംഗമോ, അവരുടെ കുടുംബാംഗമോ, ഓക്‌സിലറി അംഗമോ ആയവർക്ക് അപേക്ഷിക്കാം. പ്രായം 35 വയസിൽ താഴെയായിരിക്കണം. ബ്ലോക്ക് കോ-ഓർഡിനേറ്റർ (എസ്.ഐ.എസ്.ഡി-ഡി.ഡി.യു.ജി.കെ.വൈ- ബി.സി1) തസ്തികയിൽ നിലവിൽ നാല് ഒഴിവുണ്ട്. ബിരുദാനന്തര ബിരുദമാണ് യോഗ്യത. ബ്ലോക്ക് കോ-ഓർഡിനേറ്റർ (ഫാം ലൈവ്ലിഹുഡ്- ബി.സി2) തസ്തികയിൽ ഒരൊഴിവാണ് നിലവിലുള്ളത്. യോഗ്യത: വിച്ച് എസ് ഇ(അഗ്രി).

ഗർഭാശയഗള കാൻസറിനെ പ്രതിരോധിക്കുന്നതിന് 14 വയസ്സ് പൂർത്തിയായ പെൺകുട്ടികൾക്ക് സർക്കാർ ആരോഗ്യകേന്ദ്രങ്ങളിലൂടെ  നൽകുന്ന എച്ച് പി വി വാക്സിൻ മെയ് 31 വരെ ലഭ്യമാകും. പൊതു വിപണിയിൽ 4000 രൂപവരെ വിലവരുന്ന വാക്സിനാണ് തികച്ചും സൗജന്യമായി ലഭ്യമാക്കുന്നത്.

വിദേശരാജ്യങ്ങളിലും ഇന്ത്യയിൽ സ്വകാര്യ മേഖലയിലും സുരക്ഷിതമായി നൽകിവരുന്ന വാക്സിൻ ഫെബ്രുവരി 28 മുതൽ സർക്കാർ ആശുപത്രികളിലൂടെ സൗജന്യമായി ലഭ്യമാക്കുന്നുണ്ട്.

ജില്ലയിൽ ഇതുവരെ 6363 പെൺകുട്ടികൾ വാക്സിൻ സ്വീകരിച്ചിട്ടുണ്ട്. സംസ്ഥാനതലത്തിൽ 76417 പെൺകുട്ടികൾക്കും വാക്സിൻ ലഭ്യമാക്കിയിട്ടുണ്ട്. 

 വിയ്യൂർ സെൻട്രൽ പ്രിസൺ ആൻഡ് കറക്ഷൻ ഹോമിലെ പന്നി ഫാമിൽ  വളർച്ച എത്തിയ പന്നികളെ പരസ്യമായി ലേലം ചെയ്യും.  വാങ്ങാൻ താത്പര്യമുള്ളവർ മെയ് 14ന്  രാവിലെ 11 മണിക്ക് വിയ്യൂർ സെൻട്രൽ ആൻഡ് കളക്ഷൻ ഹോമിൽ നടത്തുന്ന പരസ്യ ലേലത്തിൽ പങ്കെടുക്കുക. കൂടുതൽ വിവരങ്ങൾക്ക് ഫോൺ :9020599991.