താനൂര്‍ സി.എച്ച്.എം.കെ.എം. ഗവ ആര്‍ട്സ് ആന്‍ഡ് സയന്‍സ് കോളേജില്‍ 2026-27 അധ്യയന വര്‍ഷത്തേക്ക്  വിവിധ വിഷയങ്ങളില്‍ അതിഥി അധ്യാപകരെ നിയമിക്കുന്നു. ബന്ധപ്പെട്ട വിഷയങ്ങളില്‍ യു.ജി.സി നിഷ്‌കര്‍ഷിക്കുന്ന യോഗ്യതയുള്ള (നെറ്റ്/പി.എച്ച്.ഡി) കോഴിക്കോട് കോളേജ് വിദ്യാഭ്യസ ഉപ ഡയറക്ടറേറ്റില്‍ പേര് രജിസ്റ്റര്‍ ചെയ്തിട്ടുള്ള ഉദ്യോഗാര്‍ത്ഥികള്‍ അസ്സല്‍ പ്രമാണങ്ങളുമായി കോളേജില്‍ നേരിട്ട് അഭിമുഖത്തിന് ഹാജരാകണം.

ഒതുക്കുങ്ങല്‍ ഗവ. ഹയര്‍ സെക്കന്‍ഡറി സ്‌കൂളില്‍ ഹയര്‍ സെക്കന്‍ഡറി വിഭാഗം തസ്തികകളിലേക്ക് ദിവസ വേതനാടിസ്ഥാനത്തില്‍ നിയമനം നടത്തുന്നു. യോഗ്യരായ ഉദ്യോഗാര്‍ഥികള്‍ അസല്‍ സര്‍ട്ടിഫിക്കറ്റുകളുമായി മെയ് 20ന് ഓഫീസില്‍ അഭിമുഖത്തിന് ഹാജരാകണം. രാവിലെ 9.30ന് ഇംഗ്ലീഷ്, കൊമേഴ്‌സ്, ഹിസ്റ്ററി, ഇക്കണോമിക്സ്, സോഷ്യോളജി, ഉച്ചയ്ക്ക് ഒന്നിന് അറബിക്, പൊളിറ്റിക്കല്‍ സയന്‍സ്, കംപ്യൂട്ടര്‍ അപ്ലിക്കേഷന്‍, ബോട്ടണി എന്നിങ്ങനെയാണ് അഭിമുഖം നടക്കുക. ഫോണ്‍-0483 2839492, 9447429969.

​വിമുക്തഭടൻമാർക്ക് അപേക്ഷിക്കാം

ശ്രീ കൊട്ടിയൂർ മഹാക്ഷേത്രത്തിൽ വൈശാഖ മഹോത്സവകാലത്ത് ഭക്തജനങ്ങൾക്ക് സുരക്ഷ ഒരുക്കുന്നതിനും തിരക്ക് നിയന്ത്രിക്കുന്നതിനുമായി വിമുക്തഭടൻമാരിൽ നിന്ന് അപേക്ഷ ക്ഷണിച്ചു. ഹിന്ദു ക്ഷേത്ര വിശ്വാസികളായ 55 വയസ്സിൽ താഴെ പ്രായമുള്ള താൽപര്യമുള്ള വിമുക്തഭടൻമാർക്ക് അ​പേക്ഷിക്കാം. ജില്ലാ സൈനികക്ഷേമ ഓഫീസിൽ രജിസ്റ്റർ ചെയ്ത എംപ്ലോയ്‌മെന്റ് കാർഡിന്റെ പകർപ്പും വിമുക്തഭട തിരിച്ചറിയിൽ കാർഡിന്റെ പകർപ്പും സഹിതം അപേക്ഷ മെയ് 15 വൈകീട്ട് അഞ്ച് മണിക്കകം ജില്ലാ സൈനിക ക്ഷേമ ഓഫീസിൽ സമർപ്പിക്കുക.

സി.എൻ.സി കോഴ്‌സുകൾ

ഓമാനൂര്‍ ഗവ. വൊക്കേഷണല്‍ ഹയര്‍സെക്കന്‍ഡറി സ്‌കൂളിലെ ഹയര്‍സെക്കന്‍ഡറി വിഭാഗത്തില്‍ ഇംഗ്ലീഷ്, ഇക്കണോമിക്സ്, അറബിക്, സോഷ്യോളജി, ഹിസ്റ്ററി, പൊളിറ്റിക്കല്‍ സയന്‍സ് എന്നീ വിഷയങ്ങള്‍ക്ക് ദിവസവേതനാടിസ്ഥാനത്തില്‍ അധ്യാപകരെ നിയമിക്കുന്നു. യോഗ്യരായവര്‍ അസല്‍ സര്‍ട്ടിഫിക്കറ്റുകളുമായി അഭിമുഖത്തിന് മെയ് 23ന് രാവിലെ 9.30ന് സ്‌കൂള്‍ ഓഫീസില്‍ ഹാജരാകണം. ഫോണ്‍- 9895955634.

ഏറനാട് താലൂക്കിലെ മേല്‍മുറി വില്ലേജില്‍ ബ്ലോക്ക് 22 ല്‍, റീ-സര്‍വ്വെ നമ്പറുകള്‍ 1012/99, 1012/98, 1012/81 എന്നിവയില്‍പ്പെട്ട 1.7283 ഹെക്ടര്‍ സ്ഥലത്ത് ആരംഭിക്കാനിരിക്കുന്ന ഗ്രാനൈറ്റ് ക്വാറി പദ്ധതിയ്ക്ക് പരിസ്ഥിതി അനുമതി ലഭ്യമാക്കുന്നതിന്റെ ഭാഗമായി പൊതുജന തെളിവെടുപ്പ് ജൂണ്‍ 10ന് രാവിലെ 10.30ന് മലപ്പുറം മുനിസിപ്പല്‍ ബസ് സ്റ്റാന്‍ഡ് ഓഡിറ്റോറിയത്തില്‍ നടക്കും.

മത്സ്യഫെഡ് മത്സ്യത്തൊഴിലാളികള്‍ക്കുവേണ്ടി നടപ്പിലാക്കുന്ന മത്സ്യത്തൊഴിലാളി അപകട  ഇന്‍ഷുറന്‍സ് പദ്ധതിയില്‍  18നും 70നുമിടയില്‍ പ്രായമുളള   മത്സ്യത്തൊഴിലാളികള്‍ക്ക് അംഗങ്ങളാകാം. അപകട മരണം  സംഭവിച്ചാല്‍  അനന്തരാവകാശികള്‍ക്ക്  10 ലക്ഷം രൂപയും അപകടം മൂലം പൂര്‍ണ്ണമായ  അംഗവൈകല്യം സംഭവിച്ചാല്‍  10 ലക്ഷം രൂപ വരെയും ഇന്‍ഷുറന്‍സ് ആനുകൂല്യം ലഭിക്കും.

മഞ്ചേരി മെഡിക്കല്‍ കോളേജ് ആശുപത്രിയില്‍ മെയ് 13 മുതല്‍ ജൂണ്‍ എട്ടുവരെ ഫയര്‍ & സേഫ്റ്റി പ്രവര്‍ത്തനങ്ങള്‍ നടക്കുന്നതിനാല്‍ ആശുപത്രിയിലെ അത്യാഹിത വിഭാഗം, അതിനോടനുബന്ധിച്ചുള്ള പ്രൊസീജിയര്‍ റൂം, ഇ.സി.ജി.റൂം, പുരുഷ-വനിത ഒബ്‌സര്‍വേഷന്‍ വാര്‍ഡുകള്‍, പീഡിയാട്രിക് കാഷ്വാല്‍റ്റി  എന്നിവിടങ്ങളില്‍ രോഗികള്‍ക്ക് നിയന്ത്രണം ഏര്‍പ്പെടുത്തി.

ഗര്‍ഭസ്ഥ ശിശുക്കളുടെ ലിംഗനിര്‍ണ്ണയം തടയുന്നതിനുള്ള പി.സി.പി.എന്‍.ഡി.ടി ആക്ട് നടപ്പിലാക്കുന്നതിന്റെ ഭാഗമായി ജില്ലാതല ഉപദേശക സമിതി യോഗം ചേര്‍ന്നു. ജില്ലയിലെ സ്‌കാനിംഗ് സെന്ററുകളുടെ പ്രവര്‍ത്തനം വിലയിരുത്തിയ യോഗത്തില്‍ പുതുതായി 11 സ്ഥാപനങ്ങള്‍ക്ക് പ്രവര്‍ത്തനാനുമതി നല്‍കാനും നാലു സ്ഥാപനങ്ങളുടെ രജിസ്ട്രേഷന്‍ പുതുക്കി നല്‍കാനും തീരുമാനിച്ചു. ജില്ലാ മെഡിക്കല്‍ ഓഫീസറുടെ ചേംബറില്‍ ഡി.എം.ഒ ഇന്‍ ചാര്‍ജ് ഡോ. എ. ഷിബുലാലിന്റെ അധ്യക്ഷതയിലായിരുന്നു യോഗം.

കേരള സംസ്ഥാന ഹജ്ജ് കമ്മിറ്റി മുഖേന ഈ വർഷത്തെ ഹജ്ജ് തീർത്ഥാടത്തിന് കാലിക്കറ്റ് എമ്പാർക്കേഷൻ പോയിന്റിൽ നിന്നും സൗദി അറേബ്യയിലേക്ക് യാത്രയാകുന്ന തീർത്ഥാടകരുടെ യാത്ര സൗകര്യങ്ങളും മുന്നൊരുക്കങ്ങളുടെ പുരോഗതിയും ചർച്ച ചെയ്യുന്നതിനായി എയർപോർട്ട് ഡയറക്ടർ മുകേഷ് യാദവിന്റെ അധ്യക്ഷതയിൽ കാലിക്കറ്റ് എയർപോർട്ട് കോൺഫറൻസ് ഹാളിൽ വിവിധ എയർപോർട്ട് ഏജൻസികളുടെയും യോഗം ചേർന്നു .  

തിരുവന്തപുരം, കോഴിക്കോട് ഗവൺമെന്റ് ഹോമിയോ മെഡിക്കൽ കോളേജുകളിൽ  സർട്ടിഫിക്കറ്റ് കോഴ്‌സ് ഇൻ ഫാർമസി (ഹോമിയോപ്പതി) 2026 കോഴ്‌സിലേയ്ക്കുള്ള പ്രവേശനത്തിന് അപേക്ഷ സമർപ്പിച്ചവരുടെ പ്രൊവിഷണൽ റാങ്ക് ലിസ്റ്റ്