തൃശ്ശൂർ കോർപ്പറേഷൻ്റെ 2026 - 2027 വാർഷിക പദ്ധതിയായ പാലിയേറ്റീവ് കെയർ പദ്ധതിയുടെ ഭാഗമായി തൃശ്ശൂർ കോർപ്പറേഷനിലെ ഒല്ലൂർ സാമൂഹിക ആരോഗ്യ കേന്ദ്രത്തിൽ ഹോം കെയർ നടത്തുന്നതിന് ആവശ്യമായ വാഹന സൗകര്യം ലഭ്യമാക്കുന്നതിന് യോഗ്യരായ വ്യക്തികളിൽ നിന്നും ക്വട്ടേഷൻ ക്ഷണിച്ചു. പ്രൈമറി ഒന്ന്, പ്രൈമറി രണ്ട്, സെക്കൻ്ററി എന്നീ മൂന്ന് ഹോം കെയർ പരിപാടിക്കായി അഞ്ച് സീറ്റ് വാഹനം ഓരോന്നു വീതം ആവശ്യമുണ്ട്. ക്വട്ടേഷൻ ഉറപ്പിക്കുന്ന ദിവസം മുതൽ 2027 മാർച്ച് 31 വരെയുള്ള കാലയളവിലേക്കാണ് വാഹനം ലഭ്യമാക്കേണ്ടത്.

2026-27 വർഷത്തെ ട്രോൾബാൻ കാലയളവിൽ ജില്ലയിൽ കടൽ രക്ഷാ പ്രവർത്തനത്തിനും പട്രോളിംഗിനുമായി ദിവസവേതനാടിസ്ഥാനത്തിൽ താത്കാലിക ലൈഫ് ഗാർഡ്/റെസ്ക്യൂ ഗാർഡുമാരെ നിയമിക്കുന്നു. മെയ് 14 വ്യാഴാഴ്ച രാവിലെ 10.30ന് ഫിഷറീസ് അസിസ്റ്റൻ്റ് ഡയറക്ടർ, ഫിഷറീസ് സ്റ്റേഷൻ അഴീക്കോട് ഓഫീസിൽ വെച്ച് വാക്ക്-ഇൻ ഇന്റർവ്യൂ നടക്കും. കേരള മത്സ്യത്തൊഴിലാളി ക്ഷേമനിധി ബോർഡിൽ അംഗത്വമുള്ള മത്സ്യത്തൊഴിലാളികളായ 20 നും 60 നും ഇടയിൽ പ്രായമുള്ളവർക്ക് അപേക്ഷിക്കാം. അപേക്ഷകർക്ക് നീന്തൽ അറിഞ്ഞിരിക്കണം (കടൽ).

പെരുമ്പാവൂർ ടിമ്പർ സെയിൽസ് ഡിവിഷന് കീഴിൽ വരുന്ന, ചാലക്കുടി ഗവ. ടിമ്പർ ഡിപ്പോയിൽ വീട്ടാവശ്യങ്ങൾക്ക് മാത്രമായി നടത്തുന്ന തേക്ക് തടികളുടെ ചില്ലറ വിൽപ്പന മെയ് 20ന് രാവിലെ 10 മണിക്ക് ആരംഭിക്കും. II,III  എന്നീ ക്ലാസ്സുകളിൽ പെട്ടതും 65 വർഷത്തിലേറെ പ്രായമുളളതുമായ മികച്ചയിനം തേക്ക് തടികളാണ് ചില്ലറ വിൽപ്പനയ്ക്ക് വച്ചിരിക്കുന്നത്. ഒരു ഉപഭോക്താവിന് 5 ക്യൂബിക് മീറ്റർ വരെ തടി ലഭിക്കുന്നതാണ്. സ്വന്തം വീടുപണിക്ക് ആണെന്ന് തെളിയിക്കുന്ന രേഖകൾ ഉപഭോക്താവ് ഹാജരാക്കണം.

നാഷണൽ ആയുഷ് മിഷൻ വഴി ഭാരതീയ ചികിത്സാ വകപ്പിന് കീഴിലുള്ള സ്ഥാപനങ്ങളിലേക്കും വിവിധ പദ്ധതികളിലേക്കുമായി തെറാപിസ്റ്റ് മെയിൽ, തെറാപിസ്റ്റ് ഫീമെയിൽ, തെറാപ്പി അസിസ്സ്റ്റൻ്റ് ( മെയിൽ ആൻഡ് ഫീ മെയിൽ), മൾട്ടിപർപ്പസ് ഹെൽത്ത് വർക്കർ എന്നീ തസ്തികകളിൽ താത്ക്കാലിക നിയമനം നടത്തും.  ഇതിനായി വാക്ക്-ഇൻ-ഇൻർവ്യൂവും, സർട്ടിഫിക്കറ്റുകളുടെ വെരിഫിക്കേഷനും തൃശ്ശൂർ രാമവർമ്മ ജില്ലാ ആയുർവേദ ആശുപത്രിയിൽ പ്രവർത്തിക്കുന്ന നാഷ‌ണൽ ആയുഷ് മിഷൻ ജില്ലാ പ്രോഗ്രാം മാനേജരുടെ ഓഫീസിൽ മെയ് 14 രാവിലെ 9.30 ന് നടക്കും.

സംസ്ഥാന വിനോദസഞ്ചാരവകുപ്പിന് കീഴിൽ പ്രവർത്തിക്കുന്ന പൂത്തോളിലെ ഫുഡ് ക്രാഫ്റ്റ് ഇൻസ്റ്റിറ്റ്യൂട്ട് വീട്ടമ്മമാർക്കും സ്വയം തൊഴിൽ അന്വേഷിക്കുന്നവർക്കുമായി ഹ്രസ്വകാല പരിശീലന കോഴ്‌സുകൾ ആരംഭിക്കുന്നു. മെയ് മാസത്തിലാണ് പരിശീലനം നടക്കുക. ബേക്കറി ആൻഡ് കൺഫക്ഷണറി, കുക്കറി, ഫുഡ് പ്രിസർവേഷൻ, കറി പൗഡർ / മസാല നിർമ്മാണം തുടങ്ങിയ വിഷയങ്ങളിൽ അഞ്ച് ദിവസം വീതമാണ് ക്ലാസുകൾ സംഘടിപ്പിക്കുന്നത്. കൂടുതൽ വിവരങ്ങൾക്ക് ഫോൺ: 0487 2384253, 9447610223
 

വനിത, ശിശു വികസന വകുപ്പിന്റെ കീഴിൽ തൃശ്ശൂർ രാമവർമപുരത്ത് പ്രവർത്തിച്ചു വരുന്ന ഗവ. ചിൽഡ്രൻസ് ഹോം, ഒബ്സർവേഷൻ ഹോം, പ്ലെയ്‌സ് ഓഫ് സേഫ്റ്റി എന്നീ സ്ഥാപനത്തിലേക്ക് ദിവസവേതനാടിസ്ഥാനത്തിൽ താത്‌കാലികമായി കെയർടെക്കർ, കുക്ക്, വാച്ച്‌മാൻ എന്നീ തസ്‌തികകളിലേക്ക് നിയമനം നടത്തുന്നതിനായി യോഗ്യരായ ഉദ്യോഗാർത്ഥികളെ കണ്ടെത്തുന്നതിനായി മെയ് 23 ന് രവിലെ 11 മണിക്ക് തൃശ്ശൂർ രാമവർമ പുരത്ത് പ്രവർത്തിക്കുന്ന ഗവ. ചിൽഡ്രൻസ് - ഹോമിൽ ഇന്റർവ്യൂ നടത്തും. താത്പര്യമുള്ള ഉദ്യോഗാർത്ഥികൾക്ക് യോഗ്യത തെളിയിക്കുന്ന അസൽ രേഖകളുമായി അഭിമുഖത്തിൽ പങ്കെടുക്കാം.

വനിത, ശിശു വികസന വകുപ്പിന്റെ കീഴിൽ തൃശ്ശൂർ രാമവർമപുരത്ത് പ്രവർത്തിച്ചു വരുന്ന ഗവ. ചിൽഡ്രൻസ് ഹോം, ഒബ്സർവേഷൻ ഹോം, പ്ലെയ്‌സ് ഓഫ് സേഫ്റ്റി എന്നീ സ്ഥാപനത്തിലേക്ക് ദിവസവേതനാടിസ്ഥാനത്തിൽ താത്‌കാലികമായി കെയർടെക്കർ, കുക്ക്, വാച്ച്‌മാൻ എന്നീ തസ്‌തികകളിലേക്ക് നിയമനം നടത്തുന്നതിനായി യോഗ്യരായ ഉദ്യോഗാർത്ഥികളെ കണ്ടെത്തുന്നതിനായി മെയ് 23 ന് രവിലെ 11 മണിക്ക് തൃശ്ശൂർ രാമവർമ പുരത്ത് പ്രവർത്തിക്കുന്ന ഗവ. ചിൽഡ്രൻസ് - ഹോമിൽ ഇന്റർവ്യൂ നടത്തും. താത്പര്യമുള്ള ഉദ്യോഗാർത്ഥികൾക്ക് യോഗ്യത തെളിയിക്കുന്ന അസൽ രേഖകളുമായി അഭിമുഖത്തിൽ പങ്കെടുക്കാം.